Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62017CN0586

Kawża C-586/17: Talba għal deċiżjoni preliminari mressqa mir-Raad van State (il-Pajjiżi l-Baxxi) fis-6 ta’ Ottubru 2017 – Staatssecretaris van Veiligheid en Justitie, I. vs D.

ĠU C 5, 8.1.2018, p. 21–21 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

8.1.2018   

MT

Il-Ġurnal Uffiċjali tal-Unjoni Ewropea

C 5/21

Talba għal deċiżjoni preliminari mressqa mir-Raad van State (il-Pajjiżi l-Baxxi) fis-6 ta’ Ottubru 2017 – Staatssecretaris van Veiligheid en Justitie, I. vs D.

(Kawża C-586/17)

(2018/C 005/28)

Lingwa tal-kawża: l-Olandiż

Qorti tar-rinviju

Raad van State

Partijiet fil-kawża prinċipali

Rikorrenti: Staatssecretaris van Veiligheid en Justitie, I.

Konvenut: D.

Domandi preliminari

1

(a)

L-Artikolu 46(3) tad-Direttiva 2013/32/UE tal-Parlament Ewropew u tal-Kunsill tas-26 ta’ Ġunju 2013 dwar proċeduri komuni għall-għoti u l-irtirar tal-protezzjoni internazzjonali (riformulazzjoni) flimkien mal-Artikolu 47 tal-Karta tad-Drittijiet Fundamentali tal-Unjoni Ewropea, jipprekludi sistema li fiha l-qorti amministrattiva tal-ewwel istanza dwar l-ażil ma tistax, bħala prinċipju, tieħu inkunsiderazzjoni waqt l-evalwazzjoni tar-rikors motiv għal ażil invokat mill-barrani għall-ewwel darba quddiemha fil-kuntest ta’ dan ir-rikors?

(b)

Jagħmel differenza f’dan ir-rigward jekk jiġix invokat motiv għal ażil effettivament ġdid, jiġifieri motiv għal applikazzjoni għal protezzjoni internazzjonali li jkun ibbażat fuq fatti u ċirkustanzi li huma sussegwenti għad-deċiżjoni tal-awtorità responsabbli mill-ażil dwar l-applikazzjoni għal protezzjoni internazzjonali, jew motiv ta’ ażil moħbi, jiġifieri motiv għall-applikazzjoni għal protezzjoni internazzjonali li jkun ibbażat fuq fatti u ċirkustanzi li huma preċedenti għad-deċiżjoni tal-awtorità responsabbli mill-ażil dwar l-applikazzjoni għal protezzjoni internazzjonali u li l-barrani, minkejja li kellu għarfien tagħhom, jista’ jitqies li naqas milli jiżvelahom diġà matul il-proċedura amministrattiva?

(c)

Jagħmel differenza f’dan ir-rigward jekk il-motiv għal ażil jiġix invokat fil-kuntest ta’ rikors quddiem il-qorti amministrattiva tal-ewwel istanza dwar l-ażil kontra deċiżjoni tal-awtorità responsabbli mill-ażil dwar l-ewwel applikazzjoni jew applikazzjoni sussegwenti għal protezzjoni internazzjonali?

2.

Jekk id-domanda 1(a) titlob risposta affermattiva, id-dritt tal-Unjoni jipprekludi li l-qorti amministrattiva tal-ewwel istanza dwar l-ażil tista’ tagħżel li tirreferi l-eżami ta’ motiv għal ażil, invokat għall-ewwel darba quddiemha fil-kuntest ta’ rikors, għal proċedura ġdida quddiem l-awtorità responsabbli mill-ażil sabiex għalhekk jiġi ggarantit l-iżvolġiment tajjeb tal-proċedura ġudizzjarja jew jiġi evitat dewmien inammissibbli ta’ din il-proċedura?
Top