EUR-Lex Access to European Union law
This document is an excerpt from the EUR-Lex website
Document 62022TN0215
Case T-215/22: Action brought on 22 April 2022 — Synesis v Council
Kawża T-215/22: Rikors ippreżentat fit-22 ta’ April 2022 – Synesis vs Il-Kunsill
Kawża T-215/22: Rikors ippreżentat fit-22 ta’ April 2022 – Synesis vs Il-Kunsill
ĠU C 222, 7.6.2022, p. 39–40
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
ĠU C 222, 7.6.2022, p. 36–37
(GA)
7.6.2022 |
MT |
Il-Ġurnal Uffiċjali tal-Unjoni Ewropea |
C 222/39 |
Rikors ippreżentat fit-22 ta’ April 2022 – Synesis vs Il-Kunsill
(Kawża T-215/22)
(2022/C 222/64)
Lingwa tal-kawża: il-Ġermaniż
Partijiet
Rikorrent: Synesis TAA (Minsk, il-Bjelorussja) (rappreżentanti: G. Lansky u A. Egger, avukati)
Konvenut: Il-Kunsill tal-Unjoni Ewropea
Talbiet
Ir-rikorrenti titlob li l-Qorti Ġenerali jogħġobha:
— |
tannulla, skont l-Artikolu 263 TFUE, id-Deċiżjoni tal-Kunsill (PESK) 2022/307 tal-24 ta’ Frar 2022 li temenda d-Deċiżjoni 2012/642/PESK dwar miżuri restrittivi fid-dawl tas-sitwazzjoni fil-Belarussja (ĠU 2022, L 46, p. 97) kif ukoll ir-Regolament ta’ Implimentazzjoni tal-Kunsill (UE) 2022/300 tal-24 ta’ Frar 2022 li jimplimenta l-Artikolu 8a tar-Regolament (KE) Nru 765/2006 dwar miżuri restrittivi fid-dawl tas-sitwazzjoni fil-Belarussja (ĠU 2022, L 46, p. 3), sa fejn jikkonċernaw lir-rikorrenti; |
— |
tikkundanna lill-Kunsill għall-ispejjeż tal-proċedura skont l-Artikolu 134 tar-Regoli tal-Proċedura tal-Qorti Ġenerali |
Motivi u argumenti prinċipali
Ir-rikorrenti ssostni, bħala motivazzjoni għall-illegalità tal-atti ġuridiċi kkontestati, sa fejn jikkonċernawha, motiv uniku li jgħid li l-Kunsill wettaq żball manifest ta’ evalwazzjoni u, b’mod partikolari, kiser l-obbligu tiegħu ta’ eżami. Il-Kunsill ma ressaqx provi konkreti li jiġġustifikaw il-validità tal-inklużjoni tar-rikorrenti fil-lista tal-atti ġuridiċi kkontestati.