Volver a la página principal de EUR-Lex

EUR-Lex El acceso al Derecho de la Unión Europea

Volver a la página principal de EUR-Lex

Este documento es un extracto de la web EUR-Lex

Utilice comillas para buscar una "expresión exacta". Trunque con un asterisco (*) el término de búsqueda para encontrar variantes del mismo (transp*, 32019R*). Sustituya alguno de los caracteres por un signo de interrogación para encontrar variantes (ca?a da como resultado casa, caja, cada).
Consejos de búsqueda
¿Necesita más opciones de búsqueda? Utilice la Búsqueda avanzada
Está usted aquí

Documento 62019TN0655

Kawża T-655/19: Rikors ippreżentat fis-27 ta’ Settembru 2019 – Ferriera Valsabbia u Valsabbia Investimenti vs Il-Kummissjoni Ewropea

ĠU C 399, 25.11.2019, p. 87/88 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

25.11.2019   

MT

Il-Ġurnal Uffiċjali tal-Unjoni Ewropea

C 399/87

Rikors ippreżentat fis-27 ta’ Settembru 2019 – Ferriera Valsabbia u Valsabbia Investimenti vs Il-Kummissjoni Ewropea

(Kawża T-655/19)

(2019/C 399/106)

Lingwa tal-kawża: it-Taljan

Partijiet

Rikorrenti: Ferriera Valsabbia SpA (Odolo, l-Italja), Valsabbia Investimenti SpA (Odolo, l-Italja) (rappreżentanti: D. Slater, Solicitor, G. Carnazza u D. Fosselard, avukati)

Konvenuta: Il-Kummissjoni Ewropea

Talbiet

Ir-rikorrenti jitolbu li l-Qorti Ġenerali jogħġobha:

—

tannulla d-deċiżjoni, sa fejn din tirrigwarda lir-rikorrenti;

—

tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors tagħhom, ir-rikorrenti jinvokaw erba’ motivi.

1.

L-ewwel motiv, ibbażat fuq ksur tal-Artikolu 266 TFUE, kif ukoll tal-Artikoli 14 u 27(1) tar-Regolament tal-Kunsill (KE) Nru 1/2003 tas-16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (ĠU Edizzjoni Speċjali bil-Malti, Kapitolu 8, Vol. 2, p. 205), u tal-Artikoli 11, 12 u 14 tar-Regolament tal-Kummissjoni (KE) Nru 773/2004 tas-7 ta’ April 2004 dwar it-tmexxija ta' proċeduri mill-Kummissjoni skond l-Artikolu 81 sa 82 tat-Trattat tal-KE (ĠU Edizzjoni Speċjali bil-Malti, Kapitolu 8, Vol. 3, p. 81).

—

F’dan ir-rigward, ir-rikorrenti jargumentaw li l-Kummissjoni ma rrimedjatx il-ksur tar-regoli tal-proċedura li l-Qorti tal-Ġustizzja kkritikat fil-konfront tagħhom fis-sentenza tal-21 ta’ Settembru 2017, Ferriera Valsabbia, Valsabbia Investimenti u Alfa Acciai vs Il-Kummissjoni (Kawżi magħquda C-86/15 P u C-87/15 P, EU:C:2017:717), li warajha l-Kummissjoni adottat id-deċiżjoni kkontestata.

2.

It-tieni motiv, ibbażat fuq interpretazzjoni żbaljata u ksur tal-Artikolu 41 tal-Karta tad-Drittijiet Fundamentali tal-Unjoni Ewropea, kif ukoll fuq ksur tal-Artikolu 296 TFUE.

—

F’dan ir-rigward, ir-rikorrenti jargumentaw li l-Kummissjoni qieset li ma għandhiex kompetenza sabiex tagħti deċiżjoni fuq il-ksur possibbli tal-prinċipju taż-żmien raġonevoli tal-proċedura.

3.

It-tielet motiv, ibbażat fuq ksur u interpretazzjoni żbaljata tal-Artikolu 6 tal-Konvenzjoni Ewropea tad-Drittijiet tal-Bniedem u tal-Artikoli 41 u 47 tal-Karta tad-Drittijiet Fundamentali tal-Unjoni Ewropea, li wasslu għal ksur tal-liġi u għal eċċess ta’ poter.

—

F’dan ir-rigward, ir-rikorrenti jargumentaw li l-Kummissjoni de facto kisret il-prinċipju taż-żmien raġonevoli tal-proċedura.

4.

Ir-raba’ motiv, ibbażat fuq ksur tal-Artikolu 296 TFUE, fuq motivazzjoni żbaljata u kontradittorja, u fuq żball manifest ta’ evalwazzjoni.

—

F’dan ir-rigward, ir-rikorrenti jargumentaw li l-adozzjoni mill-ġdid tad-deċiżjoni kkontestata hija mmotivata bl-allegat ibbilanċjar tal-interessi inkwistjoni fil-proċedura, li madankollu ma jidhirx li huwa suffiċjenti u huwa wkoll ivvizzjat b’diversi żbalji ta’ fatt.
Arriba