This document is an excerpt from the EUR-Lex website
Document 32021D2075
Council Decision (CFSP) 2021/2075 of 25 November 2021 amending Decision (CFSP) 2020/979 in support of the development of an internationally recognised system for the validation of arms and ammunition management according to open international standards
Deċiżjoni tal-Kunsill (PESK) 2021/2075 tal-25 ta’ Novembru 2021 li temenda d-Deċiżjoni (PESK) 2020/979 b’appoġġ għall-iżvilupp ta’ sistema rikonoxxuta internazzjonalment għall-validazzjoni tal-ġestjoni tal-armi u l-munizzjon skont standards internazzjonali miftuħa
Deċiżjoni tal-Kunsill (PESK) 2021/2075 tal-25 ta’ Novembru 2021 li temenda d-Deċiżjoni (PESK) 2020/979 b’appoġġ għall-iżvilupp ta’ sistema rikonoxxuta internazzjonalment għall-validazzjoni tal-ġestjoni tal-armi u l-munizzjon skont standards internazzjonali miftuħa
ST/13737/2021/INIT
ĠU L 421, 26.11.2021, pp. 72–73
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
26.11.2021 |
MT |
Il-Ġurnal Uffiċjali tal-Unjoni Ewropea |
L 421/72 |
DEĊIŻJONI TAL-KUNSILL (PESK) 2021/2075
tal-25 ta’ Novembru 2021
li temenda d-Deċiżjoni (PESK) 2020/979 b’appoġġ għall-iżvilupp ta’ sistema rikonoxxuta internazzjonalment għall-validazzjoni tal-ġestjoni tal-armi u l-munizzjon skont standards internazzjonali miftuħa
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 28(1) u 31(1) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fis-7 ta’ Lulju 2020, il-Kunsill adotta d-Deċiżjoni (PESK) 2020/979 (1), li tipprevedi proġett f’żewġ fażijiet. Il-Fażi I hija istudju ta’ fattibbiltà għall-iżvilupp ta’ Sistema ta’ Validazzjoni tal-Ġestjoni tal-Armi u l-Munizzjon (“AAMVS”), rikonoxxuta internazzjonalment. |
|
(2) |
Id-Deċiżjoni (PESK) 2020/979 tipprevedi li l-implimentazzjoni tal-Fażi II tal-proġett, li jiżviluppa kunċett għall-ħolqien ta’ AAMVS, tista’ tiġi awtorizzata jekk jiddeċiedi hekk il-Kunsill, abbażi tal-eżitu tal-istudju tal-fattibbiltà. |
|
(3) |
L-istudju awtorizzat bid-Deċiżjoni (PESK) 2020/979 wera l-fattibbiltà tal-iżvilupp ta’ AAMVS u enfasizza diversi elementi li jeħtieġ li jiġu kkunsidrati sabiex il-kunċett isir realtà. Il-Fażi II ser tinkludi tfassil ta’ qafas propost għall-AAMVS u pjan għall-iżvilupp tas-sistema. Dawk ir-riżultati ser ikollhom l-għan li jappoġġaw u jiggwidaw l-isforzi futuri biex tinbena l-AAMVS. |
|
(4) |
Abbażi tal-eżitu tal-istudju tal-fattibbiltà, jenħtieġ li l-Kunsill jiddeċiedi li l-Fażi II tal-proġett għandha tiġi implimentata. |
|
(5) |
Id-Deċiżjoni (PESK) 2020/979 ser tiskadi 14-il xahar wara d-data tal-konklużjoni tal-ftehim ta’ finanzjament imsemmi fl-Artikolu 3(4) tagħha, sakemm il-Kunsill ma jiddeċidix li jestendi l-validità ta’ dik id-Deċiżjoni sabiex jippermetti l-implimentazzjoni tal-Fażi II tal-proġett. |
|
(6) |
Il-kontinwazzjoni tal-attivitajiet imsemmija fl-Artikolu 1 tad-Deċiżjoni (PESK) 2020/979 sat-30 ta’ Novembru 2022 ma għandha l-ebda implikazzjoni fir-rigward tar-riżorsi finanzjarji. |
|
(7) |
Id-Deċiżjoni (PESK) 2020/979 jenħtieġ li tiġi emendata skont dan, |
ADOTTA DIN ID-DEĊIŻJONI:
Artikolu 1
Id-Deċiżjoni (PESK) 2020/979 hija b’dan emendata kif ġej:
|
(1) |
It-tieni subparagrafu tal-Artikolu 1(1) huwa sostitwit b’dan li ġej: “Il-proġett għandu jikkonsisti f’żewġ fażijiet, “Fażi I” u “Fażi II”.
|
|
(2) |
L-Artikolu 3(2) huwa sostitwit b’dan li ġej:
|
|
(3) |
L-Artikolu 5 huwa sostitwit b’dan li ġej: “Artikolu 5 Din id-Deċiżjoni għandha tidħol fis-seħħ fid-data tal-adozzjoni tagħha. Għandha tiskadi fit-30 ta’ Novembru 2022.’. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, il-25 ta’ Novembru 2021.
Għall-Kunsill
Il-President
Z. POČIVALŠEK
(1) Id-Deċiżjoni tal-Kunsill (PESK) 2020/979 tas-7 ta’ Lulju 2020 b’appoġġ għall-iżvilupp ta’ sistema rikonoxxuta internazzjonalment għall-validazzjoni tal-ġestjoni tal-armi u l-munizzjon skont standards internazzjonali miftuħa (ĠU L 218, 8.7.2020, p. 1).