1.

Taħt liema kundizzjonijiet ikun hemm rekwiżiti nutrittivi oħra b’għan mediku skont l-Artikolu 2(2)(g) tar-Regolament (UE) Nru 609/2013 tal-Parlament Ewropew u tal-Kunsill tat-12 ta’ Ġunju 2013 dwar ikel maħsub għat-trabi u t-tfal żgħar, ikel għal skopijiet mediċi speċjali, u bħala sostitut tad-dieta kollha għall-kontroll tal-piż u li jħassar id-Direttiva tal-Kunsill 92/52/KEE, id-Direttivi tal-Kummissjoni 96/8/KE, 1999/21/KE, 2006/125/KE u 2006/141/KE, id-Direttiva 2009/39/KE tal-Parlament Ewropew u tal-Kunsill u r-Regolamenti tal-Kummissjoni (KE) Nru 41/2009 u (KE) Nru 953/2009 (1),

jiġifieri:

dawn jeżiġu li – kif imsemmi fl-ewwel alternattiva, flimkien mal-ħila limitata, debboli jew kompromessa li jieħdu, jiddiġerixxu, jassorbu, iħaddmu jew ineħħu ikel normali – ikun hemm rekwiżit nutrittiv ikbar minħabba l-marda, li għandu jiġi kopert mill-ikel,

jew huwa suffiċjenti li l-pazjent ġeneralment jibbenefika mill-konsum ta’ dan l-ikel peress li s-sustanzi inklużi fih jikkumbattu d-disturb jew inaqqsu s-sintomi?

2.

Fil-każ li l-ewwel domanda tingħata risposta skont l-alternattiva msemmija fl-aħħar:

L-“informazzjoni xjentifika aċċettata b’mod ġenerali” fis-sens tal-Artikolu 2(2) tar-Regolament Delegat tal-Kummissjoni (UE) 2016/128 tal-25 ta’ Settembru 2015 li jissupplimenta r-Regolament (UE) Nru 609/2013 tal-Parlament Ewropew u tal-Kunsill fir-rigward tar-rekwiżiti speċifiċi dwar il-kompożizzjoni u l-informazzjoni għall-ikel għal skopijiet mediċi speċjali (2) teżiġi f’kull każ studju aleatorju, plaċebo-ikkontrollat u double-blind li, minkejja li ma jikkonċernax il-prodott inkwistjoni nnifsu, jipprovdi minn tal-inqas indikazzjonijiet dwar l-effetti invokati?