—

tannulla, totalment jew parzjalment, id-deċiżjoni tal-Kummissjoni tal-31 ta’ Awwissu 2020 fil-Każ Nru M.9076 – Novelis/Aleris li tiċħad it-talba ta’ Novelis għal estensjoni ta’ xahar tal-perijodu tal-għeluq skont il-klawżola 49 tal-impenji ta’ Novelis/Aleris;

—

tikkundanna lill-Kummissjoni għall-ispejjeż.

1.

L-ewwel motiv ibbażat fuq l-adozzjoni tad-deċiżjoni kkontestata mid-Deputat Direttur Ġenerali tad-Direttorat Ġenerali għall-Kompetizzjoni minflok il-Kulleġġ tal-Kummissarji, bi ksur tal-prinċipju ta’ kolleġġjalità.

2.

It-tieni motiv ibbażat fuq ksur tad-dritt għal smigħ tar-rikorrenti.

3.

It-tielet motiv ibbażat fuq motivazzjoni insuffiċjenti li tippermetti lir-rikorrenti teżerċita d-drittijiet tad-difiża tagħha b’mod effettiv.

4.

Ir-raba’ motiv ibbażat fuq il-fatt li d-deċiżjoni kkontestata hija vvizzjata minn diversi żbalji manifesti ta’ evalwazzjoni u tinjora li r-rikorrenti għandha raġuni valida għaliex tapplika għal estensjoni. Barra minn hekk, ir-rikorrenti tallega li fid-dawl tal-konsegwenzi legali tagħha u tad-disponibbiltà ta’ diversi mezzi inqas onerużi, id-deċiżjoni kkontestata tikser il-prinċipju ta’ proporzjonalità.