This document is an excerpt from the EUR-Lex website
Document 32011D0263
2011/263/EU: Commission Decision of 28 April 2011 on establishing the ecological criteria for the award of the EU Ecolabel to detergents for dishwashers (notified under document C(2011) 2806) Text with EEA relevance
2011/263/UE: Deċiżjoni tal-Kummissjoni tat- 28 ta’ April 2011 dwar l-istabbiliment ta’ kriterji ekoloġiċi għall-għoti tal-Ekotikketta tal-UE lil deterġenti għall-magni tal-ħasil tal-platti (notifikata bid-dokument numru C(2011) 2806) Test b’relevanza għaż-ŻEE
2011/263/UE: Deċiżjoni tal-Kummissjoni tat- 28 ta’ April 2011 dwar l-istabbiliment ta’ kriterji ekoloġiċi għall-għoti tal-Ekotikketta tal-UE lil deterġenti għall-magni tal-ħasil tal-platti (notifikata bid-dokument numru C(2011) 2806) Test b’relevanza għaż-ŻEE
ĠU L 111, 30.4.2011, p. 22–33
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 25/06/2017; Imħassar b' 32017D1216
30.4.2011 |
MT |
Il-Ġurnal Uffiċjali tal-Unjoni Ewropea |
L 111/22 |
DEĊIŻJONI TAL-KUMMISSJONI
tat-28 ta’ April 2011
dwar l-istabbiliment ta’ kriterji ekoloġiċi għall-għoti tal-Ekotikketta tal-UE lil deterġenti għall-magni tal-ħasil tal-platti
(notifikata bid-dokument numru C(2011) 2806)
(Test b’relevanza għaż-ŻEE)
(2011/263/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar skema ta’ Ekotikketta tal-UE (1), u b'mod partikolari l-Artikolu 8(2) tiegħu,
Wara li kkonsultat il-Bord tal-Ekotikkettar tal-Unjoni Ewropea,
Billi:
(1) |
Skont ir-Regolament (KE) Nru 66/2010, l-Ekotikketta tal-UE tista' tingħata lil dawk il-prodotti b'impatt ambjentali mnaqqas waqt iċ-ċiklu tal-ħajja kollu tagħhom. |
(2) |
Ir-Regolament (KE) Nru 66/2010 jipprovdi li għandhom ikunu stabbiliti kriterji speċifiċi tal-Ekotikketta tal-UE skont il-gruppi tal-prodotti. |
(3) |
Id-Deċiżjoni tal-Kummissjoni 1999/427/KE (2) stabbilixxiet il-kriterji ekoloġiċi kif ukoll ir-rekwiżiti relatati mal-valutazzjoni u mal-verifika għad-deterġenti għall-magni tal-ħasil tal-platti. Wara l-analiżi tal-kriterji stabbiliti f'dik id-Deċiżjoni, id-Deċiżjoni tal-Kummissjoni 2003/31/KE (3) stabbilixxiet kriterji riveduti li huma validi sat-30 ta’ April 2011. |
(4) |
Dawk il-kriterji ġew analizzati aktar fid-dawl tal-iżviluppi teknoloġiċi. Mill-analiżi jirriżulta li hu meħtieġ li tkun emendata d-definizzjoni tal-grupp tal-prodotti sabiex tinkludi sottogrupp tal-prodotti ġdid u biex tistabbilixxi kriterji ġodda. Dawk il-kriterji l-ġodda, kif ukoll ir-rekwiżiti ta’ valutazzjoni u ta’ verifika relatati għandhom ikunu validi għal erba' snin mid-data tal-adozzjoni ta’ din id-Deċiżjoni. |
(5) |
Id-Deċiżjoni 2003/31/KE għandha għalhekk tkun sostitwita għal raġunijiet ta’ ċarezza. |
(6) |
Għandu jkun hemm perjodu tranżizzjonali għall-produtturi li l-prodotti tagħhom ingħataw l-Ekotikketta għad-deterġenti għall-magni tal-ħasil tal-platti abbażi tal-kriterji stabbiliti fid-Deċiżjoni 2003/31/KE, sabiex ikollhom żmien suffiċjenti biex jadattaw il-prodotti tagħhom biex jikkonformaw mal-kriterji u r-rekwiżiti riveduti. Il-produtturi għandhom ukoll jitħallew jippreżentaw applikazzjonijiet abbażi tal-kriterji stabbiliti fid-Deċiżjoni 2003/31/KE jew tal-kriterji stabbiliti f'din id-Deċiżjoni sakemm tiskadi l-validità ta’ dik id-Deċiżjoni. |
(7) |
Il-miżuri pprovduti f'din id-Deċiżjoni huma skont l-opinjoni tal-Kumitat stabbilit mill-Artikolu 16 tar-Regolament (KE) Nru 66/2010, |
ADOTTAT DIN ID-DEĊIŻJONI:
Artikolu 1
Il-grupp tal-prodotti “Deterġenti għall-Magni tal-Ħasil tal-Platti” għandu jinkludi deterġenti għall-magni tal-ħasil tal-platti u prodotti użati bħala għajnuna għat-tlaħliħ, kemm jekk f'forma ta’ trab, ta’ likwidu jew kwalunkwe forma oħra, li huma maħsuba biex ikunu kkummerċjalizzati u użati esklussivament f'magni tal-ħasil tal-platti domestiċi awtomatiċi u f'magni tal-ħasil tal-platti awtomatiċi għal użu professjonali, li d-daqs u l-użu tagħhom hu simili għal dak tal-magni tal-ħasil tal-platti domestiċi.
Artikolu 2
Għall-fini ta’ din id-Deċiżjoni, għandhom japplikaw id-definizzjonijiet li ġejjin:
Sustanza tfisser element kimiku u l-komposti tiegħu fl-istat naturali jew miksub bi kwalunkwe proċess tal-produzzjoni, inkluż kwalunkwe addittiv meħtieġ biex jippreżerva l-istabbiltà tal-prodotti u kwalunkwe impurità li tirriżulta mill-proċess użat, iżda li jeskludi kwalunkwe solvent li jista' jiġi sseparat mingħajr ma tkun affettwata l-istabbiltà tas-sustanza jew tinbidel il-kompożizzjoni tagħha.
Artikolu 3
Sabiex jingħata l-Ekotikketta tal-UE skont ir-Regolament (KE) Nru 66/2010, deterġent għall-magni tal-ħasil tal-platti għandu jaqa' taħt il-grupp tal-prodotti “Deterġent għall-Magni tal-Ħasil tal-Platti” kif iddefinit fl-Artikolu 1, u għandu jikkonforma mal-kriterji stabbiliti fl-Anness ta’ din id-Deċiżjoni.
Artikolu 4
Il-kriterji għall-grupp tal-prodotti “Deterġenti għall-Magni tal-Ħasil tal-Platti”, kif ukoll ir-rekwiżiti ta’ valutazzjoni u verifika relatati, għandhom ikunu validi għal erba' snin mid-data tal-adozzjoni ta’ din id-Deċiżjoni.
Artikolu 5
Għal finijiet amministrattivi n-numru tal-kodiċi assenjat lill-grupp tal-prodotti “Deterġenti għall-magni tal-ħasil tal-platti” għandu jkun “015”.
Artikolu 6
Id-Deċiżjoni 2003/31/KE hi rrevokata.
Artikolu 7
1. B'deroga mill-Artikolu 6, l-applikazzjonijiet għall-Ekotikketta tal-UE għal prodotti li jaqgħu taħt il-grupp tal-prodotti “Deterġenti għall-Magni tal-Ħasil tal-Platti” ppreżentati qabel id-data tal-adozzjoni ta’ din id-Deċiżjoni għandhom ikunu evalwati skont il-kundizzjonjiiet stipulati fid-Deċiżjoni 2003/31/KE.
2. L-applikazzjonijiet għall-Ekotikketta tal-UE għal prodotti li jaqgħu taħt il-grupp tal-prodotti “Deterġenti għall-Magni tal-Ħasil tal-Platti” ppreżentati qabel id-data tal-adozzjoni ta’ din id-Deċiżjoni iżda mhux aktar tard mit-30 ta’ April 2011 jistgħu jkunu bbażati jew fuq il-kriterji stabbiliti fid-Deċiżjoni 2003/31/KE jew fuq il-kriterji stabbiliti f'din id-Deċiżjoni.
Dawk l-applikazzjonijiet għandhom ikunu evalwati skont il-kriterji li fuqhom huma bbażati.
3. Meta l-Ekotikketta tingħata abbażi ta’ applikazzjoni evalwata skont il-kriterji stabbiliti fid-Deċiżjoni 2003/31/KE, dik l-Ekotikketta tista' tintuża għal 12-il xahar mid-data tal-adozzjoni ta’ din id-Deċiżjoni.
Artikolu 8
Din id-Deċiżjoni hija indirizzata lill-Istati Membri.
Magħmul fi Brussell, it-28 ta’ April 2011.
Għall-Kummissjoni
Janez POTOČNIK
Membru tal-Kummissjoni
(2) ĠU L 167, 2.7.1999, p. 38.
ANNESS
QAFAS
L-għanijiet tal-kriterji
Il-kriterji jimmiraw, b’mod partikolari, biex jippromwovu prodotti li għandhom impatt imnaqqas fuq l-ekosistemi akkwatiċi, li jinkludu ammont limitat ta’ sustanzi perikolużi u li l-prestazzjoni tagħhom kienet ittestjata.
KRITERJI
Dawn il-kriterji jkopru l-oqsma li ġejjin:
1. |
Sustanzi kimiċi totali |
2. |
Sustanzi jew taħlitiet esklużi jew limitati |
3. |
Tossiċità għall-organiżmi akkwatiċi: Volum Kritiku ta’ Dilwizzjoni |
4. |
Bijodegradabilità tas-sustanzi organiċi |
5. |
Prestazzjoni tal-ħasil |
6. |
Rekwiżiti ta’ imballaġġ |
7. |
Informazzjoni għall-konsumatur |
8. |
Informazzjoni li tidher fuq l-Ekotikketta tal-UE. |
1. Valutazzjoni u verifika
(a) Rekwiżiti
Ir-rekwiżiti speċifiċi ta’ valutazzjoni u verifika huma indikati f’kull kriterju.
Meta l-applikant ikun meħtieġ jipprovdi dikjarazzjonijiet, dokumentazzjoni, analiżi, rapporti ta’ testijiet, jew evidenza oħra biex juri l-konformità mal-kriterji, hu mifhum li dawn jistgħu joriġinaw mill-applikant u/jew il-fornitur(i) tiegħu u/jew il-fornitur(i) tagħhom, eċċ., skont kif ikun xieraq.
Meta jkun possibbli, l-ittestjar għandu jitwettaq minn laboratorji li jissodisfaw ir-rekwiżiti ġenerali ta’ EN ISO 17025 jew l-ekwivalenti tiegħu.
Meta jkun xieraq, il-metodi ta’ ttestjar għajr dawk indikati għal kull kriterju jistgħu jintużaw jekk il-korp kompetenti li jivvaluta l-applikazzjoni jaċċetta l-ekwivalenza tagħhom.
L-Appendiċi I tirreferi għall-bażi tad-dejta tal-ingredjenti tad-deterġenti (lista DID) li tinkludi l-ingredjenti l-aktar użati fil-formulazzjonijiet tad-deterġenti. Din għandha tintuża biex tiġi dderivata d-dejta għall-kalkoli tal-Volum Kritiku tad-Dilwizzjoni (CDV) u għall-valutazzjoni tal-bijodegradabilità tal-ingredjenti. Għas-sustanzi mhux preżenti fil-lista DID, tingħata gwida dwar kif għandha tiġi kkalkolata jew estrapolata d-dejta rilevanti. L-aħħar verżjoni tal-lista DID hi disponibbli mis-sit elettroniku tal-Ekotikketta tal-UE jew permezz tas-siti elettroniċi tal-korpi kompetenti individwali.
Meta jkun xieraq, il-korpi kompetenti jistgħu jitolbu dokumentazzjoni ta’ appoġġ u jistgħu jwettqu verifiki indipendenti.
(b) Limiti tal-kejl
Is-sustanzi kostitwenti li l-konċentrazzjoni tagħhom taqbeż 0.010 % skont il-piż tal-preparazzjoni għandhom jikkonformaw mal-kriterji ekoloġiċi.
Għall-preżervattivi, l-aġenti li jlewnu u l-fwejjaħ il-konformità mal-kriterji hi meħtieġa irrispettivament mill-konċentrazzjoni tagħhom ħlief għall-kriterju 2(b) dwar il-kontenut tas-sustanzi u t-taħlitiet perikolużi.
Is-sustanzi li jidħlu huma ddefiniti bħala s-sustanzi kollha fil-prodott inklużi l-addittivi (eż. preżervattivi jew stabbilizzaturi) fl-ingredjenti. L-impuritajiet li jirriżultaw mill-produzzjoni tal-materja prima, li huma preżenti f’konċentrazzjonijiet > 0,010 % skont il-piż tal-formulazzjoni finali għandhom ukoll jikkonformaw mal-kriterji.
Jekk il-prodott ikollu fojl li ddub fl-ilma intenzjonata biex titneħħa qabel il-ħasil, il-fojl għandha titqies li hi parti mill-formulazzjoni tal-prodott fir-rekwiżiti kollha.
2. Unità funzjonali
L-unità funzjonali għandha tkun il-kwantità tal-prodott meħtieġa biex jinħaslu 12-il pożata (place setting) bi ħmieġ standard (kif iddefinit fl-istandards DIN jew ISO).
3. Dożaġġ ta’ referenza
Id-dożaġġ irrakkomandat mill-manifattur lill-konsumaturi għal platti bi ħmieġ normali u għal 12-il pożata huwa meħud bħala d-dożaġġ ta’ referenza taħt kundizzjonijiet standard, kif stabbilit fit-test ta’ prestazzjoni tal-ħasil IKW imsemmi fil-kriterju 5.
Rekwiżiti relatati mal-valutazzjoni u l-verifika ta’ (2) Unità funzjonali u (3) Dożaġġ ta’ referenza: Il-formulazzjoni sħiħa, li tinkludi l-isem kummerċjali, l-isem kimiku, in-numru tal-CAS, in-numru DID (*), il-kwantità li tidħol bl-inklużjoni u bl-esklużjoni tal-ilma u l-funzjoni tal-ingredjenti kollha li jidħlu (irrispettivament mill-konċentrazzjoni) fil-prodott, għandha tiġi ppreżentata lill-korp kompetenti. Il-korp kompetenti għandu jiġi ppreżentat b’kampjun tax-xogħol grafiku inklużi r-rakkomandazzjonijiet rigward id-dożaġġ.
Il-korp kompetenti għandu jiġi ppreżentat bi skedi tad-dejta dwar is-sikurezza għal kull ingredjent skont ir-Regolament (KE) Nru 1907/2006 tal-Parlament Ewropew u tal-Kunsill (1).
Il-lista DID tista’ tinstab fuq is-sit elettroniku tal-Ekotikketta tal-UE: http://ec.europa.eu/environment/ecolabel/ecolabelled_products/categories/did_list_en.htm
KRITERJI TAL-EKOTIKKETTA TAL-UE
Kriterju 1 – Sustanzi kimiċi totali
Is-sustanzi kimiċi totali (TC) huma d-dożaġġ irrakkomandat fi grammi għal kull ħasla bil-kontenut tal-ilma mnaqqas.
L-ammont tas-sustanzi kimiċi totali ma għandux jaqbeż l-ammonti li ġejjin:
(a) |
Deterġenti għall-magni tal-ħasil tal-platti b’funzjoni waħda: TCmax = 20,0 gm/ħasla |
(b) |
Deterġenti għall-magni tal-ħasil tal-platti multifunzjonali: TCmax = 22,0 gm/ħasla |
Meta jiġi kkalkulat is-CDV, għandu jintuża dożaġġ ta’ għajnuna għat-tlaħliħ ta’ 3 ml aNBO u anNBO.
Valutazzjoni u verifika: Kalkolu tat-TC tal-prodott. Id-densità (gm/ml) għandha tkun iddikjarata għall-prodotti likwidi.
Kriterju 2 – Sustanzi jew taħlitiet esklużi jew limitati
(a) Ingredjenti speċifikati esklużi
L-ingredjenti li ġejjin ma għandhomx ikunu inklużi fil-prodott, la bħala parti mill-formulazzjoni u lanqas bħala parti minn kwalunkwe taħlita inkluża fil-formulazzjoni:
— |
Fosfati |
— |
DTPA (Aċidu pentaaċetiku tad-dietilen tat-triammina) |
— |
Perborati |
— |
Komposti reattivi tal-kloru |
— |
EDTA (tetraaċetat tal-etilendiammina) |
— |
Nitromiski u miski poliċikliċi |
Valutazzjoni u verifika: l-applikant għandu jipprovdi dikjarazzjoni ta’ konformità kompluta u ffirmata.
(b) Sustanzi u taħlitiet perikolużi
Skont l-Artikolu 6(6) tar-Regolament (KE) Nru 66/2010 dwar l-Ekotikketta tal-UE, il-prodott jew kwalunkwe parti minnu ma għandux/ma għandhiex jinkludi/tinkludi sustanzi jew taħlitiet li jikkonformaw mal-kriterji għall-klassifikazzjoni bil-klassijiet jew il-kategoriji ta’ periklu skont ir-Regolament (KE) Nru 1272/2008 speċifikati hawn isfel u lanqas ma għandhom jinkludu sustanzi msemmija fl-Artikolu 57 tar-Regolament (KE) Nru 1907/2006.
Lista ta’ dikjarazzjonijiet ta’ periklu:
Dikjarazzjoni ta’ Periklu GHS (2) |
Frażi ta’ Riskju tal-UE (3) |
H300 Fatali jekk jinbela’ |
R28 |
H301 Tossiku jekk jinbela’ |
R25 |
H304 Jista’ jkun fatali jekk jinbela’ u jidħol fil-pajpijiet tan-nifs |
R65 |
H310 Fatali jekk jiġi f’kuntatt mal-ġilda |
R27 |
H311 Tossiku jekk jiġi f’kuntatt mal-ġilda |
R24 |
H330 Fatali jekk jiġi inalat |
R23/26 |
H331 Tossiku jekk jiġi inalat |
R23 |
H340 Jista’ jikkawża difetti ġenetiċi |
R46 |
H341 Suspettat li jikkawża difetti ġenetiċi |
R68 |
H350 Jista’ jikkawża l-kanċer |
R45 |
H350i Jista’ jikkawża l-kanċer meta jiġi inalat |
R49 |
H351 Suspettat li jikkawża l-kanċer |
R40 |
H360F Jista’ jagħmel ħsara lill-fertilità |
R60 |
H360D Jista’ jagħmel ħsara lit-tarbija li għadha ma twelditx |
R61 |
H360FD Jista’ jagħmel ħsara lill-fertilità. Jista’ jagħmel ħsara lit-tarbija li għadha ma twelditx |
R60/61/60-61 |
H360Fd Jista’ jagħmel ħsara lill-fertilità. Suspettat li jagħmel ħsara lit-tarbija li għadha ma twelditx |
R60/63 |
H360Df Jista’ jagħmel ħsara lit-tarbija li għadha ma twelditx. Suspettat li jagħmel ħsara lill-fertilità |
R61/62 |
H361f Suspettat li jagħmel ħsara lill-fertilità |
R62 |
H361d Suspettat li jagħmel ħsara lit-tarbija li għadha ma twelditx |
R63 |
H361fd Suspettat li jagħmel ħsara lill-fertilità. Suspettat li jagħmel ħsara lit-tarbija li għadha ma twelditx |
R62-63 |
H362 Jista’ jikkawża ħsara lil tfal imreddgħa |
R64 |
H370 Jikkawża ħsara lill-organi |
R39/23/24/25/26/27/28 |
H371 Jista’ jikkawża ħsara lill-organi |
R68/20/21/22 |
H372 Jikkawża ħsara lill-organi f’każ ta’ esponiment ripetut jew fuq perjodu twil ta’ żmien |
R48/25/24/23 |
H373 Jista’ jikkawża ħsara lill-organi f’każ ta’ esponiment ripetut jew fuq perjodu twil ta’ żmien |
R48/20/21/22 |
H400 Tossiku ħafna għall-organiżmi akkwatiċi |
R50 |
H410 Tossiku ħafna għall-organiżmi akkwatiċi b’mod li jħalli effetti għat-tul |
R50-53 |
H411 Tossiku għall-organiżmi akkwatiċi b’mod li jħalli effetti għat-tul |
R51-53 |
H412 Jagħmel ħsara lill-organiżmi akkwatiċi b’mod li jħalli effetti għat-tul |
R52-53 |
H413 Jista’ jikkawża effetti ta’ ħsara għat-tul lill-organiżmi akkwatiċi |
R53 |
EUH059 Perikoluż għas-saff tal-ożonu |
R59 |
EUH029 Meta jiġi f’kuntatt mal-ilma jillibera gass tossiku |
R29 |
EUH031 Meta jiġi f’kuntatt mal-aċidu jillibera gass tossiku |
R31 |
EUH032 Meta jiġi f’kuntatt mal-aċidu jillibera gass tossiku ħafna |
R32 |
EUH070 Tossiku meta jiġi f’kuntatt mal-għajnejn |
R39-41 |
Sustanzi sensitizzanti |
|
H334: Jista’ jikkawża sintomi ta’ allerġija jew ta’ ażma jew diffikultajiet biex jittieħed in-nifs jekk jiġi inalat |
R42 |
H317: Jista’ jikkawża reazzjoni allerġika tal-ġilda |
R43 |
Dan il-kriterju japplika għall-ingredjenti kollha preżenti f’konċentrazzjonijiet ta’ ≥ 0.010 %, inklużi l-preżervattivi, l-aġenti li jlewnu u l-fwejjaħ.
L-użu ta’ sustanzi jew taħlitiet li mal-ipproċessar jibdlu l-proprjetajiet tagħhom (eż. ma jibqgħux aktar bijodisponibbli, jgħaddu minn modifika kimika) b’mod li l-periklu identifikat ma japplikax aktar, huwa eżentat mir-rekwiżit ta’ hawn fuq.
Derogi: is-sustanzi jew it-taħlitiet li ġejjin huma speċifikament eżentati minn dan ir-rekwiżit:
Aġenti tensjoattivi F’konċentrazzjonijiet ta’ < 25 % fil-prodott |
H400 Tossiku ħafna għall-organiżmi akkwatiċi |
R 50 |
Bijoċidi użati għal skopijiet ta’ preżervazzjoni (**) |
H410 Tossiku ħafna għall-organiżmi akkwatiċi b’mod li jħalli effetti għat-tul |
R50-53 |
H411 Tossiku għall-organiżmi akkwatiċi b’mod li jħalli effetti għat-tul |
R51-53 |
|
Fwejjaħ |
H412 Jagħmel ħsara lill-organiżmi akkwatiċi b’mod li jħalli effetti għat-tul |
R52-53 |
Bijoċidi użati għal skopijiet ta’ preżervazzjoni (**) |
||
Enżimi (***) |
H334: Jista’ jikkawża sintomi ta’ allerġija jew ta’ ażma jew diffikultajiet biex jittieħed in-nifs jekk jiġi inalat |
R42 |
Enżimi (***) |
H317: Jista’ jikkawża reazzjoni allerġika tal-ġilda |
R43 |
NTA bħala impurità f’MGDA u GLDA (****) |
H351 Suspettat li jikkawża l-kanċer |
R40 |
Valutazzjoni u verifika: L-applikant għandu jipprovdi l-formulazzjoni eżatta tal-prodott lill-korp kompetenti. L-applikant għandu jipprovdi wkoll dikjarazzjoni ta’ konformità ma’ dan il-kriterju, flimkien mad-dokumentazzjoni relatata, bħad-dikjarazzjonijiet ta’ konformità ffirmati mill-fornituri tal-materjal jew kopji tal-Iskedi tad-Dejta dwar is-Sikurezza rilevanti għas-sustanzi jew it-taħlitiet.
(c) Sustanzi elenkati skont l-Artikolu 59(1) tar-Regolament (KE) Nru 1907/2006
Ma għandha tingħata l-ebda deroga mill-esklużjoni fl-Artikolu 6(6) rigward sustanzi identifikati bħala sustanzi ta’ tħassib serju u inklużi fil-lista prevista fl-Artikolu 59 tar-Regolament (KE) Nru 1907/2006 preżenti f’taħlitiet f’konċentrazzjonijiet ogħla minn 0.010 %.
Valutazzjoni u verifika: Il-lista tas-sustanzi identifikati bħala sustanzi ta’ tħassib serju ħafna u inklużi fil-lista tal-kandidati skont l-Artikolu 59 tar-Regolament (KE) Nru 1907/2006 tista’ tinstab hawn: http://echa.europa.eu/chem_data/authorisation_process/candidate_list_table_en.asp
Fid-data tal-applikazzjoni għandha ssir referenza għal-lista. L-applikant għandu jipprovdi l-formulazzjoni eżatta tal-prodott lill-korp kompetenti. L-applikant għandu jipprovdi wkoll dikjarazzjoni ta’ konformità ma’ dan il-kriterju, flimkien mad-dokumentazzjoni relatata, bħad-dikjarazzjonijiet ta’ konformità ffirmati mill-fornituri tal-materjal jew kopji tal-Iskedi tad-Dejta dwar is-Sikurezza rilevanti għas-sustanzi jew it-taħlitiet.
(d) Ingredjenti limitati speċifikati - fwejjaħ
L-ingredjenti kollha miżjuda mal-prodott bħala fwieħa għandhom ikunu mmanifatturati u mmaniġġati skont il-kodiċi tal-prattika tal-Assoċjazzjoni Internazzjonali tal-Fwejjaħ (IFRA). Il-kodiċi jista’ jinstab fuq is-sit elettroniku tal-IFRA: http://www.ifraorg.org.
Ir-rakkomandazzjonijiet tal-Istandards tal-IFRA rigward il-projbizzjoni, l-użu ristrett u l-kriterji ta’ purità speċifikati għall-materjali għandhom jiġu segwiti mill-manifattur.
Is-sustanzi ta’ fwieħa soġġetti għar-rekwiżit ta’ dikjarazzjoni pprovdut fir-Regolament (KE) Nru 648/2004 tal-Parlament Ewropew u tal-Kunsill dwar id-deterġenti (l-Anness VII) u li mhumiex diġà esklużi mill-kriterju 2b u sustanzi ta’ fwieħa (oħrajn) ikklassifikati bħala H317/R43 (Jista’ jikkawża reazzjoni allerġika tal-ġilda) u/jew H334/R42 (Jista’ jikkawża sintomi ta’ allerġija jew ta’ ażma jew diffikultajiet biex jittieħed in-nifs jekk jiġi inalat) ma għandhomx ikunu preżenti fi kwantitajiet ≥ 0.010 % (≥ 100 ppm) għal kull sustanza.
Valutazzjoni u verifika: L-applikant għandu jipprovdi dikjarazzjoni ta’ konformità ffirmata li tindika l-ammont ta’ fwejjaħ fil-prodott. L-applikant għandu jipprovdi wkoll dikjarazzjoni mill-manifattur tal-fwieħa li tispeċifika l-kontenut ta’ kull waħda mis-sustanzi fil-fwejjaħ li huma elenkati fl-Anness III, il-Parti I tad-Direttiva tal-Kunsill 76/768/KEE kif ukoll il-kontenut ta’ sustanzi (oħrajn) li kienu assenjati l-frażijiet tar-riskju H317/R43 u/jew H334/R42.
(e) Bijoċidi
(i) |
Il-prodott jista’ jinkludi biss bijoċidi sabiex jippreżervaw il-prodott, u fid-dożaġġ xieraq biss għal dan l-iskop. Dan ma jirreferix għall-aġenti tensjoattivi, li jista’ wkoll ikollhom karatteristiċi bijoċidali. Valutazzjoni u verifika: L-applikant għandu jipprovdi kopji tal-iskedi tad-dejta dwar is-sikurezza tal-materjal ta’ kwalunkwe preżervattiv miżjud, flimkien ma’ informazzjoni dwar il-konċentrazzjoni eżatta fil-prodott. Il-manifattur jew il-fornitur tal-preżervattivi għandu jipprovdi informazzjoni dwar id-dożaġġ meħtieġ biex il-prodott ikun ippreżervat (eż. ir-riżultati ta’ test ta’ sfida jew l-ekwivalenti). |
(ii) |
Hu pprojbit li jkun iddikjarat jew issuġġerit fuq l-imballaġġ jew bi kwalunkwe komunikazzjoni oħra li l-prodott jaġixxi kontra l-mikrobi. Valutazzjoni u verifika: l-applikant għandu jipprovdi t-testi u l-preżentazzjonijiet użati fuq kull tip ta’ imballaġġ u/jew eżempju ta’ kull tip differenti ta’ imballaġġ lill-korp kompetenti. |
Kriterju 3 – Tossiċità għall-organiżmi akkwatiċi: Volum Kritiku tad-Dilwizzjoni (CDV)
Il-volum kritiku tad-dilwizzjoni (CDVkroniku) tal-prodott ma għandux jaqbeż il-limiti li ġejjin għas-CDVkroniku:
Tip tal-prodott |
Limitu tas-CDVkroniku |
Deterġenti għall-ħasil f’magna tal-ħasil tal-platti b’funzjoni waħda |
25 000 l/ħasla |
Deterġenti għall-magna tal-ħasil tal-platti b’funzjoni multipla |
30 000 l/ħasla |
Għajnuna għat-tlaħliħ |
10 000 l/ħasla |
It-tossiċità tal-volum kritiku tad-dilwizzjoni (CDVkroniku) hi kkalkulata għall-ingredjenti kollha (i) fil-prodott bl-użu tal-ekwazzjoni li ġejja:
fejn
weight (i) |
= |
il-piż tal-ingredjent għal kull doża rrakkomandata |
DF |
= |
il-fattur ta’ degradazzjoni |
TF |
= |
il-fattur tat-tossiċità kronika tas-sustanza kif iddikjarat fil-lista DID. |
Il-preżervattivi, l-aġenti li jlewnu u l-fwejjaħ preżenti fil-prodott għandhom ikunu inklużi wkoll fil-kalkolu tas-CDV anke jekk il-konċentrazzjoni tkun aktar baxxa minn 0.010 % (100 ppm).
Valutazzjoni u verifika: Kalkolu tas-CDVkroniku tal-prodott. Fuq is-sit elettroniku tal-Ekotikketta tal-UE hemm disponibbli spreadsheet għall-kalkolu tal-valur CDV.
Il-valuri tal-parametri DF u TF għandhom ikunu kif mogħtija fil-lista tal-bażi tad-dejta tal-ingredjenti tad-deterġenti (lista DID). Jekk is-sustanza ma tinstabx fil-lista DID, il-parametri għandhom ikunu kkalkulati bl-użu tal-linji gwida fil-parti B tal-lista DID u għandha tiġi annessa d-dokumentazzjoni assoċjata.
Kriterju 4 – Bijodegradabilità ta’ sustanzi organiċi
Il-kontenut ta’ sustanzi organiċi fil-prodott li huma aerobikament mhux bijodegradabbli (mhux bijodegradabbli malajr) (aNBO) u/jew anaerobikament mhux bijodegradabbli (anNBO) ma għandhomx jaqbżu l-limiti li ġejjin:
Tip tal-prodott |
aNBO |
anNBO |
Deterġenti għall-magni tal-ħasil tal-platti |
1,0 gm/ħasla |
5,50 gm/ħasla |
Għajnuna għat-tlaħliħ |
0,15 gm/ħasla |
0,50 gm/ħasla |
Valutazzjoni u verifika: Il-kalkoli tal-aNBO u l-anNBO għall-prodott. Fuq is-sit elettroniku tal-Ekotikketta tal-UE hemm disponibbli spreadsheet għall-kalkolu tal-aNBO u l-anNBO.
Irreferi għal-lista DID. Għall-ingredjenti li mhumiex inklużi fil-lista DID, għandha tkun ipprovduta l-informazzjoni rilevanti mid-dokumentazzjoni jew minn sorsi oħrajn, jew riżulati tat-testijiet xierqa, li juru li huma aerobikament u anaerobikament bijodegradabbli. Ara l-Appendiċi I.
Innota li t-TAED għandu jitqies bħala anaerobikament bijodegradabbli.
Kriterju 5 – Prestazzjoni tal-ħasil (idoneità għall-użu)
Il-prodott għandu jkollu prestazzjoni tal-ħasil sodisfaċenti bid-dożaġġ irrakkomandat skont it-test standard żviluppat mill-IKW jew l-istandard EN 50242 kif immodifikat kif ġej.
It-test għandu jitwettaq f’55 °C jew temperatura aktar baxxa jekk il-prodott jgħid li hu effiċjenti f’din it-temperatura aktar baxxa.
Meta jkun hemm applikazzjoni għal għajnuniet għat-tlaħliħ flimkien ma’ deterġenti għall-magni tal-ħasil tal-platti, l-għajnuna għat-tlaħliħ għandha tintuża fit-test minflok l-għajnuna għat-tlaħliħ ta’ referenza.
Għal prodotti multifunzjonali, l-applikant għandu jippreżenta dokumentazzjoni li tipprova l-effett tal-funzjonijiet li jgħidu li għandhom.
Valutazzjoni u verifika: Ir-rapport tat-test għandu jkun ippreżentat lill-Korp Kompetenti. Test ieħor għajr it-test IKW jew il-verżjoni mmodifikata ta’ EN 50242 jista’ jintuża jekk il-Korp Kompetenti li qed jivvaluta l-applikazzjoni jaċċetta l-ekwivalenza tiegħu.
Jekk jintuża EN 50242:2008, għandhom japplikaw il-modifiki li ġejjin:
— |
it-testijiet għandhom jitwettqu f’55 °C ± 2 °C (jew f’temperatura aktar baxxa jekk id-deterġent jgħid li hu effiċjenti f’temperatura taħt il-55 °C) b’ħasla kiesħa minn qabel mingħajr deterġent; |
— |
il-magna użata fit-test għandha tkun imqabbda ma’ ilma kiesaħ u għandha żżomm 12-il pożata b’indiċi tal-ħasil ta’ bejn 3.35 u 3.75; |
— |
għandu jintuża l-programm ta’ tnixxif tal-magna, iżda għandha tiġi vvaluata biss l-indafa tal-platti; |
— |
għandu jintuża aġent aċidiku dgħajjef tat-tlaħliħ skont l-istandard (il-formula III); |
— |
l-issettjar tal-aġent tat-tlaħliħ għandu jkun bejn 2 u 3; |
— |
id-dożaġġ tad-deterġent tal-ħasil tal-platti għandu jkun kif irrakkomandat mill-manifattur; |
— |
għandhom jitwettqu tliet provi fejn l-ebusija tal-ilma tkun skont l-istandard; |
— |
prova tikkonsisti f’ħames ħasliet fejn ir-riżultat jinqara wara l-ħames ħasla mingħajr ma jitnaddfu l-platti bejn il-ħasliet; |
— |
ir-riżultat għandu jkun aħjar minn jew identiku għad-deterġent ta’ referenza wara l-ħames ħasla; |
— |
għar-riċetta għad-deterġent ta’ referenza (id-Deterġent B IEC 436) u l-aġent tat-tlaħliħ (il-formula III), ara l-Appendiċi B fl-istandard EN 50242: 2008 (l-aġenti tensjoattivi għandhom jinħażnu f’post frisk f’kontenituri impermeabbli li ma jeċċedux 1 kg u għandhom jintużaw fi żmien tliet xhur). |
Jekk il-funzjonijiet ta’ Għajnuna għat-tlaħliħ u tal-melħ ikunu parti minn prodott multifunzjonali, l-effett għandu jkun iddokumentat b’test.
L-applikant għandu jkun jista’ jiddokumenta l-effett ta’ funzjonijiet oħrajn fid-deterġenti multifunzjonali.
Kriterju 6 – Rekwiżiti ta’ imballaġġ
(a) Imballaġġ primarju għal kull unità funzjonali
L-imballaġġ primarju ma għandux jaqbeż 2,0 grammi għal kull ħasla.
(b) Imballaġġ tal-kartun
L-imballaġġ primarju tal-kartun għandu jikkonsisti fi ≥ 80 % materjal riċiklat.
(c) Tikkettar tal-imballaġġ tal-plastik
Sabiex ikunu jistgħu jiġu identifikati l-partijiet differenti tal-imballaġġ għar-riċiklaġġ, il-partijiet tal-plastik fl-imballaġġ primarju għandhom ikunu mmarkati skont DIN 6120, il-Parti 2 jew l-ekwivalenti tagħhom. Il-kuperċijiet u l-pompi huma eżentati minn dan ir-rekwiżit.
(d) Imballaġġ tal-plastik
Fl-imballaġġ tal-plastik jistgħu jintużaw biss dawk il-ftalati li fiż-żmien tal-applikazzjoni jkunu ġew ivvalutati għar-riskji u li ma jkunux ġew ikklassifikati skont il-kriterju 2(b).
Valutazzjoni u verifika: L-applikant għandu jipprovdi lill-korp kompetenti l-kalkolu tal-kwantità tal-imballaġġ primarju u dikjarazzjoni rigward il-perċentwal ta’ materjal riċiklat fl-imballaġġ tal-kartun. L-applikant għandu jipprovdi dikjarazzjoni ta’ konformità kompluta u ffirmata skont 6d.
Kriterju 7 – Informazzjoni għall-konsumatur
(a) Informazzjoni dwar l-imballaġġ
It-test li ġej (jew l-ekwivalenti) għandu jidher fuq il-prodott jew fih:
“Dan id-deterġent bl-Ekotikketta jaħdem tajjeb f’temperaturi baxxi (*****). Agħżel ċikli tal-ħasil b’temperatura baxxa fuq il-magna tal-ħasil tal-platti u taqbiżx id-dożaġġ irrakkomandat. Dan jimminimizza kemm il-konsum tal-enerġija kif ukoll tal-ilma u jnaqqas it-tniġġis tal-ilma.
(b) Struzzjonijiet rigward id-dożaġġ
L-istruzzjonijiet rigward id-dożaġġ għandhom jidhru fuq l-imballaġġi tal-prodott. Id-dożaġġi rrakkomandati għandhom ikunu speċifikati għall-firxiet ta’ ebusija fl-ilma xierqa għall-post fejn il-prodott huwa kummerċjalizzat. L-istruzzjonijiet għandhom jispeċifikaw kif għandu jsir l-aħjar użu tal-prodott skont il-ħmieġ.
L-applikant għandu jieħu l-passi meħtieġa biex jgħin lill-konsumatur jirrispetta d-dożaġġ irrakkomandat, pereżempju billi jagħmel disponibbli apparat ta’ dożaġġ (għal prodotti f’forma ta’ trab jew f’forma likwida), u/jew billi jindika d-dożaġġ irrakkomandat tal-anqas f’ml (għal prodotti f’forma ta’ trab jew f’forma likwida).
(c) Informazzjoni u tikkettar tal-ingredjenti
It-tip tal-enżimi għandu jkun indikat fuq l-imballaġġ.
Valutazzjoni u verifika: L-applikant għandu jipprovdi kampjun tat-tikketta tal-prodott flimkien ma’ dikjarazzjoni ta’ konformità ma’ kull parti (a), (b) u (c) ta’ dan il-kriterju.
Kriterju 8 – Informazzjoni li tidher fuq l-Ekotikketta tal-UE
It-tabella fakultattiva bil-kaxxa testwali għandha tinkludi t-test li ġej:
“— |
Impatt imnaqqas fuq ekosistemi akkwatiċi |
— |
Sustanzi perikolużi ristretti |
— |
Prestazzjoni ttestjata” |
Il-linji gwida għall-użu tat-tabella fakultattiva bil-kaxxa testwali jistgħu jinstabu fil-“Linji gwida għall-użu tal-logo tal-Ekotikketta” fuq is-sit elettroniku: http://ec.europa.eu/environment/ecolabel/promo/logos_en.htm
Valutazzjoni u verifika: L-applikant għandu jipprovdi kampjun tat-tikketta.
(*) In-numru DID hu n-numru tal-ingredjent fuq il-lista DID (lista tal-“Bażi tad-Dejta tal-Ingredjenti tad-Deterġenti”) u jintuża biex tiġi ddeterminata l-konformità mal-Kriterji 3 u 4. Ara l-Appendiċi I.
(1) ĠU L 396, 30.12.2006, p. 1.
(2) Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1).
(3) Id-Direttiva tal-Kunsill 67/548/KEE b’aġġustament għar-Regolament (KE) Nru 1907/2006 skont id-Direttiva 2006/121/KE tal-Parlament Ewropew u tal-Kunsill u d-Direttiva 1999/45/KE tal-Parlament Ewropew u tal-Kunsill kif emendata.
(**) Imsemmija fil-Kriterju 2e. Din l-eżenzjoni hi applikabbli kemm-il darba l-potenzjal bijoakkumulattiv tal-bijodiċi jkun ikkaratterizzat b’log Pow (log ottanol/koeffiċjent tal-partizzjoni tal-ilma) < 3,0 jew fattur ta’ bijokonċentrazzjoni determinat b’mod sperimentali (BCF) ta’ ≤ 100.
(***) Inklużi l-istabbilizzaturi u kull sustanza awżiljari oħra fil-preparazzjonijiet
(****) F’konċentrazzjonijiet aktar baxxi minn 1,0 % fil-materja prima sakemm il-konċentrazzjoni totali fil-prodott finali tkun aktar baxxa minn 0,10 %.
Appendiċi I
Bażi tad-dejta tal-ingredjenti tad-deterġenti (lista DID)
Il-lista DID (il-parti A) hi lista li tinkludi informazzjoni dwar it-tossiċità akkwatika u l-bijodegradabilità tal-ingredjenti tipikament użati fil-formulazzjonijiet tad-deterġenti. Il-lista tinkludi informazzjoni dwar it-tossiċità u l-bijodegradabilità ta’ firxa ta’ sustanzi użati fil-prodotti għall-ħasil u t-tindif. Il-lista mhijiex komprensiva, iżda fil-parti B tal-lista DID tingħata gwida rigward kif jiġu ddeterminati l-parametri rilevanti tal-kalkolu għal sustanzi mhux preżenti fil-lista DID (eż. il-Fattur ta’ Tossiċità (TF) u l-fattur ta’ degradazzjoni (DF), li jintużaw fil-kalkolu tal-volum kritiku tad-dilwizzjoni). Il-lista hi sors ġeneriku ta’ informazzjoni u s-sustanzi preżenti fuq il-lista DID mhumiex approvati awtomatikament għall-użu fil-prodotti bl-Ekotikketta tal-UE. Il-lista DID (il-partijiet A u B) tista’ tinstab fuq is-sit elettroniku tal-Ekotikketta tal-UE.
Għas-sustanzi mingħajr dejta rigward it-tossiċità u d-degradabilità akkwatika, biex ikunu vvalutati t-TF u d-DF jistgħu jintużaw analoġiji strutturali ma’ sustanzi simili. Analoġiji strutturali bħal dawn għandhom ikunu approvati mill-korp kompetenti li jagħti l-liċenzja tal-Ekotikketta tal-UE. Alternattivament, jista’ jkun applikat approċċ li jiffoka fuq l-agħar każ possibbli, bl-użu tal-parametri ta’ hawn isfel:
Approċċ li jiffoka fuq l-agħar każ possibbli:
|
Tossiċità akuta |
Tossiċità kronika |
Degradazzjoni |
||||||
Ingredjent |
LC50/EC50 |
SF(akut) |
TF(akut) |
NOEC (*) |
SF(kroniku) (*) |
TF(kroniku) |
DF |
Aerobiku |
Anaerobiku |
“Isem” |
1 mg/l |
10 000 |
0,0001 |
|
|
0,0001 |
1 |
P |
N |
Dokumentazzjoni ta’ bijodegradabilità immedjata
Għandhom jintużaw il-metodi ta’ ttestjar li ġejjin għall-bijodegradabilità immedjata:
(1) |
Sal-1 ta’ Diċembru 2010 u waqt il-perjodu ta’ tranżizzjoni mill-1 ta’ Diċembru 2010 sal-1 ta’ Diċembru 2015:
|
(2) |
Wara l-1 ta’ Diċembru 2015 u waqt il-perjodu ta’ tranżizzjoni mill-1 ta’ Diċembru 2010 sal-1 ta’ Diċembru 2015: Il-metodi ta’ ttestjar ipprovduti fir-Regolament (KE) Nru 1272/2008. |
Dokumentazzjoni ta’ bijodegradabilità anaerobika
It-test ta’ referenza għad-degradabilità anaerobika għandu jkun EN ISO 11734, ECETOC Nru 28 (Ġunju 1988), OECD 311 jew metodu ta’ ttestjar ekwivalenti, bir-rekwiżit ta’ 60 % ta’ degradabilità finali taħt kundizzjonijiet anaerobiċi. Il-metodi ta’ ttestjar li jissimulaw il-kundizzjonijiet f’ambjent anaerobiku rilevanti jistgħu jintużaw biex ikun iddokumentat li taħt kundizzjonijiet anaerobiċi ntlaħqet 60 % ta’ degradabilità finali.
Estrapolazzjoni għal sustanzi mhux elenkati fil-lista DID
Meta l-ingredjenti ma jkunux elenkati fil-lista DID, jista’ jintuża l-approċċ li ġej biex tkun ipprovduta d-dokumentazzjoni meħtieġa ta’ degradabilità anaerobika:
(1) |
Applika estrapolazzjoni raġonevoli. Uża r-riżultati tat-test miksuba għal materja prima waħda biex testrapola d-degradabilità anaerobika finali ta’ aġenti tensjoattivi li huma relatati strutturalment. Meta l-bijodegradabilità anaerobika tkun ikkonfermata għal aġent tensjoattiv (jew għal grupp ta’ omologi) skont il-lista DID, jista’ jitqies li tip simili ta’ aġent tensjoattiv hu wkoll bijodegradabbli anaerobikament (eż. is-sulfat C12-15 A 1-3 EO [DID Nru 8] hu biodegradabbli anaerobikament, u l-bijodegradabilità anaerobika tista’ titqies ukoll li teżisti għas-sulfat C12-15 A 6 EO). Meta l-bijodegradabilità anaerobika tkun ikkonfermata għal aġent tensjoattiv bl-użu ta’ metodu ta’ ttestjar xieraq, jista’ jitqies li tip simili ta’ aġent tensjoattiv hu wkoll bijodegradabbli anaerobikament (eż. dejta mil-letteratura li tikkonferma l-bijodegradabilità anaerobika ta’ aġenti tensjoattivi li jappartjenu għall-grupp ta’ mlieħ tal-ammonju ta’ esteri alkili tista’ tintuża bħala dokumentazzjoni għal bijodegradabilità anaerobika simili ta’ mlieħ kwaternarji tal-ammonju li fihom sensil ta’ esteri fil-katina/ktajjen alkila/alkili). |
(2) |
Wettaq test ta’ skrinjar għad-degradabilità anaerobika. Jekk hu meħtieġ ittestjar ġdid, wettaq test tal-iskrinjar bl-użu ta’ EN ISO 11734, ECETOC Nru 28 (Ġunju 1988), OECD 311 jew metodu ekwivalenti. |
(3) |
Wettaq test ta’ degradabilità b’dożaġġ baxx. Jekk ikun meħtieġ ittestjar ġdid, u fil-każ ta’ problemi sperimentali fit-test tal-iskrinjar (eż. inibizzjoni minħabba t-tossiċità tas-sustanza għat-test), irrepeti l-ittestjar bl-użu ta’ dożaġġ baxx ta’ aġent tensjoattiv u mmonitorja d-degradazzjoni b’kejl ta’ 14C jew b’analiżi kimika. L-ittestjar b’dożaġġi baxxi jista’ jitwettaq bl-użu tal-metodu OECD 308 (Awwissu 2000) jew metodu ekwivalenti. |
(*) Jekk ma tinstab l-ebda dejta aċċettabbli dwar it-tossiċità kronika dawn il-kolonni jitħallew vojta. F’dak il-każ it-TF(kroniku) jiġi ddefinit bħala ugwali għat-TF(akut).