Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62021TN0668

Kawża T-668/21: Rikors ippreżentat fil-15 ta’ Ottubru 2021 – Siremar vs Il-Kummissjoni

ĠU C 2, 3.1.2022, p. 42–42 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

3.1.2022   

MT

Il-Ġurnal Uffiċjali tal-Unjoni Ewropea

C 2/42

Rikors ippreżentat fil-15 ta’ Ottubru 2021 – Siremar vs Il-Kummissjoni

(Kawża T-668/21)

(2022/C 2/58)

Lingwa tal-kawża: it-Taljan

Partijiet

Rikorrent: Sicilia Regionale Marittima SpA – Siremar (Ruma, l-Italja) (rappreżentanti: B. Nascimbene, F. Rossi Dal Pozzo u A. Moriconi, avukati)

Konvenut: Il-Kummissjoni Ewropea

Talbiet

Ir-rikorrenti titlob li l-Qorti Ġenerali jogħġobha:

—

tannulla d-deċiżjoni tas-17 ta’ Ġunju 2021, sa fejn tikkonċerna l-Artikoli 2 u 3;

—

sussidjarjament, tannulla l-Artikoli 5 u 6 tad-deċiżjoni li tordna l-irkupru tal-allegata għajnuna, u tiddikjara dan l-irkupru immedjat u effettiv;

—

tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka tliet motivi.

1.

L-ewwel motiv, ibbażat fuq ksur tal-Artikoli 107(1) u 108(2) TFUE, kif ukoll tal-Linji gwida għas-salvataġġ u r-ristrutturar tal-2004.

—

F’dan ir-rigward huwa argumentat li d-deċiżjoni kkontestata fiha żball ta’ liġi fl-applikazzjoni tal-Artikolu 107(3)(b) TFUE, inkluż f’dak li jikkonċerna l-Linji gwida tal-2004, sa fejn ikkonkludiet li l-għajnuna ta’ salvataġġ mogħtija lil Siremar ġiet estiża illegalment għal sena u li hija inkompatibbli mar-regoli tal-Unjoni Ewropea dwar l-għajnuna mill-istat.

2.

It-tieni motiv, ibbażat fuq ksur tal-Artikoli 107(1) u 108(2) TFUE f’dak li jikkonċerna l-eżenzjonijiet mill-pagament ta’ ċerti taxxi.

—

Huwa argumentat f’dan ir-rigward li d-dritt għall-eżenzjoni mit-taxxa kontenzjuża huwa suġġett għall-kundizzjonijiet iddefiniti b’mod ġenerali mill-proċeduri ta’ falliment.

3.

It-tielet motiv, ibbażat fuq ksur tal-prinċipji ta’ ċertezza legali u ta’ amministrazzjoni tajba fir-rigward tat-tul tal-proċedura u l-illegalità konsegwenti tal-ordni ta’ rkupru.

—

F’dan ir-rigward huwa argumentat li l-proċedura ta’ investigazzjoni li hija s-suġġett ta’ kritika hawnhekk damet tul ta’ żmien eċċessiv, bi ksur tal-prinċipji ta’ ċertezza legali u ta’ amministrazzjoni tajba, kif ukoll tal-prinċipji ġenerali li huma l-korollarju tagħhom.
Top