This document is an excerpt from the EUR-Lex website
Document 31999D0879
1999/879/EC: Council Decision of 17 December 1999 concerning the placing on the market and administration of bovine somatotrophin (BST) and repealing Decision 90/218/EEC
Id-Deċiżjoni tal-Kunsill tas-17 ta’ Diċembru 1999 li tirrigwarda t-tqegħid fis-suq u l-amministrazzjoni tas-somatotrofina bovina (BST) u li tħassar id-Deċiżjoni Nru 90/218/KEE
Id-Deċiżjoni tal-Kunsill tas-17 ta’ Diċembru 1999 li tirrigwarda t-tqegħid fis-suq u l-amministrazzjoni tas-somatotrofina bovina (BST) u li tħassar id-Deċiżjoni Nru 90/218/KEE
ĠU L 331, 23.12.1999, p. 71–72
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Relation | Act | Comment | Subdivision concerned | From | To |
---|---|---|---|---|---|
Repeal | 31990D0218 | 01/01/2000 |
Official Journal L 331 , 23/12/1999 P. 0071 - 0072
Id-Deċiżjoni tal-Kunsill tas-17 ta’ Diċembru 1999 li tirrigwarda t-tqegħid fis-suq u l-amministrazzjoni tas-somatotrofina bovina (BST) u li tħassar id-Deċiżjoni Nru 90/218/KEE (1999/879/KE) IL-KUNSILL TA’ L-UNJONI EWROPEA, Wara li kkunsidra t-Trattat li jwaqqaf il-Komunità Ewropea, u partikolarment l-Artikolu 37 miġjub fih, Wara li kkunsidra l-proposta mill-Kummissjoni, Wara li kkunsidra l-opinjoni tal-Parlament Ewropew [1], Wara li kkunsidraw l-opinjoni tal-Kumitat Ekonomiku u Soċjali [2], Billi: (1) Id-Deċiżjoni tal-Kunsill 90/218/KEE tal-25 ta’ April 1990 li tirrigwarda t-tqegħid fis-suq u l-amministrazzjoni tas-somatotrofina bovina (BST) [3], tipprovdi fl-Artikolu 1 li l-Istati Membri għandhom jassiguraw li, sal-31 ta’ Diċembru 1999, it-tqegħid fis-suq tas-somatotrofina bovina għall-għanijiet tal-marketing tagħha u l-amministrazzjoni tagħha fit-territorju tagħhom lill-baqar tal-ħalib ikun liema jkun il-mezz m’għandhomx ikunu awtorizzati; (2) Skond l-Artikolu 2(2) ta’ dik id-Deċiżjoni, il-Kunsill ta struzzjonijiet lill-Kummissjoni biex tqabbad Grupp tax-Xogħol ta’ xjenzjati indipendenti, bil-kollaborazzjoni ta’ l-Istati Membri, bl-inkarigu li jagħmel stima ta’ l-effetti ta’ l-użu tal-BST, filwaqt li jingħata kont ta’ l-opinjoni tal-Kumitat għall-Prodotti Mediċinali Veterinarji, b’mod partikolari fir-rigward ta’ l-impatt ta’ l-użu ta’ dan il-prodott fuq każijiet ta’ mastite; (3) L-Artikolu 2(1) ta’ dik id-Deċiżjoni ppermetta lill-Istati Membri li jwettqu testijiet limitati prattiċi fuq l-użu tas-somatotrofina bovina, taħt il-kontroll ta’ veterinarju uffiċjali, sabiex jinkiseb kull tagħrif ieħor xjentifiku li tiegħu jista’ jingħata kont mill-Kunsill meta jiġi għal deċiżjoni finali. Il-Kummissjoni ma rċiviet ebda informazzjoni dwar dawn it-testijiet u fid-dawl tal-projbizzjoni preskritta f’din id-Deċiżjoni m’hemmx il-ħtieġa li tkompli aktar l-awtorizzazzjoni għal testijiet oħra bħal dawk; (4) Il-Protokoll dwar il-protezzjoni u l-welfare ta’ l-annimali anness mat-Trattat jitlob mingħand il-Komunità u l-Istati Membri, meta jifformulaw u jimplimentaw il-politika agrikola tal-Komunità, li jqisu fis-sħiħ il-ħtiġiet tas-saħħa u l-welfare ta’ l-annimali; (5) Bid-Deċiżjoni 78/923/KEE [4], il-Komunità approvat il-Konvenzjoni Ewropea għall-Protezzjoni ta’ l-Annimali Miżmuma għal Trobbija fl-Irziezet (hawnhekk iżjed ‘l quddiem imsejħa "il-Konvenzjoni") u ddepożitat l-istrument tagħha ta’ approvazzjoni; l-Istati Membri kollha rratifikaw ukoll din il-Konvenzjoni; (6) Id-Direttiva tal-Kunsill 98/58/KE ta’ l-20 ta’ April 1998 li tirrigwarda l-protezzjoni ta’ annimali miżmuma għat-trobbija fl-irziezet [5] tiddikjara fil-punt 18 ta’ l-Anness li ebda sustanza oħra, ħlief dawk mogħtija għal għanijiet terapewtiċi jew profilattiċi, m’għandha tiġi ssomministrata lil xi annimal sakemm jiġi ppruvat bi studju xjentifiku tal-welfare ta’ l-annimali jew mill-esperjenza stabbilita li l-effett tas-sustanza mhux ta’ ħsara għas-saħħa jew il-welfare ta’ l-annimal; (7) Il-BST mhux prodott li għandu jintuża fuq frat għal għanijiet terapewtiċi, iżda biss biex ikattar il-produzzjoni tal-ħalib; (8) Il-Kumitat Xjentifiku dwar is-Saħħa ta’ l-Annimali u l-Welfare ta’ l-Annimali (SCAWAH) adotta fl-10 ta’ Marzu 1999 ir-rapport tiegħu dwar l-Aspetti ta’ Welfare ta’ l-Annimali ta’ l-Użu tas-somatotrofina bovina u ddikjara li l-BST iżid ir-riskju ta’ mastite klinika kif ukoll it-tul ta’ żmien tat-trattament tal-mastite, li jżid l-inċidenza ta’ mard tas-sieq u r-riġel u li jista’ jeffettwa ħażin it-tnissil kif ukoll iġib reazzjonijiet qawwija fil-post ta’ l-injezzjoni; (9) Huwa importanti għas-saħħa u l-produttività ta’ l-ifrat tal-ħalib li jiġu suġġetti mill-inqas għat-tensjoni li tista’ twassal għal żieda fil-mard bħall-mastite, leżjonijiet fis-sieq u reazzjonijiet fil-post ta’ l-injezzjoni skond l-opinjoni ta’ l-iSCAWAH, l-użu tal-BST instab li jwassal għal żieda f’dawn il-kondizzjonijiet, li jġibu sew uġieħ kif dg[jufija, u li jistgħu jwasslu għall-anqas welfare u aktar stat ta’ mard ta’ l-annimal. L-iSCAHAW jqis għalhekk li l-BST m’għandux jintuża fil-baqar tal-ħalib, ADOTTAT DIN ID-DEĊIŻJONI: Artikolu 1 Miż-żmien li fih din id-Deċiżjoni tidħol fis-seħħ, l-Istati Membri għandhom jaraw li t-tqegħid fis-suq tas-somatotrofina bovina fit-territorju tal-Komunità jew fi ħdan il-ġurisdizzjoni tagħhom bil-għan tal-kummerċ jew somministrazzjoni tagħha lill-baqar tal-ħalib b’kull mezz hu liema hu għandu jiġi pprojbit. Artikolu 2 L-Impriżi li jbigħu jew jipproduċu sustanzi ta’ somatotrofina bovina u impriżi awtorizzati f’kull irwol biex iqiegħdu fis-suq dawn is-sustanzi għandhom jintalbu jżommu reġistri bid-dettalji, f’ordni kronoloġika, tal-kwantitajiet prodotti jew mixtrija u dawk mibjugħa jew użati għal għanijiet oħra minn dawk ta’ tqegħid fis-suq li għalihom hemm ipprovdut fl-Artikolu 1 u l-ismijiet tal-persuni li lilhom inbiegħu dawn il-kwantitajiet jew li mingħandhom inxtraw. L-informazzjoni ta’ hawn fuq għandha tkun disponibbli għal l-awtorità kompetenti fuq talba tagħha u, fil-każ ta’ informazzjoni kkomputerizzata, taħt forma ta’ karta stampata. Artikolu 3 Il-projbizzjoni kif ipprovdut għaliha fl-Artikolu 1 m’għandhiex teffettwa l-produzzjoni tas-somatotrofina bovina fl-Istati Membri, jew l-importazzjoni, għall-għanijiet ta’ esportazzjoni tagħha lejn pajjiżi terzi. Artikolu 4 Id-Deċiżjoni 90/218/KEE għandha titħassar. Artikolu 5 Din id-Deċiżjoni għandu jkollha effett mill-1 ta’ Jannar 2000. Artikolu 6 Din id-Deċiżjoni hija indirizzata lill-Istati Membri. Magħmula fi Brussel, fis-17 ta’ Diċembru 1999. Għall-Kunsill K. Hemilä Il-President [1] Opinjoni mogħtija fis-16 ta’ Diċembru 1999 (għadha mhux ippubblikata fil-Ġurnal Uffiċjali). [2] Opinjoni mogħtija fid-9 ta’ Diċembru 1999 (għadha mhux ippubblikata fil-Ġurnal Uffiċjali). [3] ĠU L 116, tat-8.5.1990, p. 27. Deċiżjoni kif l-aħħar emendata bid-Deċiżjoni 94/936/KE (ĠU L 366, tal-31.12.1994, p. 19). [4] ĠU L 323, tas-17.11.1978, p. 12. [5] ĠU L 221, tat-8.8.1998, p. 23. --------------------------------------------------