This document is an excerpt from the EUR-Lex website
Document 32009R1292
Commission Regulation (EU) No 1292/2009 of 21 December 2009 derogating from Regulations (EC) No 675/2009, (EC) No 676/2009 and (EC) No 677/2009 relating to the opening of invitations to tender for the reduction in the duty on sorghum imported into Spain, the reduction in the duty on maize imported into Spain, and the reduction in the duty of maize imported into Portugal from third countries, regarding the closing date of the invitations to tender
Regolament tal-Kummissjoni (UE) Nru 1292/2009 tal- 21 ta' Diċembru 2009 li jidderoga mir-Regolamenti (KE) Nru 675/2009, (KE) Nru 676/2009 u (KE) Nru 677/2009 rigward il-ftuħ tas-sejħiet għall-offerti tat-tnaqqis tad-dazju tal-importazzjoni tas-sorgu fi Spanja, it-tnaqqis tad-dazju tal-importazzjoni tal-qamħirrum fi Spanja u t-tnaqqis tad-dazju tal-importazzjoni tal-qamħirrum fil-Portugall li jkunu ġejjin minn pajjiżi terzi, f'dak li għandu x'jaqsam mal-aħħar jum tas-sejħa għall-offerti
Regolament tal-Kummissjoni (UE) Nru 1292/2009 tal- 21 ta' Diċembru 2009 li jidderoga mir-Regolamenti (KE) Nru 675/2009, (KE) Nru 676/2009 u (KE) Nru 677/2009 rigward il-ftuħ tas-sejħiet għall-offerti tat-tnaqqis tad-dazju tal-importazzjoni tas-sorgu fi Spanja, it-tnaqqis tad-dazju tal-importazzjoni tal-qamħirrum fi Spanja u t-tnaqqis tad-dazju tal-importazzjoni tal-qamħirrum fil-Portugall li jkunu ġejjin minn pajjiżi terzi, f'dak li għandu x'jaqsam mal-aħħar jum tas-sejħa għall-offerti
ĠU L 347, 24.12.2009, p. 22–22
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 28/05/2010
24.12.2009 |
MT |
Il-Ġurnal Uffiċjali tal-Unjoni Ewropea |
L 347/22 |
REGOLAMENT TAL-KUMMISSJONI (UE) Nru 1292/2009
tal-21 ta' Diċembru 2009
li jidderoga mir-Regolamenti (KE) Nru 675/2009, (KE) Nru 676/2009 u (KE) Nru 677/2009 rigward il-ftuħ tas-sejħiet għall-offerti tat-tnaqqis tad-dazju tal-importazzjoni tas-sorgu fi Spanja, it-tnaqqis tad-dazju tal-importazzjoni tal-qamħirrum fi Spanja u t-tnaqqis tad-dazju tal-importazzjoni tal-qamħirrum fil-Portugall li jkunu ġejjin minn pajjiżi terzi, f'dak li għandu x'jaqsam mal-aħħar jum tas-sejħa għall-offerti
IL-KUMMISSJONI EWROPEA,
wara li kkunsidrat it-Trattat dwar l-Unjoni Ewropea u wara li kkunsidrat it-Trattat dwar il-Funzjonament tal-Unjoni Ewropea,
wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS (1), u b'mod partikolari l-Artikolu 144 tiegħu, flimkien mal-Artikolu 4 tiegħu,
Billi:
(1) |
Ir-Regolamenti tal-Kummissjoni (KE) Nru 675/2009 (2), (KE) Nru 676/2009 (3) u (KE) Nru 677/2009 (4) fetħu s-sejħiet għall-offerti tat-tnaqqis tad-dazju skont l-Artikolu 136 tar-Regolament (KE) Nru 1234/2007 għas-sorgu importat fi Spanja, għall-qamħirrum importat fi Spanja u għall-qamħirrum importat fil-Portugall, rispettivament. |
(2) |
Mid-data tal-ftuħ tas-sejħa għall-offerti sas-17 ta' Novembru 2009, il-kwantità ta' qamħirrum importata fi Spanja li tista' tiġi kklassifikata bħala parti mill-kwota tad-dazju tal-importazzjoni mnaqqsa, u bil-kwantitajiet tal-prodotti li jissostitwixxu ċ-ċereali mnaqqsa skont l-Artikolu 2, il-paragrafu 1, tar-Regolament tal-Kummissjoni (KE) Nru 1296/2008 tat-18 ta' Diċembru 2008 dwar regoli dettaljati għall-applikazzjoni ta’ kwoti ta’ tariffi għall-importazzjoni ta’ qamħirrum u sorgu fi Spanja u importazzjoni ta’ qamħirrum fil-Portugall (5), tkopri biss 13 % tal-kwota. Il-kwantità ta' sorgu importata fi Spanja li tista' tiġi kklassifikata bħala parti mill-kwota tad-dazju tal-importazzjoni mnaqqsa hija negliġibbli. Il-kwantità ta' qamħirrum importata fil-Portugall li tista' tiġi kklassifikata bħala parti mill-kwota tad-dazju tal-importazzjoni mnaqqsa tkopri biss 13 % tal-kwota. Meta jitqiesu l-kundizzjonijiet tas-suq fi Spanja u l-Portugall, il-ftuħ tas-sejħiet għall-offerti sas-17 ta' Diċembru 2009 mhuwiex se jippermetti l-importazzjoni ta' kwantitajiet biżżejjed biex ikopru l-kwoti. |
(3) |
Konsegwentement, jeħtieġ li l-perjodi tas-sejħiet għall-offerti tat-tnaqqis tad-dazju tal-importazzjoni tal-qamħirrum u s-sorgu fi Spanja u tal-qamħirrum fil-Portugall jittawwlu sal-aħħar tax-xahar ta' Mejju 2010 sabiex il-kwoti tal-importazzjoni jintużaw kollha. |
(4) |
Il-Kumitat ta' Ġestjoni għall-Organizzazzjoni Komuni tas-Swieq Agrikoli ma ressaqx fehmtu fil-limitu taż-żmien stabbilit mill-President tiegħu, |
ADOTTAT DAN IR-REGOLAMENT:
Artikolu 1
B’deroga mill-Artikolu 2 tar-Regolament (KE) Nru 675/2009, l-Artikolu 2 tar-Regolament (KE) Nru 676/2009 u l-Artikolu 2 tar-Regolament (KE) Nru 677/2009, is-sejħiet għall-offerti se jkunu miftuħa sas-27 ta' Mejju 2010.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa jiskadi fit-28 ta' Mejju 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta’ Diċembru 2009.
Għall-Kummissjoni,
f’isem il-President,
Neelie KROES
Membru tal-Kummissjoni
(1) ĠU L 299, 16.11.2007, p. 1.
(2) ĠU L 196, 28.7.2009, p. 5.
(3) ĠU L 196, 28.7.2009, p. 6.
(4) ĠU L 196, 28.7.2009, p. 7.
(5) ĠU L 340, 19.12.2008, p. 57.