Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 52008AP0099

Tassazzjoni tal-petrol bla ċomb u tal-gas oil
Riżoluzzjoni leġiżlattiva tal-Parlament Ewropew tat-13 ta' Marzu 2008 dwar il-proposta għal direttiva tal-Kunsill li temenda d-Direttiva 2003/96/KE fir-rigward ta' l-aġġustamenti ta' arranġamenti speċjali ta' taxxa fuq il-gas oil li jintuża bħala fjuwil tal-magna għal skopijiet kummerċjali u għall-koordinazzjoni tat-tassazzjoni tal-petrol bla ċomb u tal-gas oil li jintużaw bħala fjuwil tal-magni (COM(2007)0052 - C6-0109/2007 - 2007/0023(CNS))

ĠU C 66E, 20.3.2009, p. 129–137 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

20.3.2009   

MT

Il-Ġurnal Uffiċjali tal-Unjoni Ewropea

CE 66/129

Tassazzjoni tal-petrol bla ċomb u tal-gas oil *

P6_TA(2008)0099

Riżoluzzjoni leġiżlattiva tal-Parlament Ewropew tat-13 ta' Marzu 2008 dwar il-proposta għal direttiva tal-Kunsill li temenda d-Direttiva 2003/96/KE fir-rigward ta' l-aġġustamenti ta' arranġamenti speċjali ta' taxxa fuq il-gas oil li jintuża bħala fjuwil tal-magna għal skopijiet kummerċjali u għall-koordinazzjoni tat-tassazzjoni tal-petrol bla ċomb u tal-gas oil li jintużaw bħala fjuwil tal-magni (COM(2007)0052 — C6-0109/2007 — 2007/0023(CNS))

(2009/C 66 E/35)

(Proċedura ta' konsultazzjoni)

Il-Parlament Ewropew,

—

wara li kkunsidra l-proposta tal-Kummissjoni lill-Kunsill (COM(2007)0052),

—

wara li kkunsidra l-Artikolu 93 tat-Trattat KE, skond liema artikolu ġie kkonsultat mill-Kunsill (C6-0109/2007),

—

wara li kkunsidra l-Artikolu 51 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Ekonomiċi u Monetarji (A6-0030/2008),

1.

Japprova l-proposta tal-Kummissjoni kif emendata;

2.

Jistieden lill-Kummissjoni sabiex konsegwentement tbiddel il-proposta tagħha, skond l-Artikolu 250(2) tat-Trattat KE;

3.

Jistieden lill-Kunsill sabiex jinfurmah jekk ikollu l-ħsieb li jitbiegħed mit-test approvat mill-Parlament;

4.

Jitlob lill-Kunsill sabiex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

5.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(4)

Filwaqt li l-fjuwil jirrappreżenta proporzjon kbir ta' l-ispejjeż ta' ġestjoni ta' negozju tat-trasport tal-merkanzija bit-triq, jistgħu jiġu osservati diverġenzi kbar fil-livell ta' tassazzjoni applikat fuq gas oil mill-Istati Membri. Filwaqt li l-fjuwil jirrappreżenta proporzjon kbir ta' l-ispejjeż ta' ġestjoni ta' negozju tat-trasport tal-merkanzija bit-triq, jistgħu jiġu osservati diverġenzi kbar fil-livell ta' tassazzjoni applikat fuq gas oil mill-Istati Membri. Dawn id-diverġenzi jwasslu għal turiżmu tal-fjuwil u tagħwiġ tal-kompetizzjoni. Approssimazzjoni mtejba fuq livell Komunitarju tal-livell ta' tassazzjoni applikabbli għal gas oil kummerċjali għandha tindirizza l-kwistjoni ta' kompetizzjoni inġusta b'mod effiċjenti u eventwalment għandha tirriżulta fil-funzjonament imtejjeb tas-suq intern u tnaqqis fil-ħsara ta' l-ambjent.

(4)

Filwaqt li l-fjuwil jirrappreżenta proporzjon kbir ta' l-ispejjeż ta' ġestjoni ta' negozju tat-trasport tal-merkanzija bit-triq, jistgħu jiġu osservati diverġenzi kbar fil-livell ta' tassazzjoni applikat fuq gas oil mill-Istati Membri. Dawn id-diverġenzi jistgħu jwasslu għal turiżmu tal-fjuwil u tagħwiġ tal-kompetizzjoni fir-reġjuni tal-fruntieri . Approssimazzjoni mtejba fuq livell Komunitarju tal-livell ta' tassazzjoni applikabbli għal gas oil kummerċjali għandha tindirizza l-kwistjoni ta' kompetizzjoni inġusta b'mod effiċjenti u eventwalment għandha tirriżulta fil-funzjonament imtejjeb tas-suq intern u tnaqqis fil-ħsara ta' l-ambjent. Fl-approssimazzjoni tar-rati tat-taxxa tas-sisa għandhom jitqiesu wkoll l-effetti inflazzjonarji u l-bżonn li tissaħħaħ il-kompetittività ta' l-Unjoni Ewropea. L-armonizzazzjoni tar-rati tat-taxxa tas-sisa fuq il-petrol bla ċomb u l-gas oil m'għandhiex twassal għal rekwiżiti mhux proporzjonali għal dawk l-Istati Membri li inkella jkollhom politika fiskali stretta u impenn qawwi kontra l-inflazzjoni.

(5)

Il-valutazzjoni ta' l-impatt li saret mill-Kummissjoni wriet li l-aħjar mod biex tiġi implimentata l-approssimazzjoni mtejba fil-livelli ta' tassazzjoni fuq il-gas oil kummerċjali jikkonsisti minn żieda fil-livell minimu ta' gas oil kummerċjali, billi tgħaqqad flimkien it-tnaqqis fit-tagħwiġ tal-kompetizzjoni u t-turiżmu tal-fjuwil li jirriżulta kif ukoll fil-konsum ġenerali. Għalhekk huwa xieraq li jiġi stipulat li mill-2012 'l quddiem il-livell minimu ta' tassazzjoni fuq il-gas oil ikun ugwali għal-livell minimu ta' tassazzjoni li jkun diġà applikabbli għall-petrol bla ċomb, sabiex jirrifletti l-fatt li dawn iż-żewġ fjuwils huma ta' ħsara għall-ambjent b'mod indaqs. Mill- 2014 'l quddiem, il-livell minimu ta' tassazzjoni għandu jkun EUR 380 għal kull 1 000 l, sabiex jikkontribwixxi għaż-żamma kostanti tal-livell minimu f'termini reali u biex jonqsu aktar it-tagħwiġ tal-kompetizzjoni u l-ħsara ta' l-ambjent.

(5)

Il-valutazzjoni ta' l-impatt li saret mill-Kummissjoni wriet li l-aħjar mod biex tiġi implimentata l-approssimazzjoni mtejba fil-livelli ta' tassazzjoni fuq il-gas oil kummerċjali jikkonsisti minn żieda fil-livell minimu ta' gas oil kummerċjali, billi tgħaqqad flimkien it-tnaqqis fit-tagħwiġ tal-kompetizzjoni u t-turiżmu tal-fjuwil li jirriżulta kif ukoll fil-konsum ġenerali. Għalhekk huwa xieraq li jiġi stipulat li mill-2012 'l quddiem il-livell minimu ta' tassazzjoni fuq il-gas oil ikun ugwali għal-livell minimu ta' tassazzjoni li jkun diġà applikabbli għall-petrol bla ċomb, sabiex jirrifletti l-fatt li dawn iż-żewġ fjuwils huma ta' ħsara għall-ambjent b'mod indaqs. Mill- 2015 'l quddiem, il-livell minimu ta' tassazzjoni għandu jkun EUR 359 għal kull 1 000 l, sabiex jikkontribwixxi għaż-żamma kostanti tal-livell minimu f'termini reali u biex jonqsu aktar it-tagħwiġ tal-kompetizzjoni u l-ħsara ta' l-ambjent.

(6)

Mill-perspettiva ambjentali, jidher xieraq, f'dan l-istadju, li jiġu stabbiliti l-istess livelli minimi għat-tassazzjoni fuq il-petrol bla ċomb u fuq il-gas oil. Ma hemm ebda raġuni valida għalfejn il-livelli nazzjonali ta' tassazzjoni għal-gas oil u għall-petrol bla ċomb għandhom jiġu stabbiliti taħt il-livelli nazzjonali applikabbli fuq il-gas oil kummerċjali. Għall-Istati Membri li jagħmlu distinzjoni bejn użu kummerċjali u mhux kummerċjali tal-gas oil użat bħala propellant, għandu għalhekk jiġi kkjarifikat li l-livell nazzjonali ta' tassazzjoni għal gas oil mhux kummerċjali wżat bħal propellant mgħandux ikun anqas mil-livell nazzjonali applikat għal gas oil kummerċjali minn dak l-Istat Membru. L-istess għandu japplika għar-relazzjoni bejn il-petrol bla ċomb u gas oil kummerċjali wżat bħala propellant.

(6)

Mill-perspettiva ambjentali, jidher xieraq, f'dan l-istadju, li jiġu stabbiliti l-istess livelli minimi għat-tassazzjoni fuq il-petrol bla ċomb u fuq il-gas oil. Ma hemm ebda raġuni valida għalfejn il-livelli nazzjonali ta' tassazzjoni għall-gas oil u għall-petrol bla ċomb għandhom jiġu stabbiliti taħt il-livelli nazzjonali applikabbli fuq il-gas oil kummerċjali. Għall-Istati Membri li jagħmlu distinzjoni bejn użu kummerċjali u mhux kummerċjali tal-gas oil użat bħala propellant, għandu għalhekk jiġi kkjarifikat li l-livell nazzjonali ta' tassazzjoni għal gas oil mhux kummerċjali użat bħala propellant m'għandux ikun anqas mil-livell nazzjonali applikat għal gas oil kummerċjali minn dak l-Istat Membru, mingħajr ma dan jaffettwa ħażin l-utent tal-gas oil mhux kummerċjali. L-istess għandu japplika għar-relazzjoni bejn il-petrol bla ċomb u gas oil kummerċjali użat bħala propellant.

(6a)

L-Istati Membri li jużaw il-perjodi ta' tranżizzjoni għandhom tendenza, sfortunatament, li ma jiħdux passi biex ilaħħqu ma' l-istandards minimi tat-taxxa tas-sisa, kuntrarjament għall-impenji li ħadu. Għalhekk kwalunkwe titwil awtomatiku tal-perjodu ta' tranżizzjoni assolutament mhux aċċettabbli. Il-Kummissjoni fl-2010 għandha tirrapporta dwar sa liema punt dawk l-Istati Membri li qed joqorbu lejn l-aħħar tal-perjodu ta' tranżizzjoni ssodisfaw l-obbligi tagħhom.

(6b)

Sabiex tkun żgurata l-koerenza tad-Direttiva 2003/96/KE mal-politika komuni għat-trasport u biex ikun evitat tagħwiġ potenzjali tal-kompetizzjoni fis-swieq tat-trasport tal-merkanzija, id-definizzjoni tal-gas oil użat bħala propellant għandha tkun immodifikata. Id-definizzjoni ta' użu kummerċjali tikkonċerna l-ġarr ta' prodotti bit-triq minn vetturi li l-piż gross massimu ta' tagħbija permissibli tagħhom huwa ta' mhux inqas minn 3.5 tunnellati.

(7)

Ċerti Stati Membri ġew mogħtija perjodi ta' tranżizzjoni sabiex ikunu jistgħu jadattaw mingħajr xkiel għall-livelli ta' tassazzjoni stabbiliti bid-Direttiva 2003/96/KE. Għall-istess raġunijiet , dawn il-perjodi ta' tranżizzjoni għandhom jiġu ssupplementati fir-rigward ta' din id-Direttiva.

(7)

Ċerti Stati Membri ġew mogħtija perjodi ta' tranżizzjoni sabiex ikunu jistgħu jadattaw mingħajr xkiel għal-livelli ta' tassazzjoni stabbiliti bid-Direttiva 2003/96/KE. Għal uħud minn dawk l-Istati Membri , dawn il-perjodi ta' tranżizzjoni għandhom jiġu ssupplementati fir-rigward ta' din id-Direttiva.

(10)

Il-possibilità li l-Istati Membri jiffissaw rata mnaqqsa fuq gas oil għal skopijiet kummerċjali taħt il-livell minimu fis-seħħ fl-1 ta' Jannar 2003, meta tiġi introdotta jew applikata sistema ta' imposti għall-utenti tat-triq li tirriżulta f'piż ġenerali ta' taxxa li jkun il-biċċa l-kbira ekwivalenti, għandha tiġi estiża. Għal dan il-għan u fid-dawl ta' l-esperjenza, ikun xieraq li ma jinżammx ir-rekwiżit skond liema l-livell nazzjonali ta' tassazzjoni fis-seħħ fl-1 ta' Jannar 2003 għal gas oil użat bħala propellant għandu jkun talanqas id-doppju tal-livell minimu ta' tassazzjoni applikabbli fl-1 ta' Jannar 2004.

(10)

Il-possibilità li l-Istati Membri jiffissaw rata mnaqqsa fuq gas oil għal skopijiet kummerċjali meta tiġi introdotta jew applikata sistema ta' imposti għall-utenti tat-triq li tirriżulta f'piż ġenerali ta' taxxa li jkun il-biċċa l-kbira ekwivalenti, għandha tiġi estiża. L-Istati Membri għandhom ikunu jistgħu ukoll jippromwovu l-użu ta' fjuwils mingħajr bażi ta' żejt u b'karbonju baxx kemm permezz ta' inċentivi fiskali kif ukoll permezz ta' skemi maħsuba biex jiżguraw ċertu livell ta' konsum ta' dawk il-fjuwils. Għal dan il-għan u fid-dawl ta' l-esperjenza, ikun xieraq li ma jinżammx ir-rekwiżit skond liema l-livell nazzjonali ta' tassazzjoni fis-seħħ fl-1 ta' Jannar 2003 għal gas oil użat bħala propellant għandu jkun talanqas id-doppju tal-livell minimu ta' tassazzjoni applikabbli fl-1 ta' Jannar 2004.

(10a)

Waqt li jiġi kkunsidrat il-prinċipju tas-sussidjarjetà, l-Istati Membri li jiksbu dħul addizzjonali permezz ta' l-implimentazzjoni ta' din id-Direttiva għandhom ikunu inkoraġġiti biex jinvestuh mill-ġdid primarjament fl-infrastruttura, fil-bijofjuwils u f'miżuri ambjentali ġodda bl-għan li jnaqqsu l-emissjonijiet tas-CO2 .

1.   B'seħħ mill-1 ta' Jannar 2004, mill-1 ta' Jannar 2010, mill-1 ta' Jannar 2012 u mill-1 ta' Jannar 2014, il-livelli minimi ta' tassazzjoni applikabbli għall-fjuwils tal-magni għandhom ikunu ffissati kif jidhru fl-Anness I Tabella A.

1.   B'seħħ mill-1 ta' Jannar 2004, mill-1 ta' Jannar 2010, mill-1 ta' Jannar 2012 u mill-1 ta' Jannar 2015 , il-livelli minimi ta' tassazzjoni applikabbli għall-fjuwils tal-magni għandhom ikunu ffissati kif jidhru fl-Anness I Tabella A.

2.   L-Istati Membri għandhom jagħmlu differenza bejn użu kummerċjali u mhux kummerċjali ta' gas oil użat bħala propellant, jekk kemm-il darba il-livelli minimi tal-Komunità ikunu osservati u r-rata għal gas oil kummerċjali użat bħala propellant ma tkunx inqas mill-livell nazzjonali ta' tassazzjoni b'seħħ mill-1 ta' Jannar 2003.

2.   L-Istati Membri għandhom jagħmlu differenza bejn użu kummerċjali u mhux kummerċjali ta' gas oil użat bħala propellant, jekk kemm-il darba il-livelli minimi tal-Komunità ikunu osservati.

(aa)

Il-paragrafu 3(a) għandu jkun sostitwit b'dan li ġej:

(a)

il-ġarr ta' oġġetti għall-kiri jew għar-rigal, jew għall-persuna stess, permezz ta' karozzi jew kombinazzjonijiet ta' vetturi artikulati intenzjonati esklussivament għall-ġarr ta' oġġetti bit-triq li l-piż massimu permissibli tagħhom huwa ta' mhux inqas minn 3.5 tunnellati;

4.   L-Istati Membri li japplikaw jew idaħħlu sistema ta' imposti għall-utenti tat-triq għal vetturi bil-mutur li jużaw il-gas oil kummerċjali kif definit fil-paragrafu 3, jistgħu japplikaw rata mnaqqsa għal gas oil bħal din li taqa' taħt il-livell nazzjonali ta' tassazzjoni fis-seħħ fl-1 ta' Jannar 2003, sakemm il-piż ġenerali tat-taxxa jibqa' l-biċċa l-kbira ekwivalenti , u sakemm il-livell minimu Komunitarju applikabbli għal gas oil jiġi osservat.

4.   L-Istati Membri jistgħu japplikaw jew idaħħlu sistema ta' imposti għall-utenti tat-triq għal vetturi bil-mutur li jużaw il-gas oil kummerċjali kif definit fil-paragrafu 3, sakemm il-livell minimu Komunitarju applikabbli għal gas oil jiġi osservat.

Il- Kummissjoni għandha tistabbilixxi regoli komuni għall-mekkaniżmi msemmija fl-ewwel subparagrafu, skond il-proċedura msemmija fl-Artikolu 27(2).

Sa mhux aktar tard minn … (1), il- Kummissjoni għandha tistabbilixxi regoli komuni għall-mekkaniżmi msemmija fl-ewwel subparagrafu, skond il-proċedura msemmija fl-Artikolu 27(2).

(2)

L-Artikolu 18 huwa emendat kif ġej:

(2)

L-Artikolu 18 għandu jiġi emendat kif ġej:

(a)

Fil-paragrafu 3, l-ewwel sentenza hija mibdula b'dan li ġej:

(a)

Fil-paragrafu 3, l-ewwel sentenza għandha tiġi mħassra.

Ir-Renju ta' Spanja jista' japplika perjodu ta' tranżizzjoni sa l-1 ta' Jannar 2007 biex jaġġusta l-livell nazzjonali tiegħu ta' tassazzjoni fuq gas oil użat bħala propellant għal-livell minimu ġdid ta' EUR 302, sa l-1 ta' Jannar 2012 biex jilħaq EUR 330, u sa l-1 ta' Jannar 2014 biex jilħaq EUR 359 u sa l-1 ta' Jannar 2016 biex jilħaq EUR 380.

(b)

Fil-paragrafu 4, l-ewwel sentenza hija mibdula b'dan li ġej:

(b)

Fil-paragrafu 4, l-ewwel sentenza għandha tiġi mħassra.

Ir-Repubblika ta' l-Awstrija tista' tapplika perjodu ta' tranżizzjoni sa l-1 ta' Jannar 2007 biex taġġusta l-livell nazzjonali tagħha ta' tassazzjoni fuq gas oil użat bħala propellant għal-livell minimu ġdid ta' EUR 302, sa l-1 ta' Jannar 2012 biex jilħaq EUR 330, u sa l-1 ta' Jannar 2014 biex jilħaq EUR 359 u sa l-1 ta' Jannar 2016 biex jilħaq EUR 380.

(c)

Fil-paragrafu 5, l-ewwel sentenza hija mibdula b'dan li ġej:

(c)

Fil-paragrafu 5, l-ewwel sentenza għandha tiġi mħassra.

Ir-Renju tal-Belġju jista' japplika perjodu ta' tranżizzjoni sa l-1 ta' Jannar 2007 biex jaġġusta l-livell nazzjonali tiegħu ta' tassazzjoni fuq gas oil użat bħala propellant għal-livell minimu ġdid ta' EUR 302, sa l-1 ta' Jannar 2012 biex jilħaq EUR 330, u sa l-1 ta' Jannar 2014 biex jilħaq EUR 359 u sa l-1 ta' Jannar 2016 biex jilħaq EUR 380.

(d)

Fil-paragrafu 6, l-ewwel sentenza hija mibdula b'dan li ġej :

(d)

Fil-paragrafu 6, l-ewwel sentenza għandha tiġi mħassra.

Il-Gran Dukat ta' Lussumburgu jista' japplika perjodu ta' tranżizzjoni sa l-1 ta' Jannar 2009 biex jaġġusta l-livell nazzjonali tagħha ta' tassazzjoni fuq gas oil użat bħala propellant għal-livell minimu ġdid ta' EUR 302, sa l-1 ta' Jannar 2012 biex jilħaq EUR 330, u sa l-1 ta' Jannar 2014 biex jilħaq EUR 359 u sa l-1 ta' Jannar 2016 biex jilħaq EUR 380.

(e)

Fil-paragrafu 7, l-ewwel sentenza, fit-tieni sub-paragrafu, hija mibdula b'dan li ġej:

(e)

Fil-paragrafu 7, l-ewwel sentenza, fit-tieni sub-paragrafu, għandha tiġi mħassra.

Ir-Repubblika tal-Portugall tista' tapplika perjodu ta' tranżizzjoni sa l-1 ta' Jannar 2009 biex taġġusta l-livell nazzjonali tagħha ta' tassazzjoni fuq gas oil użat bħala propellant għal-livell minimu ġdid ta' EUR 302, sa l-1 ta' Jannar 2012 biex jilħaq EUR 330, u sa l-1 ta' Jannar 2014 biex jilħaq EUR 359 u sa l-1 ta' Jannar 2016 biex jilħaq EUR 380.

(f)

Fil-paragrafu 8, l-ewwel sentenza, fit-tielet sub-paragrafu, hija mibdula b'dan li ġej:

(f)

Fil-paragrafu 8, l-ewwel sentenza, fit-tielet sub-paragrafu, hija mħassra.

Ir-Repubblika Ellenika tista' tapplika perjodu ta' tranżizzjoni sa l-1 ta' Jannar 2010 biex taġġusta l-livell nazzjonali tagħha ta' tassazzjoni fuq gas oil użat bħala propellant għal-livell minimu ġdid ta' EUR 302, sa l-1 ta' Jannar 2012 biex jilħaq EUR 330, u sa l-1 ta' Jannar 2014 biex jilħaq EUR 359 u sa l-1 ta' Jannar 2016 biex jilħaq EUR 380.

(a)

Fil-paragrafu 5, l-ewwel sentenza għandha tinbidel b'dan li ġej:

(a)

Fil-paragrafu 5, l-ewwel subparagrafu għandu jinbidel b'dan li ġej:

Ir-Repubblika tal-Latvja tista tapplika perjodu ta' tranżizzjoni sa l-1 ta' Jannar 2011 biex taġġusta l-livell nazzjonali tagħha ta' tassazzjoni fuq gas oil u kerosene użati bħala propellant għall-livell minimu ġdid ta' EUR 302 għal kull 1 000 l, sa l-1 ta' Jannar 2013 biex jilħaq EUR 330 u, għal gas oil użat bħala propellant, sa l-1 ta' Jannar 2015 biex jilħaq EUR 359 u sa l-1 ta' Jannar 2017 biex jilħaq EUR 380.

5.   Ir-Repubblika tal-Latvja tista' tapplika perjodu ta' tranżizzjoni sa l-1 ta' Jannar 2012 biex taġġusta l-livell nazzjonali tagħha ta' tassazzjoni fuq gas oil u kerosin użati bħala propellant għall-livell minimu ġdid ta' EUR 302 għal kull 1 000 l, sa l-1 ta' Jannar 2013 biex jilħaq EUR 330 u, għal gas oil użat bħala propellant u sa l-1 ta' Jannar 2016 biex jilħaq EUR 359. Madankollu, il-livell ta'tassazzjoni fuq il-gas oil u l-kerosin għandu jkun mhux inqas minn EUR 245 għal kull 1 000 l mill-1 ta' Mejju 2004 u mhux inqas minn EUR 274 għal kull 1 000 l mill-1 ta' Jannar 2008.

(b)

Fil-paragrafu 6, l-ewwel sentenza għandha tinbidel b'dan li ġej:

(b)

Fil-paragrafu 6, l-ewwel subparagrafu għandu jinbidel b'dan li ġej:

Ir-Repubblika tal-Latwanja tista' tapplika perjodu ta' tranżizzjoni sa l-1 ta' Jannar 2011 biex taġġusta l-livell nazzjonali tagħha ta' tassazzjoni fuq gas oil u kerosene użati bħala propellant għall-livell minimu ġdid ta' EUR 302 għal kull 1 000 l, sa l-1 ta' Jannar 2013 biex jilħaq EUR 330 u, għal gas oil użat bħala propellant, sa l-1 ta' Jannar 2015 biex jilħaq EUR 359 u sa l-1 ta' Jannar 2017 biex jilħaq EUR 380.

6.   Ir-Repubblika tal-Litwanja tista' tapplika perjodu ta' tranżizzjoni sa l-1 ta' Jannar 2012 biex taġġusta l-livell nazzjonali tagħha ta' tassazzjoni fuq gas oil u kerosin użati bħala propellant għall-livell minimu ġdid ta' EUR 302 għal kull 1 000 l, sa l-1 ta' Jannar 2013 biex jilħaq EUR 330 u, għal gas oil użat bħala propellant sa l-1 ta' Jannar 2016 biex jilħaq EUR 359. Madankollu, il-livell ta'tassazzjoni fuq il-gas oil u l-kerosin għandu jkun mhux inqas minn EUR 245 għal kull 1 000 l mill-1 ta' Mejju 2004 u mhux inqas minn EUR 274 għal kull 1 000 l mill-1 ta' Jannar 2008.

(c)

Fil-paragrafu 9, it-tieni subparagrafu, l-ewwel sentenza għandha tinbidel b'dan li ġej:

(c)

Fil-paragrafu 9, it-tieni subparagrafu għandu jinbidel b'dan li ġej:

Ir-Repubblika ta' Polonja tista' tapplika perjodu ta' tranżizzjoni sa l-1 ta' Jannar 2010 biex taġġusta l-livell nazzjonali tagħha ta' tassazzjoni fuq gas oil użat bħala propellant għal-livell minimu ġdid ta' EUR 302 għal kull 1 000 l, sa l-1 ta' Jannar 2012 biex jilħaq EUR 330, u sa l -1 ta' Jannar 2014 biex jilħaq EUR 359 u sa l-1 ta' Jannar 2016 biex jilħaq EUR 380.

Ir-Repubblika tal-Polonja tista' tapplika perjodu ta' tranżizzjoni sa l-1 ta' Jannar 2012 biex taġġusta l-livell nazzjonali tagħha ta' tassazzjoni fuq gas oil użat bħala propellant għal-livell minimu ġdid ta' EUR 302 għal kull 1 000 l, sa l-1 ta' Jannar 2013 biex jilħaq EUR 330, u sa l -1 ta' Jannar 2016 biex jilħaq EUR 359. Madankollu, il-livell ta'tassazzjoni fuq il-gas oil għandu jkun mhux inqas minn EUR 245 għal kull 1 000 l mill-1 ta' Mejju 2004 u mhux inqas minn EUR 274 għal kull 1 000 l mill-1 ta' Jannar 2008.

Mingħajr preġudizzju għad-derogi ta' l-Artikolu 7 stabbiliti fit-Trattat dwar l-adeżjoni tar-Repubblika tal-Bulgarija u tar-Rumanija ma' l-Unjoni Ewropea, dawn l-Istati Membri jistgħu japplikaw perjodu ta' tranżizzjoni addizzjonali għal gas oil użat bħala propellant sa l-1 ta' Jannar 2015 biex jilħqu EUR 359 u sa l-1 ta Jannar 2017 biex jilħqu EUR 380.

Mingħajr preġudizzju għad-derogi ta' l-Artikolu 7 stabbiliti fit-Trattat dwar l-adeżjoni tar-Repubblika tal-Bulgarija u tar-Rumanija ma' l-Unjoni Ewropea, dawn l-Istati Membri jistgħu japplikaw perjodu ta' tranżizzjoni addizzjonali għal gas oil użat bħala propellant sa l-1 ta' Jannar 2016 biex jilħqu EUR 359.

Test propost mill-Kummissjoni

 

l-1 ta' Jannar 2004

l-1 ta' Jannar 2010

l-1 ta' Jannar 2012

l-1 ta' Jannar 2014

Petrol bla ċomb

(f'euro għal kull 1 000 l)

Kodiċi NM 2710 11 31, 2710 11 41, 2710 11 45 u 2710 11 49

359

359

359

380

Gas oil

(f'euro għal kull 1 000 l)

Kodiċi NM 27101941 sa 2710 19 49

302

330

359

380

Emenda mill-Parlament

 

l-1 ta' Jannar 2004

l-1 ta' Jannar 2010

l-1 ta' Jannar 2012

l-1 ta' Jannar 2015

Petrol bla ċomb

(f'euro għal kull 1 000 l)

Kodiċi NM 2710 11 31, 2710 11 41, 2710 11 45 u 2710 11 49

359

359

359

359

Gas oil

(f'euro għal kull 1 000 l)

Kodiċi NM 2710 19 41 sa 2710 19 49

302

330

340

359

Mingħajr preġudizzju għall-perjodi ta' żmien stipulati fl-Artikolu 18a (5),(6) u (9) u fl-Artikolu 18c, japplikaw id-dispożizzjonijiet li ġejjin :

—

Ir-rati tat-taxxa tas-sisa minimi kemm fuq il-petrol bla ċomb u kemm fuq il-gas oil m'għandhomx ikunu inqas minn EUR 359 għal kull 1 000 litru qabel l-1 ta' Jannar 2015.

—

L-Istati Membri li skond il-leġiżlazzjoni Komunitarja jridu jżidu r-rata tat-taxxa tas-sisa fuq il-gas oil għal EUR 340 għal kull 1 000 litru sa l-1 ta' Jannar 2012 jridu jimponu rata ta' talanqas EUR 359 għal kull 1 000 litru sa l-1 ta' Jannar 2015.

—

L-Istati Membri li fihom ir-rata tat-taxxa tas-sisa fuq il-gas oil qabżet EUR 400 għal kull 1 000 litru fl-1 ta' Jannar 2008, m'għandhomx jgħollu r-rata tat-taxxa tas-sisa fuq il-gas oil iktar qabel l-1 ta' Jannar 2015.

—

L-Istati Membri li fihom ir-rata tat-taxxa tas-sisa fuq il-petrol bla ċomb qabżet EUR 500 għal kull 1 000 litru fl-1 ta' Jannar 2008 mgħandhomx iżidu aktar dik ir-rata qabel l-1 ta' Jannar 2015.

(5a)     Għandu jiddaħħal l-Artikolu 29a li ġej:

Artikolu 29a

Il-Kummissjoni għandha tirrapporta dwar kemm l-Istati Membri li l-perjodu ta' tranżizzjoni tagħhom jispiċċa fl-2010 ssodisfaw l-obbligi tagħhom.

(1)  sitt xhur wara d-dħul fis-seħħ ta' din id-Direttiva.

Top