Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32016R1929

Regolament ta' Implimentazzjoni tal-Kummissjoni (UE) 2016/1929 tal-4 ta' Novembru 2016 li japprova l-Bacillus thuringiensis sottospeċi kurstaki, serotip 3a3b, tar-razza ABTS-351 bħala sustanza attiva għall-użu fi prodotti bijoċidali għat-tip ta' prodott 18 (Test b'rilevanza għaż-ŻEE )

C/2016/6937

ĠU L 299, 5.11.2016, p. 26–28 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2016/1929/oj

Date of document:
04/11/2016; Data ta' adozzjoni
Date of effect:
25/11/2016; Dħul fis-seħħ Data tal-pubblikazzjoni +20 Ara Art. 2
Date of end of validity:
No end date
Author:
Il-Kummissjoni Ewropea
Form:
Regolament implimentattiv
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Instruments cited:
Link

5.11.2016   

MT

Il-Ġurnal Uffiċjali tal-Unjoni Ewropea

L 299/26

REGOLAMENT TA' IMPLIMENTAZZJONI TAL-KUMMISSJONI (UE) 2016/1929

tal-4 ta' Novembru 2016

li japprova l-Bacillus thuringiensis sottospeċi kurstaki, serotip 3a3b, tar-razza ABTS-351 bħala sustanza attiva għall-użu fi prodotti bijoċidali għat-tip ta' prodott 18

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta' Mejju 2012 dwar it-tqegħid fis-suq u l-użu tal-prodotti bijoċidali (1), u b'mod partikolari l-Artikolu 90(2) tiegħu,

Billi:

(1)

Fit-30 ta' Jannar 2013, Franza irċeviet applikazzjoni, skont l-Artikolu 11(1) tad-Direttiva 98/8/KE tal-Parlament Ewropew u tal-Kunsill (2), għall-inklużjoni tas-sustanza attiva Bacillus thuringiensis sottospeċi kurstaki, serotip 3a3b, tar-razza ABTS-351, fl-Anness I ta' dik id-Direttiva għall-użu fi prodotti tat-tip ta' prodott 18, insettiċidi, akariċidi, u prodotti sabiex jikkontrollaw antropodi oħra, kif iddefinit fl-Anness V ta' dik id-Direttiva, li jikkorrispondi għat-tip ta' prodott 18, kif iddefinit fl-Anness V tar-Regolament (UE) Nru 528/2012.

(2)

Fid-29 ta' Mejju 2015, f'konformità mal-Artikolu 90(2) tar-Regolament (UE) Nru 528/2012, Franza ressqet rapport ta' valutazzjoni, flimkien mar-rakkomandazzjonijiet tagħha.

(3)

L-opinjoni tal-Aġenzija Ewropea għas-Sustanzi Kimiċi ġiet ifformulata fis-16 ta' Frar 2016 mill-Kumitat dwar il-Prodotti Bijoċidali, fid-dawl tal-konklużjonijiet tal-awtorità kompetenti tal-evalwazzjoni.

(4)

Skont dik l-opinjoni, il-prodotti bijoċidali tal-kategorija tat-tip ta' prodott 18 u li fihom Bacillus thuringiensis sottospeċi kurstaki, serotip 3a3b, tar-razza ABTS-351, jistgħu jkunu mistennija li jissodisfaw il-kriterji tal-Artikolu 19(1)(b) tar-Regolament (UE) Nru 528/2012, dment li jkun hemm konformità ma' ċerti speċifikazzjonijiet u kundizzjonijiet li jikkonċernaw l-użu tagħhom.

(5)

Għalhekk, huwa xieraq li s-sustanza Bacillus thuringiensis sottospeċi kurstaki, serotip 3a3b, tar-razza ABTS-351 tiġi approvata għall-użu fi prodotti bijoċidali għat-tip ta' prodott 18, soġġett għall-konformità ma' ċerti speċifikazzjonijiet u kundizzjonijiet.

(6)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali,

ADOTTAT DAN IR-REGOLAMENT:

Artikolu 1

Il-Bacillus thuringiensis sottospeċi kurstaki, serotip 3a3b, tar-razza ABTS-351 hija approvata bħala sustanza attiva għall-użu fi prodotti bijoċidali tat-tip ta' prodott 18, soġġett għall-ispeċifikazzjonijiet u l-kundizzjonijiet stabbiliti fl-Anness.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-4 ta' Novembru 2016.

Għall-Kummissjoni

Il-President

Jean-Claude JUNCKER

(1)  ĠU L 167, 27.6.2012, p. 1.

(2)  Id-Direttiva 98/8/KE tal-Parlament Ewropew u tal-Kunsill tas-16 ta' Frar 1998 dwar it-tqegħid fis-suq tal-prodotti bijoċidali (ĠU L 123, 24.4.1998, p. 1).

ANNESS

Isem Komuni

Isem tal-IUPAC

Numri tal-Identifikazzjoni

Grad minimu ta' purità tas-sustanza attiva (1)

Data ta' approvazzjoni

Data tal-iskadenza tal-approvazzjoni

Tip ta' prodott

Kundizzjonijiet speċifiċi

Bacillus thuringiensis sottospeċi kurstaki serotip 3A3b, tar-razza ABTS-351

Mhux applikabbli

L-ebda impurità rilevanti

fl-1 ta' Marzu 2017.

fit-28 ta' Frar 2027.

18

L-awtorizzazzjonijiet tal-prodotti bijoċidali huma soġġetti għall-kundizzjonijiet li ġejjin:

1.

Fil-valutazzjoni tal-prodott għandha tingħata attenzjoni partikolari għall-esponimenti, ir-riskji u l-effikaċja marbuta ma' kull użu kopert mill-applikazzjoni għall-awtorizzazzjoni, iżda li mhuwiex indirizzat fil-valutazzjoni tar-riskju fil-livell tal-Unjoni tas-sustanza attiva.

2.

Fid-dawl tar-riskji identifikati għall-użu vvalutati, fil-valutazzjoni tal-prodott għandha tingħata attenzjoni partikolari lil:

(a)

utenti professjonali;

(b)

popolazzjoni ġenerali esposta għal titjir tal-isprej;

(c)

kompartimenti tal-ħamrija meta l-prodott jiġi applikat qabel preċipitazzjoni tax-xita.

(1)  Il-purità indikata f'din il-kolonna kienet il-grad minimu ta' purità tas-sustanza attiva evalwata skont l-Artikolu 90(2) tar-Regolament (UE) Nru 528/2012. Is-sustanza attiva fil-prodott imqiegħed fis-suq tista' tkun ta' purezza ugwali jew differenti, jekk tkun ġiet ippruvata teknikament ekwivalenti għas-sustanza attiva evalwata.

Top