9.12.2008   

MT

Il-Ġurnal Uffiċjali ta’ l-Unjoni Ewropea

213

(1)

L-Artikolu 2 tar-Regolament tal-Kummissjoni (KEE) Nru 1859/82 (2) jistipula, għal kull Stat Membru, il-limitu massimu tad-daqs ekonomiku tal-azjendi tal-kontabilità li jaqgħu taħt il-qasam tal-istħarriġ tan-netwerk tal-informazzjoni tal-kontabilità agrikola.

(2)

Fil-każ tal-Ġermanja, it-tibdil strutturali wassal għal tnaqqis fin-numru tal-iżgħar azjendi u fil-kontribuzzjoni tagħhom lejn il-prodott agrikolu totali. Dan wassal biex l-użu tagħhom fl-istħarriġ dwar l-aktar parti rilevanti tal-attività agrikola ma huwiex aktar neċessarju. Huwa għalhekk indikat li l-limitu massimu jiżdied minn 8 UDE (Unita' ta' Dimensjoni Ewropea) għal 16 UDE.

(3)

Fil-każ ta' Ċipru, il-limitu li kien inizjalment ta' 1 UDE għandu jiżdied għal 2 UDE, għaliex l-azjendi b'daqs ekonomiku iżgħar minn 2 UDE jirrappreżenta biss 7 % tal-marġini gross totali standard. L-aktar parti rilevanti tal-attività agrikola tista' għalhekk tkun koperta b'limitu massimu li jeskludi l-azjendi ż-żgħar.

(4)

In-numru ta' azjendi tal-kontabilità għal kull Stat Membru li għandhom jingħażlu bid-diviżjoni huwa stabbilit fl-Anness I tar-Regolament (KEE) Nru 1859/82. Fil-każ ta' Spanja, l-Italja, l-Awstrija, il-Portugall u l-Finlandja, in-numru ta' azjendi tal-kontabilità baqa' l-istess għal żmien twil minkejja li kien hemm tnaqqis sinifikanti fin-numru ta' azjendi. It-tnaqqis kien akkumpanjat minn żieda fl-uniformità tal-azjendi, li hija b'tali mod li tgħin biex tintlaħaq rappreżentanza sodisfaċenti fuq bażi ta' kampjun iżgħar minn dak attwali. Minħabba dan it-tibdil strutturali n-numru ta' azjendi tal-kontabilità li jridu jingħażlu fi Spanja, l-Italja, il-Portugall u l-Finlandja jista' jitnaqqas. Madankollu, għal xi diviżjonijiet fi Spanja u fl-Italja n-numru għandu jiżdied bħala riżultat ta' metodoloġiji mtejba ta' statistika użati għas-selezzjoni.

(5)

In-numru ta' azjendi tal-kontabilità f'Malta għandu jkun rivedut fuq il-bażi ta' informazzjoni ġdida dwar l-istruttura agrikola tagħha.

(6)

Ir-Regolament (KEE) Nru 1859/82 għandu għaldaqstant jiġi emendat skont dan.

(7)

Il-miżuri previsti f'dan ir-Regolament huma skont l-opinjoni tal-Kumitat Komunitarju għan-Netwerk ta' Informazzjoni dwar il-Kontabilità tal-Irziezet,

(1)

L-Artikolu 2 jinbidel b'dan li ġej:

“Artikolu 2

Għas-sena tal-kontijiet 2006 (perjodu ta' 12-il xahar konsekuttiv li jibda bejn l-1 ta' Jannar 2006 u l-1 ta' Lulju 2006) u għas-snin tal-kontijiet sussegwenti, il-limitu massimu kif imsemmi fl-Artikolu 4 tar-Regolament Nru 79/65/KEE fl-UDE għandu jkun kif ġej:

(2)

L-Anness I huwa emendat skont l-Anness għal dan ir-Regolament.