Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62017TN0575

Kawża T-575/17: Rikors ippreżentat fis-17 ta’ Awwissu 2017 – Algebris (UK) et vs SRB

ĠU C 382, 13.11.2017, p. 47–48 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

13.11.2017   

MT

Il-Ġurnal Uffiċjali tal-Unjoni Ewropea

C 382/47

Rikors ippreżentat fis-17 ta’ Awwissu 2017 – Algebris (UK) et vs SRB

(Kawża T-575/17)

(2017/C 382/59)

Lingwa tal-kawża: l-Ingliż

Partijiet

Rikorrenti: Algebris (UK) Ltd (Londra, ir-Renju Unit), Anchorage Capital Group LLC (New York, New York, l-Istati Uniti), Ronit Capital LLP (Londra) (rappreżentanti: T. Soames u J. Vandenbussche, lawyers, R. East, Solicitor, u N. Chesaites, Barrister)

Konvenut: Il-Bord Uniku ta’ Riżoluzzjoni (SRB)

Talbiet

—

tannulla d-deċiżjoni tal-Bord Uniku ta’ Riżoluzzjoni SRB/EES/2017/08 tas-7 ta’ Ġunju 2017, adopting a resolution scheme in respect of banco Popular Español, S.A. (1) kollha kemm hija, jew, sussidjarjament, l-Artikolu 1 u/jew 6 ta’ dan;

—

tikkundanna lill-SRB għall-ispejjeż tar-rikorrenti.

Motivi u argumenti prinċipali

Insostenn tar-rikors tagħhom, ir-rikorrenti jinvokaw ħames motivi.

1.

L-ewwel motiv ibbażat fuq l-allegat ksur mill-SRB tal-prinċipji ta’ kunfidenzjalità u ta’ segretezza professjonali, kuntrarjament għall-Artikolu 339 TFUE u għall-Artikolu 88(1) tar-Regolament (UE) Nru 806/2014 u għall-ġurisprudenza tal-Qorti tal-Ġustizzja, u b’dan il-mod, dan naqas milli jirrispetta d-dritt tar-rikorrenti għal amministrazzjoni tajba stabbilit fl-Artikolu 41 tal-Karta tad-Drittijiet Fundamentali tal-Unjoni Ewropea.

2.

It-tieni motiv ibbażat fuq l-allegati żbalji manifesti ta’ evalwazzjoni mill-Kummissjoni Ewropea fl-applikazzjoni tal-Artikoli 14, 18, 20, 21, 22 u 24 tar-Regolament Nru 806/2014.

—

F’dan ir-rigward, ir-rikorrenti jsostnu li l-evalwazzjoni tal-Banco Popular, li kienet il-bażi għall-azzjoni ta’ riżoluzzjoni li ttieħdet taħt l-iskema ta’ riżoluzzjoni, ma kinitx ġusta, prudenti jew affidabbli u kienet inkonsistenti mal-“prinċipju li l-ebda kreditur ma jmur għall-agħar”; dan għalhekk ma kienx jikkostitwixxi prova preċiża u affidabbli u konsistenti li fuqha tista’ tiġi bbażata l-iskema ta’ riżoluzzjoni; u ma kinitx kapaċi ssostni d-deċiżjoni kkontestata. Barra minn hekk u għall-istess raġunijiet, l-iskema ta’ riżoluzzjoni (u għalhekk id-deċiżjoni kkontestata) kienet manifestament sproporzjonata billi tmur lil hinn mill-miżuri neċessarji għall-ksib tal-għanijiet tar-riżoluzzjoni.

3.

It-tielet motiv ibbażat fuq l-allegata esproprjazzjoni mill-SRB tal-proprjetà tar-rikorrenti bi ksur tad-drittijiet fundamentali tagħhom kif protetti mill-prinċipji ġenerali tad-dritt tal-Unjoni u kif stabbiliti fl-Artikolu 17 tal-Karta tad-Drittijiet Fundamentali.

4.

Ir-raba’ motiv ibbażat fuq l-allegat nuqqas tal-SRB li jiżgura, skont l-Artikolu 41 tal-Karta tad-Drittijiet Fundamentali u l-ġurisprudenza tal-Qorti tal-Ġustizzja, id-dritt għal smigħ tar-rikorrenti matul il-proċedura.

5.

Il-ħames motiv ibbażat fuq l-allegat nuqqas ta’ approvazzjoni skont il-liġi mill-Kummissjoni u li minħabba f’dan id-deċiżjoni kkontestata ma ġietx implementata legalment.

—

F’dan ir-rigward huwa sostnut li, qabel ma adottat id-Deċiżjoni tagħha (UE) 2017/1246 li tapprova l-iskema ta’ riżoluzzjoni, il-Kummissjoni Ewropea naqset milli tevalwa sew, jew li tevalwa għal kollox, l-aspetti diskrezzjonarji tal-iskema ta’ riżoluzzjoni. Dan jikkostitwixxi ksur tal-obbligi tal-Kummissjoni skont ir-Regolament (UE) Nru 806/2014 u tal-prinċipji tal-ġurisprudenza Meroni tal-Qorti tal-Ġustizzja. Għaldaqstant, il-SRB wettaq żball manifest ta’ evalwazzjoni u żball ta’ liġi billi kkonkluda li d-deċiżjoni tiegħu li tadotta l-iskema ta’ riżoluzzjoni setgħet jew kienet daħlet fis-seħħ; barra minn hekk, jew sussidjarjament, u fi kwalunkwe każ, l-iskema ta’ Riżoluzzjoni adottata mid-deċiżjoni kkontestata ma daħlitx fis-seħħ legalment.

(1)  Deċiżjoni tal-Kummissjoni (UE) 2017/1246, tas-7 ta’ Ġunju 2017, li tapprova l-iskema ta’ riżoluzzjoni għall-Banco Popular Español S.A. (notifikata bid-dokument C(2017) 4038) (ĠU 2017, L 178, p. 15).

Top