This document is an excerpt from the EUR-Lex website
Document 32008R0403
Commission Regulation (EC) No 403/2008 of 6 May 2008 provisionally setting delivery obligations for cane sugar to be imported under the ACP Protocol and the Agreement with India for the 2008/2009 delivery period
Regolament tal-Kummissjoni (KE) Nru 403/2008 tas- 6 ta’ Mejju 2008 li jiffissa proviżorjament obbligi ta' konsenja għal zokkor tal-kannamiela li għandu jiġi impurtat taħt il-Protokoll ACP u l-Ftehim ma' l-Indja għall-perjodu ta' konsenja 2008/2009
Regolament tal-Kummissjoni (KE) Nru 403/2008 tas- 6 ta’ Mejju 2008 li jiffissa proviżorjament obbligi ta' konsenja għal zokkor tal-kannamiela li għandu jiġi impurtat taħt il-Protokoll ACP u l-Ftehim ma' l-Indja għall-perjodu ta' konsenja 2008/2009
ĠU L 120, 7.5.2008, p. 6–7
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 16/06/2009; Imħassar b' 32009R0505
7.5.2008 |
MT |
Il-Ġurnal Uffiċjali ta’ l-Unjoni Ewropea |
L 120/6 |
REGOLAMENT TAL-KUMMISSJONI (KE) Nru 403/2008
tas-6 ta’ Mejju 2008
li jiffissa proviżorjament obbligi ta' konsenja għal zokkor tal-kannamiela li għandu jiġi impurtat taħt il-Protokoll ACP u l-Ftehim ma' l-Indja għall-perjodu ta' konsenja 2008/2009
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 318/2006 ta' l-20 ta’ Frar 2006 dwar l-organizzazzjoni komuni tas-swieq fis-settur taz-zokkor (1), u partikolarment l-Artikolu 31(3) tiegħu,
Billi:
(1) |
L-Artikolu 12 tar-Regolament tal-Kummissjoni (KE) Nru 950/2006 tat-28 ta' Ġunju 2006 li jistabbilixxi regoli dettaljati għall-applikazzjoni matul is-snin tas-suq 2006/2007, 2007/2008, 2008/2009 għall-importazzjoni u r-raffinament tal-prodotti taz-zokkor skond ċerti kwoti tariffarji u ftehimiet preferenzjali (2), jipprevedi regoli dettaljati li jiffissaw obbligi ta' konsenja mingħajr dazju għall-prodotti li jaqgħu fi ħdan il-kodiċi NM 1701, espressi f'ammont ekwivalenti ta' zokkor abjad, għall-importazzjonijiet fil-pajjiżi li huma firmatarji tal-Protokoll ACP u l-Ftehim ma' l-Indja. |
(2) |
L-applikazzjoni ta' l-Artikoli 3 u 7 tal-Protokoll ACP, l-Artikoli 3 u 7 tal-Ftehim ma' l-Indja u l-Artikolu 12(3) u l-Artikoli 14 u 15 tar-Regolament (KE) Nru 950/2006 wassal biex il-Kummissjoni tikkalkula l-obbligi ta' konsenja għal kull pajjiż esportatur għall-perjodu ta' konsenja 2008/2009, fuq bażi ta' l-informazzjoni li hija disponibbli attwalment. |
(3) |
Għalhekk huwa meħtieġ li jiġu ddeterminati proviżorjament l-obbligi ta' konsenja għall-perjodu 2008/2009 skond il-punt (a) ta' l-Artikolu 12(2) tar-Regolament (KE) Nru 950/2006. |
(4) |
Il-miżuri stipulati f’dan ir-Regolament huma f’konformità ma’ l-opinjoni tal-Kumitat ta' Ġestjoni għaz-Zokkor, |
ADOTTAT DAN IR-REGOLAMENT:
Artikolu 1
L-obbligi ta' konsenja għall-importazzjonijiet li joriġinaw fil-pajjiżi li huma firmatarji tal-Protokoll ACP u tal-Ftehim ma' l-Indja rigward il-prodotti li jaqgħu fi ħdan il-kodiċi NM 1701, espressi f'ammont ekwivalenti ta' zokkor abjad, fil-perjodu ta' konsenja 2008/2009 għal kull pajjiż esportatur ikkonċernat, huma determinati proviżorjament kif stipulat fl-Anness.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 6 ta’ Mejju 2008.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 58, 28.2.2006, p. 1. Regolament kif emendat l-aħħar bir-Regolament (KE) Nru 1260/2007 (ĠU L 283, 27.10.2007, p. 1).
(2) ĠU L 178, 1.7.2006, p.1. Ir-Regolament kif emendat l-aħħar bir-Regolament (KE) Nru 371/2007 (ĠU L 92, 3.4.2007, p. 6).
ANNESS
Obbligi ta' konsenja għall-importazzjonijiet ta' zokkor preferenzjali, espressi f'ammonti ekwivalenti ta' zokkor abjad li joriġinaw minn pajjiżi li huma firmatarji tal-Protokoll ACP u tal-Ftehim ma' l-Indja għall-perjodu ta' konsenja 2008/2009
Protokoll ACP/Ftehim ma' l-Indja pajjiż firmatarju |
Obbligi ta' konsenja 2008/2009 |
Il-Barbados |
32 097,40 |
Il-Beliże |
46 680,10 |
Il-Kongo |
10 186,10 |
Il-Fiġi |
165 348,30 |
Il-Gujana |
165 131,40 |
L-Indja |
10 000,00 |
Il-Kosta ta' l-Avorju |
10 186,10 |
Il-Ġamajka |
122 234,30 |
Il-Kenja |
5 000,00 |
Il-Madagaskar |
10 760,00 |
Il-Malawi |
20 824,40 |
Il-Mawrizju |
491 030,50 |
Il-Możambik |
6 000,00 |
St Kitts u Nevis |
0,00 |
Is-Surinam |
0,00 |
Is-Sważiland |
117 844,50 |
It-Tanzanija |
10 186,10 |
Trinidad u Tobago |
43 751,00 |
L-Uganda |
0,00 |
Iż-Żambja |
7 215,00 |
Iż-Żimbabwe |
30 224,80 |
Total |
1 304 700,00 |