Rikors ippreżentat fis-7 ta’ Frar 2018 – Ir-Repubblika Franċiża vs Il-Parlament Ewropew

(Kawża C-92/18)

(2019/C 44/08)

Lingwa tal-kawża: il-Franċiż

Partijiet

Rikorrenti: Ir-Repubblika Franċiża (rappreżentanti: F. Alabrune, D. Colas, E. de Moustier, B. Fodda, aġenti)

Konvenut: Il-Parlament Ewropew

Talbiet

Ir-rikorrenti titlob li l-Qorti tal-Ġustizzja jogħġobha:

Motivi u argumenti prinċipali

Permezz tar-rikors tiegħu, il-Gvern Franċiż jitlob l-annullament ta’ erba’ atti adottati mill-Parlament Ewropew fil-kuntest tal-eżerċizzju tas-setgħa baġitarja tiegħu, matul il-perijodu ta’ sessjonijiet plenarji addizzjonali li inżammu fid-29 u fit-30 ta’ Novembru fi Brussel.

L-ewwel u t-tieni att li l-Gvern Franċiż jitlob l-annullament tagħhom huma l-paġendi tas-seduti tal-Parlament Ewropew tal-Erbgħa 29 u tal-Ħamis 30 ta’ Novembru 2017, safejn dawn kienu jipprevedu rispettivament dibattiti fil-plenarja dwar proġett komuni tal-baġit ġenerali għas-sena 2018 u vot segwit minn spjegazzjonijiet tal-vot fuq Dan il-proġett komuni tal-buġit ġenerali.

It-titlet att ikkontestat hija r-riżoluzzjoni leġiżlattiva tal-Parlament Ewropew tat-30 ta’ Novembru 2017 dwar proġett komuni tal-baġit ġenerali.

Finalment, il-Gvern Franċiż jitlob l-annullament tal-att li permezz tiegħu, konformement mal-Artikolu 314(9) TFUE, il-President tal-Parlament Ewropew ikkonstatata li l-baġit ġenerali għas-sena 2018 kien ġie adottat definitivament. Kif jirriżulta b’mod partikolari mill-minuti tas-seduta tal-Parlament Ewropew tal-Ħamis 30 ta’ Novembru 2017, dan kien ikkostitwit mid-dikjarazzjoni tal-President tal-Parlament Ewropew u sussegwentement mill-iffirmar ta’ dan tal-aħħar tal-baġit ġenerali, li ġrwa wara l-vot tar-riżoluzzjoni leġiżlattiva dwar il-proġett komuni tal-baġit ġenerali.

Permezz tal-motiv uniku tiegħu, il-Gvern Franċiż isostni li l-erba’ atti kkontestati għandhom jiġu annullati safejn dawn jiksru l-Protokoll Nru 6 anness mat-TUE u mat-TFUE u l-Protokoll Nru 3 anness mat-Trattat KEFA, dwar il-lokalità tas-sede tal-istituzzjonijiet u ta’ ċerta organi, korpi u dipartimenti tal-Unjoni Ewropea.

Fil-fatt, kemm mill-protokolli dwar il-lokalità tas-sede tal-istituzzjonijiet kif ukoll mill-ġurisprudenza tal-Qorti tal-Ġustizzja jirriżulta li l-Parlament Ewropew ma jistax jeżerċita s-setgħa baġitarja mogħtija lilu mill-Artikolu 314 TFUE matul il-perijodi ta’ sessjonijiet plenarji addizzjonali li jsiru fi Brussel iżda għandu jeżerċithom matul perijodi ta’ sessjonijiet plenarji ordinarji li jsiru fi Strasbourg.

Madankollu, safejn hija kkontestata il-legalità tal-att tal-President tal-Parlament Ewropew, mhux minħabba l-għan jew il-kontenut tagħha, iżda unikament peress li dan l-att kellu jiġi adottat waqt perijodi ta’ sessjonijiet plenarji ordinarji, fi Strasbourg, in-neċessità li tiġi ggarantita l-kontinwità tas-servizz pubbliku Ewropew kif ukoll raġunijiet importanti ta’ ċertezza legali jiġġustifikaw, skont il-Gvern Franċiż, iż-żamma tal-effetti legali ta’ dan l-att sal-adozzjoni ta’ att ġdid konformi mat-Trattati.