Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62020TN0450

    Kawża T-450/20: Rikors ippreżentat fil-15 ta’ Lulju 2020 – Tempora vs Il-Parlament

    ĠU C 279, 24.8.2020, p. 64–64 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    24.8.2020   

    MT

    Il-Ġurnal Uffiċjali tal-Unjoni Ewropea

    C 279/64

    Rikors ippreżentat fil-15 ta’ Lulju 2020 – Tempora vs Il-Parlament

    (Kawża T-450/20)

    (2020/C 279/80)

    Lingwa tal-kawża: il-Franċiż

    Partijiet

    Rikorrenti: Tempora (Forest, il-Belġju) (rappreżentanti: A. Delvaux u R. Simar, avukati)

    Konvenut: Il-Parlament Ewropew

    Talbiet

    Ir-rikorrenti titlob li l-Qorti Ġenerali jogħġobha:

    —

    tiddikjara r-rikors għal annullament ammissibbli;

    —

    tannulla d-deċiżjoni, bid-data mhux magħrufa, li permezz tagħha l-Parlament Ewropew iddeċieda li jagħti l-kuntratt lil SPRL IMAGINA EU;

    —

    tikkundanna lill-Parlament Ewropew għall-ispejjeż.

    Motivi u argumenti prinċipali

    Insostenn tar-rikors tagħha kontra d-deċiżjoni tal-għoti lil offerent ieħor tal-kuntratt fil-kuntest tas-sejħa għal offerti bir-referenza COMM/AWD/2019/421, ir-rikorrenti tinvoka żewġ motivi.

    1.

    L-ewwel motiv ibbażat fuq il-ksur tal-Artikolu 15.2 tal-ispeċifikazzjonijiet, tal-obbligi ta’ diliġenza u ta’ preċiżjoni, tal-prinċipji ta’ ugwaljanza, ta’ kompetizzjoni u ta’ trasparenza, tal-Artikolu 170(1) tar-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012 (ĠU 2018, L 193, p. 1, rettifika fil-ĠU L 60, 28.2.2019, p. 36) (iktar ’il quddiem ir-“Regolament 2018/1046”). F’dan ir-rigward, ir-rikorrenti tqis li l-Parlament kellu jattribwixxi l-kuntratt lilha, peress li SPRL IMAGINA EU ma kellhiex il-kapaċità ekonomika u finanzjarja suffiċjenti u b’hekk ma setgħetx tintgħażel.

    2.

    It-tieni motiv, ibbażat fuq ksur tal-punt 23 tal-Anness I tar-Regolament 2018/1046 u tal-Artikolu 16 tal-ispeċifikazzjonijiet, tal-prinċipji ta’ ugwaljanza, ta’ kompetizzjoni u ta’ trasparenza u tal-obbligi ta’ diliġenza u ta’ preċiżjoni. Ir-rikorrenti tosserva li l-prezzijiet offruti minn SPRL IMAGINA EU fl-offerta tagħha huma baxxi b’mod mhux normali u ma setgħux jiġu aċċettati.
    Top