This document is an excerpt from the EUR-Lex website
Document 32018R0541
Commission Delegated Regulation (EU) 2018/541 of 20 December 2017 amending Delegated Regulation (EU) 2017/2358 and Delegated Regulation (EU) 2017/2359 as regards their dates of application (Text with EEA relevance. )
Regolament Delegat tal-Kummissjoni (UE) 2018/541 tal-20 ta' Diċembru 2017 li jemenda r-Regolament Delegat (UE) 2017/2358 u r-Regolament Delegat (UE) 2017/2359 f'dak li għandu x'jaqsam mad-dati ta' applikazzjoni tagħhom (Test b'rilevanza għaż-ŻEE. )
Regolament Delegat tal-Kummissjoni (UE) 2018/541 tal-20 ta' Diċembru 2017 li jemenda r-Regolament Delegat (UE) 2017/2358 u r-Regolament Delegat (UE) 2017/2359 f'dak li għandu x'jaqsam mad-dati ta' applikazzjoni tagħhom (Test b'rilevanza għaż-ŻEE. )
C/2017/8681
ĠU L 90, 6.4.2018, p. 59–60
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
6.4.2018 |
MT |
Il-Ġurnal Uffiċjali tal-Unjoni Ewropea |
L 90/59 |
REGOLAMENT DELEGAT TAL-KUMMISSJONI (UE) 2018/541
tal-20 ta' Diċembru 2017
li jemenda r-Regolament Delegat (UE) 2017/2358 u r-Regolament Delegat (UE) 2017/2359 f'dak li għandu x'jaqsam mad-dati ta' applikazzjoni tagħhom
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2016/97 tal-Parlament Ewropew u tal-Kunsill tal-20 ta' Jannar 2016 dwar id-distribuzzjoni tal-assigurazzjoni (1), u b'mod partikolari l-Artikolu 25(2), l-Artikolu 28(4), l-Artikolu 29(4) u (5) u l-Artikolu 30(6) tagħha,
Billi:
|
(1) |
Id-Direttiva (UE) 2016/97 tarmonizza d-dispożizzjonijiet nazzjonali dwar id-distribuzzjoni tal-assigurazzjoni u tar-riassigurazzjoni u tagħti s-setgħa lill-Kummissjoni biex tadotta atti delegati biex tispeċifika aktar il-kriterji u d-dettalji prattiċi fir-rigward ta' regoli dwar il-kondotta tal-operazzjonijiet applikabbli għad-distribuzzjoni tal-prodotti tal-investiment ibbażati fuq l-assigurazzjoni, u fir-rigward tar-rekwiżiti tas-sorveljanza u tal-governanza tal-prodotti għall-impriżi tal-assigurazzjoni u għad-distributuri tal-assigurazzjoni. Fil-21 ta' Settembru 2017, il-Kummissjoni adottat ir-Regolament Delegat (UE) 2017/2358 (2) u r-Regolament Delegat (UE) 2017/2359 (3) fuq il-bażi ta' dawk is-setgħat. |
|
(2) |
Sabiex l-awtoritajiet kompetenti u l-professjonisti jkunu jistgħu jadattaw ruħhom aħjar għar-rekwiżiti stabbiliti fiż-żewġ Regolamenti Delegati msemmija fl-ewwel premessa, id-data ta' applikazzjoni ta' dawk ir-Regolamenti Delegati jenħtieġ li tiġi allinjata mad-data li fiha l-Istati Membri jridu japplikaw il-miżuri meħtieġa biex jikkonformaw mad-Direttiva (UE) 2016/97, kif stabbilit fl-Artikolu 42(1) ta' dik id-Direttiva, |
ADOTTAT DAN IR-REGOLAMENT:
Artikolu 1
Emendi għar-Regolament Delegat tal-Kummissjoni (UE) 2017/2358
Fl-Artikolu 13 tar-Regolament Delegat tal-Kummissjoni (UE) 2017/2358, it-tieni paragrafu huwa sostitwit b'dan li ġej:
“Huwa għandu japplika mid-data li fiha l-Istati Membri jridu japplikaw il-miżuri msemmija fl-ewwel subparagrafu tal-Artikolu 42(1) tad-Direttiva (UE) 2016/97.”.
Artikolu 2
Emendi għar-Regolament Delegat tal-Kummissjoni (UE) 2017/2359
Fl-Artikolu 20 tar-Regolament Delegat tal-Kummissjoni (UE) 2017/2359, it-tieni paragrafu huwa sostitwit b'dan li ġej:
“Huwa għandu japplika mid-data li fiha l-Istati Membri jridu japplikaw il-miżuri msemmija fl-ewwel subparagrafu tal-Artikolu 42(1) tad-Direttiva (UE) 2016/97.”.
Artikolu 3
Id-dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta' Diċembru 2017.
Għall-Kummissjoni
Il-President
Jean-Claude JUNCKER
(2) Ir-Regolament Delegat tal-Kummissjoni (UE) 2017/2358 tal-21 ta' Settembru 2017 li jissupplimenta d-Direttiva (UE) 2016/97 tal-Parlament Ewropew u tal-Kunsill fir-rigward tar-rekwiżiti tas-sorveljanza u tal-governanza tal-prodotti għall-impriżi tal-assigurazzjoni u d-distributuri tal-assigurazzjoni (ĠU L 341, 20.12.2017, p. 1).
(3) Ir-Regolament Delegat tal-Kummissjoni (UE) 2017/2359 tal-21 ta' Settembru 2017 li jissupplimenta d-Direttiva (UE) 2016/97 tal-Parlament Ewropew u tal-Kunsill fir-rigward ta' rekwiżiti ta' informazzjoni u regoli dwar il-kondotta tal-operazzjonijiet applikabbli għad-distribuzzjoni ta' prodotti ta' investiment ibbażati fuq l-assigurazzjoni (ĠU L 341, 20.12.2017, p. 8).