This document is an excerpt from the EUR-Lex website
Document 62008CN0146
Case C-146/08 P: Appeal brought on 3 April 2008 by Efkon AG against the order of the Court of First Instance (Fifth Chamber) of 22 January 2008 in Case T-298/04, Efkon AG v European Parliament and Council of the European Union
Kawża C-146/08 P: Appell ippreżentat fit- 3 ta' April 2008 minn Efkon AG mid-digriet tal-Qorti tal-Prim'Istanza tat- 22 ta' Jannar 2008 fil-Kawża T-298/04, Efkon AG vs Il-Parlament Ewropew u Il-Kunsill ta' l-Unjoni Ewropea
Kawża C-146/08 P: Appell ippreżentat fit- 3 ta' April 2008 minn Efkon AG mid-digriet tal-Qorti tal-Prim'Istanza tat- 22 ta' Jannar 2008 fil-Kawża T-298/04, Efkon AG vs Il-Parlament Ewropew u Il-Kunsill ta' l-Unjoni Ewropea
ĠU C 171, 5.7.2008, p. 14–15
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
5.7.2008 |
MT |
Il-Ġurnal Uffiċjali ta’ l-Unjoni Ewropea |
C 171/14 |
Appell ippreżentat fit-3 ta' April 2008 minn Efkon AG mid-digriet tal-Qorti tal-Prim'Istanza tat-22 ta' Jannar 2008 fil-Kawża T-298/04, Efkon AG vs Il-Parlament Ewropew u Il-Kunsill ta' l-Unjoni Ewropea
(Kawża C-146/08 P)
(2008/C 171/25)
Lingwa tal-kawża: Il-Ġermaniż
Partijiet
Appellanti: Efkon AG (rappreżentanti: M. Novak, Rechtsanwalt)
Appellati: Il-Parlament Ewropew, Il-Kunsill ta' l-Unjoni Europea, Il-Kummissjoni tal-Komunitajiet Ewropej
Talbiet ta' l-appellanti
|
— |
tannulla, għaliex huwa illeġittimu, id-digriet appellat tal-Qorti tal-Prim'Istanza tat-22 ta' Jannar 2008, kawża T-298/04, u tibgħat il-kawża mill-ġdid quddiem il-Qorti tal-Prim'Istanza, u tordnaha twettaq proċeduri korretti u tagħti deċiżjoni leġittima; |
|
— |
tannulla, għaliex huma illeġittimi, id-dispożizzjonijiet tad-direttiva kkontestata permezz tar-rikors u tikkundanna lill-appellati għall-ispejjeż; |
|
— |
tiddikjara li d-digriet tat-22 ta' Jannar 2008, li huwa d-deċiżjoni fuq rikors ippreżentat fil-21 ta' Lulju 2004, jikkostitwixxi ksur ta' l-Artikolu 6 ECHR minħabba dewmien żejjed tal-proċeduri, u li, diġà għal din ir-raġuni biss, l-appellanti għandha tingħata protezzjoni ġuridika. |
Aggravji u argumenti prinċipali
Ir-rikorrenti tibbaża l-appell tagħha mill-imsemmi digriet tal-Qorti tal-Prim'Istanza fuq interpretazzjoni żbaljata ta' l-Artikolu 230 KE u fuq żbalji proċedurali li twettqu waqt il-proċeduri.
Il-Qorti tal-Prim'Istanza ddikjarat bħala inammissibbli r-rikors minħabba li l-appellanti ma kinitx direttament u individwalment ikkonċernata, skond l-Artikolu 230(4) KE, mill-att ikkontestat.
Dan l-approċċ jikkostitwixxi żball ta' liġi. Il-Qorti tal-Prim'Istanza ma kkunsidratx li intervent fil-proprjetà intellettwali jimplika fih innifsu interess dirett u individwali skond l-Artikolu 230(4) KE. L-element essenzjali ta' privattiva jinsab fil-fatt li din tagħti lill-entità ġuridika dritt esklużiv u limitat ratione temporis. Konsegwentement, dritt bħal dan jista' jingħata lil entità ġuridika waħda. L-ebda entità oħra ma tgawdi dan id-dritt, bil-konsegwenza li intervent f'dan id-dritt permezz ta' att legali Komunitarju jimplika neċessarjament interess dirett u individwali.
L-argument tal-Qorti tal-Prim'Istanza li, minbarra l-appellanti jeżistu fornituri oħra ta' sistemi elettroniċi ta' drittijiet għall-użu tat-toroq fil-Komunità li għandhom l-istess interess bħall-appellanti u għalhekk mhemmx interess dirett u individwali, mhuwiex determinanti. Tali interess skond l-Artikolu 230(4) KE ma jistax jiġi eskluż miċ-ċirkustanza li jeżistu entitajiet oħra li għandhom interess mill-att legali kkontestat, minkejja li dawn ta' l-aħħar m'għandhomx privattiva.
Iċ-ċaħda tal-komunikazzjoni ta' l-appellanti, li minnha jirriżulta li din żviluppat “ISO-CALM_Infrarotstandard” li għalih irċeviet rikonoxximent mill-Istat, tikkostitwixxi ksur tad-dritt għal smigħ xieraq. Fl-aħħar nett, il-fatt li l-kawża damet erba' snin huwa inaċċettabbli u jimplika fih innifsu li l-proċeduri huma vvizjati.