—

tannulla s-sentenza tat-Tielet Awla Estiża tal-Qorti Ġenerali tas-6 ta’ Ottubru 2021 fil-Kawża T-827/17, Aeris Invest vs BĊE, EU:T:2021:660;

—

tilqa’ t-talbiet imressqa minn Aeris Invest fl-ewwel istanza u, b’mod partikolari, tiddikjara n-nullità tad-Deċiżjonijiet tal-Bank Ċentrali Ewropew tas-7 ta’ Novembru 2017, LS/MD/17/405, LS/MD/17/419, LS/MD/17/406, li rrifjutaw l-aċċess għal numru ta’ dokumenti dwar il-falliment u r-riżoluzzjoni ta’ Banco Popular Español, S.A., il-bilanċ tad-depożitu u l-faċilità ELA awtorizzata lil Banco Popular Español, S.A.; u

—

b’mod konformi mad-dispożizzjonijiet tal-Artikolu 184 tar-Regoli tal-Proċedura tal-Qorti tal-Ġustizzja, tikkundanna lill-Bank Ċentrali Ewropew għall-ispejjeż.

—

Permezz tal-ewwel aggravju, din il-parti ssostni li s-sentenza appellata tikser l-Artikolu 47 tal-Karta tad-Drittijiet Fundamentali tal-Unjoni Ewropea (iktar ’il quddiem “il-Karta”), sa fejn: (i) ma huwiex possibbli li jintalab l-aċċess għad-dokumenti mitluba fil-kuntest tal-Kawża T-628/17; u (ii) din tipprevjeni lil din il-parti milli teżerċita d-dritt tagħha għal rimedju effettiv, kif ukoll iżżid in-nuqqas ta’ ugwaljanza bejn il-partijiet. Fi kwalunkwe każ, din ir-restrizzjoni tal-Artikolu 47 tal-Karta ma hijiex iġġustifikata taħt l-Artikolu 52(1) tal-Karta.

—

Permezz tat-tieni aggravju, l-appellanti ssostni li s-sentenza appellata tikser id-Deċiżjoni tal-Bank Ċentrali Ewropew 2004/258/KE tal-4 ta’ Marzu 2004 dwar l-aċċess pubbliku għad-dokumenti tal-Bank Ċentrali Ewropew (iktar ’il quddiem id-“Deċiżjoni 2004/258”) (1), moqrija flimkien mal-Artikolu 47 tal-Karta. B’mod partikolari, din tikser l-Artikoli 1, 2 u 6 tad-Deċiżjoni 2004/258 billi twettaq interpretazzjoni tal-għan tad-Deċiżjoni 2004/258 li tirriżulta kuntrarja għad-drittijiet fundamentali.