Šis dokuments ir izvilkums no tīmekļa vietnes EUR-Lex.
Dokuments 62018TN0750
Case T-750/18: Action brought on 21 December 2018 — Briois v Parliament
Kawża T-750/18: Rikors ippreżentat fil-21 ta’ Diċembru 2018 – Briois vs Il-Parlament
Kawża T-750/18: Rikors ippreżentat fil-21 ta’ Diċembru 2018 – Briois vs Il-Parlament
ĠU C 82, 4.3.2019., 58./59. lpp.
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
4.3.2019 |
MT |
Il-Ġurnal Uffiċjali tal-Unjoni Ewropea |
C 82/58 |
Rikors ippreżentat fil-21 ta’ Diċembru 2018 – Briois vs Il-Parlament
(Kawża T-750/18)
(2019/C 82/70)
Lingwa tal-kawża: il-Franċiż
Partijiet
Rikorrent: Steeve Briois (Hénin-Beaumont, Franza (rappreżentant: F. Wagner, avukat)
Konvenut: Il-Parlament Ewropew
Talbiet
Ir-rikorrent jitlob li l-Qorti Ġenerali jogħġobha:
— |
tannulla d-deċiżjoni tal-Parlament Ewropew tal-24 ta’ Ottubru 2018 dwar it-talba għat-tneħħija tal-immunità ta’ Steeve Briois (2018/2075 IMM) li tadotta r-rapport tal-Kummissjoni għall-Affarijiet Ġudizzjarji A8-0349/2018; |
— |
tikkundanna lill-Parlament Ewropew għall-ispejjeż kollha tal-kawża. |
Motivi u argumenti prinċipali
Insostenn tar-rikors tiegħu, ir-rikorrent jinvoka tliet motivi.
1. |
L-ewwel motiv ibbażat fuq ksur tal-Artikolu 8 tal-Protokoll Nru 7 fuq il-Privileġġi u l-Immunitajiet tal-Unjoni Ewropea (iktar ’il quddiem il-“Protokoll”), sa fejn il-kitba ta’ S. Briois li tat lok għal proċeduri kriminali fl-Istat Membru ta’ oriġini tiegħu tikkostitwixxi opinjoni espressa fl-eżerċizzju tal-funzjonijiet parlamentari tiegħu fis-sens tal-imsemmija dispożizzjoni. |
2. |
It-tieni motiv ibbażat fuq ksur tal-Artikolu 9 tal-Protokoll, sa fejn il-Parlament mar kontra kemm il-kliem kif ukoll l-ispirtu ta’ din id-dispożizzjoni meta adotta d-deċiżjoni li jneħħi l-immunità ta’ S. Briois u għalhekk ivvizzja din id-deċiżjoni b’nullità. |
3. |
It-tielet motiv ibbażat fuq ksur tal-prinċipji ta’ ugwaljanza fit-trattament u ta’ amministrazzjoni tajba. Fl-ewwel lok, ir-rikorrent iqis li l-Parlament l-prinċipju ta’ ugwaljanza fir-rigward tiegħu billi ttrattah b’mod differenti minn deputati li jinstabu f’sitwazzjonijiet paragunabbli u b’dan il-mod, dan tal-aħħar, kiser ukoll il-prinċipju ta’ amministrazzjoni tajba li jippreżupponi l-obbligu li l-istituzzjoni kompetenti teżamina, bir-reqqa u imparzjalment, l-elementi kollha rilevanti tal-każ inkwistjoni. Fit-tieni lok, ir-rikorrent iqis li serje ta’ indizji tippermetti li jiġi kkonstatat każ ta’ fumus persecutionis fil-konfront tiegħu. |