EUR-Lex Access to European Union law
This document is an excerpt from the EUR-Lex website
Document 62022TN0702
Case T-702/22: Action brought on 12 November 2022 — TA v Commission
Kawża T-702/22: Rikors ippreżentat fit-12 ta’ Novembru 2022 – TA vs Il-Kummissjoni
Kawża T-702/22: Rikors ippreżentat fit-12 ta’ Novembru 2022 – TA vs Il-Kummissjoni
ĠU C 24, 23.1.2023, p. 56–57
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
23.1.2023 |
MT |
Il-Ġurnal Uffiċjali tal-Unjoni Ewropea |
C 24/56 |
Rikors ippreżentat fit-12 ta’ Novembru 2022 – TA vs Il-Kummissjoni
(Kawża T-702/22)
(2023/C 24/78)
Lingwa tal-kawża: il-Portugiż
Partijiet
Rikorrent: TA (rappreżentanti: A. Ferreira Correia u R. da Palma Borges, avukati)
Konvenut: Il-Kummissjoni Ewropea
Talbiet
Ir-rikorrenti titlob li l-Qorti Ġenerali jogħġobha:
— |
tannulla l-Artikoli 1 u 4 tad-deċiżjoni kkontestata minħabba nuqqas ta’ motivazzjoni, jew sa fejn dawn japplikaw għal benefiċjarji minħabba ċ-ċirkustanza li għandhom ħaddiema mhux residenti fir-reġjun ultraperiferiku, jew li jiksbu dħul li s-sors tiegħu huwa barra mir-reġjun ultraperiferiku. |
— |
tikkundanna lill-istituzzjoni konvenuta għall-ispejjeż. |
Motivi u argumenti prinċipali
Insostenn tar-rikors tagħha kontra d-Deċiżjoni tal-Kummissjoni (UE) 2022/1414 tal-4 ta’ Diċembru 2020 dwar l-iskema ta’ għajnuna SA.21259 (2018/C) (ex-2018/NN) implimentata mill-Portugall għal Zona Franca da Madeira (ZFM) – Reġim III (notifikata bid-dokument C(2020) 8550) (ĠU 2022, L 217, p. 49), ir-rikorrenti tinvoka ħames motivi.
1. |
L-ewwel motiv huwa bbażat fuq in-nuqqas ta’ motivazzjoni tad-deċiżjoni kkontestata. |
2. |
It-tieni motiv huwa bbażat fuq żball fl-evalwazzjoni ta’ fatt u ta’ liġi sa fejn id-deċiżjoni kkontestata kkunsidrat li benefiċċji mogħtija lil impriżi li kienu stabbiliti b’mod reġjonali, iżda li kellhom relazzjonijiet esterni, ma kinux kompatibbli mas-suq intern skont it-tifsira tal-Artikolu 107(3) TFUE. |
3. |
It-tielet motiv huwa bbażat fuq żball fl-evalwazzjoni ta’ fatt u ta’ liġi sa fejn id-tad-deċiżjoni kkontestata kkunsidrat li benefiċċji mogħtija lil impriżi li kienu stabbiliti b’mod reġjonali, iżda li kienu jżommu relazzjonijiet ta’ impjieg ma’ ħaddiema li ma kinux preżenti b’mod permanenti fir-reġjun ultraperiferiku, ma kinux kompatibbli mas-suq intern skont it-tifsira tal-Artikolu 107(3) TFUE. |
4. |
Ir-raba’ motiv huwa bbażat fuq żball fl-evalwazzjoni ta’ fatt u ta’ liġi sa fejn id-deċiżjoni kkontestata kkunsidrat li benefiċċji mogħtija lil impriżi li ma jeċċedux il-limiti kwantitattiva previsti fil-Linji Gwida dwar l-għajnuna Nazzjonali b’għan Reġjonali għall-2007-2013 u fir-Regolament Ġenerali ta’ Eżenzjoni ta’ Kategorija tal-2014 ma kinux kompatibbli mas-suq intern skont it-tifsira tal-Artikolu 107(3) TFUE. |
5. |
Il-ħames motiv huwa bbażat fuq ksur tal-prinċipji ġenerali tad-dritt tal-Unjoni: ċertezza legali, aspettattivi leġittimi u legalità. |