—

tannulla n-nota ta’ debitu Nru 3242009492 maħruġa mill-EASME fit-18 ta’ Awwissu (iktar ’il quddiem in-“nota ta’ debitu”), sa fejn tordna l-ħlas ta’ EUR 55 454,44;

—

tannulla l-ittra tat-18 ta’ Awwissu 2020, bir-referenza Ref. Ares (2020)4309529 (iktar ’il quddiem, l-“ittra”), mibgħuta mill-EASME flimkien man-nota ta’ debitu, sa fejn tordna r-rimbors ta’ EUR 48 238,75 sabiex tiġi rrilaxxata l-kontribuzzjoni lill-Fond ta’ Garanzija;

—

tannulla l-ittra mibgħuta flimkien man-nota ta’ debitu, sa fejn id-dikjarazzjoni finanzjarja finali mibgħuta fl-istess tikklassifika bħala spiża ineliġibbli l-ispejjeż diretti tal-persunal f’ammont ta’ EUR 210 423,11;

—

tannulla l-ittra mibgħuta flimkien man-nota ta’ debitu, sa fejn id-dikjarazzjoni finanzjarja finali mibgħuta fl-istess tikklassifika bħala spejjeż ineliġibbli l-ispejjeż indiretti f’ammont ta’ EUR 52 605,78;

—

tikkundanna lill-EASME u lill-Kummissjoni għall-ispejjeż.

1.

L-ewwel motiv, ibbażat fuq ksur tad-dmir ta’ motivazzjoni.

L-EASME kisret id-dmir ta’ motivazzjoni għaliex ma ġġustifikatx legalment it-talbiet inklużi fin-nota ta’ debitu u fl-ittra mibgħuta flimkien magħha.

2.

It-tieni motiv, ibbażat fuq ksur tal-prinċipju ta’ amministrazzjoni tajba.

L-EASME kisret il-prinċipju ta’ amministrazzjoni tajba sa fejn:

3.

It-tielet motiv, ibbażat fuq żball manifest ta’ evalwazzjoni.

L-EASME wettqet żball manifest ta’ evalwazzjoni meta qieset, fil-lista ta’ referenzi mibgħuta flimkien man-nota ta’ debitu, li l-proġett ma kienx jissodisfa bħala prinċipju l-għanijiet tekniċi u kummerċjali globali, bħala riżultat tal-fatti u tad-dokumenti li ma kinux ittieħdu inkunsiderazzjoni meta twettqet tali evalwazzjoni.

4.

Ir-raba’ motiv, ibbażat fuq nuqqas ta’ osservanza tar-rekwiżiti ta’ proporzjonalità.

L-EASME ma osservatx ir-rekwiżiti ta’ proporzjonalità meta qieset li huma ineliġibbli spejjeż f’total ta’ EUR 263 028,89 minn spejjeż ta’ EUR 804 020,75 iddikjarati mir-rikorrenti.

5.

Il-ħames motiv, ibbażat fuq nuqqas ta’ osservanza tar-rekwiżit ta’ amministrazzjoni finanzjarja tajba u, b’mod partikolari, tar-rekwiżit ta’ ekonomija, effiċjenza u effikaċja.