This document is an excerpt from the EUR-Lex website
Document 32022R0516
Commission Delegated Regulation (EU) 2022/516 of 26 October 2021 amending Annex IV to Council Regulation (EC) No 708/2007 concerning use of alien and locally absent species in aquaculture
Regolament Delegat tal-Kummissjoni (UE) 2022/516 tas-26 ta’ Ottubru 2021 li jemenda l-Anness IV tar-Regolament tal-Kunsill (KE) Nru 708/2007 dwar l-użu ta’ speċi aljeni u li ma jinstabux lokalment fl-akkwakultura
Regolament Delegat tal-Kummissjoni (UE) 2022/516 tas-26 ta’ Ottubru 2021 li jemenda l-Anness IV tar-Regolament tal-Kunsill (KE) Nru 708/2007 dwar l-użu ta’ speċi aljeni u li ma jinstabux lokalment fl-akkwakultura
C/2021/7538
ĠU L 104, 1.4.2022, p. 51–52
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32007R0708 | Żieda | anness IV parti A Test | 02/04/2022 | |
Modifies | 32007R0708 | Żieda | anness IV titolu FOOTNOTE | 02/04/2022 | |
Modifies | 32007R0708 | Sostituzzjoni | anness IV Test | 02/04/2022 |
1.4.2022 |
MT |
Il-Ġurnal Uffiċjali tal-Unjoni Ewropea |
L 104/51 |
REGOLAMENT DELEGAT TAL-KUMMISSJONI (UE) 2022/516
tas-26 ta’ Ottubru 2021
li jemenda l-Anness IV tar-Regolament tal-Kunsill (KE) Nru 708/2007 dwar l-użu ta’ speċi aljeni u li ma jinstabux lokalment fl-akkwakultura
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 708/2007 (1) tal-11 ta’ Ġunju 2007 dwar l-użu ta’ speċi aljeni u li ma jinstabux lokalment fl-akkwakultura, u b’mod partikolari l-Artikolu 24(1) tiegħu,
Billi:
(1) |
Ir-Regolament (KE) Nru 708/2007 jistabbilixxi qafas li jirregola l-prattiki fl-akkwakultura fir-rigward ta’ speċijiet aljeni u li ma jinstabux lokalment sabiex jiġi evalwat u mnaqqas kemm jista’ jkun l-impatt possibbli tagħhom u ta’ kwalunkwe speċi assoċjata mhux fil-mira fuq il-ħabitats akkwatiċi. |
(2) |
L-Anness IV tar-Regolament (KE) Nru 708/2007 jelenka l-ispeċijiet li spiss intużaw fl-akkwakultura għal żmien twil f’ċerti partijiet tal-Unjoni u b’hekk jibbenefikaw minn trattament differenzjali li jiffaċilita l-iżvilupp tagħhom mingħajr ebda piż amministrattiv addizzjonali, kif previst fl-Artikolu 2(5) ta’ dak ir-Regolament. |
(3) |
L-Istati Membri jistgħu jitolbu lill-Kummissjoni biex iżżid speċijiet fl-Anness IV tar-Regolament (KE) Nru 708/2007 f’konformità mal-Artikolu 24(4) tar-Regolament (KE) Nru 708/2007. Ir-regoli dettaljati dwar il-kundizzjonijiet meħtieġa biex jiżdiedu l-ispeċijiet fl-Anness IV huma speċifikati fir-Regolament tal-Kummissjoni (KE) Nru 535/2008 (2). |
(4) |
Il-Greċja talbet li tiżdied l-ispeċi Paġella ħamra, magħrufa wkoll bħala l-Pagru tal-Ġappun (Pagrus major) fl-Anness IV tar-Regolament (KE) Nru 708/2007, skont ir-regoli dettaljati tar-Regolament (KE) Nru 535/2008, u b’mod partikolari l-Artikolu 3 tiegħu. Studju ppreżentat mat-talba kkonkluda li din l-ispeċi ilha tintuża fl-akkwakultura Griega għal żmien twil mingħajr ebda effett avvers. Wara l-valutazzjoni ta’ din it-talba, il-Kummissjoni kkonkludiet li t-talba hija ġġustifikata u sostanzjata bl-informazzjoni kollha meħtieġa. |
(5) |
L-emenda għall-Anness IV b’segwitu għat-talba mill-Greċja tipprovdi opportunità biex isiru aġġustamenti fit-terminoloġija użata fl-Anness. L-isem bil-Latin tal-isturjun Russu (Acipenser gueldenstaedtii) ġie miktub ħażin u għandu jiġi sostitwit bl-isem korrett. L-aġġornament tal-isem bil-Latin tal-Karpjun ta’ rasu kbira minn Aristichthys nobilis għal Hypophthalmichthys nobilis huwa wkoll opportun. |
(6) |
Għal raġunijiet ta’ ċarezza, nota f’qiegħ il-paġna miżjuda mal-Anness IV tispjega li l-ibridi tal-ispeċijiet elenkati f’dan l-anness ma jibbenefikawx awtomatikament mit-trattament differenzjali pprovdut lill-ispeċijiet elenkati. Sabiex wieħed jibbenefika minn dak it-trattament, għandha tiġi segwita l-proċedura taż-żieda ta’ speċijiet fl-anness. |
(7) |
Għalhekk, jenħtieġ li l-Anness IV tar-Regolament (KE) Nru 708/2007 jiġi emendat skont dan, |
ADOTTAT DAN IR-REGOLAMENT:
Artikolu 1
L-Anness IV tar-Regolament (KE) Nru 708/2007 huwa emendat kif ġej:
(1) |
Fil-Parti A – Ġenerali, tiżdied l-ispeċi li ġejja: Pagrus major, Paġella ħamra, magħrufa wkoll bħala l-Pagru tal-Ġappun. |
(2) |
L-isem bil-Latin tal-ispeċi Acipenser gueldenstaeti huwa sostitwit b’Acipenser gueldenstaedtii. |
(3) |
L-isem bil-Latin tal-ispeċi Aristichthys nobilis huwa sostitwit b’Hypophthalmichthys nobilis. |
(4) |
Tiżdied nota f’qiegħ il-paġna mat-titolu fl-Anness IV bit-test li ġej: “L-ibridi tal-ispeċijiet inklużi f’dan l-Anness ma għandhomx jitqiesu bħala parti minn din il-lista.” |
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta’ Ottubru 2021.
Għall-Kummissjoni
Il-President
Ursula VON DER LEYEN
(1) ĠU L 168, 28.6.2007, p. 1.
(2) Ir-Regolament tal-Kummissjoni (KE) Nru 535/2008 tat-13 ta’ Ġunju 2008 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 708/2007 dwar l-użu ta’ speċijiet aljeni u li ma jinstabux lokalment fl-akkwakultura (ĠU L 156, 14.6.2008, p. 6).