This document is an excerpt from the EUR-Lex website
Document 62017CN0447
Case C-447/17 P: Appeal brought on 25 July 2017 by the European Union, represented by the Court of Justice of the European Union, against the judgment of the General Court (Third Chamber, Extended Composition) delivered on 7 June 2017 in Case T-673/15: Guardian Europe v European Union
Kawża C-447/17 P: Appell ippreżentat fil-25 ta’ Lulju 2017 mill-Unjoni Ewropea, irrappreżentata mill-Qorti tal-Ġustizja tal-Unjoni Ewropea, mis-sentenza mogħtija mill-Qorti Ġenerali (It-Tielet Awla Estiża) fis-7 ta’ Ġunju 2017 fil-Kawża T-673/15, Guardian Europe vs L-Unjoni Ewropea
Kawża C-447/17 P: Appell ippreżentat fil-25 ta’ Lulju 2017 mill-Unjoni Ewropea, irrappreżentata mill-Qorti tal-Ġustizja tal-Unjoni Ewropea, mis-sentenza mogħtija mill-Qorti Ġenerali (It-Tielet Awla Estiża) fis-7 ta’ Ġunju 2017 fil-Kawża T-673/15, Guardian Europe vs L-Unjoni Ewropea
ĠU C 369, 30.10.2017, p. 3–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
30.10.2017 |
MT |
Il-Ġurnal Uffiċjali tal-Unjoni Ewropea |
C 369/3 |
Appell ippreżentat fil-25 ta’ Lulju 2017 mill-Unjoni Ewropea, irrappreżentata mill-Qorti tal-Ġustizja tal-Unjoni Ewropea, mis-sentenza mogħtija mill-Qorti Ġenerali (It-Tielet Awla Estiża) fis-7 ta’ Ġunju 2017 fil-Kawża T-673/15, Guardian Europe vs L-Unjoni Ewropea
(Kawża C-447/17 P)
(2017/C 369/04)
Lingwa tal-kawża: l-Ingliż
Partijiet
Appellanti: L-Unjoni Ewropea, irrappreżentata mill-Qorti tal-Ġustizja tal-Unjoni Ewropea (rappreżentanti: J. Inghelram u K. Sawyer, aġenti)
Partijiet oħra fil-proċedura: Guardian Europe Sàrl; European Union, irrappreżentata mill-Kummissjoni Ewropea
Talbiet
— |
tannulla l-paragrafu (1) tad-dispożittiv tas-sentenza appellata; |
— |
tiċħad għaliex infondata t-talba, magħmula fl-ewwel istanza, ta’ Guardian Europe intiża għall-ksib tas-somma ta’ EUR 936 000 fir-rigward ta’ spejjeż ta’ garanzija bankarja bħala kumpens għad-danni li hija allegatament sofriet minħabba ksur tal-obbligu li tingħata deċiżjoni fi żmien raġonevoli fil-Kawża T-82/08; jew, u purament alternattivament, tnaqqas dan il-kumpens għal ammont ta’ EUR 299 251,64, flimkien ma interessi kompensatorji ikkalkolati fid-dawl tal-fatt li dak l-ammont huwa kompost minn ammonti differenti li saru dovuti fi żminijiet differenti; |
— |
tikkundanna lil Guardian Europe għall-ispejjeż. |
Aggravji u argumenti prinċipali
Insostenn tal-appell tagħha, l-appellanti tressaq erba’ aggravji.
1) |
L-ewwel aggravju huwa bbażat fuq l-allegazzjoni li kien hemm żball ta’ liġi fl-interpretazzjoni tar-regoli applikabbli fil-qasam tal-preskrizzjoni fil-każ ta’ preġudizzju kontinwu, sa fejn il-Qorti Ġenerali qieset li l-allegat dannu materjali li jikkonsisti fil-ħlas ta’ spejjeż ta’ garanzija bankarja li seħħ iktar minn ħames snin qabel il-preżentata tal-azzjoni għad-danni ma kienx preskritt. |
2) |
It-tieni aggravju huwa bbażat fuq l-allegazzjoni li kien hemm żball ta’ liġi fl-interpretazzjoni tal-kunċett ta’ kawżalità, sa fejn il-Qorti Ġenerali qieset li l-ksur tal-obbligu li tingħata deċiżjoni fi żmien raġonevoli kien il-kawża determinanti tal-allegat dannu materjali li jikkonsisti fil-ħlas ta’ spejjeż ta’ garanzija bankarja, filwaqt li, skont ġurisprudenza stabbilita, l-għażla libera ta’ impriża li ma tħallasx multa fil-kuntest ta’ proċeduri quddiem il-qrati tal-Unjoni Ewropea tikkostitwixxi l-kawża determinanti għall-ħlas ta’ tali spejjeż. |
3) |
It-tielet aggravju huwa bbażat fuq l-allegazzjoni li kien hemm żball ta’ liġi fid-determinazzjoni tal-perijodu li matulu seħħ l-allegat dannu materjali u nuqqas ta’ motivazzjoni sa fejn il-Qorti Ġenerali ddeċidiet, mingħajr ma pprovdiet raġunijiet, li l-perijodu li matulu seħħ l-allegat dannu materjali, li jikkonsisti fil-ħlas ta’ spejjeż ta’ garanzija bankarja, jista’ jkun differenti mill-perijodu li matulu hija kienet stabbiliet l-eżistenza tal-aġir illegali li allegatament ikkawża dan id-dannu. |
4) |
Ir-raba’ aggravju huwa bbażat fuq l-allegazzjoni li kien hemm żball ta’ liġi minħabba kumpens żejjed fl-għoti tal-interessi kompensatorji, sa fejn il-Qorti Ġenerali allokat lir-rikorrenti interessi kompensatorji fuq ammont minn data li fiha dan l-ammont kien għadu mhux dovut minnha. |