This document is an excerpt from the EUR-Lex website
Document 22013D1224(01)
Recommendation No 1/2013 of the EU-Morocco Assocation Council of 16 December 2013 on the implementation of the EU-Morocco ENP Action Plan implementing the advanced status (2013-2017)
Rakkomandazzjoni Nru 1/2013 tal-Kunsill ta’ Assoċjazzjoni UE-Marokk tas- 16 ta’ Diċembru 2013 dwar l-implimentazzjoni tal-Pjan ta’ Azzjoni UE-Marokk fil-qafas tal-PEV li jimplimenta l-istatus avvanzat (2013-2017)
Rakkomandazzjoni Nru 1/2013 tal-Kunsill ta’ Assoċjazzjoni UE-Marokk tas- 16 ta’ Diċembru 2013 dwar l-implimentazzjoni tal-Pjan ta’ Azzjoni UE-Marokk fil-qafas tal-PEV li jimplimenta l-istatus avvanzat (2013-2017)
ĠU L 352, 24.12.2013, p. 78–78
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
24.12.2013 |
MT |
Il-Ġurnal Uffiċjali tal-Unjoni Ewropea |
L 352/78 |
RAKKOMANDAZZJONI Nru 1/2013 TAL-KUNSILL TA’ ASSOĊJAZZJONI UE-MAROKK
tas-16 ta’ Diċembru 2013
dwar l-implimentazzjoni tal-Pjan ta’ Azzjoni UE-Marokk fil-qafas tal-PEV li jimplimenta l-istatus avvanzat (2013-2017)
IL-KUNSILL TA' ASSOĊJAZZJONI UE-MAROKK,
Wara li kkunsidra l-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Renju tal-Marokk, min-naħa l-oħra, u b'mod partikolari l-Artikolu 80 tiegħu,
Billi:
(1) |
L-Artikolu 80 tal-Ftehim Ewro-Mediterranju jagħti s-setgħa lill-Kunsill ta' Assoċjazzjoni li jagħmel ir-rakkomandazzjonijiet xierqa, għall-iskop li jintlaħqu l-għanijiet tal-Ftehim. |
(2) |
Bis-saħħa tal-Artikolu 90 tal-Ftehim Ewro-Mediterranju, il-Partijiet għandhom jieħdu kull miżura ġenerali jew speċifika meħtieġa biex jissodisfaw l-obbligi tagħhom skont il-Ftehim u għandhom jiżguraw li l-għanijiet stipulati fil-Ftehim jinkisbu. |
(3) |
Il-partijiet fil-Ftehim Ewro-Mediterranju approvaw it-test tal-Pjan ta’ Azzjoni UE-Marokk fil-qafas tal-Politika Ewropea tal-Viċinat (PEV) li jimplimenta l-Istatus Avvanzat (2013-2017). |
(4) |
Il-Pjan ta’ Azzjoni UE-Marokk fil-qafas tal-PEV ser jikkontribwixxi għall-implimentazzjoni tal-Ftehim Ewro-Mediterranju permezz tat-tfassil u l-adozzjoni, bi qbil bejn il-Partijiet, ta' miżuri konkreti li jipprovdu gwida prattika għall-implimentazzjoni tal-Ftehim. |
(5) |
Il-Pjan ta’ Azzjoni UE-Marokk fil-qafas tal-PEV għandu l-iskop doppju li jistabbilixxi miżuri konkreti għat-twettiq, mill-Partijiet, tal-obbligi stipulati fil-Ftehim Ewro-Mediterranju u li jipprovdi qafas aktar wiesa’ għat-tisħiħ ulterjuri tar-relazzjonijiet bejn l-UE u l-Marokk, sabiex jintlaħaq livell għoli ta’ integrazzjoni ekonomika u biex japprofondixxi l-koperazzjoni politika, b’mod konformi mal-għanijiet ġenerali tal-Ftehim Ewro-Mediterranju, |
ADOTTA R-RAKKOMANDAZZJONI LI ĠEJJA:
Artikolu Uniku
Il-Kunsill ta’ Assoċjazzjoni jirrakkomanda li l-partijiet jimplimentaw il-Pjan ta’ Azzjoni UE-Marokk fil-qafas tal-PEV li jimplimenta l-Istatus Avvanzat (2013-2017) (1), li jidher fl-Anness, sa fejn l-implimentazzjoni jkollha l-mira li jintlaħqu l-għanijiet tal-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Renju tal-Marokk, min-naħa l-oħra.
Magħmul fi Brussell, is-16 ta’ Diċembru 2013.
Għall-Kunsill ta’ Assoċjazzjoni
Il-President
S. MEZOUAR
(1) Ara dokument ST 17584/13 fuq http:// register.consilium.europa.eu