23.6.2011   

MT

Il-Ġurnal Uffiċjali tal-Unjoni Ewropea

L 163/24

(1)

Bid-Deċiżjoni 74/295/Euratom (1), il-Kunsill stabbilixxa lil Hochtemperatur-Kernkraftwerk GmbH (“HKG”) bħala intrapriża konġunta għal perjodu ta’ 25 sena mill-1 ta’ Jannar 1974.

(2)

L-għanijiet ta’ HKG kienu li tibni, tgħammar u topera impjant tal-enerġija nukleari b’kapaċità ta’ madwar 300 MWe f’Uentrop (id-distrett ta’ Unna) fir-Repubblika Federali tal-Ġermanja.

(3)

Wara li ħadem mill-1987 sal-1988, l-impjant tal-enerġija nukleari fl-aħħar ingħalaq fl-1 ta’ Settembru 1989 minħabba diffikultajiet tekniċi u ekonomiċi.

(4)

Mill-1 ta’ Settembru 1989, l-għanijiet ta’ HKG kienu li timplimenta programm għad-dekummissjonar tal-impjant tal-enerġija nukleari sal-istadju taż-żona magħluqa sikura u, sussegwentement, li twettaq programm għas-sorveljanza tal-installazzjonijiet nukleari mdawrin biż-żona magħluqa.

(5)

Fid-Deċiżjoni 92/547/Euratom tiegħu tas-16 ta’ Novembru 1992 li estendiet l-istatus ta’ “Kernkraftwerk Lingen GmbH” bħala intrapriża konġunta (2), il-Kunsill irrikonoxxa li ma kien hemm l-ebda proġett ekwivalenti għal dawn il-programmi fil-Komunità, li l-implimentazzjoni tagħhom kienet importanti u li huma kienu qed jipprovdu esperjenza utli għall-industrija nukleari u għall-iżvilupp futur tal-enerġija nukleari fil-Komunità.

(6)

Sabiex tilħaq l-għan tagħha, HKG talbet l-estensjoni għall-istatus ta’ Intrapriża Konġunta tagħha b’effett mill-1 ta’ Jannar 1999.

(7)

Bid-Deċiżjoni 2002/355/Euratom (3), il-Kunsill estenda l-istatus ta’ HKG bħala intrapriża konġunta sal-31 ta’ Diċembru 2009 sabiex HKG tkun tista’ tikkompleta l-programmi ta’ dekummissjonar u ta’ sorveljanza tagħha, b’mod partikolari bit-tħaffif tal-piż finanzjarju.

(8)

Il-perjodu ta’ estensjoni kien jikkorrispondi għat-tul tal-arranġamenti konklużi bejn ir-Repubblika Federali Ġermaniża, il-Land tan-North Rhine-Westphalia, HKG u l-membri tagħha għall-finanzjament tal-attivitajiet ta’ HKG.

(9)

B’ittra tas-26 ta’ April 2010, HKG talbet għal estensjoni oħra għall-istatus ta’ Intrapriża Konġunta għal 25 sena oħra sabiex tilħaq l-objettivi tagħha.

(10)

Permezz tal-estensjoni tal-istatus ta’ Intrapriża Konġunta tagħha, HKG għandha tkun tista’ tikkompleta l-programmi ta’ dekummissjonar u ta’ sorveljanza tagħha, b’mod partikolari bit-tħaffif tal-piż finanzjarju.

(11)

L-arranġamenti konklużi bejn ir-Repubblika Federali tal-Ġermanja, il-Land tan-North Rhine-Westphalia, HKG u l-membri tagħha għall-finanzjament tal-attivitajiet ta’ HKG japplikaw biss għal perjodu sal-31 ta’ Diċembru 2017.

(12)

Għaldaqstant l-istatus ta’ Intrapriża Konġunta ta’ HKG għandu jiġi estiż għall-istess perjodu,