EUR-Lex Access to European Union law
This document is an excerpt from the EUR-Lex website
Document 32003D0168
2003/168/EC: Commission Decision of 11 March 2003 establishing the European Community Energy Star Board
Id-Deċiżjoni tal-Kummissjoni ta' l-11 ta' Marzu 2003 li tistabilixxi l-Bord ta' l-Energy Star tal-Komunità Ewropea
Id-Deċiżjoni tal-Kummissjoni ta' l-11 ta' Marzu 2003 li tistabilixxi l-Bord ta' l-Energy Star tal-Komunità Ewropea
ĠU L 67, 12.3.2003, p. 22–24
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 067 , 12/03/2003 P. 0022 - 0024
Id-Deċiżjoni tal-Kummissjoni ta' l-11 ta' Marzu 2003 li tistabilixxi l-Bord ta' l-Energy Star tal-Komunità Ewropea (2003/168/KE) IL-KUMMISJONI TAL-KOMUNITAJIET EWROPEJ, Wara li kkunsidrat it-Trattat li jistabilixxi l-Komunità Ewropea, u b'mod partikolari l-Artikolu 175(1) tiegħu, Wara li kkunsidrat ir-Regolament (KE) Nru 2422/2001 tal-Parlament Ewropew u tal-Kunsill tas-6 ta' Novembru 2001 dwar programm Komnunitarju tal-għoti tat-tikketti għall-effiċjenza fl-enerġija lit-tagħmir ta' l-uffiċċji [1], u b'mod partikolari l-Artikolu 8(1) tiegħu, Billi: (1) Skond ir-Regolament (KE) Nru 2422/2001, il-Kummissjoni għandha tistabilixxi Bord ta' l-Energy Star tal-Komunità Ewropea (minn issa' l quddiem riferit bħala l- "ECESB") sabiex iwettaq il-programm Energy Star tal-Komunità Ewropea, kif iddefinit fil-Ftehim bejn il-Gvern ta' l-Istati Uniti ta' l-Amerka u l-Komunità Ewropea dwar il-kordinament tal-programmi tal-għoti tat-tikketti għall-enerġija effiċjenti lit-tagħmir ta' l-uffiċċji [2] (2) L-ECESB għandu jikkonsisti mir-rappreżentanti nazzjonali, kif definiti bir-Regolament (KE) Nru 2422/2001 u mill-partijiet interessati elenkati fuq bażi indikattiv f'dan ir-Regolament, IDDEĊIDIET KIF ĠEJ: L-Artikolu 1 Huwa hawnhekk stabbilit il-Bord ta' l-Energy Star tal-Komunità Ewropea "ECESB". L-Artikolu 2 1. Is-Sedja ta' l-ECESB għandha tinżamm mill-Kummissjoni, irrappreżentata mid-Direttorat Ġenerali ta' l-Enerġija u t-Trasport. 2. Il-lista indikattiva tar-rappreżentanti nazzjonali riferita fl-Artikolu 9 tar-Regolament (KE) Nru 2422/2002 għandha tiġi ddikjarata fil-Parti A ta' l-Anness. Meta jiġi nnominat iktar minn rappreżentant nazzjonali wieħed, il- "koordinatur" għandu jkun ir-rappreżentant mogħti s-setgħa mill-Istati Membri kif indikat fl-Anness. 3. Il-lista indikattiva tal-Partijiet interessati riferita fl-Artikolu 8(3) tar-Regolament (KE) Nru 2422/2002 għandha tiġi ddikjarata fil-Parti B ta' l-Anness. 4. Sabiex tiġi żurata l-parteċipazzjoni tal-Partijiet kollha interessati rigward kull grupp ta' prodotti tat-tagħmir ta' l-uffiċċji, is-Sedja tista’ taddatta s-sħubija tal-Partijiet interessati kif approprjat. L-Artikolu 3 Dan ir-Regolament għandu jidħol fis-seħħ fis-seba’ jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Magħmul fi Brussel, fil-11 ta' Marzu 2003. Għall-Kummissjoni Loyola De Palacio Viċi-President [1] ĠU L 332, ta' l-15.12.2001, p. 1. [2] ĠU L 172, tas-26.6.2001, p. 3. -------------------------------------------------- L-ANNESS IL-LISTA INDIKATTIVA TAL-MEMBRI TA' L-ECESB PARTI A Ir-Rappreżentanti nazzjonli A | L-Abteilung IV/3 Bundesministerium für Wirtschaft und Arbeit | Is-Sur Matthias BRUNNER Dipl.-Ing. (Koordinatur) | L-EVA - L-Aġenzija Awstrijaka ta' l-Enerġija | Is-Sur Herbert RITTER | B | L-Administration de l'Energie du Ministère des Affaires Economiques; Division Gaz-Electricité | Is-Sur Luc MICHIELS | DK | L-Aġenzija Daniża ta' l-Enerġija | Is-Sinjura Anette GYDESEN | FIN | Il-Ministeru tal-Kummerċ u l-Industrija | Ms Veera PEDERSEN (Kordinatriċi) | Il-Motiva Oy | Is-Sur Heikki HÄRKÖNEN | F | Il-MINEFFI/DGEMP — Télédoc 161 | Is-Sra Evelyne BISSON (Koordinatriċi) | L-Ademe — Centre de Sophia Antipolis | Is-Sur Alain ANGLADE | D | Il-Bundesministerium für Wirtschaft und Technologie | Dr Wolfgang WAGNER (Koordinatur) | Id-Deutsche Energie-Agentur | Dr Christiane DUDDA | EL | Il-Ministeru ta' l-Iżvilupp | Is-Sur Dimitrios NOMIDIS (Koordinatur) | Il-Ministeru ta' l-Iżvilupp | Is-Sur Dimitrios NOMIDIS (Koordinatur) | IRL | L-Engerġija Sostenibbli ta' l-Irlanda | Is-Sur Tom HALPIN | L-Engerġija Sostenibbli ta' l-Irlanda | Is-Sra Antonia SHIELDS | I | Is-Segreteria Tecnica della DGERM, Ministerio delle Attività Produttive | Is-Sur Dario CHELLO (Koordinatur) | L-ENEA Ispra | Is-Sra Milena PRESUTTO | L | Is-Service de l'énergie de l'État – | Is-Sur Jean-Paul HOFFMAN | P | Id-Direcção Geral da Energia | Is-Sur Renato ROMANO | E | Is-Subdirección General de Planificación Energetica | Is-Sur Angel CHAMERO FERRER | S | L-Amministrazzjoni Nazzjonali Svediża ta' l-Enerġija | Is-Sra Kristina BEIERTZ | NL | In-NOVEM | Id-Drs. Ir. Hans-Paul SIDERIUS | UK | Id-Dipartiment ta' l-Ambjent, l-Ikel u l-Affarijiet Rurali Żona 6D/11, Ashdown House | Is-Sur Chris BAKER (Koordinatur) | ITS Research & Training Centre (iċ-Ċentru ITS tar-Riċerka u t-Testijiet) | Is-Sur Bob HARRISON | Il-BRE Ltd | Is-Sra Monika MUNZINGER | IL-PARTI B Il-partijiet interessati Il-fabbrikanti L-Assoċjazzjoni Ewropea tat-Tagħrif, il-Komunikazzjonijiet u l-Konsumaturi ta' l-Industrija tat-Teknoloġija Elettronika (EICTA) Il-bejjiegħa bl-imnut L-Eurocommerce Il-gruppi tal-protezzjoni ambjentali Il-WWF L-organizzazzjonijiet tal-konsumaturi L-Organizzazzjoni Ewropea tal-Konsumaturi (BEUC) --------------------------------------------------