13.11.2017   

MT

Il-Ġurnal Uffiċjali tal-Unjoni Ewropea

C 382/35

1.

tannulla s-sentenza tal-Qorti Ġenerali (It-Tieni Awla) tad-19 ta’ Lulju 2017 fil-Kawża T-752/14, Combaro SA vs Il-Kummissjoni Ewropea;

2.

tiċħad ir-rikors ta’ Combaro SA bħala infondat;

3.

tikkundanna lil Combaro SA għall-ispejjeż tal-proċeduri tal-ewwel istanza u tal-appell.

1.

Il-Qorti Ġenerali wettqet klassifikazzjoni legali żbaljata tal-fatti fir-rigward tal-eżistenza ta’ sitwazzjoni partikolari skont l-Artikolu 239 tal-Kodiċi Doganali (1).

Il-Qorti Ġenerali kkonstatat aġir irregolari fir-rigward tal-Kummissjoni sa fejn attribwixxiet poteri lill-Kummissjoni li hija ma għandhiex u, min-naħa l-oħra, obbligatha teżerċita l-poteri li ma setgħux iktar jikkontribwixxu għal kjarifika tal-fatti. Madankollu, ma kienx hemm aġir irregolari min-naħa tal-Kummissjoni, bil-konsegwenza li ma kien hemm ebda sitwazzjoni partikolari fis-sens tal-Artikolu 239 tal-Kodiċi Doganali.

2.

Il-Qorti Ġenerali żnaturat il-provi relatati mal-eżistenza ta’ sitwazzjoni partikolari skont l-Artikolu 239 tal-Kodiċi Doganali.

Il-Qorti Ġenerali sostniet, kuntrarjament għall-atti tal-proċess, li l-firem fuq iċ-ċertifikati ta’ ċirkulazzjoni kienu dawk ta’ R u li l-Latvja ma kinitx ipprovdiet kopji oriġinali tat-timbri użati mill-uffiċċji doganali ta’ Jelgava u ta’ Bauska. Li kieku l-Qorti Ġenerali eżaminat il-provi korrettament, hija kienet neċessarjament tikkonkludi li l-Kummissjoni wettqet evalwazzjoni suffiċjenti tal-fatti tal-kawża fir-rigward tal-importazzjonijiet ta’ tessut tal-għażel u li kienet awtorizzata tikkonkludi li ma kien hemm ebda sitwazzjoni partikolari fis-sens tal-Artikolu 239 tal-Kodiċi Doganali.

3.

Il-Qorti Ġenerali interpretat b’mod żbaljat l-Artikolu 239 tal-Kodiċi Doganali dwar l-eżistenza ta’ sitwazzjoni partikolari.

Il-Qorti Ġenerali naqset milli tibbilanċja effettivament l-allegat aġir irregolari tal-Kummissjoni mal-interessi tal-importatur, li kien għamel użu minn ċertifikati foloz għaċ-ċirkulazzjoni tal-beni. Fin-nuqqas ta’ bbilanċjar tal-interessi, il-Qorti Ġenerali applikat b’mod żbaljat l-Artikolu 239 tal-Kodiċi Doganali, peress li f’din il-kawża, l-interessi tal-Unjoni li tiżgura konformità mad-dispożizzjonijiet doganali għandhom jipprevalu fuq l-interessi tal-importatur.

4.

Il-Qorti Ġenerali interpretat b’mod żbaljat l-Artikolu 239 tal-Kodiċi Doganali dwar in-negliġenza manifesta ta’ Combaro SA.

Il-Qorti Ġenerali wettqet żball meta talbet lill-Kummissjoni tattesta l-fatt li l-importatur kien intenzjonalment wettaq ksur tar-regoli ta’ oriġini. Li kieku r-regoli tal-oneru tal-prova ġew applikati b’mod korrett, il-Qorti Ġenerali kienet neċessarjament tirrikonoxxi li dubji li tqajmu leġittimament kienu jkunu suffiċjenti sabiex importatur jiġi obbligat jipproduċi informazzjoni jew kjarifiki dwar il-proċeduri ta’ żdoganar inkwistjoni, minn tal-inqas mingħand l-esportaturi tiegħu.