EUR-Lex Access to European Union law
This document is an excerpt from the EUR-Lex website
Document 62011TN0616
Case T-616/11 P: Appeal brought on 28 November 2011 by Luigi Marcuccio against the order of the Civil Service Tribunal of 8 September 2011 in Case F-69/10, Marcuccio v Commission
Kawża T-616/11 P: Appell ippreżentat fit- 28 ta’ Novembru 2011 minn Luigi Marcuccio kontra d-digriet mogħti fit- 8 ta’ Settembru 2011 mit-Tribunal għas-Servizz Pubbliku fil-Kawża F-69/10, Marcuccio vs Il-Kummissjoni
Kawża T-616/11 P: Appell ippreżentat fit- 28 ta’ Novembru 2011 minn Luigi Marcuccio kontra d-digriet mogħti fit- 8 ta’ Settembru 2011 mit-Tribunal għas-Servizz Pubbliku fil-Kawża F-69/10, Marcuccio vs Il-Kummissjoni
ĠU C 25, 28.1.2012, p. 65–65
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
28.1.2012 |
MT |
Il-Ġurnal Uffiċjali tal-Unjoni Ewropea |
C 25/65 |
Appell ippreżentat fit-28 ta’ Novembru 2011 minn Luigi Marcuccio kontra d-digriet mogħti fit-8 ta’ Settembru 2011 mit-Tribunal għas-Servizz Pubbliku fil-Kawża F-69/10, Marcuccio vs Il-Kummissjoni
(Kawża T-616/11 P)
(2012/C 25/124)
Lingwa tal-kawża: it-Taljan
Partijiet
Appellant: Luigi Marcuccio (Tricase, l-Italia) (rappreżentant: G. Cipressa, avukat)
Parti oħra fil-proċedura: Il-Kummissjoni Ewropea
Talbiet
L-appellant jitlob li Qorti Ġenerali jogħġobha:
— |
prinċipalment , tilqa’ t-talbiet kollha mitluba fl-ewwel istanza; |
— |
tikkundanna lill-Kummissjoni Ewropea tirrimborsa lill-appellant l-ispejjeż inkorsi minn dan tal-aħħar għall-finijiet ta’ din l-istanza; |
— |
sussidjarjament , tibgħat lura l-kawża quddiem it-Tribunal għas-Servizz Pubbliku, f’kompożizzjoni differenti, sabiex dan jiddeċiedi mill-ġdid fuq il-mertu ta’ kull talba msemmija fil-punti preċedenti ta’ dawn it-talbiet. |
Aggravji u argumenti prinċipali
Dan l-appell huwa dirett kontra d-digriet mogħti fit-8 ta’ Settembru 2011 fil-Kawża F-69/10, li jiċħad bħala manifestament infondat rikors intiż, minn naħa, għall-annullament tad-deċiżjoni tal-Kummissjoni li permezz tagħha ġiet miċħuda t-talba tiegħu għal kumpens għad-dannu inkors minħabba, li skont ma qal, intbagħat lill-avukat tiegħu, fil-kawża li tat lok għas-sentenza tal-10 ta’ Ġunju 2008, Kawża T-18/04, Marcuccio vs Il-Kummissjoni, ittra dwar il-ħlas tal-ispejjeż magħmula fil-kuntest ta’ din l-istanza u, min-naħa l-oħra, il-kundanna tal-Kummissjoni sabiex tirrimborsa d-dannu inkors.
L-appellant jinvoka żewġ aggravji insostenn tat-talbiet tiegħu:
(1) |
L-ewwel aggravju bbażat fuq nuqqas assolut ta’ motivazzjoni “tat-talbiet għal kumpens” (titolu li jinsab bejn il-punti 21 u 22 tad-digriet appellat), b’mod partikolari minħabba n-natura indeterminata u paradossali tagħhom, in-nuqqas ta’ istruzzjonijiet u żnaturament tal-fatti, in-natura apodittika, illoġika, inkonsistenti, mingħajr raġuni, inkorretta, żbaljata u falza tal-interpretazzjoni u tal-applikazzjoni tad-dispożizzjonijiet legali dwar it-tnissil ta’ responsabbiltà mhux kuntrattwali tal-istituzzjonijiet tal-Unjoni Ewropea; tal-kunċett ta’ obbligu ta’ motivazzjoni impost fuq l-istituzzjonijiet u l-qrati tal-Unjoni Ewropea; tal-kunċett ta’ analoġija u ta’ aġir illegali min-naħa ta’ istituzzjoni tal-Unjoni Ewropea. |
(2) |
It-tieni aggravju bbażat fuq in-natura illegali tal-konklużjonijiet tal-qorti tal-ewwel istanza dwar “Spejjeż legali” (titolu li jinsab bejn il-punti 28 u 29 tad-digriet appellat). |