This document is an excerpt from the EUR-Lex website
Document 32019R1102
Commission Regulation (EU) 2019/1102 of 27 June 2019 amending Regulation (EC) No 2003/2003 of the European Parliament and of the Council relating to fertilisers for the purposes of adapting Annexes I and IV (Text with EEA relevance.)
Regolament tal-Kummissjoni (UE) 2019/1102 tas-27 ta' Ġunju 2019 li jemenda r-Regolament (KE) Nru 2003/2003 tal-Parlament Ewropew u tal-Kunsill fir-rigward tal-fertilizzanti bl-iskop li jiġu adattati l-Annessi I u IV (Test b'rilevanza għaż-ŻEE.)
Regolament tal-Kummissjoni (UE) 2019/1102 tas-27 ta' Ġunju 2019 li jemenda r-Regolament (KE) Nru 2003/2003 tal-Parlament Ewropew u tal-Kunsill fir-rigward tal-fertilizzanti bl-iskop li jiġu adattati l-Annessi I u IV (Test b'rilevanza għaż-ŻEE.)
C/2019/4588
ĠU L 175, 28.6.2019, pp. 25–30
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
28.6.2019 |
MT |
Il-Ġurnal Uffiċjali tal-Unjoni Ewropea |
L 175/25 |
REGOLAMENT TAL-KUMMISSJONI (UE) 2019/1102
tas-27 ta' Ġunju 2019
li jemenda r-Regolament (KE) Nru 2003/2003 tal-Parlament Ewropew u tal-Kunsill fir-rigward tal-fertilizzanti bl-iskop li jiġu adattati l-Annessi I u IV
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat ir-Regolament (KE) Nru 2003/2003 tal-Parlament Ewropew u tal-Kunsill tat-13 ta' Ottubru 2003 dwar il-fertilizzanti (1), u b'mod partikolari l-Artikolu 29(4) u l-Artikolu 31(1) u (3) tiegħu,
Billi:
|
(1) |
Manifattur ta' taħlita isomerika tal-aċidu 2- (3,4-dimetilpirażol-1-il)-suċċiniku u 2 (4,5-dimetilpirażol-1-il)-suċċiniku (“DMPSA”) ippreżenta talba lill-Kummissjoni, permezz tal-awtoritajiet Ċeki, biex tinkludi d-DMPSA bħala entrata ġdida fl-Anness I tar-Regolament (KE) Nru 2003/2003. Id-DMPSA huwa inibitur tan-nitrifikazzjoni li, flimkien mal-fertilizzanti tan-nitroġenu minerali, inaqqas ir-riskju ta' telf tan-nitroġenu fil-forma ta' emissjonijiet N2O li jwasslu għal effiċjenza ogħla ta' nitroġenu tal-fertilizzanti li jkun fihom id-DMPSA. |
|
(2) |
Id-DMPSA jissodisfa r-rekwiżiti stabbiliti fl-Artikolu 14 tar-Regolament (KE) Nru 2003/2003. Għalhekk jenħtieġ li jiġi inkluż fil-lista tat-tipi ta' fertilizzanti fl-Anness I ta' dak ir-Regolament. |
|
(3) |
Ir-Regolament (KE) Nru 2003/2003 jitlob il-kontroll tal-fertilizzanti tal-KE f'konformità mal-metodi ta' kampjunar u ta' analiżi li huma deskritti fl-Anness IV tiegħu. L-inklużjoni tad-DMPSA fl-Anness I tar-Regolament (KE) Nru 2003/2003 teħtieġ li jiġi applikat metodu analitiku għall-kontrolli uffiċjali ta' dan it-tip ta' fertilizzant fl-Anness IV ta' dak ir-Regolament. |
|
(4) |
Barra minn hekk, jenħtieġ li jiġi żviluppat aktar il-Metodu 1 fir-rigward tal-preparazzjoni tal-kampjun għall-analiżi billi jiġu inklużi standards Ewropej addizzjonali dwar il-kampjunar b'mod ġenerali, kif ukoll dwar il-kampjunar ta' munzelli statiċi. Fl-aħħar nett, il-Metodi 9 attwali għall-mikronutrijenti f'konċentrazzjoni ta' anqas minn jew ugwali għal 10 % u l-Metodi 10 għall-mikronutrijenti f'konċentrazzjoni ta' iktar minn 10 % fl-Anness IV mhumiex internazzjonalment rikonoxxuti u jenħtieġ li jiġu sostitwiti minn standards Ewropej żviluppati reċentement mill-Kumitat Ewropew għall-Istandardizzazzjoni. |
|
(5) |
Għaldaqstant ir-Regolament (KE) Nru 2003/2003 jenħtieġ li jiġi emendat skont dan. |
|
(6) |
Il-miżuri stipulati f'dan ir-Regolament huma skont l-opinjoni tal-Kumitat stabbilit bl-Artikolu 32 tar-Regolament (KE) Nru 2003/2003, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 2003/2003 huwa emendat kif ġej:
|
(1) |
L-Anness I huwa emendat f'konformità mal-Anness I ta' dan ir-Regolament; |
|
(2) |
L-Anness IV huwa emendat skont l-Anness II ta' dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta' Ġunju 2019.
Għall-Kummissjoni
Il-President
Jean-Claude JUNCKER
ANNESS I
Fit-Tabella F.1 tal-Anness I tar-Regolament (KE) Nru 2003/2003, tiżdied ir-ringiela 5 li ġejja:
|
“5 |
Taħlita isomerika ta' aċidu 2-(3,4-dimetilpirażol-1-il)-suċċiniku u aċidu 2-(4,5-dimetilpirażol-1-il)-suċċiniku (DMPSA) Nru KE 940-877-5 |
Minimu: 0,8 Massimu: 1,6” |
|
|
ANNESS II
Fl-Anness IV tar-Regolament (KE) Nru 2003/2003, it-Taqsima B hija emendata kif ġej:
|
(1) |
Il-Metodu 1 huwa sostitwit b'dan li ġej: “Metodi 1 Preparazzjoni tal-kampjuni u l-kampjunar Metodu 1.1 Kampjunar għall-analiżi EN 1482-1, Fertilizzanti u materjali għat-trattament bil-ġir — Kampjunar u preparazzjoni tal-kampjun — Il-Parti 1: Kampjunar Metodu 1.2 Preparazzjoni tal-kampjun għall-analiżi EN 1482-2, Fertilizzanti u materjali għat-trattament bil-ġir — Kampjunar u preparazzjoni tal-kampjun — Il-Parti 2: Preparazzjoni tal-kampjun Metodu 1.3 Kampjunar ta' munzelli statiċi għall-analiżi EN 1482-3, Fertilizzanti u materjali għat-trattament bil-ġir — Kampjunar u preparazzjoni tal-kampjun — Il-Parti 3: Kampjunar ta' munzelli statiċi ” |
|
(2) |
Il-Metodi 9 huma sostitwiti b'dan li ġej: “Metodi 9 Mikronutrijenti f'konċentrazzjoni ta' anqas minn jew egwali għall-10 % Metodu 9.1 Estrazzjoni tal-mikronutrijenti totali fil-fertilizzanti bl-użu tal-aqua regia EN 16964: Fertilizzanti — Estrazzjoni tal-mikronutrijenti totali mill-fertilizzanti bl-użu tal-aqua regia Dan il-metodu ta' analiżi sarlu r-ringtest. Metodu 9.2 Estrazzjoni tal-mikronutrijenti li jinħallu fl-ilma mill-fertilizzanti u t-tneħħija ta' komposti organiċi minn estratti tal-fertilizzanti EN 16962: Fertilizzanti — Estrazzjoni tal-mikronutrijenti li jinħallu fl-ilma mill-fertilizzanti u t-tneħħija ta' komposti organiċi mill-estratti tal-fertilizzanti Dan il-metodu ta' analiżi sarlu r-ringtest. Metodu 9.3 Determinazzjoni tal-kobalt, tar-ram, tal-ħadid, tal-manganiż u taż-żingu permezz tal-ispettrometrija tal-assorbiment atomiku bi fjamma (FAAS) EN 16965: Fertilizzanti — Determinazzjoni tal-kobalt, tar-ram, tal-ħadid, tal-manganiż u taż-żingu permezz tal-ispettrometrija tal-assorbiment atomiku bi fjamma (FAAS) Dan il-metodu ta' analiżi sarlu r-ringtest. Metodu 9.4 Determinazzjoni tal-boron, tal-kobalt, tar-ram, tal-ħadid, tal-manganiż, tal-molibdenu u taż-żingu bl-użu tal-ICP-AES EN 16963: Fertilizzanti — Determinazzjoni tal-boron, tal-kobalt, tar-ram, tal-ħadid, tal-manganiż, tal-molibdenu u taż-żingu bl-użu tal-ICP-AES Dan il-metodu ta' analiżi sarlu r-ringtest. Metodu 9.5 Determinazzjoni tal-boron permezz tal-ispettrometrija bl-ażometina-H EN 17041: Fertilizzanti — Determinazzjoni tal-boron f'konċentrazzjonijiet ta' ≤ 10 % bl-użu tal-ispettrometrija bl-ażometina-H Dan il-metodu ta' analiżi sarlu r-ringtest. Metodu 9.6 Determinazzjoni tal-molibdenu bl-użu tal-ispettrometrija ta' kumpless bit-tijoċinat tal-ammonju EN 17043: Fertilizzanti — Determinazzjoni tal-molibdenu f'konċentrazzjonijiet ta' ≤ 10 % bl-użu tal-ispettrometrija ta' kumpless bit-tijoċjanat tal-ammonju Dan il-metodu ta' analiżi sarlu r-ringtest.” |
|
(3) |
Il-Metodi 10 jiġu sostitwiti b'dan li ġej: “ Metodi 10 Mikronutrijenti f'konċentrazzjoni ta' akbar minn 10 % Metodu 10.1 Estrazzjoni tal-mikronutrijenti totali mill-fertilizzanti bl-użu tal-aqua regia EN 16964: Fertilizzanti — Estrazzjoni tal-mikronutrijenti totali mill-fertilizzanti bl-użu tal-aqua regia Dan il-metodu ta' analiżi sarlu r-ringtest. Metodu 10.2 Estrazzjoni tal-mikronutrijenti li jinħallu fl-ilma mill-fertilizzanti u t-tneħħija ta' komposti organiċi minn estratti tal-fertilizzanti EN 16962: Fertilizzanti — Estrazzjoni tal-mikronutrijenti li jinħallu fl-ilma mill-fertilizzanti u t-tneħħija ta' komposti organiċi mill-estratti tal-fertilizzanti Dan il-metodu ta' analiżi sarlu r-ringtest. Metodu 10.3 Determinazzjoni tal-kobalt, tar-ram, tal-ħadid, tal-manganiż u taż-żingu permezz tal-ispettrometrija tal-assorbiment atomiku bi fjamma (FAAS) EN 16965: Fertilizzanti — Determinazzjoni tal-kobalt, tar-ram, tal-ħadid, tal-manganiż u taż-żingu permezz tal-ispettrometrija tal-assorbiment atomiku bi fjamma (FAAS) Dan il-metodu ta' analiżi sarlu r-ringtest. Metodu 10.4 Determinazzjoni tal-boron, tal-kobalt, tar-ram, tal-ħadid, tal-manganiż, tal-molibdenu u taż-żingu bl-użu tal-ICP-AES EN 16963: Fertilizzanti — Determinazzjoni tal-boron, tal-kobalt, tar-ram, tal-ħadid, tal-manganiż, tal-molibdenu u taż-żingu bl-użu tal-ICP-AES Dan il-metodu ta' analiżi sarlu r-ringtest. Metodu 10.5 Determinazzjoni tal-boron bl-użu tat-titrazzjoni aċidimetrika EN 17042: Fertilizzanti — Determinazzjoni tal-boron f'konċentrazzjonijiet ta' > 10 % permezz tal-ispettrometrija bit-titrazzjoni aċidimetrika Dan il-metodu ta' analiżi ma sarlux ir-ringtest. Metodu 10.6 Determinazzjoni tal-molibdenu permezz ta' metodu gravimetriku bit-8-idrossikwinolina CEN/TS 17060: Fertilizzanti — Determinazzjoni tal-molibdenu f'konċentrazzjoni ta' > 10 % bl-użu ta' metodu gravimetriku bit-8-idrossikwinolina Dan il-metodu ta' analiżi ma sarlux ir-ringtest.” |
|
(4) |
Fil-Metodi 12, qed jiżdied il-Metodu 12.8: “Metodu 12.8 Determinazzjoni tad-DMPSA EN 17090: Fertilizzanti — Determinazzjoni tal-inibitur ta' nitrifikazzjoni DMPSA fil-fertilizzanti — Metodu li juża kromatografija b'fażi likwida ta' prestazzjoni għolja (HPLC) Dan il-metodu ta' analiżi sarlu r-ringtest.” |