This document is an excerpt from the EUR-Lex website
Document 32007D0182
2007/182/EC: Commission Decision of 19 March 2007 on a survey for chronic wasting disease in cervids (notified under document number C(2007) 860) (Text with EEA relevance)
Deċiżjoni tal-Kummissjoni tad- 19 ta' Marzu 2007 dwar stħarriġ għall-marda ta' tnewwin kroniku fiċ-ċriev (notifikat bid-dokument numru C(2007) 860) Test b'rilevanza għaż-ŻEE
Deċiżjoni tal-Kummissjoni tad- 19 ta' Marzu 2007 dwar stħarriġ għall-marda ta' tnewwin kroniku fiċ-ċriev (notifikat bid-dokument numru C(2007) 860) Test b'rilevanza għaż-ŻEE
ĠU L 84, 24.3.2007, p. 37–43
(BG, ES, CS, DA, DE, ET, EL, EN, FR, IT, LV, LT, HU, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
ĠU L 219M, 24.8.2007, p. 373–379
(MT)
No longer in force, Date of end of validity: 19/11/2017; Imħassar b' 32017R1972
Relation | Act | Comment | Subdivision concerned | From | To |
---|---|---|---|---|---|
Modified by | 32008D0661 | Żieda | artikolu 4.2 | ||
Modified by | 32008D0661 | Sostituzzjoni | artikolu 3.2 | ||
Repealed by | 32017R1972 | 20/11/2017 |
24.8.2007 |
MT |
Il-Ġurnal Uffiċjali ta’ l-Unjoni Ewropea |
373 |
DEĊIŻJONI TAL-KUMMISSJONI
tad-19 ta' Marzu 2007
dwar stħarriġ għall-marda ta' tnewwin kroniku fiċ-ċriev
(notifikat bid-dokument numru C(2007) 860)
(Test b'rilevanza għaż-ŻEE)
(2007/182/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta' Mejju 2001 li jistabblixxi regoli għall-prevenzjoni, il-kontroll u l-qerda ta' ċerti enċefalopatiji sponġiformi kontaġġjużi (1), u b'mod partikolari l-Artikolu 6(1) tiegħu,
Billi:
(1) |
Il-marda ta' tnewwin kroniku hija enċefalopatija sponġiformi kontaġġjuża (transmissible spongiform encephalopathy TSE) u li taffettwa ċ-ċriev u li hi mifruxa ma' l-Amerika ta' Fuq iżda li s'issa ma ġiet irrappurtata qatt fil-Komunità. |
(2) |
Fit-3 ta' Ġunju 2004, l-Awtorità Ewropea għas-Siġurtà ta' l-Ikel (European Food Safety Authority EFSA) ippubblikat opinjoni li rrakkomandat li għandha sseħħ sorveljanza mmirata taċ-ċriev fil-Komunità. L-għan ta' din is-sorveljanza jkun li tinstab il-preżenza possibbli tat-TSEs fiċ-ċriev. Skond dan, għandu jiġi pprovdut sabiex l-Istati Membri jwettqu stħarriġ bi qbil ma' din l-opinjoni. |
(3) |
Ir-Regolament (KE) Nru 999/2001 jistabbilixxi r-regoli għall-prevenzjoni, il-kontroll u l-eradikazzjoni tat-TSEs fl-annimali. Dan ir-Regolament, kif emendat bir-Regolament (KE) Nru 1923/2006 jistabbilixxi dispożizzjonijiet għall-programmi ta' monitoraġġ għat-TSEs fiċ-ċriev. Skond dan, issa huwa possibbli li jsiru dispożizzjonijiet għal stħarriġ għat-TSEs fiċ-ċriev li jrid jitwettaq mill-Istati Membri f'din id-Deċiżjoni. |
(4) |
Dan l-istħarriġ għandu jinkludi l-ispeċijiet ta' ċriev slavaġ u dawk tat-trobbija. Peress li ċ-ċerv salvaġġ għandu jintgħażel f'kampjuni l-aktar matul l-istaġun tal-kaċċa li għandu skadenza limitata, sabiex l-Istati Membri jkollhom biżżejjed ħin jiksbu l-għadd immirat ta' kampjuni, din id-Deċiżjoni għandha għalhekk tapplika wara l-adozzjoni tar-Regolament (KE) Nru 1923/2006 li jemenda r-Regolament (KE) Nru 999/2001. |
(5) |
L-Istati Membri għandhom jibagħtu rapport annwali dwar ir-riżultati ta' dan l-istħarriġ fiċ-ċriev. Is-sejba pożittiva tat-TSE fiċ-ċriev għandha tkun irrappurtata minnufih lill-Kummissjoni. |
(6) |
L-Istati Membri għandhom jiżguraw li ċ-ċriev ittestjati għat-TSEs ma jidħlux fil-katina kummerċjali ta' l-ikel sakemm jinkiseb riżultat negattiv. |
(7) |
Il-miżuri previsti f'din id-Deċiżjoni jaqblu ma' l-opinjoni tal-Kumitat Permanenti dwar il-Katina Alimentari u Saħħet l-Annimali, |
ADOTTAT DIN ID-DEĊIŻJONI:
Artikolu 1
Ambitu
Din id-Deċiżjoni tistabbilixxi r-regoli għal stħarriġ biex tinstab il-preżenza tal-marda ta' tnewwin kroniku (CWD) f'annimali tal-familja taċ-ċriev, jiġifieri ċ-ċriev (“l-isħarriġ”).
Artikolu 2
Definizzjonijiet
Għall-finijiet ta' din id-Deċiżjoni d-definizzjonijiet li hemm imniżżla fl-Anness I għandhom japplikaw.
Artikolu 3
L-ambitu tar-rapport
1. L-Istati Membri għandhom iwettqu stħarriġ biex tinstab il-preżenza tas-CWD fiċ-ċriev skond ir-rekwiżiti minimi fl-Anness II.
2. L-Istati Membri għandhom itemmu l-istħarriġ tagħhom sa mhux aktar tard minn tmiem l-istaġun tal-kaċċa ta' l-2007.
Artikolu 4
Il-miżuri li jridu jittieħdu mill-Istati Membri wara l-ittestjar għas-CWD
L-Istati Membri għandhom jieħdu l-miżuri stabbiliti fl-Anness III wara l-ittestjar għas-CWD.
Artikolu 5
Rapporti li għandhom ikunu pprovduti lill-Kummissjoni mill-Istati Membri
L-Istati Membri għandhom jibagħtu lill-Kummissjoni r-rapporti li ġejjin:
(a) |
rapport minnufih wara s-sejba pożittiva jew mhux konklużiva ta' enċefalopatija sponġiformi kontaġġjuża f'xi ċerv; |
(b) |
rapport annwali tar-riżultati ta' l-istħarriġiet kif stabbilit fl-Anness IV. |
Artikolu 6
Sommarju tar-rapporti mill-Kummissjoni lill-Istati Membri
Il-Kummissjoni għandha tippreżenta lill-Istati Membri sommarju tar-rapporti kif stabbilit fl-Artikolu 5.
Artikolu 7
Destinatarji
Din id-Deċiżjoni hija indirizzata lill-Istati Membri.
Magħmul fi Brussell, 19 ta' Marzu 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 147, 31.5.2001, p. 1. Ir-Regolament kif emendat l-aħħar bir-Regolament (KE) Nru 1923/2006 (ĠU L 404, 30.12.2006, p. 1).
ANNESS I
Definizzjonijiet
Għar-raġunijiet ta' din id-Deċiżjoni, id-definizzjonijiet li ġejjin għandhom japplikaw:
(a) |
“l-ispeċi mmirati” tfisser iċ-ċerv aħmar salvaġġ u tat-trobbija (Cervus elaphus) u/jew iċ-ċerv b'denbu abjad salvaġġ (Odocoileus virginianus); |
(b) |
“l-Istati Membri mmirati” tfisser dawk l-Istati Membri li għandhom biżżejjed popolazzjonijiet ta' speċi immirati li jippermettu li jinkisbu daqsijiet ta' kampjuni meħtieġa għall-istatistika; huma differenti minn xulxin skond l-ispeċi immirati u skond jekk humiex speċi immirati slavaġ jew tat-trobbija u hemm lista tagħhom fit-tabelli 1 u 2 fl-Anness II; |
(ċ) |
“ċriev kliniċi/morda” tfisser ċriev li juru sinjali ta' mġiba anormali u/jew disturb fil-moviment u/jew b'mod ġenerali f'kundizzjoni ħażina; |
(d) |
“ċriev korruti jew maqtula bit-traffiku” tfisser ċriev milquta minn vetturi fuq it-triq li għalihom il-kondizzjoni ante-mortem ma tistax tiġi aċċertata; |
(e) |
“ċriev mejtin/maqtula” tfisser ċriev misjuba mejta fir-razzett jew fil-beraħ u ċriev tat-trobbija maqtula għal raġunijiet ta' saħħa/età; |
(f) |
“ċriev imbiċċra f'saħħithom” tfisser ċriev f'saħħithom tat-trobbija maqtula fil-biċċerija jew fir-razzett; |
(g) |
“ċriev f'saħħithom maqtula b'tir” tfisser ċriev slavaġ u f'saħħithom maqtula b'tir matul l-istaġun tal-kaċċa. |
(h) |
“gruppi mmirati” tfisser iċ-ċriev iddefiniti fil-punti (c) sa (g). |
ANNESS II
Rekwiżiti minimi għal stħarriġ biex tinstab il-preżenza tal-marda ta' tnewwin kroniku fiċ-ċriev
1. Teħid ta' kampjuni mill-Istati Membri mmirati ta' l-ispeċi mmirati.
(a) |
L-Istati Membri mmirati għandhom jieħdu kampjuni għall-ittestjar tal-marda ta' tnewwin kroniku (CWD) skond it-tabella 1 għall-popolazzjoni tagħhom ta' ċriev slavaġ ħomor u ċriev ta' denbhom abjad u t-tabella 2 għall-popolazzjoni tagħhom ta' ċriev ħomor tat-trobbija. Dawn il-kampjuni jistgħu jittieħdu mill-gruppi kollha mmirati fl-Istati Membri mmirati. |
(b) |
L-awtorità kompetenti ta' l-Istati Membri mmirati għandhom jikkunsidraw il-kriterji li ġejjin huma u jiddeċiedu dwar it-teħid ta' kampjuni tal-kampjuni magħżula għall-ispeċijiet immirati:
|
(ċ) |
L-awtorità kompetenti ta' l-Istati Membri mmirati għandha tikkunsidra dawn il-fatturi ta' riskju potenzjali, meta jkunu preżenti, hi u tiddeċiedi dwar it-teħid ta' kampjuni tal-kampjuni magħżula għall-ispeċi mmirati:
|
(d) |
L-awtorità kompetenti ta' l-Istati Membri mmirati għandha tieħu kampjuni każwali biex tagħżel l-ispeċijiet immirati għall-kampjuni. |
2. It-teħid ta' kampjuni għas-CWD fl-ispeċijiet kollha taċ-ċriev mill-Istati Membri kollha.
L-Istati Membri kollha għandhom jieħdu kampjuni għas-CWD minn ċriev kliniċi/morda u ċriev mejta/maqtula, bħala prijorità, kif ukoll minn ċriev korruti jew maqtula mit-traffiku ta' l-ispeċijiet kollha taċ-ċriev. L-awtorità kompetenti ta' l-Istati Membri għandha tagħmel l-almu tagħha biex tkabbar kemm jista' jkun l-għarfien dwar dawn iċ-ċriev u tiżgura li kemm jista' jkun dawn iċ-ċriev jiġu ttestjati għas-CWD
Tabella 1
Ċriev Ħomor Slavaġ (Cervus elaphus ), u Ċriev ta' Denbhom Abjad (Odocoileus virginianus)
|
Popolazzjoni ta' l-ispeċi mmirati |
Daqs tal-kampjun |
Ir-Repubblika Ċeka |
25 000 |
598 |
Il-Ġermanja |
150 000 |
598 |
Spanja |
220 000 sa 290 000 |
598 |
Franza |
100 000 |
598 |
L-Italja |
44 000 |
598 |
Il-Latvja |
28 000 |
598 |
L-Ungerija |
74 000 |
598 |
L-Awstrija |
150 000 |
598 |
Il-Polonja |
600 000 |
598 |
Is-Slovakkja |
38 260 |
598 |
Il-Finlandja |
30 000 |
598 |
Ir-Renju Unit |
382 500 |
598 |
Tabella 2
Ċriev ħomor tat-trobbija (Cervus elaphus elaphus)
|
Popolazzjoni ta' l-ispeċijiet immirati |
Daqs tal-kampjun |
Ir-Repubblika Ċeka |
> 9 000 |
576 |
Il-Ġermanja |
11 500 |
598 |
Franza |
17 000 |
598 |
L-Irlanda |
10 000 |
581 |
L-Awstrija |
10 000 |
581 |
Ir-Renju Unit |
28 000 |
598 |
3. Teħid ta' kampjuni u ttestjar fil-laboratorju
Kampjun ta' obex għandu jinġabar u jiġi ttestjat għal kull ċerv fil-kampjuni msemmija fil-punti 1 u 2 ta' dan l-Anness. Ta' l-inqas porzjon minn kull kampjun għandu jinżamm frisk jew iffriżat sakemm jinkiseb riżultat negattiv, f'każ li tinħtieġ analiżi bijoloġika.
L-awtorità kompetenti ta' l-Istati Membri għandha tirreferi għall-punt 3 tal-Kapitolu C ta' l-Anness X tar-Regolament KE (Nru) 999/2001 għall-gwida dwar metodi u protokolli.
Testijiet rapidi kif imsemmija fil-punt 4 tal-Kapitolu C ta' l-Anness X tar-Regolament KE (Nru) 999/2001 użati fis-sejba għall-enċefalopatija sponġiformi kontaġġuża (TSE) fl-obex ta' annimali bovini jew annimali żgħar li jixtarru għandhom jitqiesu xierqa għall-użu fit-teħid ta' kampjuni msemmi fil-punti 1 u 2 ta' dan l-Anness. L-Istati Membri jistgħu wkoll jużaw l-immunoistokimika għal skopijiet ta' skrining u għal dan il-għan għandhom jissodisfaw test tal-profiċjenza mil-Laboratorju ta' Referenza tal-Komunità. Fejn Stat Membru ma jistax jikkonferma riżultat pożittiv ta' test rapidu, għandu jibgħat kampjun xieraq ta' tissue lis-CRL għal konferma. Fil-każ ta' sejbiet pożittivi tat-TSE, il-protokoll kif stipulat fi 3.2, (c)(i) u (ii) tal-Kapitolu C ta' l-Anness X tar-Regolament KE (Nru) 999/2001 għandu japplika.
4. Ġenotipar
Il-ġenotip tal-proteina prion għandu jiġi ddeterminat għal kull sejba pożittiva ta' TSE fiċ-ċriev skond il-linjigwida tal-Laboratorju ta' Referenza tal-Komunità għat-TSEs.
ANNESS III
Miżuri għal wara l-ittestjar taċ-ċriev
1. |
Fejn ċerv intiż biex jitqiegħed fis-suq għall-konsum mill-bniedem jintgħażel għall-ittestjar għas-CWD, l-Istati Membri għandhom jiżguraw it-traċċjabilità ta' din il-karkassa u jiżguraw li ma tinħariġx għall-bejgħ kummerċjali sakemm jinkiseb riżultat negattiv mit-test rapidu. |
2. |
Safejn huwa possibbli, u kullmeta japplika l-punt 1, il-kaċċatur, sid l-annimal jew il-bidwi, fejn huwa magħruf, għandu jkun infurmat meta jintbagħtu l-kampjuni għall-ittestjar għas-CWD u r-riżultati ta' test pożittiv rapidu għandhom jiġu kkomunikati kemm jista' jkun malajr b'mezzi awtorizzati. |
3. |
L-Istati Membri għandhom jirriżervaw id-dritt li jżommu xi materjal għal skopijiet ulterjuri ta' dijanjożi jew riċerka sakemm jinkiseb riżultat negattiv mit-test rapidu għas-CWD. |
4. |
Safejn ikun possibbli, għajr għall-materjal li jrid jinżamm għal skopijiet ulterjuri ta' dijanjożi jew riċerka, il-biċċiet kollha tal-ġisem ta' ċerv li jinstab pożittiv għat-test rapidu, inkluża l-ġilda, għandhom jintremew direttament b'konformità ma' l-Artikoli 4(2)(a), (b) jew (e) tar-Regolament (KE) Nru 1774/2002 (1). |
ANNESS IV
Rekwiżiti ta' rappurtaġġ u reġistrazzjoni
1. Rekwiżiti fuq l-Istati Membri
Tagħrif li jrid jiġi ppreżentat mill-Istati Membri fir-rapport annwali tagħhom dwar ir-riżultati ta' l-istħarriġ għas-CWD.
(a) |
L-għadd ta' kampjuni ta' ċriev mibgħuta għall-ittestjar, skond il-grupp immirat, skond il-kriterji li ġejjin:
|
(b) |
Ir-riżultati tat-testijiet rapidi u ta' konferma (l-għadd ta' testijiet pożittivi u negattivi) u, fejn ikun applikabbli, tat-testing diskriminatorju, it-tissue kampjun u t-test rapidu u t-teknika ta' konferma użata. |
(ċ) |
L-inħawi ġeografiċi, inkluż il-pajjiż ta' oriġini, jekk mhux dak ta' l-Istat Membru li jkun qed jibgħat ir-rapport, tal-każijiet pożittivi tat-TSE. |
(d) |
Il-ġenotip, u l-ispeċi, ta' kull ċerv misjub pożittiv għat-TSE. |
2. Perjodi ta' rappurtaġġ
Ir-riżultati tat-teħid ta' kampjuni għas-CWD għas-sena ta' qabel għandhom jiġu rrappurtati fir-rapport annwali.
Dan ir-rapport għandu jintbagħat kemm jista' jkun malajr iżda mhux aktar tard minn sitt xhur, wara t-tmiem ta' kull sena ta' l-istħarriġ.
Ir-rapport ta' l-2007 għandu jinkludi r-riżultati ta' l-istaġun tal-kaċċa ta' l-2007, anke meta xi kampjuni jkunu ttieħdu fl-2008.