(1)

Il-Kummissjoni rċeviet talba skond l-Artikolu 13(3) tar-Regolament bażiku sabiex tinvestiga l-elużjoni possibbli tal-miżuri ta' l-antidumping imposti fuq importazzjnijiet ta' ċerti sistemi ta' elettrodu tal-grafita li joriġinaw fl-Indja.

(2)

It-talba tressqet fil-15 ta' Jannar 2007 mill-Assoċjazzjoni Ewropea tal-Karbonju u l-Grafita (AEKG) f'isem il-produtturi tal-Komunità ta' ċerti sistemi ta' l-elettrodu tal-grafita.

(3)

Il-prodott ikkonċernat mill-elużjoni possibbli huwa elettrodi tal-grafita tat-tip użat għall-ifran elettriċi, b'densità apparenti ta' 1,65 g/cm3 jew aktar u b'reżistenza elettrika ta' 6,0 μΩ.m jew anqas, li jaqgħu fi ħdan il-kodiċi NM ex 8545 11 00 (kodiċi Taric 8545 11 00 10) u protuberanzi użati għal dawn l-elettrodi, li jaqgħu fi ħdan il-kodiċi NM ex 8545 90 90 (kodiċi Taric 8545 90 90 10) kemm jekk importati flimkien kif ukoll separatament, li joriġinaw fl-Indja (’il-prodott ikkonċernat’). Dawn il-kodiċi qed jingħataw biss għall-informazzjoni.

(4)

Il-prodott li qed jiġi investigat huwa vireg ta' grafita artifiċjali b'dijametru ta' 75 mm jew aktar li joriġinaw fl-Indja (’il-prodott li qed jiġi investigat’), normalment iddikjarati taħt il-kodiċi NM ex 3801 10 00 (kodiċi TARIC 3801 10 00 10). Din il-kodiċi qed tingħata biss għall-informazzjoni. Il-prodott li qed jiġi investigat huwa prodott intermedjarju fil-manifattura tal-prodott ikkonċernat, u diġà jinkorpora l-karatteristiċi bażiċi ta' dan il-prodott ta' l-aħħar.

(5)

Il-miżuri fis-seħħ bħalissa u li possibilment qegħdin jiġu elużi huma l-miżuri ta' l-antidumping imposti bir-Regoament tal-Kunsill (KE) Nru 1629/2004 (2)

(6)

It-talba fiha biżżejjed evidenza prima facie li l-miżuri ta' l-antidumping fuq importazzjonijiet tal-prodott ikkonċernat qegħdin jiġu elużi permezz ta' importazzjonijiet tal-prodott li qed jiġi investigat.

(7)

L-evidenza ppreżentata hija kif ġejja:

(8)

Fid-dawl ta’ dan imsemmi hawn fuq, il-Kummissjoni kkonkludiet li teżisti biżżejjed evidenza biex tiġġustifika l-ftuħ ta’ investigazzjoni skond l-Artikolu 13 tar-Regolament bażiku u li tagħmel l-importazzjoni tal-prodott li qed jiġi investigat soġġetta għal reġistrazzjoni skond l-Artikolu 14(5) tar-Regolament bażiku.

(9)

Sabiex tikseb it-tagħrif li hija tqis bħala meħtieġ għall-investigazzjoni tagħha, il-Kummissjoni għandha tibgħat kwestjonarju lill-esportaturi/produtturi u lill-assoċjazzjonijiet ta' esportaturi/produtturi fl-Indja, lill-importaturi u lill-assoċjazzjonijiet ta' importaturi fil-Komunità li kkooperaw fl-investigazzjoni li wasslet għall-miżuri attwali u lill-awtoritajiet ta' l-Indja. It-tagħrif, kif xieraq, jista' jintalab ukoll mill-industrija Komunitarja.

(10)

Fi kwalunkwe każ, il-partijiet kollha interessati għandhom jikkuntattjaw lill-Kummissjoni minnufih, iżda mhux iktar tard mil-limitu ta' żmien stipulat fl-Artikolu 3 ta' dan ir-Regolament sabiex isir magħruf jekk humiex elenkati fit-talba, u, jekk meħtieġ, titlob kwestjonarju fil-limitu ta' żmien stipulat fl-Artikolu 3(1) ta' dan ir-Regolament, fid-dawl li l-limitu ta' żmien stipulat fl-Artikolu 3(2) ta' dan ir-Regolament japplika għall-partijiet interessati kollha.

(11)

L-awtoritajiet ta' l-Indja għandhom jiġu nnotifikati dwar il-bidu ta' l-investigazzjoni u għandhom jingħataw kopja tat-talba.

(12)

Il-partijiet interessati kollha huma permezz ta' dan imsemmi hawnhekk mistiedna biex jgħarrfu l-osservazzjonijiet tagħhom bil-miktub u biex jipprovdu evidenza ta' sostenn. Iktar minn hekk, il-Kummissjoni tista' tisma' partjiet interessati, sakemm dawn jagħmlu talba bil-miktub u juru li jeżistu raġunijiet partikolari għaliex għandhom jinstemgħu.

(13)

Skond l-Artikolu 13(4) tar-Regolament bażiku, importazzjonijiet tal-prodott li qed jiġi investigat jistgħu jkunu eżentati mir-reġistrazzjoni jew il-miżuri jekk importazzjoni bħal din ma tikkostitwixxix elużjoni.

(14)

Minħabba li l-allegata elużjoni ssir ġewwa l-Komunità, jistgħu jingħataw eżenzjonijiet, skond l-Artikolu 13(4) tar-Regolament bażiku, lil importaturi tal-prodott li qed jiġi investigat li jistgħu juru li huma mhumiex relatati mal-produtturi soġġetti għall-miżuri. Produtturi li jixtiequ jiksbu eżenżjoni għandhom iressqu talba b'sostenn xieraq ta' evidenza fil-limitu ta' żmien indikat fl-Artikolu 3(3) ta' dan ir-Regolament.

(15)

Skond l-Artikolu 14(5) tar-Regolament bażiku, l-importazzjonijiet tal-prodott li qed jiġu investigati għandhom ikunu soġġetti għal reġistrazzjoni sabiex jiġi żgurat li, jekk l-investigazzjoni tirriżulta f'sejbiet li kien hemm elużjoni, dazji ta' l-antidumping ta' ammont xieraq jistgħu jiġu intaxxati b’mod retroattiv mid-data tar-reġistrazzjoni ta’ dawn l-importazzjonijiet mill-Indja.

(16)

Fl-interess ta' amministrazzjoni sana, għandhom jiġu stabbiliti limiti ta' żmien li fihom:

(17)

Qed tinġibed l-attenzjoni għall-fatt li l-eżerċizzju ta' ħafna mid-drittijiet proċedurali stipulati fir-Regolament bażiku jiddependu fuq il-parti billi din tippreżenta lilha nnifisha fi ħdan il-limitu ta’ żmien imsemmi fl-Artikolu 3 ta’ dan ir-Regolament.

(18)

F’każijiet fejn parti interessata tirrifjuta l-aċċess jew ma tipprovdix it-tagħrif meħtieġ fil-limiti ta’ żmien, jew b’mod sinifikanti tfixkel l-investigazzjoni, is-sejbiet proviżorji jew finali, pożittivi jew negattivi, jistgħu jsiru skond l-Artikolu 18 tar-Regolament bażiku, fuq il-bażi tal-fatti disponibbli.

(19)

Fejn jinstab li parti interessata tkun forniet tagħrif falz jew qarrieqi, it-tagħrif għandu jitwarrab u jista' jsir użu mill-fatti disponibbli. Jekk parti interessata ma tikkooperax jew tikkoopera biss parzjalment, u r-riżultati huma għalhekk ibbażati fuq fatti disponibbli skond l-Artikolu 18 tar-Regolament bażiku, ir-riżultat jista' jkun anqas favorevoli għal dik il-parti milli kieku kkooperat.