—

tannulla d-Deċiżjoni tal-Kummissjoni C(2020) 1573 finali tas-6 ta’ Marzu 2020 li ma topponix it-tranżazzjoni nnotifikata fil-Każ M.9674-Vodafone Italia / TIM / INWIT JV kif emendata permezz tal-impenji u tiddikjaraha bħala inkompatibbli mas-suq intern u mal-funzjonament tal-Ftehim ŻEE;

—

tikkundanna lill-Kummissjoni għall-ispejjeż.

1.

L-ewwel motiv ibbażat fuq l-allegazzjoni li l-impenji ma jipprovdu l-ebda definizzjoni jew kwantifikazzjoni tal-livell minimu ta’ qawwa meħtieġ sabiex jiġi ssodisfatt l-obbligu li jiġi pprovdut Spazju Liberu suffiċjenti, li huwa pilastru ċentrali għall-effettività tal-impenji.

2.

It-tieni motiv ibbażat fuq l-allegazzjoni li l-impenji ma jispeċifikawx b’mod espliċitu u ċar id-dritt għal kompetitur ġdid li jikseb, mill-bidu nett tal-implimentazzjoni tal-impenji, servizzi ta’ hosting online li jkopru l-medda ta’ frekwenza ta’ 700 MHz, li hija essenzjali għall-operat effettiv ta’ operaturi ta’ network mobbli f’kompetizzjoni.

3.

It-tielet motiv ibbażat fuq l-allegazzjoni li l-impenji ma jipprojbixxux b’mod espliċitu u ċar lill-partijiet milli jagħżlu siti internet mhux adatti fit-twettiq tal-obbligu tagħhom li jipprovdu aċċess lil kompetituri ġodda, u li l-impenji ma joffru l-ebda protezzjoni kontra l-partijiet li jeżerċitaw preġudizzju fl-għażla tas-siti internet li lilhom għandu jingħata aċċess.

4.

Ir-raba’ motiv ibbażat fuq l-allegazzjoni li l-impenji jipprovdu proċedura insuffiċjenti u mhux ċara għal arranġament ta’ aċċess għal siti internet rilevanti, li jirriżulta f’sitwazzjoni fejn kompetituri ġodda ma jkunux jistgħu jagħmlu użu effettiv tas-siti internet offruti taħt l-impenji.