Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 31999R2704

Ir-Regolament tal-Kunsill (KE) Nru 2704/1999 ta' l-14 ta’ Diċembru 1999 li jemenda r-Regolament (KE) Nru 1251/1999 li jistabbilixxi sistema ta’ appoġġ għall-produtturi ta’ ċerti prodotti tal-bagħli

ĠU L 327, 21.12.1999, p. 12–12 (ES, DA, DE, EL, EN, FR, IT, NL, PT, FI, SV)

⏵Dan id-dokument ġie ppubblikat f’edizzjoni(jiet) speċjali (CS, ET, LV, LT, HU, MT, PL, SK, SL)

Legal status of the document No longer in force, Date of end of validity: 30/06/2005

ELI: http://data.europa.eu/eli/reg/1999/2704/oj

Date of document:
14/12/1999
Date of effect:
28/12/1999; Dħul fis-seħħ Data tal-pubblikazzjoni + 7 Ara Art. 2
Date of end of validity:
30/06/2005; Ara 31999R1251
Author:
Il-Kunsill tal-Unjoni Ewropea
Responsible body:
Directorate-General for Agriculture and Rural Development, AGRI
Form:
Regolament
Additional information:
CNS 92036
Treaty:
Trattat li jistabbilixxi l-Komunità Ewropea
Legal basis:
Proposal:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 31999R1251 Tlestija artikolu 6.3 28/12/1999
Link

31999R2704



Official Journal L 327 , 21/12/1999 P. 0012 - 0012


Ir-Regolament tal-Kunsill (KE) Nru 2704/1999

ta' l-14 ta’ Diċembru 1999

li jemenda r-Regolament (KE) Nru 1251/1999 li jistabbilixxi sistema ta’ appoġġ għall-produtturi ta’ ċerti prodotti tal-bagħli

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, b'mod partikolari l-Artikolu 37 tiegħu,

Wara li kkunsidra l-proposta mill-Kummisjoni [1],

Wara li kkunsidra l-opinjoni tal-Parlament Ewropew [2],

Wara li kkunsidra l-opinjoni tal-Kumitat Soċjali u Ekonomiku [3],

Billi:

(1) L-Artikolu 6(3) tar-Regolament tal-Kunsill (KE) Nru 1251/1999 [4] jipprovdi illi l-art imserrħa tista’ tiġi użata għall-provvista ta’ materjali għall-fabbrikazzjoni fil-Komunità ta’ prodotti mhux maħsuba għall-konsum mill-bniedem jew mill-annimali, sakemm jiġu applikati sistemi effettivi tal-kontroll.

(2) Sabiex tiġi żgurata l-konformità mal-punt 7 tal-Memorandum ta' Fehim dwar ċertu żrieragħ taż-żejt bejn il-Komunità Ekonomika Ewropea u l-Istati Uniti ta’ l-Amerika fil-qafas tal-GATT hemm il-ħtieġa li tkun ipprovduta l-possibbiltà li jitnaqqas l-ammont tal-prodotti sekondarji li jistgħu jiġu prodotti u użati għall-għalf jew għall-ikel, jekk inkella l-kwantità totali ta’ dawn il-prodotti sekondarji taqbeż il-miljun tunnellata metrika fis-sena espressa f’ekwivalenzi ta’ għalf tas-soya.

(3) Huwa għalhekk meħtieġ illi jiġi emendat ir-Regolament (KE) Nru 1251/1999,

ADOTTA DAN IR-REGOLAMENT:

Artikolu 1

Is-subparagrafu li ġej għandu jiġi miżjud ma' l-Artikolu 6(3) tar-Regolament (KE) Nru 1251/1999:

"Jekk il-kwantità ta’ prodotti sekondarji għall-użu bħala għalf jew bħala ikel li x’aktarx isiru disponibbli b'riżultat tal-kultivazzjoni taż-żerriegħa taż-żejt fuq l-art imserrħa skond l-ewwel subparagrafu, fuq il-bażi tal-kwantitajiet imbassra koperti bil-kuntratti magħmula mill-produtturi, taqbeż il-miljun tunellata metrika fis-sena espressa f’ekwivalenzi ta’ għalf mis-soya, sabiex din il-kwantità tiġi llimitata għal miljun tunellata metrika, għandu jiġi mnaqqas l-ammont tal-kwantità mbassra skond kull kuntratt, li jista’ jintuża għall-għalf jew għall-ikel."

Artikolu 2

Dan ir-Regolament għandu jidħol fis-seħħ fis-seba' jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fl-14 ta’ Diċembru 1999.

Għall-Kunsill

K. Hemilä

Il-President

[1] ĠU C 12, tas-17.1.1996, p. 11.

[2] ĠU C 141, tat-13.5.1996, p. 277.

[3] ĠU C 97, ta'l-1.4.1996, p. 30.

[4] ĠU L 160, tas-26.6.1999, p. 1.

--------------------------------------------------

Top