32004D0478

Id-Deċiżjoni tal-Kummissjoni

tad-29 ta’ April 2004

li tirrigwarda l-adozzjoni ta’ pjan ġenerali għall-gestjoni ta’ kriżi fl-ikel/it-tgħam

(2004/478/KE)

IL-KUMMISSJONI TAL-KOMUNITAJIET EWROPEJ

Wara li kunsidrat it-Trattat li jistabbilixxi l-Komunità Ewropea,

Wara li kunsidrat ir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 li jistabbilixxi l-prinċipji u l-ħtiġiet ġenerali tal-liġijiet dwar l-ikel, li jistabbilixxi l-Awtorità Ewropea tas-Sigurtà ta’ l-Ikel u li jistabbilixxi l-proċeduri fil-materji tas-sigurtà fl-ikel [1], u b’mod partikolari Artikolu 55 tiegħu,

Billi:

(1) Artikolu 55 tar-Reglament (KE) Nru 178/2002 jipprovdi illi l-Kummissjoni għandha tfassal, b’koperazzjoni mill-qrib ma’ l-Awtorità Ewropea tas-Sigurtà fl-Ikel, minn issa "l quddiem imsejħa" l-Awtorita, "u l-Istati Membri, pjan ġenerali għall-ġestjoni ta’ kriżi fil-kamp tas-sigurtà ta’ l-ikel u tat-tgħam."

(2) L-abbozz tal-pjan ġenerali kien is-suġġett ta’ konsultazzjonijiet na’ l-Awtorità u ġie diskuss fid-dettall ma’ l-Istati Membri permezz tal-Kumitat Permanenti tal-Katina ta’ l-Ikel u s-Saħħa ta’ l-Annimali,

ADOTTAT DIN ID-DEĊIŻJONI:

Artikolu 1

Huwa hawnhakk stabbilit il-pjan ġenerali għall-ġestjoni tal-kriżi fl-ikel/fit-tgħam, ipprovvdut f’Artikolu 55 tar-Regolament (KE) Nru 178/2002 u dikjarat fl-Anness.

Artikolu 2

Din id-Deċiżjoni għandha tidħol fis-seħħ fl-ewwel jum tax-xahar ta’ wara dak tal-pubblikazzjoni tagħha fil-Ġurnal Uffiċjali ta’ l-Unjoni Ewropea.

Magħmula fi Brussel, fid-29 ta’ April 2004.

Għall-Kummissjoni

David Byrne

Membru tal-Kummissjoni

[1] ĠU L 31, ta’ l-1.2.2002, p. 1. Regolament kif l-aħħar emendat bir-Regolament tal-Kunsill (KE) Nru 1642/2003 (ĠU L 245, tad-29.9.2003, p. 4).

--------------------------------------------------

ANNESS

PJAN ĠENERALI GĦALL-ĠESTJONI TA’ KRIŻI TA’ L-IKEL/IT-TGĦAM

1. SKOP TAL-PJAN GENERALI GHAL-GESTJONI TA "KRIZI TA" L-IKEL/IT-TGHAM

Taqsima 3 tal-Kapitolu 5 tar-Regolament (KE) Nru 178/2002 tipprevedi metodi ġodda tal-ġestjoni tar-riskji fil-kamp ta’ l-ikel u t-tgħam: li tiġi stabbilita mill-Kummissjoni unità tal-kriżi li fiha tipparteċipa l-Awtorità u li jiġi adottat pjan ġenerali għall-ġestjoni ta’ kriżi ta’ l-ikel/it-tgħam li jispeċifika, b’mod partikolari, l-proċeduri prattiċi meħtieġa għalbiex tiġi ġestjonata kriżi. Il-pjan ġenerali għall-ġestjoni ta’ kriżi ta’ l-ikel/it-tgħam minn issa ‘l quddiem jissejjaħ il-"pjan ġenerali".

It-tliet artikoli tat-taqsima 3 huma konnessi ma’ xulxin:

Artikolu 55 jipprovdi t-tfassil mill-Kummissjoni, f’koperazzjoni mill-qrib ma’ l-Awtorità u l-Istati Membri, ta’ pjan ġenerali għall-ġestjoni ta’ kriżi fl-ikel/fit-tgħam li jispeċifika s-sitwazzjonijiet tal-kriżi u l-proċeduri prattiċi għalbiex tiġi ġestjonata kriżi, inkluż il-prinċipju tat-trasparenza li jrid jiġi applikat u strateġija komuni.

Arikolu 56 jipprovdi l-kostituzzjoni ta’ unità ta’ kriżi mill-Kummissjoni.

Artikolu 57 jispeċifika l-kompiti ta’ l-unità ta’ kriżi.

B’mod partikolari, skond Artikolu 55, il-pjan ġenerali għandu jispeċifika t-tipi tas-sitwazzjoni li jinvolvu riskji diretti jew indiretti għas-saħħa tal-bniedem idderivati mill-ikel u mit-tgħam li x’aktarx ma jistgħux jiġu prevenuti, eliminati jew imnaqqsa għal livell aċċettabbli bid-dispożizzjonijiet fil-post jew bl-applikazzjoni ta’ Artikoli 53 u 54.

B’żieda ma’ dan, Artikolu 56 jipprovdi illi l-Kummissjoni għandha tistabbilixxi unità ta’ kriżi "meta tidentifika sitwazzjoni li tinvolvi riskju gravi dirett jew indirett għas-saħħa tal-bniedem li jkun ġej mill-ikel jew mit-tgħam u r-riskju ma jkunx jista’ jiġi pprevenut, eliminat jew imnaqqas bid-dispożizzjonijiet eżistenti jew ma jistax jiġi ġġestjonat b’mod adegwat bl-applikazzjoni ta’ Artikoli 53 u 54".

Għalhekk, il-pjan ġenerali jispeċifika:

- is-sitwazzjonijiet ta’ kriżi,

- il-proċedura li twassal għall-applikazzjoni tal-pjan ġenerali,

- li jiġi stabbilit network tal-kordinaturi tal-kriżi,

- il-proċeduri prattiċi għall-ġestjoni ta’ kriżi,

- ir-rwol ta’ l-unità ta’ kriżi,

- il-funzjonament prattiku ta’ l-unità ta’ kriżi (l-komposizzjoni, l-mezz tal-ħidma, l-azzjonijiet),

- ir-rabta bejn l-unità ta’ kriżi u l-proċess tal-għemil tad-deċiżjonijiet,

- is-soluzzjoni tal-kriżi,

- il-proċeduri tal-ġestjoni fl-eventwalità ta’ riskju potenzalment gravi,

- l-istrateġija tal-komunikazzjoni,

- il-prinċipju tat-trasparenza.

Il-proċeduri tal-ġestjoni stabbiliti mill-pjan ġenerali jridu jikkostitwixxu linji gwida li japplikaw għall-Istati Membri, għall-Awtorità u għall-Kummissjoni.

2. SITWAZZJONIJIET TA’ KRIZI

2.1. Sitwazzjonijiet ta’ kriżi li jinvolvu riskju gravi dirett jew indirett għas-saħħa tal-bniedem

Is-sitwazzjonijiet ta’ kriżi huma dawk meta jkunu involuti fatturi kritiċi f’livell hekk illi l-Kummissjoni tikkunsidra li l-ġestjoni tar-riskju fil-kwistjoni li jkun imnissel mill-ikel jew mit-tgħam ikun tal-komplessità hekk li ma jistax jiġi ġestjonat b’mod adegwat mid-dispożizzjonijiet eżistenti jew biss bl-applikazzjoni ta’ Artikoli 53 u 54.

L-esperjenza turi illi s-sitwazzjonijiet li jinvolvu riskji huma normalment iġġestjonati kif jixraq bl-użu tal-proċeduri eżistenti. Dan ifisser illi s-sitwazzjonijiet li jridu jiġu kunsidrati li jkunu sitwazzjonijiet ta’ kriżi jridu jkunu ftit fin-numru, biex ma ngħidux eċċezzjonali.

Dawn il-fatturi kritiċi għandhom jinkludu, b’mod partikolari, dan li ġej:

is-sitwazzjoni tinvolvi riskju gravi dirett jew indirett għas-saħħa tal-bniedem u/jew hija meqjusa jew ippubblikata bħala ta’ hekk jew tista’ tiġi meqjusa u ppubblikata bħala ta’ hekk

u

ir-riskju jinfirex jew jista’ jifirex minn parti kbira tal-katina ta’ l-ikel

u

teżisti probabbiltà kbira li r-riskju jinfirex fuq numru ta’ Stati Membri u/jew pajjiżi mhux Komunitarji.

Il-pjan ġenerali jimplika li tiġi stabbilita unità ta’ kriżi meta r-riskju dirett jew indirett involut jiġi kunsidrat li jkun gravi. Il-pjan ġenerali jrid għalhekk jinkludi kważi l-każi kollha t-twaqqif ta’ unità tal-kriżi.

2.2. Sitwazzjonijiet ta’ kriżi meta jkun hemm riskju potenzalment gravi

Huwa importanti illi fil-pjan jiġi provvdut għall-każi meta r-riskju jkun potenzali imma jista’ jevolvi f’riskju gravi li x’aktarx li ma jkunx jista’ jiġi prevenut, eliminat jew imnaqqas bid-dispożizzjonijiet eżistenti jew bl-applikazzjoni biss ta’ Artikoli 53 u 54. F’dan il-każ, ma tiġix stabbilita unità tal-kriżi imma għandhom isiru dispożizzjonijiet adegwati għalbiex jiżguraw il-ġestjoni effettiva ta’ dan it-tip ta’ sitwazzjoni.

3. PROCEDURA LI TWASSAL GHALL-APPLIKAZZJONI TAL-PJAN GENERALI

It-tagħrif li possibbilment iwassal għall-applikazzjoni tal-pjan ġenerali tal-ġestjoni ta’ kriżi fl-ikel/fit-tgħam u, meta meħtieġ, li tiġi stabbilita unità ta’ kriżi tista’ toriġina minn:

- notifiki rapidi ta’ allert (Sistema Rapida ta’ Allert għall-Ikel u t-Tgħam),

- tagħrif mill-Istati Membri (tipi oħra ta’ notifiki, t-tagħrif mogħti fil-Kumitat Permanenti tal-Katina ta’ l-Ikel u s-Saħħa ta’ l-Annimali, eċċ.),

- tagħrif mingħand l-Awtorità,

- rapporti mill-Uffiċċju ta’ l-Ikel u Veterinarju (l-FVO),

- tagħrif min-network epidemjoloġiku ta’ l-UE,

- tagħrif minn pajjiżi mhux Komunitarji jew minn korpi internazzjonali,

- kull sors ieħor (il-gruppi tal-konsumaturi, l-industrija, persuni oħra li għandhom sehem, il-medja, eċċ.).

Meta, hija u tanalizza t-tagħrif li jirrigwarda r-riskji, l-Kummissjoni tadotta l-fehma li l-kondizzjonijiet stabbiliti fit-taqsimiet 2.1 jew 2.2 jistgħu jiġu sodisfatti, għandha tagħmel kuntatt preliminari ma’ l-Istat/i Membru/i interessat/i sabiex teżamina s-sitwazzjoni u ma’ l-Awtorità għalbiex titlob it-tagħrif dwar ir-riskju involut.

Fuq il-bażi ta’ l-istima tat-tagħrif kollu rilevanti disposibbli, l-Kummissjoni għandha tistabbilixxi jekk intlaħqux il-kondizzjonijiet iddikjarati fit-taqsima 2.1 jew fit-taqsima 2.2.

4. LIJIGI STABBILIT NETWORK TA "KORDINATURI TA" KRIZI

Kull wieħed mill-Istati Membri, l-Awtorità u l-Kummissjoni għandhom jinnominaw kodinatur tal-kriżi u s-sostitut tiegħu/tagħha fil-livell approprjat. L-ismijiet u d-dettalji tal-kuntatt tal-kordinaturi nominati u tas-sostituti għandhom jiġu notifikati lill-Kummissjoni.

Għandhom jiġu organizzati laqgħat tal-kordinaturi mill-Kummissjoni ftit wara n-nomina tagħhom. Fl-ewwel laqgħa, l-Kummissjoni għandha tqassam manwal li jipprovdi lista sħiħa tal-kordinaturi u tas-sostituti u d-dettalji tagħhom tal-kuntatt. Il-manwal għandu jinkludi wkoll lista tal-Laboratorji Komunitarji tar-Riferiment. Il-proċeduri prattiċi tal-ħidma jridu jiġu diskussi sabiex, per eżempju, jiġi żgurat illi kull koordinatur ikun jista’ jiġi kuntattjat fi żmien qasir fl-eventwalità ta’ kriżi jew li tiġi żgurata l-koperazzjoni fl-istrateġija tal-komunikazzjoni tar-riskju (ara t-taqsima 7). Dawk li għandhom sehem għandhom jiġu konsultati dwar ir-riżultati ta’ dawk il-laqgħat li huma ta’ interess għalihom.

Il-proċeduri prattiċi għandhom jiżguraw illi l-azzjoni tittieħed bil-ħeffa. Meta meħtieġ, iridu jiġu mehmuża mal-pjan ġenerali.

5. IL-PROCEDURI PRATTICI GHALL-GESTJONI TA’ KRIZI LI TINVOLVI RISKJU GRAVI DIRETT JEW INDIRETT GHAS-SAHHA TAL-BNIEDEM

5.1. Litiġi stabbilita taqsima biex tindirizza kriżi

Meta, hija u tanalizza t-tagħrif li jirrigwarda r-riskji, l-Kummissjoni tadotta l-fehma li l-kondizzjonijiet stabbiliti fit-taqsima 2.1 jistgħu jiġu sodisfatti u, b’mod partikolari li r-riskju x’aktarx li jkun gravi, għandha tagħmel kuntatt preliminari ma’ l-Istat/i Membru/i interessat/i sabiex teżamina s-sitwazzjoni u ma’ l-Awtorità għalbiex titlob it-tagħrif dwar ir-riskju involut.

Fuq il-bażi ta’ l-istima tat-tagħrif rilevanti kollu disponibbli, l-Kummissjoni għandha tistabbilixxi taqsima li tindirizza kriżi jekk il-kondizzjonijiet imsemmija fit-taqsima 2.1 jiġu kunsidrati li ntlaħqu.

Il-Kummissjoni għandha tgħarraf lill-Istati Mmbru u lill-Awtorità minnufih li ġiet stabbilita taqsima li tindirizza kriżi.

Id-deċiżjoni li tiġi stabbilita taqsima li tindirizza kriżi trid tfisser illi t-taqsimiet 5, 7 u 8 tal-pjan ġenerali japplikaw għall-partijiet kollha interessati (l-Kumissjoni, l-Awtorità, l-Istati Membri).

5.2. Ir-rwol tat-taqsima biex tindirizza krizi

Din it-taqsima għandha tkun responsabbli mill-ġbir u l-valutazzjoni ta’ l-informazzjoni kollha rilevanti u mill-identifikazzjoni tal-għażliet disposnibbli għall-ġestjoni tal-kriżi.

Għandu jkollha wkoll ir-rwol li tgħarraf lill-pubbliku dwar ir-riskji fil-kwistjoni u l-miżuri maħuda f’dan ir-rigward.

L-istess taqsima hija għodda addizzjonali għalbiex tiżgura li l-kriżi jiġu ġestjonati b’mod effettiv u tiżgura kordinament aħjar u billi tieħu azzjoni bil-ħeffa. B’konsegwenza ta’ dan, il-membri kollha ta’ l-unità tal-kriżi għandhom jikkoperaw sabiex jiġbru u jaqsmu bejniethom it-tagħrif kollu rilevanti disponibbli; għandhom ukoll jaħdmu flimkien fil-valutazzjoni ta’ l-informazzjoni miġbura u jidentifikaw l-għażliet xierqa fil-ġestjoni tar-riskju. Il-membri ta’ l-unità ta’ kriżi għandhom jikkoperaw ukoll fil-komunikazzjoni u jidentifikaw l-aħjar manjieri għalbiex jgħarrfu lill-pubbliku b’mod trasparenti.

Madankollu, it-taqsima biex tindirizza krizi mhix responsabbli milli tadotta deċiżjonijiet dwar il-ġestjoni tar-riskju jew milli timplimenta l-leġislazzjoni (l-aspetti tal-kontroll).

Il-metodi tagħha ta’ ħidma ma jridux jieħdu l-post tal-proċeduri wżati fil-qafas tal-kompetenza tal-Kummissjoni jew ta’ l-Istati Membri jew ta’ l-Awtorità nfushom.

B’konsegwenza ta’ dan, id-deċiżjonijiet dwar il-ġestjoni ta’ kriżi għandhom jiġu adottati skond il-proċeduri speċifiċi diġà fil-post (b’mod partikolari, fil-proċeduri komitoloġiċi).

Kull wieħed mill-Istati Membri għandu jissokta jkun responabbli mill-ġestjoni tal-kontrolli uffiċjali fit-terriorju tiegħu. Il-proċeduri speċifiċi li jkunu qiegħdu fil-post għalbiex jikkordinaw il-kontrolli urġenti meħtieġa f’sitwazzjonijiet ta’ kriżi jridu jissoktaw. Id-Direttorat-Ġenerali tal-Protezzjoni tas-Saħħa u tal-Konsumatur għandu jkun responsabbli li jibgħat missjonijiet urġenti mill-FVO, jekk meħtieġ.

Bl-istess mod, l-Awtorità għandha tissokta tkun responsabbli mill-ġestjoni tal-proċeduri li jipprovdu opinjoni xjentifika fl-eventwalità ta’ talba għal opinoni xjentifika urġenti mingħand il-Kumitat Xjentifiku jew wieħed mill-panels xjentifiċi tiegħu.

5.3. Il-ħidma prattika tat-taqsima li tindirizza kriżi

Komposizzjoni

It-taqsima li tindirizza krizi għandha tkun komposta mill-kordinaturi tal-kriżi (jew is-sostituti taghhom) mill-Kummissjoni u mill-Awtorità, mill-kordinatur/i tal-kriżi ta’ l-Istati Membri interessati direttament u minn rappreżentanti oħra tal-Kummissjoni, ta’ l-Awtorità u mill-Istat/i Membru/i interessat/i direttament. L-Awtorità għandha tipprovdi l-assistenza xjentifika u teknika meħtieġa.

Il-għan tat-taqsima li tindirizza kriżi jrid ikun li tiffaċilita l-azzjoni rapida u effiċjenti. Il-membri tagħha jridu jkunu involuti f’laqgħat regolari u ta’ emerġenza tat-taqsima u jridu jeħtieġu li juru livell għoli ta’ kompetenza u impenn. Iridu jkunu kapaċi jieħdu numru ta’ responsabbiltajiet, li jfisser li huwa meħtieġ li jiġu nominati nies b’livell għoli ta’responabbiltà fis-settur ta’ l-ikel/it-tgħam.

L-istess taqsima tista’ tikkunsidra li l-kompetenza ta’ persuni oħra pubbliċi jew privati hija meħtieġa għall-ġestjoni tal-kriżi u tista’ titlob l-għajnuna permanenti jew ad hoc ta’ dawn il-persuni. Per eżempju, esperti mill-Komunità jew mil-laboratorji nazzjonali tar-riferimnt jistgħu jiġu mitluba li jieħdu sehem fl-unità tal-kriżi meta tkun meħtieġa l-kompetenza tagħhom rigward l-analiżi tal-laboratorju.

Il-persuni fil-Kummissjoni u fl-Awtorità responsabbli mill-komunikazzjoni dwar is-sigurtà fl-ikel u fit-tgħam għandhom ikunu assoċjati max-xogħol ta’ l-unità tal-kriżi.

Proceduri prattici għall-ħidma tat-taqsima li tindirizza krizi

Il-kordinatur tal-Kummissjoni għall-kriżi (jew is-sostitut tiegħu jew tagħha) għandhom jippresiedu t-taqsima li tindirizza krizi. Is-Sedja għandha, b’mod partikolari, tiżgura r-rabta bejn ix-xogħol tat-taqsima u l-proċess ghat-tehid tad-deċiżjonijiet. Hu/jew hija għandhom ikunu assistiti mill-espert/i tekniku/ċi approprjat/i tat-taqsima/taqsimiet kompetenti interessati fi ħdan il-Kummisjoni.

Is-Sedja għandha tiżgura l-ħidma bla xkiel tat-taqsima li tindirizza kriżi u t-tqassim tal-kompiti fost il-membri, filwaqt li tqis il-kompetentza tagħhom.

Malajr kemm jista’ jkun wara li jkun ġie deċiż li tiġi stabbilita taqsima li tindirizza kriżi, s-Sedja għandha tistieden lill-kordinatur ta’ l-Awtorità u lill-kordinaturi ta’ l-Istati Membri affettwati direttament mill-kriżi għall-ewwel laqgħa tat-taqsima li tindirizza kriżi. Il-kordinaturi jistgħu jkunu akkumpanjati minn numru limitat ta’ persuni. Is-Sedja tista’ tispeċifika limitu għan-numru massimu tal-persuni ohra li jakkumpanjawhom.

Il-kordinatur ta’ l-Awtorità u l-kordinaturi ta’ l-Istati Membri involuti fit-taqsima li tindirizza kriżi jridu jiżguraw il-parteċipazzjoni adegwata fil-laqgħat tat-taqsima f’termini ta’ disponibbiltà, kompetenza u livell tar-responsabbiltà. F’termini konkreti, dan ifisser illi l-kordinatur u s-sostitut tiegħu jew tagħha jridu jattendu l-laqgħat kollha u jridu jkunu akkumpanjati mill-persuni rilevanti.

L-Awtorità għandha tkun responsabbli milli tipprovdi l-assistenza xjentifika u teknika jekk meħtieġa, b’mod partikolari rigward l-istat tal-għerf xjentifiku (il-ġbir u l-valutazzjoni tat-tagħrif xjentifiku rilevanti kollu fejn jidħol ir-riskju fil-kwistjoni).

It-taqsima li tindirizza kriżi għandha tkun responsabbli li żżomm kuntatt mill-qrib ma’ dawk interessati li għandhom sehem, b’mod partikolari meta t-tagħrif irid jitqassam bejniethom.

Mezzi tal-ħidma

Il-Kummissjoni għandha tipprovdi l-personal tas-segretarjat għal-laqgħat tat-taqsima li tindirizza kriżi (il-minuti, eċċ.) u tqiegħed għad-dispożizzjoni ta’ l-istess taqsima r-riżorsi kollha umani u materjali meħtieġa għall-ħidma tagħha bla xkiel (b’mod partikolari, l-kmamar għal-laqgħat, il-mezzi tal-komunikazzjoni, eċċ.)

It-taqsima trid tuża l-arranġamenti tekniċi fil-post għan-network tar-RASFF għalbiex tikkomunika jew ixxerred it-tagħrif, b’mod partikolari t-talbiet għat-tagħrif lill-Istat/i Membru/i u t-tagħrif issottomess minnhom.

Azzjoni meħuda mit-taqsima li tindirizza kriżi

Skond Artikolu 57 riferit hawn fuq, it-taqsima għandha tieħu l-azzjoni li ġejja:

- Azzjoni li jkollha x’taqsam mal-ġbir ta’ l-informazzjoni xjentifika rilevanti u t-tagħrif kollu xjentifiku li jagħmluha possibbli li r-riskju fil-kwistjoni jiġi ġestjonat b’mod effettiv kemm jista’ jkun. B’mod partikolari:

- il-qsim bejn xulxin tat-tagħrif xjentifiku disponibbli lill-membri differenti ta’ l-unità tal-kriżi,

- meta meħtieġ, il-membri jridu jkunu meħtieġa li jiġbru iktar tagħrif xjentifiku,

- meta meħtieġ, il-kordinament ta’ l-azzjoni meħuda għalbiex timla n-nuqqasijiet xjentifiċi,

- meta meħtieġ, il-membri jridu jkunu meħtieġa li jikkuntattjaw l-organizzazzjonijiet internazzjonali, lil dawk interessati li għandhom sehem u lill-pajjiżi mhux Komunitarji għalbiex jiżguraw illi t-tagħrif kollu rilevanti jsir disponibbli u jitqassam bejniethom,

- meta meħtieġ, l-unità tal-kriżi tista’ titlob l-assistenza tal-Laboratorji Komunitarji tar-Riferiment.

L-allokazzjoni tal-kompiti tal-ġbir ta’ l-informazzjoni xjentifika għandha tqis il-kompetenza xjentifika ta’ l-Awtorità u l-mekkaniżmi għalbiex taqsam magħhom l-informazzjoni xjentifika diġà stabbilita mill-Awtorità dwar dawn il-kwistjonijiet (in-networks ta’ l-Awtorità).

L-allokazzjoni tal-kompiti dwar il-ġbir ta’ l-informazzjoni xjentifika tista’ tinkludi wkoll, meta meħtieġ, l-assistenza ta’ networks oħra ġestiti mill-Kummissjoni, bħalma huma s-Sistema Mħaffa ta’ l-Allert u Sistema ta’ Reazzjoni (l-EWRS) fil-kamp tal-mard tal-bniedem jew l-ADNS fil-kamp tas-saħħa ta’ l-annimali jew in-networks li joperaw fiż-żona tar-riċerka u ġestiti mid-DĠ tar-Riċerka.

- Azzjoni li għandha x’taqsam mal-ġbir ta’ l-informazzjoni rilevanti l-oħra (informazzjoni oħra għajr l-informazzjoni xjentifika riferita hawn fuq). B’ mod partikolari:

- il-qsim bejn xulxin ta’ l-informazzjoni rilevanti l-oħra kollha disponibbli (r-riżultati tal-kontrolli uffiċjali, r-riżultati ta’ l-analiżi imwettqa mil-laboratorji uffiċjali tal-kontroll, l-informazzjoni miksuba mill-pajjiżi mhux Komunitarji, eċċ.),

- meta meħtieġ, il-kompiti għandhom jiġu allokati bil-ħsieb tal-ġbir ta’ iktar informazzjoni,

- meta meħtieġ, il-kompiti jridu jiġu allokati lill-membri bil-ħsieb li jikkuntattjaw l-organizzazzjonijiet internazzjonali, lil dawk interessati li għandhom sehem u lill-pajjiżi mhux Komunitarji għalbiex jiżguraw illi t-tagħrif kollu rilevanti jsir disponibbli u jitqassam bejniethom.

- Azzjoni li għandha x’taqsam ma "l-evalwazzjoni tat-tagħrif disponibbli B’mod partikolari:"

- il-qsim bejn xulxin ta’l-evalwazzjonijiet diġà mwettqa mill-membri, b’mod partikolari l-Awtorità, jew l-evalwazzjonijiet disponibbli xorta oħra,

- l-organizzazzjoni ta’ l-istima tar-riskju, filwaqt li jitqies ir-rwol speċifiku ta’ l-Awtorità f’li tipprovdi l-appoġġ xjentifiku u tekniku lill-unità tal-kriżi, mingħajr preġudizzju għall-possibbiltà li titlob opinjoni xjentifika formali mingħand l-Awtorità,

- meta meħtieġ, l-użu ta’ l-appoġġ tekniku tal-Laboratorji Komunitarji tar-Riferiment dwar l-aspetti analitiċi.

- Azzjoni li għandha x’taqsam ma’ l-identifikazzjoni tal-għażliet disponibbli sabiex jiġi prevenut, eliminat jew imnaqqas għal livell aċċettabbli r-riskju għas-saħħa tal-bniedem u l-aġġornament ta’ dawn il-għażliet fuq il-bażi tat-tagħrif il-ġdid disponibbli u l-iżvilupp tas-sitwazzjoni. B’mod partikolari:

- il-membri ta’ l-unità tal-kriżi għandhom jaħdmu flimkien biex jidentifikaw għażliet disponibbli,

- għandhom jipproduċu studju komuni dwar l-għażliet disponibbli; dan l-istudju għandu jinkludi, għal kull għażla, ġustifikazzjoni għall-identifikazzjoni tal-għażla, b’mod partikolari r-riżultati ewlenin ta’ l-evalwazzjoni ta’ l-informazzjoni disponibbli.

- Azzjoni li għandha x’taqsam ma’ l-organizzazzjoni tal-komunikazzjoni lill-pubbliku dwar ir-riskji involuti u l-miżuri meħuda.

Din il-materja hija trattata f’aktar dettal fit-taqsima 7.

Għall-kwalitajiet kollha ta’ azzjoni meħuda, t-taqsima li tindirizza kriżi tista’ titlob l-assistenza permanenti jew ad hoc ta’ persuni speċifiċi meta l-kompetenza tagħhom hija kunsidrata meħtieġa.

5.4. Rabta bejn it-taqsima li tindirizza kriżi u l-proċess ghal tehid tad-deċiżjonijiet

Azzjoni li għandha x’taqsam mal-ġestjoni tar-riskju

L-azzjoni li għandha x’taqsam mal-ġestjoni tar-riskju tinkludi l-azzjoni kollha meħtieġa għalbiex tippreveni, telimina jew tnaqqas ir-riskju involut: it-taqsima li tindirizza kriżi trid tkun responsabbli minn ċerti tipi ta’ azzjoni, u l-Kummissjoni u/jew l-Istati Membri għal oħrajn. L-azzjoni meħuda trid tkun mingħajr preġudizzju għall-possibbiltà dikjarata f’Artikolu 53(2) sabiex il-Kummissjoni tadotta miżuri proviżorji fl-eventwalità ta’ emerġenzi, wara li tikkonsulta lill-Istati Membri interessati u tgħarraf lill-Istati Membri l-oħra.

1. L-Ewwel Pass

- Il-Kummissjoni trid tlaqqa’ t-taqsima li tindirizza kriżi malajr kemm jista’ jkun wara li titwaqqaf

- It-taqsima li tindirizza kriżi għandha tieħu azzjoni kif ipprovvdut f’sezzjonijiet 5, 7 u 8.

2. It-Tieni Pass

- L-għażliet identifikati mit-taqsima għandhom jiġu trasmessi lill-Kummissjoni li trid tibgħathom immedjatament lill-Istati Membri.

- Il-Kummissjoni għandha tħejji l-miżuri li jridu jittieħdu meta meħtieġa. Trid titlob ukoll lill-Awtorità biex tipprovdi opinoni xjentifika urġenti, f’kaz li opinjoni xjentifika formali mill-Awtorità titqies bhala meħtieġa.

3. It-Tielet Pass

- Laqgħa tal-Kumitat Permanenti tal-Katina ta’ l-Ikel u s-Saħħa ta’ l-Annimali sabiex teżamina u tagħti opinjoni dwar il-miżuri proposti, meta meħtieġ.

- Fejn meħtieġ, l-adozzjoni tal-miżuri ta’ emerġenza, b’mod partikolari, fuq il-bażi tal-proċeduri provvduti f’Artikoli 53 u 54 tar-Regolament (KE) Nru 178/2002.

- Fl-eventwalità ta’ talba għal opinjoni xjentifika urġenti, l-Awtorità għandha tieħu l-miżuri meħtieġa sabiex tiżgura li l-opinjoni tiġi mwassla malajr kemm jista’ jkun.

Azzjoni permanenti li trid tittieħed matul il-kriżi kollha

- Matul il-kriżi kollha, t-taqsima relattata għandha tiġbor u tivvaluta b’mod kontinwu l-informazzjoni rilevanti waqt li tivvaluta mill-ġdid l-għażliet disponibbli. L-għażliet aġġornati għandhom jiġu trasmessi lill-Kummissjoni u lill-Istati Membri. Il-Kummissjoni tista’ tħejji miżuri emendati u tissottomettihom għall-konsiderazzjoni tal-Kumitat Permanenti tal-Katina ta’ l-Ikel u s-Saħħa ta’ l-Annimali.

- Matul il-kriżi kollha, l-Kumitat Permanenti tal-Katina ta’ l-Ikel u s-Saħħa ta’ l-Annimali għandu jżomm laqgħat regolari u ta’ emerġenza għalbiex jiżgura illi t-tagħrif rilevanti kollu jinqasam bejn xulxin, b’mod partikolari dwar l-adozzjoni tal-miżuri kollha meħtieġa u dwar is-segwiment ta’ l-implimentazzjoni tal-miżuri tal-ġestjoni tal-kriżi (ir-rapporti mill-Istati Membri interessati, issottomessi u diskussi fi ħdan il-Kumitat Permanenti tal-Katina ta’ l-Ikel u s-Saħħa ta’ l-Annimali).

- Fuq il-bażi ta’ l-istrateġija tal-komunikazzjoni indikata fit-taqsima 7 u skond il-prinċipji tat-trasparenza fit-taqsima 8, t-taqsima li tindirizza kriżi għandha żżomm aggornati lill-pubbliku u lil dawk li għandhom sehem matul il-kriżi kollha.

Rabta bejn it-taqsima li tindirizza kriżi u l-proċess għal tehid tad-deċiżjonijiet

- Il-mekkaniżmi prattiċi jridu jiżguraw illi x-xogħol tat-taqsima u l-proċess ghal tehid tad-deċiżjonijiet ikunu konnessi b’mod adegwat. B’mod partikolari, l-Kumitat Permanenti għandu jiġi aġġornat b’mod regolari dwar ix-xogħol tat-taqsima li tindirizza krizi u l-Awtorità għandha tiġi mistiedna għal-laqgħat tal-Kumitat Permanenti. It-taqsima għandha tinżamm aggornata b’mod kontinwu dwar il-miżuri meħuda bħala parti mill-proċess ghal tehid tad-deċiżjonijiet sabiex tikkordina t-tagħrif dwar din il-kwistjoni.

5.5. Soluzzjoni tal-kriżi

Il-proċeduri ta’ hawn fuq iridu jissoktaw fil-post sakemm it-taqsima li tindirizza l-kriżi tiġi xolta. Meta l-Kummissjoni tikkunsidra, wara li tikkonsulta t-taqsima u b’kollaborazzjoni mill-qrib ma’ l-Istati Membri fi ħdan il-Kumitat Permanenti tal-Katina ta’ l-Ikel u s-Saħħa ta’ l-Annimali, illi x-xogħol tat-taqsima li tindirizza l-kriżi jkun tlesta minħabba li r-riskju jkun inġieb taħt il-kontroll, tista’ xxolji l-istess taqsima.

5.6. Evalwazzjoni ta’ wara l-kriżi

Għandha ssir evalwazzjoni ta’ wara l-kriżi, li tinvolvi lil dawk li għandhom sehem. Laqgħa tal-kordinaturi tal-kriżi għandha tinżamm wara l-konklużjoni ta’ kriżi sabiex jittejbu l-proċeduri tal-ħidma tal-għodod differenti wżati fil-ġestjoni tal-kriżi, fid-dawl ta’ l-istima ta’ wara l-kriżi u fuq il-bażi ta’ l-esperjenza miksuba.

6. PROCEDURI TAL-GESTJONI FL-EVENTWALITA TA’ RISKJU POTENZJALMENT GRAVI

Meta, hija u tanalizza t-tagħrif li jirrigwarda r-riskji, l-Kummissjoni tadotta l-fehma li l-kondizzjonijiet stabbiliti fit-taqsima 2,2 jistgħu jiġu sodisfatti, għandha tagħmel kuntatt preliminari ma’ l-Istat/i Membru/i interessat/i sabiex teżamina s-sitwazzjoni u ma’ l-Awtorità għalbiex titlob it-tagħrif dwar ir-riskju involut.

Fuq il-bażi ta’ l-istima tat-tagħrif rilevanti kollu disponibbli u jekk il-Kummissjoni tikkunsidra li l-kondizzjonijiet stabbiliti fit-taqsima 2.2 ġew sodisfatti, l-Kummissjoni għandha tgħarraf minnufih lill-Istati Membri u lill-Awtorità li jistghu jiġu applikati t-taqsimiet 6, 7 u 8 tal-pjan ġenerali.

Malajr kemm jista’ jkun wara li tkun iddeċidiet li tapplika din it-taqsima tal-pjan ġenerali, l-Kummissjoni għandha tieħu l-azzjoni li ġejja:

- Tistabbilixxi l-kuntatt xieraq ma’ l-Istat/i Membru/i interessat/i direttament u ma’ l-Awtorità għalbiex titlob l-attivazzjoni tas-sistema interna tagħhom tal-ġestjoni tal-kriżi. Meta meħtieġ, għandhom jiġu attivati mill-ġdid il-mekkaniżmi għalbiex tinqasam bejniethom l-informazzjoni xjentifika żviluppata mill-Awtorità fl-eventwalità ta’ emerġenzi (in-networks ta’ l-Awtorita)

- Meta meħtieġ, titlob l-attivazzjoni mill-ġdid tal-laboratorji kompetenti u l-qsim bejniethom tar-riżultati analitiċi tagħhom,

- Tistabbilixxi l-kuntatt xieraq jew iżżomm laqgħat ma’ l-Istat/i Membru/i interessat/i b’mod dirett u ma’ l-Awtorità għalbiex tiżgura illi t-tagħrif rilevanti kollu jinqasam bejniethom (l-informazzjoni xjentifika, l-informazzjoni tal-kontroll, eċċ.),

- Tieħu azzjoni rigward il-komunikazzjoni (ara t-taqsima 7). Għandhom japplikaw il-prinċipji tat-trasparenza f’taqsima 8.

Din l-azzjoni trid tissokta sakemm ir-riskju jiġi stmat aktar fis-sħiħ. Jekk ir-riskju jiġi kunsidrat li huwa gravi u jekk il-Kummissjoni tikkunsidra li l-kondizzjonijiet iddikjarati fit-taqsima 2.1 jiġu sodisfatti, għandha tiġi stabbilita taqsima li tindirizza kriżi u għandhom japplikaw il-proċeduri provvduti fit-taqsimiet 5, 7 u 8.

Jekk ir-riskju ma jiġix ikkunsidrat li jkun gravi, għandhom japplikaw id-dispożizzjonijiet normali eżistenti għall-ġestjoni tar-riskju.

7. STRATEGIJA TA’ KOMUNIKAZZJONI

It-taqsima li tindirizza krizi ghandha tiżviluppa l-istrateġija tal-komunikazzjoni tagħha f’linja mal-każ fl-idejn sabiex iżżomm lill-pubbliku mgħarraf bir-riskju u l-miżuri meħuda.

Din l-istrateġija tal-komunikazzjoni għandha tkopri l-kontenut tal-messaġġ u l-għoti tal-ħin tal-komunikazzjoni dwar il-problema fil-kwistjoni, inklużi l-arranġamenti xierqa għar-rilaxx tiegħu.

L-istrateġija għandha tqis il-kompetenza u r-responsabbiltajiet speċifiċi ta’ kull wieħed mill-membri tat-taqsima meta tasal biex tikkomunika mal-pubbliku f’manjiera kordinata, konsistenti u trasparenti. Għal dan il-fini, ssir dispożizzjoni għall-proċedura li ġejja:

- Il-persuna fil-Kummissjoni responsabbli mill-komunikazzjoni dwar is-sigurtà fl-ikel u fit-tgħam u l-persuna fl-Awtorità responsabbli mill-komunikazzjoni għandhom ikunu assoċjati max-xogħol tat-taqsima li tindirizza kriżi.

- L-Istati Membri interessati b’mod dirett fil-kriżi, u għalhekk il-membri tat-taqsima li tindirizza kriżi, għandhom jagħmlu kulma jistgħu sabiex jiżguraw illi l-politika tagħhom tal-komunikazzjoni tkun konsistenti ma’ l-istrateġija tal-komunikazzjoni kordinata mill-imsemmija taqsima.

- Bl-istess mod, l-Istati Membri li m’humiex membri tat-taqsima li tindirizza kriżi għandhom ikunu assoċjati ma’ l-istrateġija kordinata mit-taqsima permezz tal-kordinaturi tagħha tal-ġestjoni sabiex tiġi żgurata l-konsistenza rigward il-komunikazzjoni tar-riskju.

L-istrateġija adottata mit-taqsima li tindirizza kriżi għandha tinvolvi l-użu ta’ kull mezz xieraq ghal komunikazzjoni li jirrigwarda każi li jinħolqu mal-Parlament Ewropew u mal-pajjiżi mhux Komunitarji interessati.

L-istrateġija tal-komunikazzjoni żviluppata mit-taqsima li tindirizza kriżi għandha tinkludi l-għemil tal-kuntatt preliminari xieraq ma’ dawk li għandhom sehem meta meħtieġ u, b’mod partikolari, meta jinghata t-tagħrif li jkollu b’relazzjoni ma’ isem jew tikketta kummerċjali speċifiku.

L-istrateġija tal-komunikazzjoni għandha tqis ir-rwol speċifiku magħmul mill-organizzazzjonijiet li jirrappreżentaw lil dawk li għandhom sehem fil-livell Ewropew li jittrasmettu t-tagħrif.

L-istrateġija tal-komunikazzjoni trid tinkludi li jiġu stabbiliti l-kuntatti kordinati xierqa mal-pajjiżi m’humiex Komunitarji interessati sabiex tipprovdihom b’tagħrif ċar, preċiż u koerenti. L-istrateġija tal-komunikazzjoni għandha tinkludi wkoll trasmissjoni tat-tagħrif xieraq lill-pajjiżi m’humiex Komunitarji sabiex twissihom li l-kriżi ġiet solvuta.

L-istrateġija tal-komunikazzjoni għandha tiżgura li l-proċess tal-komunikazzjoni jkun trasparenti, skond il-prinċipji dikjarati f’taqsima 8.

Meta t-tagħrif jiġi komunikat kif iddefinit f’taqsima 6 tal-pjan ġenerali, għandha tiġi żgurata wkoll il-koerenza meħtieġa tal-ħtiġiet tal-komunikazzjoni. Il-kuntatti u l-laqgħat ipprovduti f’din it-taqsima għandhom ikopru, meta meħtieġ, strateġija tal-komunikazzjoni li trid tiġi żviluppata f’linja ma’taqsima 7.

8. PRINCIPJI TA’ TRASPARENZA

Meta taqsima li tindirizza kriżi toħroġ komunikazzjoni, għandha toqgħod attenta ħafna li tiżgura t-trasparenza skond il-prinċipji tat-tagħrif pubbliku povduti f’Artikolu 10 tar-Regolament (KE) Nru 178/2002.

Iridu jissoktaw japplikaw ir-regoli ġenerali tal-kunfidenzalità. Aktar minn hekk, ir-regoli speċifiċi tal-kunfidenzalità provduti f’Artikolu 52 tar-Regolament (KE) Nru 178/2002 iridu japplikaw għall-iskambju tat-tagħrif imwettaq skond ir-RASFF.

Meta t-taqsima li tindirizza kriżi tikkomunika r-riżultati tax-xogħol imwettaq mill-Awtorità f’isimha, jridu japplikaw il-prinċipji tat-trasparenza u tal-kunfidenzalità provduti f’Artikoli 38 u 39 tar-Regolament (KE) Nru 178/2002 rigward ir-riżultati tax-xogħol ta’ l-Awtorità.

--------------------------------------------------