Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62014TN0706

Kawża T-706/14: Rikors ippreżentat fit- 3 ta’ Ottubru 2014 – Holistic Innovation Institute vs REA

ĠU C 421, 24.11.2014, p. 44–45 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Date of document:
03/10/2014
Date lodged:
03/10/2014
Author:
Il-Qorti Ġenerali
Form:
Informazzjoni ġudizzjarja
Authentic language:
Spanjol

24.11.2014   

MT

Il-Ġurnal Uffiċjali tal-Unjoni Ewropea

C 421/44

Rikors ippreżentat fit-3 ta’ Ottubru 2014 – Holistic Innovation Institute vs REA

(Kawża T-706/14)

2014/C 421/62

Lingwa tal-kawża: l-Ispanjol

Partijiet

Rikorrenti: Holistic Innovation Institute, SLU (Madrid, Spanja) (rappreżentant: R. Muñiz García, avukat)

Konvenuta: Aġenzija Eżekuttiva għar-Riċerka (REA)

Talbiet

—

tannulla d-deċiżjoni kkontestata li teskludi lir-rikorrenti mill-proġetti INACHUS u ZONeSEC;

—

tordna li r-rikorrenti tingħata kumpens u tikkundanna lill-konvenuta għall-ħlas tal-ammont ta’ EUR 7 81  250, li jikkorrispondi għaż-żewġ proġetti li ġiet eskluża minnhom, flimkien mal-interessi legali minn meta jsir dovut il-ħlas, u

—

torda li r-rikorrenti tingħata kumpens u tikkundanna lill-konvenuta għall-ħlas ta’ ammont stabbilit minn espert maħtur mill-Qorti Ġenerali, għad-dannu addizzjonali li sofriet ikkawżat mill-esklużjoni miż-żewġ proġetti.

Motivi u argumenti prinċipali

Dan ir-rikors huwa intiż kontra d-deċiżjoni tal-Aġenzija eżekuttiva għar-riċerka tal-Kummissjoni Ewropea, tal-24 ta’ Lulju 2014, bir-referenza ARES (2014) 2461172, li permezz tagħha huwa deċiż li jintemmu n-negozjati u li tiġi miċħuda l-parteċipazzjoni tar-rikorrenti għall-proġetti Ewropej INACHUS (607522) u ZONeSEC (607292) tas-sejħa għal offerti FP7-SEC-2013-1, tas-Seba’ Programm Qafas.

Insostenn tar-rikors tagħha, ir-rikorrenti tinvoka ħames motivi.

1.

Huwa kkunsidrat li d-deċiżjoni hija manifestament infondata, u tinkludi motivazzjoni apparenti waħda biss.

2.

L-evalwaturi indipendenti kienu ppreżentaw rapport favorevoli fir-rigward tal-proġetti bil-parteċipazzjoni tar-rikorrenti.

3.

Wara dawn ir-rapporti, il-konvenuta biddlet il-kriterji bi tpattija lill-amministratur tar-rikorrenti, li qabel kien beda azzjoni kontra l-Kummissjoni Ewropea minħabba kunflitt li jirrigwarda l-kumpannija Rose Visión S.L.

4.

L-aġenti tal-konvenuta qabel ma ttieħdet id-deċiżjoni għamlu pressjoni fuq il-parteċipanti l-oħra fil-proġetti sabiex tiġi eskluża r-rikorrenti, u b’hekk ipprovaw jevitaw li jieħdu d-deċiżjoni kkontestata.

5.

L-aġir tal-konvenuta kkawża dannu lir-rikorrenti.
Top