This document is an excerpt from the EUR-Lex website
Document 62013CN0641
Case C-641/13 P: Appeal brought on 4 December 2013 by the Kingdom of Spain against the judgment delivered on 16 September 2013 in Case T-2/07 Spain v Commission
Kawża C-641/13 P: Appell ippreżentat fl- 4 ta’ Diċembru 2013 mir-Renju ta’ Spanja mis-sentenza mogħtija mill-Qorti Ġenerali (L-Ewwel Awla) fis- 16 ta’ Settembru 2013 fil-Kawża T-2/07, Spanja vs Il-Kummissjoni
Kawża C-641/13 P: Appell ippreżentat fl- 4 ta’ Diċembru 2013 mir-Renju ta’ Spanja mis-sentenza mogħtija mill-Qorti Ġenerali (L-Ewwel Awla) fis- 16 ta’ Settembru 2013 fil-Kawża T-2/07, Spanja vs Il-Kummissjoni
ĠU C 31, 1.2.2014, p. 6–7
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
1.2.2014 |
MT |
Il-Ġurnal Uffiċjali tal-Unjoni Ewropea |
C 31/6 |
Appell ippreżentat fl-4 ta’ Diċembru 2013 mir-Renju ta’ Spanja mis-sentenza mogħtija mill-Qorti Ġenerali (L-Ewwel Awla) fis-16 ta’ Settembru 2013 fil-Kawża T-2/07, Spanja vs Il-Kummissjoni
(Kawża C-641/13 P)
2014/C 31/10
Lingwa tal-kawża: l-Ispanjol
Partijiet
Appellanti: Ir-Renju ta’ Spanja (rappreżentant: A. Rubio González, aġent)
Parti oħra fil-proċedura: Il-Kummissjoni Ewropea
Talbiet tal-appellanti
— |
tilqa’ l-appell u tannulla parzjalment s-sentenza tal-Qorti Ġenerali tas-16 ta’ Settembru 2013, fil-Kawża T-2/07, Ir-Renju ta’ Spanja vs Il-Kummissjoni Ewropea; |
— |
tannulla parzjalment, skont it-termini indikati preċedentement, id-Deċiżjoni tal-Kummissjoni C(2006) 5102, tal-20 ta’ Ottubru 2006, li tnaqqas l-għajnuna finanzjarja mogħtija skont il-Fond ta’ Koeżjoni lil grupp ta’ proġetti bir-referenza 2001.ES.16.PE.050 u li tikkonċerna t-tindif tal-baċir idrografiku ta’ Júcar (Spanja), sa fejn din tikkunsidra bħala irregolarità l-użu tal-esperjenza bħala kriterju għall-għoti; |
— |
tikkundanna lill-konvenut għall-ispejjeż. |
Aggravji u argumenti prinċipali
Żball ta’ liġi fir-rigward tal-kunsiderazzjoni li l-użu tal-esperjenza bħala kriterju għall-għoti jikkostitwixxi ksur tal-Artikolu 30 tad-Direttiva 93/37 (1). Din id-dispożizzjoni ma tipprojbixxix l-użu ta’ kriterji marbuta mal-esperjenza tal-kuntrattur fil-mument tal-għoti ta’ kuntratt. Għall-kuntrarju, l-esperjenza tal-offerent tista’ dejjem tiġi evalwata peress li huwa kriterju li ma huwiex intiż għall-evalwazzjoni tal-kapaċità tal-offerent, li huwa differenti mir-rekwiżit tas-solvibbiltà u huwa intiż għall-evalwazzjoni tal-offerta l-iktar ekonomikament vantaġġuża għall-preżentazzjoni ta’ rabta mas-suġġett tal-kuntratt u mal-kwalità ta’ eżekuzzjoni tagħha.
(1) Direttiva tal-Kunsill 93/37/KEE, tal-14 ta’ Ġunju 1993, li tikkonċerna l-koordinament tal-proċeduri għall-għoti ta’ kuntratti tax-xogħlijiet pubbliċi [kuntratti pubbliċi għal xogħlijiet] (ĠU Edizzjoni Speċjali bil-Malti, Kapitolu 6, Vol. 2, p. 163).