EUR-Lex Access to European Union law
This document is an excerpt from the EUR-Lex website
Document 32016D2323
Commission Implementing Decision (EU) 2016/2323 of 19 December 2016 establishing the European List of ship recycling facilities pursuant to Regulation (EU) No 1257/2013 of the European Parliament and of the Council on ship recycling (Text with EEA relevance )
Deċiżjoni ta' Implimentazzjoni tal-Kummissjoni (UE) 2016/2323 tad-19 ta' Diċembru 2016 li tistabbilixxi l-Lista Ewropea tal-faċilitajiet ta' riċiklaġġ tal-bastimenti skont ir-Regolament (UE) Nru 1257/2013 tal-Parlament Ewropew u tal-Kunsill dwar ir-riċiklaġġ tal-bastimenti (Test b'rilevanza għaż-ŻEE )
Deċiżjoni ta' Implimentazzjoni tal-Kummissjoni (UE) 2016/2323 tad-19 ta' Diċembru 2016 li tistabbilixxi l-Lista Ewropea tal-faċilitajiet ta' riċiklaġġ tal-bastimenti skont ir-Regolament (UE) Nru 1257/2013 tal-Parlament Ewropew u tal-Kunsill dwar ir-riċiklaġġ tal-bastimenti (Test b'rilevanza għaż-ŻEE )
C/2016/8507
ĠU L 345, 20.12.2016, p. 119–128
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 20/07/2024
|
20.12.2016 |
MT |
Il-Ġurnal Uffiċjali tal-Unjoni Ewropea |
L 345/119 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/2323
tad-19 ta' Diċembru 2016
li tistabbilixxi l-Lista Ewropea tal-faċilitajiet ta' riċiklaġġ tal-bastimenti skont ir-Regolament (UE) Nru 1257/2013 tal-Parlament Ewropew u tal-Kunsill dwar ir-riċiklaġġ tal-bastimenti
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1257/2013 tal-Parlament Ewropew u tal-Kunsill tal-20 ta' Novembru 2013 dwar ir-riċiklaġġ tal-bastimenti u li jemenda r-Regolament (KE) Nru 1013/2006 u d-Direttiva 2009/16/KE (1), u b'mod partikolari l-Artikolu 16 tiegħu,
Billi:
|
(1) |
Skont l-Artikolu 16(1) tar-Regolament (UE) Nru 1257/2013, il-Kummissjoni għandha tadotta atti ta' implimentazzjoni biex tistabbilixxi Lista Ewropea tal-faċilitajiet ta' riċiklaġġ tal-bastimenti li jinsabu fl-Unjoni u li kienu nnotifikati mill-Istati Membri f'konformità mal-Artikolu 14(3) ta' dak ir-Regolament u tal-faċilitajiet ta' riċiklaġġ tal-bastimenti li jinsabu f'pajjiżi terzi u li l-inklużjoni tagħhom hija msejsa fuq valutazzjoni tal-informazzjoni u tal-evidenza ta' sostenn li tingħata jew tinġabar skont l-Artikolu 15 tal-istess Regolament. |
|
(2) |
L-Istati Membri nnotifikaw total ta'18-il faċilità ta' riċiklaġġ tal-bastimenti, li jinsabu fl-Unjoni, bħala konformi mar-rekwiżiti rilevanti tar-Regolament (UE) Nru 1257/2013. Skont l-Artikolu 16(1)(a) ta' dak ir-Regolament, dawk il-faċilitajiet għandhom jiġu inklużi fil-Lista Ewropea tal-faċilitajiet ta' riċiklaġġ tal-bastimenti. |
|
(3) |
Fir-rigward tal-faċilitajiet ta' riċiklaġġ tal-bastimenti li jinsabu f'pajjiżi terzi li għalihom tkun tressqet applikazzjoni lill-Kummissjoni għall-inklużjoni fil-Lista Ewropea skont l-Artikolu 15 tar-Regolament (UE) Nru 1257/2013, il-valutazzjoni tal-informazzjoni rilevanti u tal-evidenza ta' sostenn li tingħata jew tinġabar għadha għaddejja. Ladarba l-valutazzjoni tintemm, il-Kummissjoni għandha tadotta atti ta' implimentazzjoni b'rabta ma' dawk il-faċilitajiet ta' riċiklaġġ tal-bastimenti li jinsabu barra mill-Unjoni. |
|
(4) |
L-informazzjoni li għandha tiġi inkluża fil-Lista Ewropea hija elenkata fit-tieni subparagrafu tal-Artikolu 16(2) tar-Regolament (UE) Nru 1257/2013. Biex jiġu riflessi dawn ir-rekwiżiti, il-Lista Ewropea għandha tkun strutturata skont dik id-dispożizzjoni. Skont l-Artikolu 16(3) ta' dak ir-Regolament, il-lista Ewropea għandha tindika wkoll id-data tal-iskadenza tal-inklużjoni tal-faċilità ta' riċiklaġġ tal-bastimenti. |
|
(5) |
Il-miżuri stipulati f'dan ir-Regolament huma skont l-opinjoni tal-Kumitat tar-Regolament dwar ir-Riċiklaġġ tal-Bastimenti stabbilit bl-Artikolu 25 tar-Regolament (UE) Nru 1257/2013, |
ADOTTAT DIN ID-DEĊIŻJONI:
Artikolu 1
Il-Lista Ewropea tal-faċilitajiet ta' riċiklaġġ tal-bastimenti, skont l-Artikolu 16(1) tar-Regolament (UE) Nru 1257/2013, għandha tkun stabbilita kif stipulat fl-Anness ta' din id-Deċiżjoni.
Artikolu 2
Din id-Deċiżjoni għandha tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, id-19 ta' Diċembru 2016.
Għall-Kummissjoni
Il-President
Jean-Claude JUNCKER
(1) ĠU L 330, 10.12.2013, p. 1.
ANNESS
IL-LISTA EWROPEA TAL-FAĊILITAJIET TA' RIĊIKLAĠĠ TAL-BASTIMENTI SKONT L-ARTIKOLU 16(1) TAR-REGOLAMENT (UE) Nru 1257/2013
Il-faċilitajiet ta' riċiklaġġ tal-bastimenti li jinsabu fi Stat Membru tal-Unjoni
|
Isem il-faċilità |
Il-metodu tar-riċiklaġġ |
It-tip u d-daqs ta' bastimenti li jistgħu jiġu riċiklati |
Il-limitazzjonijiet u l-kundizzjonijiet għall-operat tal-faċilità ta' riċiklaġġ tal-bastimenti, inkluż fir-rigward tal-immaniġġjar tal-iskart perikoluż |
Dettalji dwar il-proċedura espliċita jew taċita għall-approvazzjoni tal-pjan ta' riċiklaġġ tal-bastimenti mill-awtorità kompetenti (1) |
L-ammont massimu annwali ta' riċiklaġġ tal-bastimenti, ikkalkulat bħala s-somma tal-piż tal-bastimenti li jkunu ġew rriċiklati f'sena partikolari f'dik il-faċilità (2), espress bħala LDT |
Id-data tal-iskadenza tal-inklużjoni fil-Lista Ewropea (3) |
|||||||||||||||||||
|
IL-BELĠJU |
|||||||||||||||||||||||||
|
Laterali (irmiġġ fl-ilma), rampa |
Kull tip ta' bastiment kif iddefinit fl-Artikolu 3(1) tar-Regolament (UE) Nru 1257/2013 Id-dimensjonijiet massimi tal-bastiment:
|
|
Approvazzjoni taċita, b'perjodu massimu ta' 30 jum |
34 000 (4) |
fil-31 ta' Marzu 2020. |
|||||||||||||||||||
|
ID-DANIMARKA |
|||||||||||||||||||||||||
|
Iż-żarmar mal-moll u l-iskreppjar sussegwenti fuq artijiet impermeabbli b'sistemi effettivi ta' drenaġġ |
Kull tip ta' bastiment kif iddefinit fl-Artikolu 3(1) tar-Regolament (UE) Nru 1257/2013 Id-dimensjonijiet massimi tal-bastiment:
|
Il-Muniċipalità ta' Norddjurs għandha d-dritt li talloka l-iskart perikoluż f'faċilitajiet ta' akkoljenza approvati mil-lat ambjentali. |
Approvazzjoni taċita, perjodu ta' rieżami massimu ta' ġimgħatejn |
30 000 (5) |
fit-30 ta' Ġunju 2021. |
|||||||||||||||||||
|
Iż-żarmar mal-moll u l-iskreppjar sussegwenti fuq artijiet impermeabbli b'sistemi effettivi ta' drenaġġ |
Kull tip ta' bastiment kif iddefinit fl-Artikolu 3(1) tar-Regolament (UE) Nru 1257/2013 Id-dimensjonijiet massimi tal-bastiment:
|
|
Approvazzjoni taċita, perjodu ta' rieżami massimu ta' ġimgħatejn |
20 000 (6) |
fil-15 ta' Settembru 2021. |
|||||||||||||||||||
|
FRANZA |
|||||||||||||||||||||||||
|
F'wiċċ l-ilma u fl-iskal |
Kull tip ta' bastiment kif iddefinit fl-Artikolu 3(1) tar-Regolament (UE) Nru 1257/2013 Id-dimensjonijiet massimi tal-bastiment:
|
Il-limitazzjonijiet ambjentali huma definiti fl-awtorizzazzjoni prefettorali. |
Approvazzjoni espliċita — L-awtorità kompetenti għad-deċiżjoni tal-approvazzjoni hija l-Ministeru tal-Ambjent. |
16 000 (7) |
fit-30 ta' Diċembru 2021. |
|||||||||||||||||||
|
Laterali, baċir imbattal mill-ilma |
Kull tip ta' bastiment kif iddefinit fl-Artikolu 3(1) tar-Regolament (UE) Nru 1257/2013 Id-dimensjonijiet massimi tal-bastiment (baċir imbattal mill-ilma):
|
Il-limitazzjonijiet ambjentali huma definiti fl-awtorizzazzjoni prefettorali. |
Approvazzjoni espliċita — L-awtorità kompetenti għad-deċiżjoni tal-approvazzjoni hija l-Ministeru tal-Ambjent. |
18 000 (8) |
fil-21 ta' Ottubru 2021. |
|||||||||||||||||||
|
Laterali, baċir imbattal mill-ilma |
Kull tip ta' bastiment kif iddefinit fl-Artikolu 3(1) tar-Regolament (UE) Nru 1257/2013 Id-dimensjonijiet massimi tal-bastiment (baċir imbattal mill-ilma):
|
Il-limitazzjonijiet ambjentali huma definiti fl-awtorizzazzjoni prefettorali. |
Approvazzjoni espliċita — L-awtorità kompetenti għad-deċiżjoni tal-approvazzjoni hija l-Ministeru tal-Ambjent. |
5 500 (9) |
fl-24 ta' Mejju 2021. |
|||||||||||||||||||
|
IL-LATVJA |
|||||||||||||||||||||||||
|
Iż-żarmar ta' bastimenti (irmiġġ fl-ilma u baċir imbattal mill-ilma) |
Kull tip ta' bastiment kif iddefinit fl-Artikolu 3(1) tar-Regolament (UE) Nru 1257/2013 Id-dimensjonijiet massimi tal-bastiment:
|
Ara l-permess nazzjonali Nru LI-10-IB-0024. |
Approvazzjoni espliċita — notifika bil-miktub fi żmien 30 jum ta' xogħol |
0 (10) |
fil-11 ta' Ġunju 2020. |
|||||||||||||||||||
|
IL-LITWANJA |
|||||||||||||||||||||||||
|
Laterali (irmiġġ fl-ilma) |
Kull tip ta' bastiment kif iddefinit fl-Artikolu 3(1) tar-Regolament (UE) Nru 1257/2013 Id-dimensjonijiet massimi tal-bastiment:
|
Ara l-permess nazzjonali Nru TL-KL.1–15/2015 |
Approvazzjoni espliċita — notifika bil-miktub fi żmien 30 jum ta' xogħol |
1 500 (11) |
fis-17 ta' Marzu 2020. |
|||||||||||||||||||
|
Laterali (irmiġġ fl-ilma) |
Kull tip ta' bastiment kif iddefinit fl-Artikolu 3(1) tar-Regolament (UE) Nru 1257/2013 Id-dimensjonijiet massimi tal-bastiment:
|
Ara l-permess nazzjonali Nru TL-KL.1-16/2015 |
Approvazzjoni espliċita — notifika bil-miktub fi żmien 30 jum ta' xogħol |
3 910 (12) |
fis-17 ta' Marzu 2020. |
|||||||||||||||||||
|
Laterali (irmiġġ fl-ilma) |
Kull tip ta' bastiment kif iddefinit fl-Artikolu 3(1) tar-Regolament (UE) Nru 1257/2013 Id-dimensjonijiet massimi tal-bastiment:
|
Ara l-permess nazzjonali Nru (11.2)-30-161/2011/TL-KL.1-18/2015 |
Approvazzjoni espliċita — notifika bil-miktub fi żmien 30 jum ta' xogħol |
20 140 (13) |
fil-21 ta' Mejju 2020. |
|||||||||||||||||||
|
IN-NETHERLANDS |
|||||||||||||||||||||||||
|
Tkissir ta' bastimenti |
Id-dimensjonijiet massimi tal-bastiment:
|
Is-sit għadu permess biex jopera; dan il-permess għandu limitazzjonijiet u kundizzjonijiet biex jopera mingħajr ma jkun ta' ħsara għall-ambjent. |
Approvazzjoni espliċita |
52 000 (14) |
fil-21 ta' Lulju 2021. |
|||||||||||||||||||
|
Scheepsrecycling Nederland B.V. Havenweg 1; 3295 XZ s-Gravendeel Postbus 5234; 3295 ZJ s-Gravendeel In-Netherlands Telefon: +31 78 673 60 55 Posta elettronika: info@sloperij-nederland.nl |
Tkissir ta' bastimenti |
Id-dimensjonijiet massimi tal-bastiment:
L-operazzjonijiet ta' riċiklaġġ jibdew fuq l-ilma biex il-buq jitħaffef; il-winċ biex iqandel il-vapuri għal fuq ir-rampa jiflaħ 2 000 tunnellata. |
Is-sit għadu permess biex jopera; dan il-permess għandu limitazzjonijiet u kundizzjonijiet biex jopera mingħajr ma jkun ta' ħsara għall-ambjent. |
Approvazzjoni espliċita |
9 300 (15) |
fis-27 ta' Settembru 2021. |
|||||||||||||||||||
|
IL-POLONJA |
|||||||||||||||||||||||||
|
Mollijiet u postijiet tar-riċiklaġġ fuq l-interfaċċja bejn l-art u l-baħar |
Kull tip ta' bastiment. Id-dimensjonijiet massimi tal-bastiment:
|
Ara l-permess WOŚ.II.7243.7.4.2014.IB |
Approvazzjoni espliċita (id-dettalji għandhom jingħataw kmieni fl-2017 ladarba tidħol fis-seħħ leġiżlazzjoni nazzjonali ġdida) |
4 000 (16) |
fit-30 ta' Ġunju 2017. |
|||||||||||||||||||
|
IL-PORTUGALL |
|||||||||||||||||||||||||
|
Żarmar fil-baċir imbattal mill-ilma, id-dekontaminazzjoni u l-ħatt fuq pjan orizzontali u inklinat, skont id-daqs tal-bastiment |
Il-kapaċità nominali tal-pjan orizzontali: 700 tunnellata Il-kapaċità nominali tal-pjan inklinat: 900 tunnellata |
|
Il-kundizzjonijiet applikati għall-attività huma definiti fl-ispeċifikazzjonijiet annessi mat-Titolu (AL nru 5/2015/CCDRC, tas-26 ta' Jannar 2016) |
1 900 tunnellata (17) |
fis-26 ta' Jannar 2020. |
|||||||||||||||||||
|
SPANJA |
|||||||||||||||||||||||||
|
Rampa għaż-żarmar |
It-tipi kollha ta' bastimenti, ħlief dawk nukleari Id-dimensjonijiet massimi tal-bastiment:
|
Il-limitazzjonijiet huma inklużi fl-awtorizzazzjoni ambjentali integrata. |
Mhi definita l-ebda proċedura espliċita s'issa. |
0 (18) |
fit-28 ta' Lulju 2020. |
|||||||||||||||||||
|
IR-RENJU UNIT |
|||||||||||||||||||||||||
|
Iż-żarmar ta' bastimenti u t-trattament assoċjat awtorizzati f'baċir imbattal mill-ilma, u fl-ilma |
Kull bastiment fil-limiti tad-dimensjonijiet awtorizzati fil-permess. Id-dimensjonijiet massimi tal-bastiment:
|
Din il-faċilità għandha Pjan għall-Faċilità tar-Riċiklaġġ tal-Bastimenti li jissodisfa r-rekwiżiti tar-Regolamenti tal-UE. Is-sit huwa awtorizzat permezz ta' permess (ir-Referenza EPR/VP3296ZM) li jillimita l-operazzjonijiet u jagħmel kundizzjonijiet fuq l-operatur tal-faċilità. |
Il-mekkaniżmu tal-approvazzjoni huwa permezz ta' ftehim tal-awtorità kompetenti konġunta (Environment Agency and Health and Safety Executive) dwar il-Pjan għall-Faċilità tar-Riċiklaġġ tal-Bastimenti li huwa awtorizzat formalment permezz ta' varjazzjoni ta' Permess Ambjentali eżistenti. |
66 340 (19) |
fis-6 ta' Ottubru 2020. |
|||||||||||||||||||
|
Iż-żarmar ta' bastimenti u t-trattament assoċjat awtorizzati f'baċir imbattal mill-ilma, u fl-ilma |
Kull bastiment bid-dimensjonijiet iddettaljati fil-Pjan ta' Ħidma miftiehem. Id-dimensjonijiet massimi tal-bastiment: Il-baċir prinċipali (l-ikbar) huwa ta' 556 m × 93 m × 1,2 m DWT, u jista' jieħu bastimenti li ma jaqbżux dan il-qies. Dan l-akbar baċir imbattal mill-ilma huwa ta' 1,2 miljun DWT. |
Din il-faċilità għandha Pjan għall-Faċilità tar-Riċiklaġġ tal-Bastimenti li jissodisfa r-rekwiżiti tar-Regolamenti tal-UE. Is-sit huwa awtorizzat permezz ta' liċenzja għall-ġestjoni tal-iskart, bin-numru tal-awtorizzazzjoni LN/07/21/V2 li tillimita l-operazzjonijiet u tagħmel kundizzjonjiet fuq l-operatur tal-faċilità. |
Il-mekkaniżmu tal-approvazzjoni huwa permezz ta' ftehim tal-awtorità kompetenti konġunta bejn in-Northern Ireland Environment Agency (NIEA) u l-Health and Safety Executive for Northern Ireland (HSENI) dwar il-Pjan għall-Faċilità tar-Riċiklaġġ tal-Bastimenti li huwa awtorizzat formalment permezz tal-modifika ta' liċenzja għall-ġestjoni tal-iskart (WML) eżistenti. |
13 200 (20) |
fit-3 ta' Awwissu 2020. |
|||||||||||||||||||
|
Iż-żarmar ta' bastimenti u t-trattament assoċjat awtorizzati f'baċir imbattal mill-ilma, u fl-ilma |
Kull bastiment fil-limiti tad-dimensjonijiet awtorizzati fil-permess. Id-dimensjonijiet massimi tal-bastiment:
|
Is-sit għandu Pjan għall-Faċilità tar-Riċiklaġġ tal-Bastimenti li jissodisfa r-rekwiżiti tar-Regolamenti tal-UE. Is-sit huwa awtorizzat permezz ta' permess (ir-Referenza EPR/UP3298VL) li jillimita l-operazzjonijiet u jagħmel kundizzjonijiet fuq l-operatur tal-faċilità. |
Il-mekkaniżmu tal-approvazzjoni huwa msejjes fuq ftehim ta' awtorità kompetenti konġunta (Natural Resources Wales u Health and Safety Executive) dwar il-Pjan għall-Faċilità tar-Riċiklaġġ tal-Bastimenti li huwa awtorizzat formalment permezz ta' varjazzjoni tal-Permess Ambjentali eżistenti |
7 275 (21) |
fit-2 ta' Lulju 2020. |
|||||||||||||||||||
(1) Kif hemm referenza fl-Artikolu 7(3) tar-Regolament (UE) Nru 1257/2013 dwar ir-riċiklaġġ tal-bastimenti
(2) Skont l-Artikolu 32(1) tar-Regolament (UE) Nru 1257/2013 dwar ir-riċiklaġġ tal-bastimenti, “l-ammont massimu annwali ta' riċiklaġġ tal-bastimenti huwa ddeterminat mill-għażla tal-ogħla ċifra fl-aħħar perijodu ta' għaxar snin għal kull faċilità ta' riċiklaġġ tal-bastimenti, jew, fil-każ ta' faċilità ta' riċiklaġġ tal-bastimenti li tkun għadha kif ġiet awtorizzata, l-ogħla ċifra annwali li tkun intlaħqet f'dik il-faċilità”.
(3) Id-data tal-iskadenza tal-inklużjoni fil-Lista Ewropea tikkorrispondi mad-data tal-iskadenza tal-permess jew l-awtorizzazzjoni mogħtija lill-faċilità fl-Istat Membru.
(4) Skont l-informazzjoni sottomessa, il-kapaċità teoretika massima annwali ta' riċiklaġġ ta' bastimenti tal-faċilità hija 50 000 LDT fis-sena.
(5) Ara n-nota ta' qiegħ il-paġna 4.
(6) Ara n-nota ta' qiegħ il-paġna 4.
(7) Skont l-informazzjoni sottomessa, il-kapaċità teoretika massima annwali ta' riċiklaġġ ta' bastimenti tal-faċilità hija 18 000 LDT fis-sena.
(8) Skont l-informazzjoni sottomessa, il-kapaċità teoretika massima annwali ta' riċiklaġġ ta' bastimenti tal-faċilità hija 23 000 LDT fis-sena.
(9) Skont l-informazzjoni sottomessa, il-kapaċità teoretika massima annwali ta' riċiklaġġ ta' bastimenti tal-faċilità hija 10 000 LDT fis-sena.
(10) Skont l-informazzjoni sottomessa, il-kapaċità teoretika massima annwali ta' riċiklaġġ ta' bastimenti tal-faċilità hija 15 000 LDT fis-sena.
(11) Skont il-permess tagħha, il-faċilità hija awtorizzata tirriċikla massimu ta' 30 000 LDT fis-sena.
(12) Skont il-permess tagħha, il-faċilità hija awtorizzata tirriċikla massimu ta' 6 000 LDT fis-sena.
(13) Skont il-permess tagħha, il-faċilità hija awtorizzata tirriċikla massimu ta' 45 000 LDT fis-sena.
(14) Skont il-permess tagħha, il-kapaċità teoretika massima annwali ta' riċiklaġġ ta' bastimenti tal-faċilità hija 100 000 tunnellata fis-sena.
(15) Skont l-informazzjoni sottomessa, il-kapaċità teoretika massima annwali ta' riċiklaġġ ta' bastimenti tal-faċilità hija 45 000 LDT fis-sena.
(16) Ara n-nota ta' qiegħ il-paġna 9.
(17) Ma ngħatat l-ebda informazzjoni dwar il-kapaċità teoretika massima annwali ta' riċiklaġġ tal-bastimenti.
(18) Skont l-informazzjoni sottomessa, il-kapaċità teoretika massima annwali ta' riċiklaġġ ta' bastimenti tal-faċilità hija 60 000 LDT fis-sena.
(19) Skont il-permess tagħha, il-faċilità hija awtorizzata tirriċikla massimu ta' 230 000 tunnellata fis-sena.
(20) Skont il-permess tagħha, il-faċilità hija awtorizzata tirriċikla massimu ta' 300 000 LDT fis-sena.
(21) Skont il-permess tagħha, il-faċilità hija awtorizzata tirriċikla massimu ta' 74 999 tunnellata fis-sena.
Abbrevjazzjonijiet
|
DWT |
Tunnellati ta' Piż Mejjet (Deadweight Tonnage) |
|
GT |
Tunnellaġġ Gross (Gross Tonnage) |
|
LDT |
Tunnellati ta' Spostament Ħafif (Light Displacement Tonnage) |