Talba għal deċiżjoni preliminari mressqa mill-Kammergericht Berlin (il-Ġermanja) fit-22 ta’ Lulju 2009 — DEB Deutsche Energiehandels- und Beratungsgesellschaft mbH vs Ir-Repubblika tal-Ġermanja

(Kawża C-279/09)

2009/C 267/54

Lingwa tal-kawża: Il-Ġermaniż

Qorti tar-rinviju

Kammergericht Berlin

Partijiet fil-kawża prinċipali

Rikorrenti: DEB Deutsche Energiehandels- u Beratungsgesellschaft mbH

Konvenuta: Ir-Repubblika tal-Ġermanja

Domanda preliminari

Il-Qorti tal-Ġustizzja tal-Komunitajiet Ewropej intalbet, skont l-Artikolu 234 KE, tiddeċiedi fir-rigward ta’ din it-talba għal deċiżjoni preliminari:

Peress li l-istruttura nazzjonali tal-kundizzjonijiet legali għall-għoti ta’ kumpens għal danni u tal-proċedura għal kawża għad-danni kontra l-Istat abbażi tad-dritt Komunitarju, ma tistax tagħmel il-kisba ta’ kumpens għad-danni, abbażi tal-prinċipju tar-responsabbilità tal-istat, prattikament impossibbli jew eċċezzjonalment diffiċli, huwa problematiku li leġiżlazzjoni nazzjonali tissuġġetta l-eżerċizzju ta’ rimedju legali għall-ħlas ta’ depożitu fuq l-ispejjeż u tipprovdi li ma tistax tingħata għajnuna legali lil persuna ġuridika li ma tkunx tinsab f’pożizzjoni li tħallas dan id-depożitu?