32000R0847

Ir-Regolament tal-Kummissjoni (KE) Nru. 847/2000

tas-27 ta' April 2000

li jistabbilixxi d-dispożizzjonijiet għall-implimentazzjoni tal-kriterji għall-għażla ta' prodott mediċinali bħala prodott mediċinali orfni u definizzjonijiet tal-kunċetti "prodott mediċinali simili" u "superjorità klinika"

IL- KUMMISSJONI TAL- KOMUNITAJIET EWROPEJ,

Wara li kkunsidraw it-Trattat li jistabbilixxi l-Komunità Ewropea,

B'kunsiderazzjoni għar-Regolament (KE) Nru. 141/2000 tal-Parlament Ewropew u tal-Kunsill tas-16 ta' Diċembru 1999 dwar il-prodotti mediċinali orfni [1], u b'mod partikolari l-Artikoli 3 u 8 ta' dan,

Billi:

(1) Regolament (KE) Nru. 141/2000 isejjaħ lill-Kummissjoni biex taddotta d-dispożizzjonijiet neċessarji għall-implimentazzjoni ta' l-Artikolu 3 u biex taddotta definizzjonijiet ta' "prodott mediċinali simili" u "superjorità klinika"

(2) Sabiex timplimenta l-Artikolu 3 tar-Regolament (KE) Nru. 141/2000, dettalji żejda fuq il-fatturi li suppost ikunu kunsidrati meta tkun qed tiġi stabbilita l-prevalenza, introjtu mistenni fuq l-investiment u n-natura sodisfaċenti ta' metodi alternattivi ta' djanjożi, prevenzjoni u trattament jistgħu ikunu ta' benefiċċju għal sponsers u l-Kumitat għall-Prodotti Mediċinali Orfni.

(3) Din l-informazzjoni suppost għandha tkun ippreżentata bi qbil mal-gwida mfassla mill-Kummissjoni konformi ma’ l-Artikolu 5(3) tar-Regolament (KE) Nru. 141/2000.

(4) Minħabba n-natura tal-prodotti mediċinali kkonċernati u l-probabbiltà li l-kondizzjonijiet li ser ikunu trattati huma rari, mhux xieraq li jitfasslu ħtiġiet eċċessivament dettaljati biex tistabbilixxi li d-dettalji huma sodisfatti.

(5) L-eżami tal-kriterji referuti fl-Artikolu 3 suppost ikun a bażi ta' informazzjoni li hi l-aktar oġġettiva possibbli.

(6) Miżuri oħra tal-Komunità fil-kamp ta' mard rari għandhom ikunu ikkunsidrati.

(7) Sabiex jiġi assigurat rispett xieraq tad-dispożizzjonijiet ta' esklussivita’ tas-suq mfassla fl-Artikolu 8 tar-Regolament (KE) Nru. 141/2000, huwa neċessarju li jiġu stabbiliti definizzjonijiet tal-kunċetti ta' "prodott simili mediċinali" u "superjorità klinika"; dawn id-definizzjonijiet għandhom jikkunsidraw ix-xogħol u l-esperjenza tal-Kumitat għall-Prodotti Mediċinali Propretarji fl-evalwazzjoni ta' prodotti mediċinali eżistenti, u l-opinjonijiet rilevanti tal-Kumitat Xjentifiku fuq Prodotti Mediċinali u Aġġeġġi Mediċinali.

(8) Id-definizzjonijiet għandhom ikunu mgħejjuna minn regoli gwida pprevisti minn l-Artikolu 8(5) tar-Regolament (KE) Nru. 141/2000.

(9) Dawn id-dispożizzjonijiet għandhom ikunu aġġornati regolarment fid-dawl ta' tagħrif xjentifiku u teknoloġiku u esperjenza ma’ l-għażla u r-regolament ta' prodotti mediċinali orfni.

(10) Il-miżuri li għalihom hemm provediment f'dan ir-Regolament huma skond l-opinjoni tal-Kumitat Wieqaf fuq Prodotti Mediċinali għall-Użu Uman,

ADOTTAT DAN IR- REGOLAMENT:

Artikolu 1

Għan

Dan ir-Regolament jestabilixxi fatturi li għandhom ikunu ikkunsidrati meta jkun qed jiġi implimentat l-Artikolu 3 tar-Regolament (KE) Nru. 141/2000 fuq prodotti mediċinali orfni u jistabilixxi definizzjonijiet ta' "prodott mediċinali simili" u "superjorità klinika" għall-iskopijiet li jkun implimentat l-Artikolu 8 tar-Regolament hawn fuq imsemmi. Huwa intiż li jassisti sponsers potenzjali, l-Kumitat għal Prodotti Mediċinali Orfni, u l-awtoritajiet kompetenti fl-interpretazzjoni tar-Regolament (KE) Nru. 141/2000.

Artikolu 2

Kriterji għad-denominazzjoni

1. Prevalenza ta' kondizzjoni fil-Komunità

Għall-iskop li jkun stabbilit, konformi ma’ l-ewwel subparagrafu ta' l-Artikolu 3(1)(a) tar-Regolament (KE) Nru. 141/2000, li prodott mediċinali hu intiż għal djanjożi, prevenzjoni jew trattament ta' kondizzjoni li thedded il-ħajja jew hi kronikament debilitanti li teffettwa mhux aktar minn ħamsa f'1000 persuna fil-Komunità, r-regoli speċifiċi segwenti għandhom japplikaw u d-dokumentazzjoni elenkata hawn taħt ser tkun ipprovduta bil-gwida mfassla konformi ma’ l-Artikolu 5(3) tar-Regolament (KE) Nru. 141/2000.

(a) id-dokumentazzjoni għandha tinkludi referenzi awtoritattivi appendiċi li jiddimostraw li l-marda jew kondizzjoni għal liema l-prodott mediċinali ser ikun amministrat, jeffettwa mhux inqas minn ħamsa f'kull 10000 persuna fil-Komunità fil-ħin li fih l-applikazzjoni għall-għażla hi sottomessa, fejn dawn huma disponibbli;

(b) l-informazzjoni għandha tinkludi dettalji xierqa fuq il-kondizzjoni intiża li tkun ittrattata u ġustifikazzjoni tan-natura li thedded il-ħajja jew hi kronikament debilitanti megħejuna minn referenzi xjentifiċi jew mediċinali.

(ċ) id-dokumentazzjoni sottomessa mill-isponser ser tinkludi jew tirreferi għal reviżjoni tal-letteratura xjentifika rilevanti u ser tipprovdi informazzjoni minn bażijiet ta' informazzjoni rilevanti fil-Komunità fejn dawn huma disponibbli. Fejn l-ebda bażi ta' informazzjoni m’ hi disponibbli, referenza tista’ tkun magħmula għal bażi ta' informazzjoni disponibbli f'pajjiżi terzi, dejjem jekk l-extrapolitazzjonijiet xierqa huma magħmula;

(d) fejn marda jew kondizzjoni ġiet kunsidrata fil-qafas ta' attivitajiet oħra tal-Komunità fuq mard rari, din l-informazzjoni għandha tkun provduta. Fil-każ ta' mard jew kondizzjonijiet inklużi fi proġetti finanzjarjament megħejjuna mill-Komunità sabiex tkun imtejba informazzjoni fuq mard rari, estratt rileventi minn din l-informazzjoni li tinkludi b'mod partikolari, dettalji tal-prevalenza tal-marda jew kondizzjoni in kwistjoni għandha tkun ipprovduta.

2. Potenzjal għal redditu fuq l-investiment

Għall-iskop li jkun stabbilit, konformi mat-tieni sub paragrafu ta' l-Artikolu 3(1)(a) tar-Regolament (KE) Nru. 141/2000, li prodott mediċinali hu intiż għal djanjożi, prevenzjoni jew trattament ta' kondizzjoni li thedded il-ħajja jew hi kronikament debilitanti jew kondizzjoni serja u kronika fil-Komunità, u li mingħajr inċentivi mhux daqstanti mistenni li l-ippubliċiżżar tal-prodott mediċinali fil-Komunità’ jiġġenera redditu suffiċjenti biex jiġġustifika l-investiment neċessarju, r-regoli speċifiċi segwenti għandhom japplikaw u d-dokumentazzjoni xierqa għandha tkun pprovduta bi qbil mal-gwida mfassla konformi ma’ l-Artikolu 5(3) tar-Regolament (KE) Nru/141/2000:

(a) l-informazzjoni għandha tinkludi dettalji xierqa fuq il-kondizzjoni intiża li tkun trattata u ġustifikazzjoni tan-natura li thedded il-ħajja jew hi kronikament debilitanti jew natura serja u kronika tal-kondizzjoni megħjjuna minn referenzi xjentifiċi jew mediċinali.

(b) id-dokumentazzjoni sottomessa mill-isponser għandha tinkludi informazzjoni fuq kull spiża li l-isponser sostna fil-proċess ta' l-iżvilupp tal-prodott mediċinali;

(ċ) id-dokumentazzjoni pprovduta għandha tinkludi dettalji ta' għotjiet, inċentivi ta' taxxa jew spejjeż oħra dispożizzjonijiet ta' rkupru irċevuti jew fil-Komunità jew f' pajjiżi terzi;

(d) f’ każijiet fejn il-prodott mediċinali hu diġa awtorizzat għal kwalunkwe indikazzjoni jew fejn il-prodott mediċinali hu taħt investigazzjoni għal waħda jew aktar indikazzjonijiet, spejgazzjoni ċara ta' u ġustifikazzjoni għal dak il-metodu li hu wżat biex japproporzjona l-ispejjeż ta' żvilupp fost l-indikazzjonijiet varji għandhom ikunu provduti;

(e) dikjarazzjoni ta' u ġustifikazzjoni għall-ispejjeż kollha ta' l-iżvilupp li l-i sponser jippretendi li jħallas wara s-sottomissjoni ta' l-applikazzjoni għall-għażla għandha tkun provduta;

(f) dikjarazzjoni ta' u ġustifikazzjoni għal kull produzzjoni u spejjeż ta' reklamar li l-i sponser ħallas fil-passat u li mistenni li jħallas matul l-ewwel 10 snin li l-prodott mediċinali hu awtorizzat għandha tkun provduta;

(g) kalkolu u ġustifikazzjoni għad-dħul mistenni mill-bejgħ tal-prodott mediċinali fil-Komunità matul l-ewwel 10 snin wara l-awtorizzazzjoni;

(g) l-ispejjeż kollha u l-informazzjoni tad-dħul għandhom ikunu determinati bi qbil mal-prattiċi ta' l-accounting ġeneralment aċċettati u għandhom ikunu ċertifikati minn accountant reġistrat fil-Komunità;

(h) id-dokumentazzjoni provduta għandha tinkludi informazzjoni fuq il-prevalenza u inċidenza fil-Komunità tal-Kondizzjoni għal liema l-prodott mediċinali ikun amministrat fil-ħin f'liema applikazzjoni għall-għażla hi sottomessa.

3. Eżistenza ta' metodi oħra ta' djanjożi, prevenzjoni jew trattament

Applikazzjoni għall-għażla ta' prodott mediċinali bħala prodott mediċinali orfni jista’ jkun sottomess bi qbil ma’ jew paragrafu 1 jew paragrafu 2 ta' dan l-Artikolu. Irrispettivament minn jekk applikazzjoni għall-għażla hi sottomessa bi qbil mal-paragrafu 1 jew 2, l-isponser irid addizzjonalment jistabilixxi li ma jeżisti l-ebda metodu sodisfaċenti ta' djanjożi, prevenzjoni jew trattament tal-kondizzjoni in kwistjoni, jew jekk tali metodu jeżisti li l-prodott mediċinali jkun ta' benefiċċju sinifikanti lil dawk effettwati mill-kondizzjoni.

Għall-iskop li jkun stabbilit konformi ma’ l-Artikolu 3(1)(b) tar-Regolament (KE) Nru. 141/2000 li ma jeżisti l-ebda metodu sodisfaċenti ta' djanjożi, prevenzjoni jew trattament tal-kondizzjoni in kwistjoni, jew jekk tali metodu jeżisti li l-prodott mediċinali ikun ta' benefiċċju sinifikanti lil dawk effettwati mill-kondizzjoni, is-segwenti regoli japplikaw:

(a) dettalji ta' kwalunkwe metodu ta' djanjożi, prevenzjoni jew trattament tal-kondizzjoni in kwistjoni li ġew awtoriżżati fil-Komunità għandhom ikunu provduti, filwaqt li ssir referenza għal letteratura xjentifika u mediċinali jew informazzjoni oħra rilevanti. Dawn jistgħu jinkludu prodotti mediċinali awtoriżżati, aġġeġġi mediċinali jew metodi oħra ta' djanjożi, prevenzjoni jew trattament li huma wżati fil-Komunità;

(b) jew ġustifikazzjoni għalfejn il-metodi rreferuti fil-paragrafu (a) mhumiex kunsidrati sodisfaċenti;

jew

(ċ) ġustifikazzjoni għall-assunzjoni li l-prodott mediċinali għal liema l-għażla hi mfittxija tkun ta' benefiċċju sinifikanti għal dawk effettwati mill-kondizzjoni.

4. Dispożizzjonijiet ġenerali

(a) Sponser li japplika għall-għażla ta' prodott mediċinali bħala prodott mediċinali orfni għandu japplika għall-għażla fi kwalunkwe stadju ta' żvilupp tal-prodott mediċinali qabel l-applikazzjoni għall-awtorizzazzjoni tar-reklamar m'hi magħmula. Applikazzjoni għall-għażla tista pero’ tkun sottomessa għal indikazzjoni terapewtika ġdida għal prodott mediċinali diġa awtorizzat. F'dan il-każ, dak li jżomm l-awtorizzazzjoni tar-reklamar għandu japplika għal awtorizzazzjoni tar-reklamar separata li tkopri biss l-indikazzjonijiet orfni.

(b) Iktar minn sponser wieħed jista’ jottjeni għażla bħala prodott mediċinali orfni għall-istess prodott mediċinali intiż li jipprevjeni, jittratta jew jagħmel djanjożi ta' l-istess marda jew kondizzjoni, dejjem jekk applikazzjoni sħiħa għall-għażla kif imfassal mir-regoli gwida speċifikat fl-Artikolu 5(3) hu sottomess f’ kull każ.

(ċ) Fejn prodott mediċinali hu magħżul mill-Kumitat għall-Prodotti Mediċinali Orfni referenza għall-kriterji ta' l-għażla tkun magħmula jew għal l-Artikolu 2(1) jew għal l-Artikolu 2(2) ta' dan ir-Regolament.

Artikolu 3

Definizzjonijiet

1. Id-definizzjonijiet ta' l-Artikolu 2 tar-Regolament (KE) Nru. 141/2000 japplikaw għal dawk it-termini meta użati f’ dan ir-Regolament:

- "sustanza" tfisser sustanza użata fil-manifattura ta' prodott mediċinali għall-użu uman kif definit fl-Artikolu 1 tad-Direttiva 65/65/KEE.

2. Għall-iskop ta' l-implimentazzjoni ta' l-Artikolu 3 tar-Regolament (KE) Nru. 141/2000 fuq prodott mediċinali orfni, d-definizzjoni segwenti għandha tapplika:

- "benefiċċju sinifikanti" jfisser vantaġġ klinikament rileventi jew kontribuzzjoni kbira lill-kura tal-pazjent.

3. Għall-iskopijiet ta' l-implimentazzjoni ta' l-Artikolu 8 tar-Regolament (KE) Nru. 141/2000 fuq prodott mediċinali orfni, d-definizzjonijiet segwenti għandhom tapplikaw:

(a) "sustanza attività" tfisser sustanza b'attivit fiżjoloġika jew attività farmakoloġika;

(b) "prodott mediċinali simili" tfisser prodott mediċinali li jikkontjeni sustanzi simili attivi ta' sustanzi kif kontenuti fi prodott mediċinali orfni bħalissa awtorizzat, u li hu intiż għall-istess indikazzjoni terapewtika;

(ċ) "sustanza simili attiva" tfisser sustanza attiva identika, jew sustanza attiva bl-istess karatteristiċi fl-istruttura prinċipali molekolari (imma mhux neċessarjament kollha ta' l-istess karatteristiċi strutturali molekolari) u li taġixxi via l-istess mekkaniżżmu

Dan jinkludi:

(1) isomeri, taħlit ta' isomeri, kumplessi, esterijiet, melħ u derivattivi mhux kovalenti tas-sustanza attiva orriġinali, jew sustanza attiva li hi differenti mis-sustanza attiva orriġinali biss b'rispett għal bidliet żgħar fl-istruttura molekolari, per eżempju analoga strutturali;

jew

(2) l-istess makromolekola jew waħda li hi differenti mill-makromolekola oriġinali biss in rispett ta' bidliet fl-istruttura molekolari per eżempju:

(2.1) sustanzi protejinattivi fejn:

- id-differenza hi minħabba infedeltà ta' traskrizzjoni jew traduzzjoni,

- id-differenza fl-istruttura bejniethom hi minħabba ġrajjiet ta' wara t-traduzzjoni (per eżempju patterns ta' glikoilazzjoni differenti) jew strutturi terzjarji,

- id-differenza fis-sekwenza ta' l-aċidu amino mhix kbira. Għalhekk, żewġ sustanzi tal-proteini farmakoloġikament relatati ta' l-istess grupp (per eżempju, żewġ komposti bijoloġiċi li għandhom l-istess isem mhux proprjetarju internazzjonali (INN) sub-stemma ikunu normalment kunsidrati simili,

- l-antikorpi monoklonali jgħaqdu fl-istess epitopu bersalju. Dawn ikunu normalment kunsidrati simili;

(2.2) sustanzi tal-polizakkarida li għandhom l-istess partijiet repetittivi ta' zakkarida, anke jekk in-numru ta' partijiet ivarja u anke jekk hemm modifikazzjonijiet ta' wara l-polimerizzazzjoni (b'inklużjoni tal-konjugazzjoni);

(2.3) sustanzi polinuklejotidi (b'inklużjoni tat-trasferenza tal-ġeni u sustanzi antisensi), li jikkonsistu minn żewġ jew aktar nuklejotidi fejn:

- id-differenza fis-sekwenza tan-nukleotidi tal-bażijiet purini u pirimidini jew id-derivattivi tagħhom mhux kbira. Għalhekk għal sustanzi antisensi, l-addizzjoni jew it-tneħħija ta' nukleotidi li ma teffettwax sinifikatament il-kinetika ta' l-ibridizzazzjoni għall-bersalju ikunu normalment ikkunsidrati simili. Għal sustanzi ta' transfer tal-ġeni, sakemm id-differenzi fis-sekwenza kienu sinifikanti s-sustanzi ikunu normalment kunsidrati l-istess,

- id-differenza fl-istruttura bejniethom għandha x'taqsam mal-modifikazzjonijiet għas-sinsla taz-zokkor ribose jew deoxyribose jew għar-rimpjazz tax-xewka tad-dahar b'analogi sintetiċi

- id-differenza hi fis-sistema ta' vektor jew transfer;

(2.4) sustanzi kumplessi rrelatati b'mod viċin in parti definibbli (per eżempju żewġ vaċċini virili relatati, jew żewġ prodotti ta' terapija taċ-ċelloli relatati);

jew

(3) l-istess sustanza radjofarmaċewtika attiva, jew waħda li hi differenti fir-radjunuklida, ligand, sit tat-tabellar jew mekkaniżmu ta' l-akkoppjament ta' molekoli-radjonuklidi li jgħaqqdu l-molekola u r-radjonuklida dejjem jekk taġixxi via l-istess mekkaniżżmu;

(d) "klinikament superjuri" tfisser li prodott mediċinali hu muri li jipprovdi vantaġġ terapewtiku jew djanjostiku sinifikanti fuq dik provduta minn prodott mediċinali orfni awtorizzat f'wieħed jew aktar mill-modi segwenti:

(1) aktar effikaċja minn prodott mediċinali orfni awtorizzat (kif eżaminat b'effett fuq punt tat-tmiem klinikament sinifikanti f’ testijiet kliniċi adegwati u kontrollati sew). Ġeneralment, dan jirrappreżenta l-istess tip ta' evidenza li hemm bżonn biex tkun mgħejuna sejħa ta' effikaċja komparattiva għal żewġ prodotti mediċinali differenti. Testijiet komprattivi kliniċi diretti huma ġeneralment neċessarji, imma qbil bażat fuq punti tat-tmiem oħra, kif ukoll punti tat-tmiem surrogati jistgħu ikunu wżati. Fi kwalunkwe każ, l-approċċ metodoloġiku għandu jkun ġustifikat;

jew

(2) aktar sigurtà f’ porzjoni sostanzjali tal-popolazzjoni(jiet) bersalji. F’ ċertu każijiet testijiet kliniċi direttament komparattivi għandhom ikunu neċessarji;

jew

(3) f’ każijiet eċċezzjonali, fejn la sigurtà akbar u lanqas effikaċja akbar ma ġiet murija, dimostrazzjoni li l-prodott mediċinali b'mod ieħor jagħmel kontribuzzjoni kbira għad-djanjożi għall-kura tal-pazjenti.

Artikolu 4

Dħul fis-seħħ.

Dan ir-Regolament ser jidħol fis-seħħ fil-ġurnata wara l-adozzjoni tiegħu mill-Kummissjoni u ser japplika mill-istess ġurnata.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-27 ta' April 2000.

Għall-Kummissjoni

Erkki Liikanen

Membru tal-Kummissjoni

[1] ĠU L 18, tat-22.1.2000, p. 1.

--------------------------------------------------