Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32016D1898

Deċiżjoni ta' Implimentazzjoni tal-Kummissjoni (UE) 2016/1898 tas-26 ta' Ottubru 2016 li temenda d-Deċiżjoni ta' Implimentazzjoni 2013/764/UE dwar miżuri ta' kontroll tas-saħħa tal-annimali marbutin mad-deni klassiku tal-ħnieżer f'ċertu Stati Membri (notifikata bid-dokument C(2016) 6710) (Test b'rilevanza għaż-ŻEE)

C/2016/6710

ĠU L 293, 28.10.2016, p. 39–41 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 21/04/2021

ELI: http://data.europa.eu/eli/dec_impl/2016/1898/oj

Date of document:
26/10/2016; Data ta' adozzjoni
Date of effect:
27/10/2016; Jidħol fis-seħħ Data tan-notifika
Date of notification:
27/10/2016
Date of end of validity:
21/04/2021; Marbuta ma’ 32013D0764
Author:
Il-Kummissjoni Ewropea
Responsible body:
Directorate-General for Health and Food Safety, SANTE
Form:
Deċiżjoni implimentattiva
Addressee:
L-Istati Membri
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32013D0764 Żieda artikolu 2a 27/10/2016
Modifies 32013D0764 Żieda artikolu 4 punt (a) inċiż 7 27/10/2016
Modifies 32013D0764 Sostituzzjoni artikolu 10 Test 27/10/2016
Modifies 32013D0764 Sostituzzjoni artikolu 4 punt (a) inċiż 2 27/10/2016
Modifies 32013D0764 Sostituzzjoni artikolu 4 punt (a) inċiż 4 PT III 27/10/2016
Modifies 32013D0764 Sostituzzjoni artikolu 4 punt (b) inċiż 3 27/10/2016
Extended validity 32013D0764 27/10/2016 31/12/2019
Instruments cited:
Link

28.10.2016   

MT

Il-Ġurnal Uffiċjali tal-Unjoni Ewropea

L 293/39

DEĊIŻJONI TA' IMPLIMENTAZZJONI TAL-KUMMISSJONI (UE) 2016/1898

tas-26 ta' Ottubru 2016

li temenda d-Deċiżjoni ta' Implimentazzjoni 2013/764/UE dwar miżuri ta' kontroll tas-saħħa tal-annimali marbutin mad-deni klassiku tal-ħnieżer f'ċertu Stati Membri

(notifikata bid-dokument C(2016) 6710)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikolari l-Artikolu 9(4) tagħha,

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar veterinarju u żootekniku applikabbli għall-kummerċ intra-Komunitarju ta' ċertu annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(4) tagħha,

Billi:

(1)

Id-Deċiżjoni ta' Implimentazzjoni tal-Kummissjoni 2013/764/UE (3) tistabbilixxi l-miżuri ta' kontroll tas-saħħa tal-annimali marbutin mad-deni klassiku tal-ħnieżer fl-Istati Membri jew fiż-żoni tagħhom li huma elenkati fl-Anness tagħha. Dawk il-miżuri jinkludu projbizzjonijiet fuq id-dispaċċ ta' ħnieżer ħajjin, ta' semen, ova u embrijuni tal-ħnieżer, ta' laħam tal-majjal kif ukoll preparazzjonijiet tal-laħam u l-prodotti tal-laħam li jikkonsistu minn jew fihom laħam tal-majjal minn ċertu żoni tal-Istati Membri kkonċernati.

(2)

Fil-valutazzjoni tar-riskju għandha titqies l-evoluzzjoni tas-sitwazzjoni epidemjoloġika attwali fl-Unjoni f'dak li għandu x'jaqsam mad-deni klassiku tal-ħnieżer li hija rrappreżentata mis-sitwazzjoni tas-saħħa tal-annimali fir-rigward ta' dik il-marda. Huwa xieraq li jiġu previsti ċerti derogi għad-dispaċċ ta' ħnieżer ħajjin, laħam tal-majjal frisk u ċerti preparazzjonijiet tal-laħam u prodotti tal-laħam minn żoni elenkati fl-Anness tad-Deċiżjoni 2013/764/UE. F'każ li jingħataw derogi bħal dawn, ir-rekwiżiti addizzjonali tas-saħħa tal-annimali applikabbli, għandhom jiġu deskritti f'dik id-Deċiżjoni ta' Implimentazzjoni.

(3)

Id-Direttiva tal-Kunsill 64/432/KEE (4) tistipula li l-moviment ta' annimali ħajjin għandu jkun akkumpanjat minn ċertifikati tas-saħħa. Meta d-derogi mill-projbizzjoni dwar id-dispaċċ tal-ħnieżer ħajjin miż-żoni elenkati fl-Anness tad-Deċiżjoni ta' Implimentazzjoni 2013/764/UE jiġu applikati għal ħnieżer ħajjin maħsubin għall-kummerċ fl-Unjoni, dawk iċ-ċertifikati tas-saħħa għandhom jinkludu referenza għal dik id-Deċiżjoni ta' Implimentazzjoni biex ikun żgurat li ċ-ċertifikati rilevanti jkun fihom informazzjoni eżatta u adegwata dwar is-saħħa.

(4)

L-Artikolu 6 tad-Direttiva tal-Kunsill 2001/89/KE (5), tirrikonoxxi l-eżistenza ta' azjendi li jikkonsistu f'unitajiet differenti tal-produzzjoni u tippermetti l-applikazzjoni ta' derogi marbuta ma' livelli differenti ta' riskji li jistgħu jiġu rikonoxxuti mill-awtorità kompetenti. Dan għandu jiġi rifless fid-derogi previsti fil-paragrafu (4)(a) tad-Deċiżjoni ta' Implimentazzjoni 2013/764/UE.

(5)

L-Anness għad-Deċiżjoni tal-Kummissjoni 2002/106/KE (6) ta dettalji dwar is-sorveljanza seroloġika u l-proċeduri tat-teħid tal-kampjuni u jipprovdi dettalji dwar it-testijiet preskritti. F'każijiet fejn isiru derogi għar-rekwiżiti tad-Deċiżjoni ta' Implimentazzjoni 2013/764/UE f'dik id-Deċiżjoni ta' Implimentazzjoni dawn il-miżuri għandhom jagħmlu referenza għall-partijiet rilevanti tal-Anness tad-Deċiżjoni 2002/106/KE.

(6)

Għalhekk, id-Deċiżjoni ta' Implimentazzjoni 2013/764/UE għandha tiġi emendata skont dan.

(7)

Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

Id-Deċiżjoni ta' Implimentazzjoni 2013/764/UE hija emendata kif ġej:

(1)

jiddaħħal l-Artikolu 2a li ġej:

“Artikolu 2a

Id-derogi għad-dispaċċ ta' ħnieżer ħajjin lil Stati Membri oħra f'ċerti każijiet

1.   B'deroga mill-Artikolu 2(1), l-Istati Membri kkonċernati jistgħu jawtorizzaw id-dispaċċ ta' ħnieżer ħajjin minn stabbilimenti li jinsabu fiż-żoni elenkati fl-Anness lejn Stati Membri oħra, bil-kundizzjoni li s-sitwazzjoni tad-deni klassiku tal-ħnieżer fiż-żoni elenkati fl-Anness tkun favorevoli u l-ħnieżer ikkonċernati nżammu f'impriżi fejn:

—

ma jkunx hemm evidenza tad-deni klassiku tal-ħnieżer fit-12-il xahar ta' qabel fl-impriża kkonċernata u l-impriża tkun tinsab barra minn żona ta' protezzjoni jew ta' sorveljanza stabblita skont id-Direttiva 2001/89/KE,

—

il-ħnieżer kienu residenti għal mill-inqas 90 jum jew mindu twieldu fl-impriża u ebda ħanżir ħaj ma ddaħħal fl-impriża matul il-perjodu ta' 30 jum immedjatament qabel id-data tad-dispaċċ;

—

l-impriża timplimenta pjan ta' bijosigurtà approvat mill-awtorità kompetenti,

—

l-impriża ġiet soġġetta regolarment u għallinqas kull erba' xhur għal spezzjonijiet mill-awtorità veterinarja kompetenti, li għandha:

(i)

issegwi l-linji ta' gwida stipulati fil-Kapitolu III tal-Anness tad-Deċiżjoni 2002/106/KE (*);

(ii)

tinkludi l-eżami kliniku skont il-proċeduri ta' kontroll u teħid ta' kampjuni stipulati fil-Parti A tal-Kapitolu IV tal-Anness tad-Deċiżjoni 2002/106/KE;

(iii)

tiċċekkja l-applikazzjoni effettiva tal-miżuri stabbiliti fit-tieni u mir-raba' sas-seba' inċiż tal-Artikolu 15(2)(b) tad-Direttiva 2001/89/KE jiġu applikati effettivament; kif ukoll

—

l-impriża tkun soġġetta għal pjan ta' sorveljanza għad-deni klassiku tal-ħnieżer implimentata mill-awtorità kompetenti skont il-proċeduri tat-teħid tal-kampjuni stabbiliti fil-punt F.2 tal-Kapitolu IV tal-Anness tad-Deċiżjoni 2002/106/KE u ttestjar fil-laboratorju b'riżultati negattivi fi żmien xahar qabel it-trasportazzjoni.

2.   Fil-każ ta' ħnieżer ħajjin li jkunu konformi mar-rekwiżiti tal-paragrafu 1, għandu jiżdied il-kliem addizzjonali li ġej fuq iċ-ċertifikat korrispondenti tas-saħħa tal-majjali li hemm referenza għalih fl-Artikolu 5(1) tad-Direttiva tal-Kunsill 64/432/KEE (**):

“Ħnieżer konformi mal-Artikolu 2a tad-Deċiżjoni ta' Implimentazzjoni tal-Kummissjoni 2013/764/UE”.

(*)  Id-Deċiżjoni tal-Kummissjoni 2002/106/KE tal-1 ta' Frar 2002 li tapprova Manwal Djanjostiku li jwaqqaf proċeduri djanjostiċi, metodi tal-kampjunar u kriterji għall-istima tat-testijiet fil-laboratorju għall-konferma tad-deni klassiku tal-majjali (ĠU L 39, 9.2.2002, p. 71)."

(**)  Id-Direttiva tal-Kunsill 64/432/KEE tas-26 ta' Ġunju 1964 dwar il-problemi tas-saħħa tal-annimali li jaffettwaw il-kummerċ ta' annimali bovini u suwini ġewwa l-Komunità (ĠU 121, 29.7.1964, p. 1977/64).”;"

(2)

L-Artikolu 4 huwa emendat kif ġej:

(a)

fil-punt (a), it-tieni inċiż hu mibdul b'dan li ġej:

“—

il-ħnieżer kienu residenti għal mill-inqas 90 jum jew mindu twieldu fl-impriża u ebda ħanżir ħaj ma ddaħħal fl-impriża, jew unità tal-produzzjoni separata, matul il-perjodu ta' 30 jum immedjatament qabel id-data tad-dispaċċ lejn il-biċċerija; dan għandu japplika biss għal unitajiet ta' produzzjoni separati fejn il-veterinarju uffiċjali jkun ikkonferma illi l-istruttura, id-daqs u d-distanza bejn dawn l-unitajiet tal-produzzjoni u l-ħidmiet imwettqa fihom ikunu tali li l-unitajiet ta' produzzjoni jipprovdu faċilitajiet separati għal kollox għas-sistemazzjoni, iż-żamma u l-għalf, sabiex il-virus ma jkunx jista' jinfirex minn unità tal-produzzjoni waħda għal oħra;”;

(b)

fil-punt (a), il-punt (iii) tar-raba' inċiż hu mibdul b'dan li ġej:

“(iii)

jissodisfa minn tal-inqas waħda mill-kundizzjonijiet li ġejjin:

1.

tiġi ċċekkjata l-applikazzjoni effettiva tal-miżuri stabbiliti fit-tieni u mir-raba' sas-seba' inċiż tal-Artikolu 15(2)(b) tad-Direttiva 2001/89/KE jiġu applikati effettivament; jew

2.

f'raġġ ta' 40 km madwar l-ażjenda, sorveljanza fost il-ħnieżer selvaġġi ssir regolarment, u talanqas kull erba' xhur, b'riżultati negattivi skont fl-Parti H tal-Kapitolu IV tal-Anness tad-Deċiżjoni 2002/106/KE u l-ħnieżer maqtulin kollha tal-kunsinna kienu ttestjati b'riżultati negattivi għad-deni klassiku tal-ħnieżer skont il-proċeduri dijanjostiċi stabbiliti fil-Parti C tal-Kapitolu VI tal-Anness mad-Deċiżjoni 2002/106/KE;”

(c)

fil-punt (a), jinżied is-seba' inċiż li ġej:

“—

il-laħam tal-majjal, il-preparazzjonijiet tal-laħam u l-prodotti tal-laħam li jkunu ġejjin minn azjendi tal-ħnieżer li jikkonformaw ma' dan il-punt ikunu akkumpanjati miċ-ċertifikat xieraq tas-sanità għall-kummerċ ġewwa l-Unjoni kif stipulat bir-Regolament tal-Kummissjoni (KE) Nru 599/2004 (***), u l-Parti II taċ-ċertifikat għandha tkun kompluta bis-sentenza li ġejja:

“Prodott konformi mad-Deċiżjoni ta' Implimentazzjoni tal-Kummissjoni 2013/764/UE tat-13 ta' Diċembru 2013 dwar miżuri ta' kontroll tas-saħħa tal-annimali marbuta mad-deni klassiku tal-ħnieżer f'ċerti Stati Membri.”

(***)  Ir-Regolament tal-Kummissjoni (KE) Nru 599/2004 of 30 March 2004 li jikkonċerna l-adozzjoni ta' mudell armonizzat ta' ċertifikat u rapport tal-ispezzjoni marbuta mal-kummerċ intra-Komunitarju fl-annimali u l-prodotti li joriġinaw mill-annimali (ĠU L 94, 31.3.2004, p. 44).”;"

(d)

fil-punt (b), it-tielet inċiż hu mibdul b'dan li ġej:

“—

ikollhom magħhom iċ-ċertifikat tas-saħħa xieraq tal-kummerċ intra-Unjoni kif jistabbilixxi r-Regolament (KE) Nru 599/2004 li l-Parti II taċ-ċertifikat tiegħu għandha titkompla bis-sentenza li ġejja:

“Prodott konformi mad-Deċiżjoni ta' Implimentazzjoni tal-Kummissjoni 2013/764/UE tat-13 ta' Diċembru 2013 dwar miżuri ta' kontroll tas-saħħa tal-annimali marbuta mad-deni klassiku tal-ħnieżer f'ċerti Stati Membri.”.”;

(3)

fl-Artikolu 10, id-data “31 ta' Diċembru 2017” hija mibdula għal “31 ta' Diċembru 2019”.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, is-26 ta' Ottubru 2016.

Għall-Kummissjoni

Vytenis ANDRIUKAITIS

Membru tal-Kummissjoni

(1)  ĠU L 395, 30.12.1989, p. 13.

(2)  ĠU L 224, 18.8.1990, p. 29.

(3)  Id-Deċiżjoni ta' Implimentazzjoni tal-Kummissjoni 2013/764/UE tat-13 ta' Diċembru 2013 dwar miżuri ta' kontroll tas-saħħa tal-annimali marbuta mad-deni klassiku tal-ħnieżer f'ċerti Stati Membri (ĠU L 338, 17.12.2013, p. 102).

(4)  Id-Direttiva tal-Kunsill 64/432/KEE tas-26 ta' Ġunju 1964 dwar il-problemi tas-saħħa tal-annimali li jaffettwaw il-kummerċ ta' annimali bovini u suwini ġewwa l-Komunità (ĠU 121, 29.7.1964, p. 1977/64).

(5)  Id-Direttiva 2001/89/KE tal-Kunsill tat-23 ta' Ottubru 2001 dwar il-miżuri tal-Komunità għall-kontroll tal-marda tal-infafet vesikolari (deni klassiku) tal-ħnieżer (ĠU L 316, 1.12.2001, p. 5).

(6)  Id-Deċiżjoni tal-Kummissjoni 2002/106/KE tal-1 ta' Frar 2002 li tapprova Manwal Djanjostiku li jwaqqaf proċeduri djanjostiċi, metodi tal-kampjunar u kriterji għall-istima tat-testijiet fil-laboratorju għall-konferma tad-deni klassiku tal-majjali (ĠU L 39, 9.2.2002, p. 71).

Top