1.   Toirmiscfear soláthar, díol, aistriú nó onnmhairiú díreach nó indíreach arm agus ábhair ghaolmhair de gach cineál, lena n-áirítear airm agus armlón, feithiclí míleata agus trealamh míleata, trealamh paraimíleata agus páirteanna spártha do na daoine agus na heintitis thuasluaite, nó chun tairbhe na ndaoine agus na n-eintiteas sin, arna n-ainmniú ag an gCoiste a bunaíodh le mír 19 de Rún 2653 (2022) ó Chomhairle Slándála na Náisiún Aontaithe (“an Coiste Smachtbhannaí”) ag náisiúnaigh na mBallstát nó ó chríocha na mBallstát nó lena soithí brataí nó lena n-aerárthaí, bíodh siad de thionscnamh a gcríoch nó ná bíodh.

Liostaítear na daoine agus na heintitis dá dtagraítear sa mhír seo san Iarscríbhinn.

2.   Toirmeascfar an méid seo a leanas:

3.   Déanfaidh na Ballstáit cigireacht, i gcomhréir lena n-údaráis náisiúnta agus lena reachtaíocht náisiúnta agus i gcomhréir leis an dlí idirnáisiúnta, ar gach lasta chuig Háítí ar a gcríoch, lena n-áirítear calafoirt agus aerfoirt, má tá faisnéis acu a thugann forais réasúnacha chun a chreidiúint go bhfuil ítimí sa lastas a bhfuil toirmeasc faoin Airteagal seo ar a soláthar, ar a ndíol, ar a n-aistriú nó ar a n-onnmhairiú.

4.   Déanfaidh na Ballstáit cásanna ina sáraítear na bearta faoi mhír 1 agus faoi mhír 2 a thuairisciú don Choiste Smachtbhannaí in am trátha.

5.   Áiritheoidh na Ballstáit go mbeidh bearta marcála agus clárúcháin leordhóthanacha i bhfeidhm chun airm a rianú, lena n-áirítear mionairm agus armáin éadroma, i gcomhréir leis na hionstraimí idirnáisiúnta agus réigiúnacha a bhfuil siad ina bpáirtithe iontu, agus chun breithniú a dhéanamh ar an mbealach is fearr chun cúnamh a thabhairt do thíortha comharsanachta, i gcás inarb ábhartha agus arna iarraidh sin dóibh, chun gáinneáil aindleathach agus atreorú aindleathach lena sáraítear na bearta a fhorchuirtear i míreanna 1 agus 2 a chosc agus a bhrath.

1.   Déanfaidh na Ballstáit na bearta is gá chun teacht isteach ina gcríocha, nó idirthuras trína gcríocha, a chosc i gcás daoine arna n-ainmniú ag an gCoiste Smachtbhannaí mar dhaoine atá freagrach as gníomhaíochtaí nó atá comhpháirteach i ngníomhaíochtaí lena gcuirtear síocháin, cobhsaíocht agus slándáil Háítí i mbaol, nó a bhí páirteach i ngníomhaíocht den chineál sin, go díreach nó go hindíreach, lena n-áirítear an méid seo a leanas, ach gan a bheith teoranta dóibh:

Liostaítear na daoine dá dtagraítear sa mhír seo san Iarscríbhinn.

2.   Ní chuirfear de cheangal le mír 1 ar aon Bhallstát teacht isteach chuig a chríoch féin a dhiúltú dá náisiúnaigh féin.

3.   Ní bheidh feidhm ag mír 1 i gcás inar gá dul isteach nó idirthuras chun próiseas breithiúnach a chomhlíonadh.

4.   Ní bheidh feidhm ag mír 1 i gcás ina gcinnfidh an Coiste Smachtbhannaí, ar bhonn cás ar chás, an méid seo a leanas:

5.   I gcásanna ina n-údaraíonn Ballstát, de bhun mhír 3 nó 4, teacht isteach ina gcríocha, nó idirthuras trína gcríocha do dhaoine a liostaítear san Iarscríbhinn, beidh an t-údarú teoranta don chuspóir ar chuige sin a thugtar é agus do na daoine lena mbaineann an t-údarú.

1.   Na cistí agus na hacmhainní eacnamaíocha uile atá faoi úinéireacht nó faoi rialú díreach nó indíreach ag daoine nó eintiteas arna n-ainmniú ag an gCoiste Smachtbhannaí mar dhaoine nó eintitis atá freagrach as gníomhaíochtaí nó atá comhpháirteach i ngníomhaíochtaí lena gcuirtear síocháin, cobhsaíocht agus slándáil Háítí i mbaol, nó a bhí páirteach iontu, go díreach nó go hindíreach, lena n-áirítear an méid seo a leanas, ach gan a bheith teoranta dóibh:

nó ag daoine nó eintitis atá ag gníomhú thar a gceann siúd nó faoina stiúradh siúd, nó eintitis atá faoi úinéireacht nó faoi rialú acu siúd, déanfar na cistí agus na hacmhainní sin a reo.

Liostaítear san Iarscríbhinn na daoine nó na heintitis ainmnithe dá dtagraítear sa mhír seo.

2.   Ní chuirfear aon chiste ná acmhainn eacnamaíoch ar fáil, go díreach nó go hindíreach, do na daoine ná do na heintitis a liostaítear san Iarscríbhinn, ná ní chuirfear aon chiste ná acmhainn eacnamaíoch ar fáil, go díreach nó go hindíreach, chun sochair dóibh.

3.   Ní bheidh feidhm ag na bearta dá dtagraítear i míreanna 1 agus 2 maidir le cistí agus acmhainní eacnamaíocha ar chinn an Ballstát ábhartha an méid seo a leanas ina leith:

tar éis don Bhallstát ábhartha fógra a thabhairt don Choiste Smachtbhannaí go bhfuil sé i gceist aige, i gcás inarb iomchuí, rochtain ar na cistí sin, ar na sócmhainní airgeadais eile nó ar na hacmhainní eacnamaíocha sin a údarú agus in éagmais cinneadh diúltach ón gCoiste Smachtbhannaí laistigh de chúig lá oibre ón bhfógra sin a fháil.

4.   Ní bheidh feidhm ag na bearta dá dtagraítear i míreanna 1 agus 2 maidir le cistí ná acmhainní eacnamaíocha ar chinn an Ballstát ábhartha an méid seo a leanas ina leith:

5.   Le mír 1, ní chuirfear cosc ar dhuine ainmnithe nó ar eintiteas ainmnithe íocaíocht a dhéanamh atá dlite faoi chonradh a rinneadh sular liostaíodh an duine nó an t-eintiteas sin, ar choinníoll gur chinn an Ballstát ábhartha nach bhfaigheann duine nó eintiteas dá dtagraítear i mír 1 an íocaíocht go díreach nó go hindíreach, agus tar éis don Bhallstát ábhartha fógra a thabhairt don Choiste Smachtbhannaí go bhfuil sé i gceist aige na híocaíochtaí sin a dhéanamh nó a fháil nó, i gcás inarb iomchuí, dí-reo cistí, sócmhainní airgeadais eile nó acmhainní eacnamaíocha a údarú chun na críche sin, 10 lá oibre roimh an údarú sin.

6.   Ní bheidh feidhm ag mír 2 maidir leis an méid seo a leanas a chur le cuntais reoite:

ar choinníoll go bhfuil an t-ús sin, na tuillimh eile sin agus na híocaíochtaí sin reoite agus gur faoi réir na mbeart dá bhforáiltear in mír 1 fós atá siad.

7.   Gan dochar do chláir cúnaimh dhaonnúil a sheoltar in áiteanna eile, ní bheidh feidhm ag na bearta dá bhforáiltear i míreanna 1 agus 2 maidir le cistí a íoc, sócmhainní airgeadais eile nó acmhainní eacnamaíocha is gá a sheachadadh chun a áirithiú go ndéanfar cúnamh daonnúil a bhfuil géarghá léi a sheachadadh go tráthúil nó chun tacú le gníomhaíochtaí eile a thacaíonn le riachtanais bhunúsacha an duine i Háítí, ag na Náisiúin Aontaithe, ag a sainghníomhaireachtaí nó ag a sainchláir, eagraíochtaí daonnúla a bhfuil stádas breathnóra acu le Comhthionól Ginearálta na Náisiún Aontaithe a sholáthraíonn cúnamh daonnúil, agus a gcomhpháirtithe cur chun feidhme lena n-áirítear eagraíochtaí neamhrialtasacha a fhaigheann cistiú déthaobhach nó iltaobhach agus atá rannpháirteach i bPlean Freagartha Daonnúla na Náisiún Aontaithe do Háítí.

1.   I gcás ina n-ainmneoidh an Chomhairle Slándála nó an Coiste Smachtbhannaí duine nó eintiteas, cuirfidh an Chomhairle an duine nó an t-eintiteas sin san áireamh san Iarscríbhinn. Déanfaidh an Chomhairle a cinneadh, lena n-áirítear na forais leis an liostú, a chur in iúl go díreach don duine nó don eintiteas lena mbaineann más eol an seoladh, nó trí fhógra a fhoilsiú, trína dtabharfar deis don duine nó don eintiteas sin barúlacha a thíolacadh.

2.   I gcás ina dtíolacfar barúlacha nó i gcás ina dtíolacfar fianaise shubstaintiúil nua, athbhreithneoidh an Chomhairle a cinneadh agus cuirfidh sí an duine nó an t-eintiteas lena mbaineann ar an eolas dá réir sin.

1.   Áireofar san Iarscríbhinn na forais chun na daoine agus na heintitis a liostú mar a fhoráiltear ag an gComhairle Slándála nó ag an gCoiste Smachtbhannaí.

2.   Áireofar san Iarscríbhinn freisin, i gcás ina mbeidh sí ar fáil, an fhaisnéis a chuirfidh an Chomhairle Slándála nó an Coiste Smachtbhannaí ar fáil chun na daoine nó na heintitis lena mbaineann a shainaithint. Maidir le daoine, féadfaidh na nithe seo a leanas a bheith ar áireamh san fhaisnéis sin: ainmneacha lena n-áirítear ailiasanna, dáta breithe agus áit bhreithe, náisiúntacht, uimhreacha pas agus cárta aitheantais, inscne, seoladh, más eol, agus feidhm nó gairm. Maidir le heintitis, féadfaidh ainmneacha, áit agus dáta clárúcháin, uimhir chlárúcháin agus áit ghnó a bheith san áireamh san fhaisnéis sin.

1.   Déanfaidh an Chomhairle, Ardionadaí an Aontais do Ghnóthaí Eachtracha agus don Bheartas Slándála (“an tArdionadaí”) sonraí pearsanta a phróiseáil chun a gcúraimí faoin gCinneadh seo a thabhairt i gcrích, go háirithe:

2.   Maidir le sonraí ábhartha a bhaineann le cionta coiriúla arna ndéanamh ag daoine nádúrtha liostaithe agus le ciontuithe coiriúla nó bearta slándála a bhaineann leis na daoine sin, ní fhéadfaidh an Chomhairle ná an tArdionadaí iad a phróiseáil, i gcás inarb infheidhme, ach amháin a mhéid is gá an phróiseáil sin chun an Iarscríbhinn a ullmhú.

3.   Chun críocha an Chinnidh seo, ainmnítear an Chomhairle agus an tArdionadaí mar “rialaitheoir” de réir bhrí Airteagal 3, pointe 8, de Rialachán (AE) 2018/1725 ó Pharlaimint na hEorpa agus ón gComhairle (1), chun a áirithiú gur féidir leis na daoine nádúrtha lena mbaineann a gcearta a fheidhmiú faoin Rialachán sin.