EUR-Lex Acesso ao direito da União Europeia
Este documento é um excerto do sítio EUR-Lex
Documento 32016R1618
Commission Regulation (EU) 2016/1618 of 8 September 2016 amending Regulation (EC) No 2003/2003 of the European Parliament and of the Council relating to fertilisers for the purposes of adapting Annexes I and IV (Text with EEA relevance)
Regolament tal-Kummissjoni (UE) 2016/1618 tat-8 ta' Settembru 2016 li jemenda r-Regolament (KE) Nru 2003/2003 tal-Parlament Ewropew u tal-Kunsill fir-rigward tal-fertilizzanti bl-iskop li jiġu adattati l-Annessi I u IV (Test b'rilevanza għaż-ŻEE)
Regolament tal-Kummissjoni (UE) 2016/1618 tat-8 ta' Settembru 2016 li jemenda r-Regolament (KE) Nru 2003/2003 tal-Parlament Ewropew u tal-Kunsill fir-rigward tal-fertilizzanti bl-iskop li jiġu adattati l-Annessi I u IV (Test b'rilevanza għaż-ŻEE)
C/2016/5647
ĠU L 242, 9.9.2016, p. 24—27
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Já não está em vigor, Data do termo de validade: 15/07/2022; Impliċitament imħassar minn 32019R1009
Relação | Ato | Comentário | Subdivisão em causa | De | a |
---|---|---|---|---|---|
alteração | 32003R2003 | Żieda | anness I SECTION E.3.1 TABL Test | 29/09/2016 | |
alteração | 32003R2003 | Żieda | anness I SECTION E.3.2 TABL Test | 29/09/2016 | |
alteração | 32003R2003 | Żieda | anness IV SECTION B Test | 29/09/2016 | |
alteração | 32003R2003 | Sostituzzjoni | anness I SECTION F.2 TABL Test | 29/09/2016 | |
alteração | 32003R2003 | Sostituzzjoni | anness IV SECTION B Test | 29/09/2016 |
Relação | Ato | Comentário | Subdivisão em causa | De | a |
---|---|---|---|---|---|
revogado implicitamente por | 32019R1009 | 16/07/2022 |
9.9.2016 |
MT |
Il-Ġurnal Uffiċjali tal-Unjoni Ewropea |
L 242/24 |
REGOLAMENT TAL-KUMMISSJONI (UE) 2016/1618
tat-8 ta' Settembru 2016
li jemenda r-Regolament (KE) Nru 2003/2003 tal-Parlament Ewropew u tal-Kunsill fir-rigward tal-fertilizzanti bl-iskop li jiġu adattati l-Annessi I u IV
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 2003/2003 tal-Parlament Ewropew u tal-Kunsill tat-13 ta' Ottubru 2003 dwar il-fertilizzanti (1), u b'mod partikolari il-paragrafi 1 u 3 tal-Artikolu 31 u l-Artikolu 29(4) tiegħu,
Billi:
(1) |
Tressqu talbiet skont l-Artikolu 31(2) tar-Regolament (KE) Nru 2003/2003, għall-inklużjoni ta' għadd ta' fertilizzanti fl-Anness I ta' dak ir-Regolament. |
(2) |
[S,S]-aċidu etilendiamminadisuċċiniku (minn hawn 'il quddiem “[S,S]-EDDS” — [S,S]-Ethylenediaminedisuccinic acid) huwa aġent organiku kelanti għall-mikronutrittivi. Il-ħadid ikkelat ma' [S,S]-EDDS jintuża biex jagħmel tajjeb għall-iskarsezza ta' ħadid u biex jirrimedja l-klorożi ferriku fi pjanti ornamentali u f'lawns tat-terf dekorattivi. Dan jiddegrada malajr u b'hekk joħloq xi problemi żgħar ta' lissija mill-ħamrija tal-wiċċ għall-ilma ta' taħt l-art, huwa kompletament mineralizzat u ma jurix tossiċità fl-ilma u għall-mammiferi. |
(3) |
L-aċidu ettaglukoniku (minn hawn 'il quddiem “HGA” — heptagluconic acid) huwa aġent organiku komplessanti għall-fertilizzanti mikronutrijenti. L-HGA huwa effettiv, bijodegradabbli, juri stabbiltà tajba fuq firxa wiesgħa ta' valuri pH u solubbiltà għolja fl-ilma. L-HGA ġie awtorizzat għal bosta snin fi Spanja mingħajr l-ebda rapport ta' ħsara għall-ambjent jew għas-saħħa tal-bniedem. |
(4) |
Il-manifatturi tal-[S,S]-EDDS u tal-HGA ppreżentaw talbiet lill-Kummissjoni, permezz tal-awtoritajiet tal-Ġermanja u ta' Spanja, biex jinkludu dawk is-sustanzi fil-lista ta' aġenti organiċi kelanti u komplessanti awtorizzati fl-Anness I tar-Regolament (KE) Nru 2003/2003 biex jagħmlu l-[S,S]-EDDS u l-HGA disponibbli għall-bdiewa madwar l-Unjoni kollha. L-[S,S]-EDDS u l-HGA, kif speċifikati fl-Anness I ta' dan ir-Regolament, jissodisfaw ir-rekwiżiti stipulati fl-Artikolu 14 tar-Regolament (KE) Nru 2003/2003. Għaldaqstant għandhom jiżdiedu mal-lista ta' aġenti organiċi kelanti u komplessanti awtorizzati fl-Anness I ta' dak ir-Regolament. |
(5) |
Billi hemm disponibbli metodi analitiċi għad-determinazzjoni tal-[S,S]-EDDS u tal-HGA, dawk il-metodi għandhom jiġu speċifikati fl-Anness IV tar-Regolament (KE) Nru 2003/2003, bl-iskop li jiffaċilitaw il-kontrolli li l-Istati Membri jeżerċitaw skont l-Artikolu 29 ta' dak ir-Regolament. Is-sottotitolu li jiddeskrivi l-Metodi 11 għandu jirrifletti l-fatt li l-HGA huwa aġent komplessanti. |
(6) |
It-taħlita tar-reazzjoni bejn N-butil tijofosforiku triammid u N-propil tijofosforiku triammid ġiet introdotta fl-Anness I tar-Regolament (KE) Nru 2003/2003 bir-Regolament tal-Kummissjoni (UE) Nru 1257/2014 (2). Riċerka reċenti wriet li mhi mistennija l-ebda differenza sinifikanti fit-tnaqqis ta' emissjonijiet tal-ammonja minħabba l-użu jew tat-taħlita tar-reazzjoni jew tat-taħlita sempliċi taż-żewġ sustanzi. Għaldaqstant, l-entrata għandha tiġi emendata biex tippermetti lill-produtturi ta' tali taħlita jagħżlu waħda minn dawn il-metodi ta' produzzjoni. |
(7) |
Ir-Regolament (KE) Nru 2003/2003 għandu għalhekk jiġi emendat skont dan. |
(8) |
Biex jiġi żgurat li l-metodu analitiku tal-[S,S] EDDS, li bħalissa qed jiġi vvalidat, ikun ippubblikat mill-Kumitat Ewropew għall-Istandardizzazzjoni, għandu jiġi previst perjodu ta' żmien raġonevoli qabel l-inklużjoni tal-[S,S] EDDS fl-Anness I tar-Regolament (KE) Nru 2003/2003 u jibda japplika l-metodu analitiku l-ġdid għal dan it-tip ta' fertilizzant fl-Anness IV. |
(9) |
Il-miżuri stipulati f'dan ir-Regolament huma skont l-opinjoni tal-Kumitat stabbilit bl-Artikolu 32 tar-Regolament (KE) Nru 2003/2003, |
ADOTTAT DAN IR-REGOLAMENT:
Artikolu 1
Emendi
Ir-Regolament (KE) Nru 2003/2003 huwa emendat kif ġej:
1. |
L-Anness I huwa emendat skont l-Anness I ta' dan ir-Regolament. |
2. |
L-Anness IV huwa emendat skont l-Anness II ta' dan ir-Regolament. |
Artikolu 2
Dħul fis-seħħ
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Madankollu, il-punt (1) tal-Anness I u l-punt (2) tal-Anness II għandhom japplikaw mill-1 ta' Lulju 2017.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta' Settembru 2016.
Għall-Kummissjoni
Il-President
Jean-Claude JUNCKER
(1) ĠU L 304, 21.11.2003, p. 1.
(2) Ir-Regolament tal-Kummissjoni (UE) Nru 1257/2014 tal-24 ta' Novembru 2014 li jemenda r-Regolament (KE) Nru 2003/2003 tal-Parlament Ewropew u tal-Kunsill fir-rigward tal-fertilizzanti bl-iskop li jiġu adattati l-Annessi I u IV (ĠU L 337, 25.11.2014, p. 53).
ANNESS I
L-Anness I tar-Regolament (KE) Nru 2003/2003 huwa emendat kif ġej:
1. |
Fit-tabella tat-Taqsima E.3.1, tiżdied l-entrata li ġejja:
|
2. |
Fit-tabella tat-Taqsima E.3.2, tiżdied l-entrata li ġejja:
|
3. |
Fit-Tabella tat-Taqsima F.2, l-entrata 3 tinbidel b'dan li ġej:
|
(1) It-tolleranza tal-porzjon tal-NPPT: 20 %.”
ANNESS II
L-Anness IV tar-Regolament (KE) Nru 2003/2003 huwa emendat kif ġej:
1. |
Fit-Taqsima B, taħt l-intestatura “Metodi 11”, is-sottotitlu “Aġenti kelanti” jinbidel b'“Aġenti kelanti u komplessanti”. |
2. |
Fit-Taqsima B, jiżdied il-Metodu 11.9 li ġej: “Kalkolu ta' [S,S]-EDDS EN 13368-3 Parti 3: Fertilizzanti — Kalkolu ta' aġenti kelanti fil-fertilizzanti mill-kromatografija: Kalkolu ta' [S,S]-EDDS minn kromatografija ta' pari joniċi Dan il-metodu ta' analiżi sarlu r-ringtest.” |
3. |
Fit-Taqsima B, jiżdied il-Metodu 11.10 li ġej: “Kalkolu tal-HGA EN 16847: Fertilizzanti — Kalkolu tal-aġenti komplessanti fil-fertilizzanti — Identifikazzjoni tal-aċidu ettaglukoniku permezz tal-kromatografija Dan il-metodu ta' analiżi sarlu r-ringtest.” |