1)

Id-dispożizzjonijiet tal-Artikolu 17 tad-Direttiva tal-Kunsill 2008/90/KE tad-29 ta’ Settembru 2008 dwar il-kummerċjalizzazzjoni tal-materjal tal-propagazzjoni tal-pjanti tal-frott u tal-pjanti tal-frott maħsuba għall-produzzjoni tal-frott (1), jistgħu jiġu interpretati fis-sens li jipprojbixxu lill-Istati Membri milli jimponu l-obbligu li jitwettqu proċeduri ta’ għoti ta’ kuntratti qabel ma jiġi kkummerċjalizzat materjal [ikklassifikat bħala] Conformitas Agraria Communitatis (CAC)?

2)

F’sitwazzjoni bħal dik f’dan il-każ, l-Artikolu 4(10) tar-Regolament (UE) Nru 1303/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni, il-Fond Agrikolu Ewropew għall-Iżvilupp Rurali u l-Fond Ewropew għall-Affarijiet Marittimi u s-Sajd u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (2), flimkien mad-dispożizzjonijiet tal-Artikolu 39(1)(a) u (b) TFUE, jista’ jiġi interpretat fis-sens li jipprekludi l-obbligu li jitwettqu proċeduri ta’ għoti ta’ kuntratti kif stabbilit fil-[Programm Nazzjonali dwar l-Iżvilupp Rurali tar-Rumanija (il-PNŻR)] 2014-2020 (il-ħames verżjoni)?