1.   Glacfaidh an tAontas páirt sa Chomhpháirtíocht Eorpach um Méadreolaíocht (‘an Chomhpháirtíocht um Méadreolaíocht’), Comhpháirtíocht Eorpach Institiúidithe dá dtagraítear in Airteagal 10(1), pointe (c), de Rialachán (AE) 2021/695, arna déanamh go comhpháirteach ag an Ostair, an Bheilg, an Bhulgáir, an Chróit, an tSeicia, an Danmhairg, an Eastóin, an Fhionlainn, an Fhrainc, an Ghearmáin, an Ghréig, an Ungáir, Éire, an Iodáil, an Laitvia, an Liotuáin, an Ísiltír, an Iorua, an Ísiltír, an Pholainn, an Phortaingéil, an Rómáin, an tSlóivéin, an tSlóvaic, an Spáinn agus an tSualainn (‘na Stáit Rannpháirteacha’), i gcomhréir leis na coinníollacha a leagtar amach sa Chinneadh seo.

2.   Féadfaidh aon Bhallstát nach Ballstát dá dtagraítear i mír 1 den Airteagal seo é agus aon tír atá comhlachaithe le Fís Eorpach a bheith rannpháirteach sa Chomhpháirtíocht um Méadreolaíocht, ar choinníoll go gcomhlíonann siad an coinníoll a leagtar amach in Airteagal 4(1), pointe (c). Measfar gur Stáit Rannpháirteacha iad Ballstáit agus tríú tíortha den sórt sin chun críocha an Chinnidh seo.

3.   Féadfaidh aon tríú tír nach bhfuil comhlachaithe le Fís Eorpach a bheith rannpháirteach sa Chomhpháirtíocht um Méadreolaíocht, ar choinníoll:

Tríú tír a chomhlíonann na coinníollacha a leagtar síos sa chéad fhomhír, measfar gur Stát Rannpháirteach í chun críocha an Chinnidh seo.

1.   Rannchuideoidh an Chomhpháirtíocht um Méadreolaíocht le cur chun feidhme Rialachán (AE) 2021/695, agus go háirithe Airteagal 3 de.

2.   Gan dochar do mhír 1, trí rannpháirtíocht agus gealltanas na gcomhpháirtithe maidir le clár oibre bliantúil dá dtagraítear in Airteagal 7 a dhearadh agus a chur chun feidhme, saothróidh an Chomhpháirtíocht um Méadreolaíocht na cuspóirí ginearálta seo a leanas:

3.   Agus na cuspóirí ginearálta a leagtar amach i mír 2 á gcur chun feidhme, saothróidh an Chomhpháirtíocht um Méadreolaíocht na cuspóirí sonracha seo a leanas:

1.   Suas le EUR 300 milliún a bheidh i ranníocaíocht airgeadais an Aontais leis an gComhpháirtíocht um Méadreolaíocht, lena n-áirítear leithreasuithe LEE, chun teacht le ranníocaíochtaí ó na Stáit Rannpháirteacha dá dtagraítear in Airteagal 1(1). Féadfar méid na ranníocaíochta airgeadais ón Aontas a mhéadú le ranníocaíochtaí ó thríú tíortha atá comhlachaithe le Fís Eorpach i gcomhréir le hAirteagal 16(5) de Rialachán (AE) 2021/695, ar choinníoll go ndéanfar an méid iomlán faoina méadófar ranníocaíocht airgeadais an Aontais a mheaitseáil ar a laghad le ranníocaíochtaí ó na Stáit Rannpháirteacha dá dtagraítear in Airteagal 1(2) den Chinneadh seo.

2.   Chun ranníocaíocht airgeadais an Aontais a ríomh, ní chuirfear aon ranníocaíocht ó na Stáit Rannpháirteacha a bhaineann le costais riaracháin chur chun feidhme na Comhpháirtíochta um Méadreolaíocht ar mó í ná 5 % de na comh-ranníocaíochtaí iomlána leis an gComhpháirtíocht um Méadreolaíocht san áireamh.

3.   Íocfar ranníocaíocht airgeadais an Aontais ó na leithreasuithe i mbuiséad ginearálta an Aontais arna leithdháileadh ar na codanna ábhartha den Chlár Sonrach lena gcuirtear chun feidhme Fís Eorpach, a bunaíodh le Cinneadh (AE) 2021/764 ón gComhairle (9).

4.   Déanfaidh EURAMET e.V. (EURAMET) ranníocaíocht airgeadais an Aontais a úsáid chun na gníomhaíochtaí dá dtagraítear in Airteagal 6(1), pointe (a) a chistiú.

5.   Ní úsáidfear ranníocaíocht airgeadais an Aontais chun costais riaracháin na Comhpháirtíochta um Méadreolaíocht a chumhdach.

6.   Féadfar ranníocaíochtaí airgeadais faoi na cláir arna gcómhaoiniú ag Ciste Forbraíochta Réigiúnaí na hEorpa, Ciste Sóisialta na hEorpa Plus, an Ciste Eorpach Muirí, Iascaigh agus Dobharshaothraithe agus an Ciste Eorpach Talmhaíochta um Fhorbairt Tuaithe, chomh maith leis an tSaoráid Téarnaimh agus Athléimneachta, a mheas mar ranníocaíochtaí ó Bhallstát is Stát Rannpháirteach, faoi réir chomhlíonadh fhorálacha ábhartha Rialachán (AE) 2021/1060 ó Pharlaimint na hEorpa agus ón gComhairle (10) agus na rialacháin lena leagtar síos na rialacha sonracha is infheidhme maidir le gach ceann de na cistí sin.

1.   Beidh ranníocaíocht airgeadais an Aontais coinníollach ar gach ceann de na nithe seo a leanas:

2.   Agus an Chomhpháirtíocht um Méadreolaíocht á cur chun feidhme, beidh ranníocaíocht airgeadais an Aontais coinníollach ar na nithe seo a leanas uile freisin:

1.   Déanfaidh na Stáit Rannpháirteacha dá dtagraítear in Airteagal 1(1), nó socróidh siad go ndéanfaidh a gcomhlachtaí náisiúnta cistiúcháin, ranníocaíochtaí, cibé acu ranníocaíochtaí airgeadais nó ranníocaíochtaí comhchineáil EUR 363 milliún. ar a laghad, sa tréimhse idir 1 Eanáir 2021 agus 31 Nollaig 2031.

Beidh cion de na ranníocaíochtaí ó na Stáit Rannpháirteacha i bhfoirm ranníocaíochtaí airgeadais. Déanfaidh na Stáit Rannpháirteacha a ranníocaíochtaí comhchoiteanna a shocrú eatarthu féin agus conas a sholáthróidh siad iad.

2.   Seo a leanas a bheidh sna ranníocaíochtaí ó na Stáit Rannpháirteacha:

3.   Leis na ranníocaíochtaí airgeadais nó na ranníocaíochtaí comhchineáil dá dtagraítear i mír 2, pointe (a), den Airteagal seo, cumhdófar na costais arna dtabhú ag na Stáit Rannpháirteacha agus na gníomhaíochtaí dá dtagraítear in Airteagal 6(1), pointe (b), á gcur chun feidhme, lúide aon ranníocaíocht dhíreach nó indíreach airgeadais ón Aontas leis na costais sin.

4.   Leis na ranníocaíochtaí airgeadais nó na ranníocaíochtaí comhchineáil dá dtagraítear i mír 2, pointe (b), cumhdófar na costais arna dtabhú ag na Stáit Rannpháirteacha i ndáil le costais riaracháin EURAMET maidir leis an gComhpháirtíocht um Méadreolaíocht a chur chun feidhme. Ní bheidh na costais riaracháin sin níos mó ná 5 % de bhuiséad iomlán na Comhpháirtíochta um Méadreolaíocht.

5.   Chun críche na ranníocaíochtaí comhchineáil dá dtagraítear i mír 2, pointí (a) agus (b), den Airteagal seo, a luacháil, cinnfear na costais i gcomhréir le cur chuige comhchuibhithe, lena n-áirítear critéir agus próisis, atá le bunú ag Coiste na Comhpháirtíochta um Méadreolaíocht i gcomhréir le hAirteagal 14. A mhéid is féidir, comhlíonfaidh tuairisciú na gcostas na nósanna imeachta tuairiscithe a leagtar síos i Rialachán (AE) 2021/695, agus gnáthchleachtais cuntasaíochta na Stát Rannpháirteach nó na gcomhlachtaí náisiúnta cistiúcháin lena mbaineann, caighdeáin cuntasaíochta infheidhme an Stáit Rannpháirtigh ina bhfuil na comhlachtaí náisiúnta cistiúcháin lena mbaineann bunaithe agus na Caighdeáin Chuntasaíochta Idirnáisiúnta agus na Caighdeáin Tuairiscithe Airgeadais Idirnáisiúnta is infheidhme á gcur san áireamh. Déanfaidh iniúchóir neamhspleách a cheapfaidh na Stáit Rannpháirteacha nó na comhlachtaí náisiúnta cistiúcháin lena mbaineann na costais a dheimhniú.

6.   Déanfar ranníocaíochtaí na Stát Rannpháirteach tar éis ghlacadh an chláir oibre bhliantúil.

I gcás ina nglactar an clár oibre bliantúil le linn na bliana tagartha, féadfar na ranníocaíochtaí a dhéanfar amhail ó 1 Eanáir na bliana sin a áireamh leis na ranníocaíochtaí dá dtagraítear i mír 2, pointe (b), a áirítear sa chlár oibre bliantúil.

Féadfar na ranníocaíochtaí dá dtagraítear i mír 2, pointe (b), a dhéanfar tar éis an 1 Nollaig 2021 a áireamh mar ranníocaíochtaí de chuid na Stát Rannpháirteach, ar choinníoll go gcuirfear san áireamh i gcéad chlár oibre bliantúil na Comhpháirtíochta um Méadreolaíocht iad.

1.   Tacóidh an Chomhpháirtíocht um Méadreolaíocht le raon leathan gníomhaíochtaí taighde agus nuálacha trí bhíthin an mhéid seo a leanas:

2.   Sula ndéanfar ábhar gach glao ar thograí dá dtagraítear i mír 1, pointe (a), a shainaithint, iarrfaidh EURAMET, go poiblí, ar dhaoine aonair nó ar eagraíochtaí lena n-áirítear FBManna, agus ar shlabhra ginearálta luacha méadreolaíochta ábhair thaighde féideartha a mholadh ar bhealach trédhearcach.

1.   Cuirfear an Chomhpháirtíocht um Méadreolaíocht chun feidhme ar bhonn cláir oibre bhliantúla a chumhdaíonn gníomhaíochtaí atá le déanamh sa tréimhse idir an 1 Eanáir agus an 31 Nollaig i mbliain ar leith (‘an bhliain tagartha’).

2.   Glacfaidh Coiste na Comhpháirtíochta um Méadreolaíocht dá dtagraítear in Airteagal 14 na cláir oibre bhliantúla faoin 31 Márta sa bhliain tagartha, tar éis formheas an Choimisiúin a fháil. Agus na cláir oibre bhliantúla á nglacadh, gníomhóidh Coiste na Comhpháirtíochta um Méadreolaíocht agus an Coimisiún araon gan moill mhíchuí. Cuirfidh Coiste na Comhpháirtíochta um Méadreolaíocht an clár oibre bliantúil ar fáil go poiblí.

3.   Na gníomhaíochtaí dá dtagraítear in Airteagal 6(1), pointí (a) agus (b), ní fhéadfar iad a sheoladh ach sa bhliain tagartha agus i ndiaidh ghlacadh chlár oibre bliantúil na bliana sin.

4.   Ní fhéadfaidh EURAMET gníomhaíochtaí a chistiú ach amháin má leagtar amach iad sa chlár oibre bliantúil. Déanfar idirdhealú sa chlár oibre bliantúil idir na gníomhaíochtaí dá dtagraítear in Airteagal 6(1), pointe (a), na gníomhaíochtaí dá dtagraítear in Airteagal 6(1), pointe (b), agus costais riaracháin EURAMET. Áireofar sa chlár oibre bliantúil a meastacháin caiteachais chomhfhreagraigh agus an buiséad atáthar á leithdháileadh ar ghníomhaíochtaí a chistítear le ranníocaíocht airgeadais an Aontais agus ar ghníomhaíochtaí a chistíonn na Stáit Rannpháirteacha gan an ranníocaíocht airgeadais sin. Áireofar sa chlár oibre bliantúil freisin luach ranníocaíochtaí comhchineáil ó na Stáit Rannpháirteacha dá dtagraítear in Airteagal 5(2), pointe (b).

5.   Cuirfear san áireamh in aon chláir oibre bliantúla leasaithe le haghaidh bliain tagartha agus in aon chláir oibre bliantúla le haghaidh blianta tagartha ina dhiaidh sin torthaí na nglaonna ar thograí roimhe sin. Féachfaidh siad lena áirithiú go dtabharfar aghaidh ar chumhdach neamhleor ábhar eolaíoch, go háirithe ábhair ar tugadh aghaidh orthu ar dtús i ngníomhaíochtaí faoi Airteagal 6(1), pointe (b), nach rabhthas in ann a chistiú go leormhaith.

6.   Seolfar na glaonna ar thograí faoi na cláir oibre bhliantúla ábhartha faoin 31 Nollaig 2027. I gcásanna a bhfuil údar iomchuí leo, féadfar iad a sheoladh faoin 31 Nollaig 2028.

7.   Déanfaidh EURAMET faireachán ar chur chun feidhme gach gníomhaíochta a áirítear sa chlár oibre bliantúil agus cuirfidh sé tuarascáil faoi bhráid an Choimisiúin gach bliain gan cur le hualach riaracháin na dtairbhithe. Cuirfear an tuarascáil bhliantúil ar fáil go poiblí ar bhealach tráthúil ar shuíomh gréasáin EURAMET.

8.   Aon teachtaireacht nó foilseachán a bhaineann le gníomhaíochtaí na Comhpháirtíochta um Méadreolaíocht agus a dhéantar i gcomhar leis an gComhpháirtíocht um Méadreolaíocht, cibé acu EURAMET, Stát Rannpháirteach nó a chomhlachtaí náisiúnta cistiúcháin, nó rannpháirtithe le gníomhaíocht a dhéanann é, déanfar é a lipéadú nó a chomhlipéadú mar theachtaireacht nó foilseachán atá cómhaoinithe ag an gComhpháirtíocht um Méadreolaíocht faoi Fís Eorpach.

1.   Measfar go mbeidh EURAMET le bheith ina chomhlacht cistiúcháin de réir bhrí Airteagal 2, pointe 14 de Rialachán (AE) 2021/695 agus soláthróidh sé tacaíocht airgeadais do ghníomhaíochtaí indíreacha dá dtagraítear in Airteagal 6(1), pointe (a), den Chinneadh seo i gcomhréir hAirteagal 6(2) den Rialachán sin.

2.   Beidh feidhm ag Rialachán (AE) 2021/695, go háirithe na rialacha maidir le rannpháirtíocht, eolaíocht oscailte agus scaipeadh eolais a leagtar síos ann, maidir leis na gníomhaíochtaí dá dtagraítear in Airteagal 6(1), pointe (a), den Cinneadh seo. Ina theannta sin, i gcomhréir le hAirteagal 17(2) den Rialachán sin, i gcás ina mbeidh fíorghá leis agus tar éis dul i gcomhairle leis an nGrúpa Stiúrtha dá dtagraítear in Airteagal 15 den Chinneadh seo i gcás ina n-iarrann Coiste na Comhpháirtíochta um Méadreolaíocht ar chomhairle den sórt sin, féadfar foráil a dhéanamh sa chlár oibre bliantúil maidir le ról an chomhordaitheora i ngníomhaíochtaí indíreacha a shrianadh, ó thíolacadh an togra go dtí deireadh an tionscadail, do NMInna agus DInna na Stát Rannpháirteach chun a áirithiú go mbainfear amach cuspóirí agus spriocanna ranníocaíochta na Stát Rannpháirteach.

3.   Áiritheoidh EURAMET idirghníomhaíochtaí iomchuí le NMInna agus DInna sna gníomhaíochtaí indíreacha dá dtagraítear in Airteagal 6(1), pointe (a), i gcomhréir lena n-ainmniúchán ag an údarás náisiúnta iomchuí. Spreagfaidh EURAMET rannpháirtíocht eintiteas eile, lena n-áirítear FBManna i ngach glao ar thograí freisin, agus tacóidh sé lena rannpháirtíocht sin.

1.   Féadfaidh an Coimisiún ranníocaíocht airgeadais an Aontais a fhoirceannadh, a laghdú go comhréireach nó a chur ar fionraí mura ndéanann an Chomhpháirtíocht um Méadreolaíocht na coinníollacha faoinar cuireadh an ranníocaíocht sin ar iontaoibh a chomhlíonadh.

2.   Mura ndéanann Stát Rannpháirteach ranníocaíocht le maoiniú na Comhpháirtíochta um Méadreolaíocht, mura ndéanann sé ach ranníocaíocht i bpáirt, nó mura dtugann sé urraim do na tráthchláir maidir leis na ranníocaíochtaí dá dtagraítear in Airteagal 5, féadfaidh an Coimisiún ranníocaíocht airgeadais an Aontais a fhoirceannadh, a laghdú go comhréireach nó a chur ar fionraí. Ní chuirfidh cinneadh an Choimisiúin cosc ar aisíocaíocht na gcostas incháilithe a bheidh tabhaithe cheana féin ag an Stát Rannpháirteach sula gcuirtear an cinneadh chun ranníocaíocht airgeadais an Aontais a fhoirceannadh, a laghdú go comhréireach nó a chur ar fionraí in iúl don Chomhpháirtíocht um Méadreolaíocht.

1.   Déanfaidh EURAMET iniúchtaí ex post ar chaiteachas ar ghníomhaíochtaí indíreacha dá dtagraítear in Airteagal 6(1), pointe (a), den Chinneadh seo i gcomhréir le hAirteagal 53(3) de Rialachán (AE) 2021/695.

2.   Féadfaidh an Coimisiún é féin na hiniúchtaí dá dtagraítear i mír 1 den Airteagal seo a chur i gcrích é féin. Sna cásanna sin, déanfaidh an Coimisiún iniúchtaí den sórt sin i gcomhréir leis na rialacha is infheidhme, go háirithe Airteagal 53(3) de Rialachán (AE) 2021/695 agus Airteagal 127 de Rialachán (AE, Euratom) 2018/1046.

1.   Déanfaidh an Coimisiún bearta iomchuí lena áirithiú, nuair a chuirtear gníomhaíochtaí a mhaoinítear faoin gCinneadh seo chun feidhme, go gcosnófar leasanna airgeadais an Aontais trí bhearta coisctheacha a chur i bhfeidhm i gcoinne na calaoise, an éillithe agus aon ghníomhaíochtaí neamhdhleathacha eile, trí sheiceálacha éifeachtacha a dhéanamh agus, má bhraitear neamhrialtachtaí, trí na méideanna a íoctar go mícheart a aisghabháil agus, i gcás inarb iomchuí, trí phionóis a ghearradh a bheidh éifeachtach, comhréireach agus athchomhairleach.

2.   Agus an Chomhpháirtíocht um Méadreolaíocht á cur chun feidhme, déanfaidh na Stáit Rannpháirteacha na bearta reachtacha, rialaitheacha, riaracháin agus eile is gá chun leasanna airgeadais an Aontais a chosaint, go háirithe chun aisghabháil iomlán aon mhéid atá dlite don Aontas i gcomhréir le Rialachán (AE, Euratom) 2018/1046 a áirithiú.

3.   Tabharfaidh EURAMET rochtain d’fhoireann an Choimisiúin agus do dhaoine eile atá údaraithe ag an gCoimisiún, chomh maith leis an gCúirt Iniúchóirí, ar a chuid láithreán agus áitreabh agus ar an bhfaisnéis go léir, lena n-áirítear faisnéis i bhformáid leictreonach, a theastóidh uathu chun a gcuid iniúchtaí a dhéanamh.

4.   Féadfaidh an Oifig Eorpach Frith-Chalaoise (OLAF) imscrúduithe a dhéanamh, lena n-áirítear seiceálacha agus cigireachtaí ar an láthair, i gcomhréir leis na forálacha agus na nósanna imeachta a leagtar síos i Rialachán (AE, Euratom) Uimh. 883/2013 ó Pharlaimint na hEorpa agus ón gComhairle (11) agus Rialachán (Euratom, CE) Uimh. 2185/96 ón gComhairle (12) d’fhonn a shuí ar tharla calaois, éilliú nó aon ghníomhaíocht neamhdhleathach eile a dhéanfadh difear do leasanna airgeadais an Aontais i ndáil le comhaontú, cinneadh nó conradh a chistítear faoin gCinneadh seo.

5.   Féadfaidh Oifig an Ionchúisitheora Phoiblí Eorpaigh (OIPE) imscrúduithe a dhéanamh i gcomhréir leis na forálacha agus na nósanna imeachta a leagtar síos i Rialachán (AE) 2017/1939 (13) ón gComhairle, d’fhonn imscrúdú a dhéanamh ar chionta coiriúla a dhéanann difear do leasanna airgeadais an Aontais mar a leagtar amach in Airteagal 4 den Rialachán sin.

6.   Gan dochar do mhíreanna 3, 4 agus 5, beidh forálacha sna comhaontuithe, sna cinntí agus sna conarthaí a eascróidh as an gCinneadh seo a chur chun feidhme, lena dtabharfar an chumhacht go sainráite don Choimisiún, do EURAMET, don Chúirt Iniúchóirí, do OIPE agus do OLAF na hiniúchtaí, seiceálacha ar an láthair agus cigireachtaí sin a dhéanamh i gcomhréir lena gcuid inniúlachtaí faoi seach.

1.   Áireofar na comhlachtaí seo a leanas ar a laghad leis na comhlachtaí lena rialaítear an Chomhpháirtíocht um Méadreolaíocht:

2.   Glacfaidh na comhlachtaí dá dtagraítear i mír 1 bearta iomchuí chun ballraíocht chothrom a lorg ó thaobh scileanna, taithí, eolais, éagsúlachta geografaí agus inscne.

1.   Bainisteoidh Coiste na Comhpháirtíochta um Méadreolaíocht an Chomhpháirtíocht um Méadreolaíocht ar bhealach trédhearcach, agus é á áirithiú go gcomhlíonann an Chomhpháirtíocht um Méadreolaíocht mar a fhorghníomhaítear í, a cuspóirí.

2.   Is iad a bheidh ar Choiste na Comhpháirtíochta um Méadreolaíocht ionadaí amháin agus ionadaí amháin malartach ó gach Stát Rannpháirteach. Déanfar na hualaí vótála a ríomh de bhun na ngealltanas ó gach Stát Rannpháirteach de réir fhréamh chearnach an ghealltanais.

3.   Déanfaidh Coiste na Comhpháirtíochta um Méadreolaíocht na nithe seo a leanas, go háirithe:

Chun críche cinntí a dhéanamh i gcomhréir le pointe (d) den chéad fhomhír den mhír seo, féadfar a áireamh sa chlár oibre bliantúil rialacha chun déileáil le tograí ex-aequo i gcomhréir le hAirteagal 28(3) de Rialachán (AE) 2021/695 agus clár oibre Fís Eorpach.

4.   Beidh stádas breathnóra ag an gCoimisiún i gcruinnithe Choiste na Comhpháirtíochta um Méadreolaíocht. Éileofar cead an Choimisiúin roimh ré, áfach, ar ghlacadh an chláir oibre bhliantúil ag Coiste na Comhpháirtíochta um Méadreolaíocht. Tabharfaidh Coiste na Comhpháirtíochta um Méadreolaíocht cuireadh don Choimisiún freastal ar a chruinnithe agus cuirfidh sé gach doiciméad ábhartha ar fáil don Choimisiún. Féadfaidh an Coimisiún páirt a ghlacadh i bplé Choiste na Comhpháirtíochta um Méadreolaíocht. Déanfar an clár oibre, liosta na rannpháirtithe agus na cinntí ó chruinnithe an Choiste Comhpháirtíochta um Méadreolaíocht a chur ar fáil go poiblí ar bhealach tráthúil ar shuíomh gréasáin EURAMET.

5.   Toghfaidh Coiste na Comhpháirtíochta um Méadreolaíocht a Chathaoirleach agus a Leas-Chathaoirleach de réir na n-ualaí vótála a leagtar amach i mír 2. Déanfaidh Cathaoirleach Choiste na Comhpháirtíochta um Méadreolaíocht ionadaíocht ar EURAMET in ábhair a bhaineann leis an gComhpháirtíocht um Méadreolaíocht.

1.   Cuirfidh an Coimisiún Grúpa Stiúrtha ar bun. Lorgóidh an Coimisiún ionadaíocht a bheidh cothrom ó thaobh geografaíochta agus inscne de i measc a chomhaltaí, chomh maith le cothromaíocht a bhaint amach ó thaobh na hinniúlachta agus an tsaineolais is gá. Comhlacht comhairleach leis an gComhpháirtíocht um Méadreolaíocht a bheidh sa Ghrúpa Stiúrtha agus tabharfaidh sé comhairle don Chomhpháirtíocht um Méadreolaíocht maidir leis na tosaíochtaí atá ag teacht chun cinn le haghaidh taighde méadreolaíochta ar an leibhéal Eorpach agus cé mar is féidir tionchar a chuid taighde ar thionscal, ar gheilleagar agus ar shochaí na hEorpa a mhéadú. Déanfaidh sé na nithe seo a leanas go háirithe:

2.   Is é a bheidh sa Ghrúpa Stiúrtha 15 chomhalta:

3.   Cuirfidh an Grúpa Stiúrtha comhairle neamhspleách ar fáil maidir leis na tosaíochtaí eolaíocha agus saincheisteanna ábhartha eile a dtabharfar aghaidh orthu i gclár oibre bliantúil na Comhpháirtíochta um Méadreolaíocht agus maidir le saincheisteanna sonracha freisin, mar a d’iarr Coiste na Comhpháirtíochta um Méadreolaíocht agus déanfaidh sé faireachán ar éachtaí eolaíocha in earnálacha cóngaracha.

4.   Déanfaidh 50 % de na comhaltaí, ar a laghad, dá dtagraítear i mír 2, pointí (a) agus (b) den Airteagal seo uainíocht i ndiaidh na meastóireachta eatramhaí dá dtagraítear in Airteagal 18(1) ar a dhéanaí.

5.   Beidh an Grúpa Stiúrtha faoi chomhchathaoirleacht na n-ionadaithe dá dtagraítear i mír 2, pointe (e).

6.   Cuirfear gach moladh a dhéanfaidh an Grúpa Stiúrtha ar fáil go poiblí.

1.   Coimeádfaidh Rúnaíocht EURAMET, a sholáthraíonn tacaíocht ghinearálta riaracháin do EURAMET, cuntais chuntasaíochta agus bhainc ar leithligh don Chomhpháirtíocht um Méadreolaíocht.

2.   Bunófar Aonad tacaíochta bainistíochta mar chuid de Rúnaíocht EURAMET agus beidh sé freagrach as an gComhpháirtíocht um Méadreolaíocht a chur chun feidhme agus a bhainistiú ó lá go lá.

3.   Tairgfidh an Rúnaíocht tacaíocht do na Stáit Rannpháirteacha a mhéid a bhaineann le critéir agus próisis an chur chuige chomhchuibhithe dá dtagraítear in Airteagal 5(5) a chur i bhfeidhm.

1.   Déanfaidh EURAMET, arna iarraidh sin ag an gCoimisiún, aon fhaisnéis is gá chun na meastóireachtaí dá dtagraítear in Airteagal 18 a ullmhú don Choimisiún.

2.   Cuirfidh na Stáit Rannpháirteacha, trí EURAMET, aon fhaisnéis a iarrann Parlaimint na hEorpa, an Chomhairle nó an Chúirt Iniúchóirí a bhaineann le bainistíocht airgeadais na Comhpháirtíochta um Méadreolaíocht faoi bhráid an Choimisiúin.

3.   Cuirfidh an Coimisiún an fhaisnéis dá dtagraítear i mír 2 den Airteagal seo san áireamh sna meastóireachtaí dá dtagraítear in Airteagal 18.

1.   Déanfaidh an Coimisiún meastóireacht eatramhach agus meastóireacht deiridh ar an gComhpháirtíocht um Méadreolaíocht faoi chuimsiú mheastóireachtaí Fís Eorpach, i gcomhréir le hAirteagal 52 de Rialachán (AE) 2021/695, le cúnamh ó shaineolaithe neamhspleácha seachtracha a roghnófar ar bhonn próiseas oscailte trédhearcach.

2.   Sna meastóireachtaí eatramhacha agus deiridh, déanfar scrúdú ar an gcaoi a gcomhlíonann an Chomhpháirtíocht um Méadreolaíocht a misean agus cuspóirí, cumhdófar gach gníomhaíocht dá cuid agus déanfar meastóireacht ar a breisluach Eorpach, a héifeachtacht, ar a héifeachtúlacht, lena n-áirítear a hoscailteacht agus a trédhearcacht, ar ábharthacht na ngníomhaíochtaí a shaothraítear, lena n-áirítear sa tionscal agus ag FBManna, agus a gcomhsheasmhacht agus a gcomhlántacht le beartais ábhartha réigiúnacha, náisiúnta agus de chuid an Aontais, lena n-áirítear sineirgí le codanna eile de Fís Eorpach, amhail comhpháirtíochtaí eile, misin, braislí nó cláir théamacha nó shonracha. Cuirfear san áireamh sna meastóireachtaí tuairimí na ngeallsealbhóirí, ar an leibhéal Eorpach agus ar an leibhéal náisiúnta araon, agus i gcás inarb ábhartha, cuirfear san áireamh iontu freisin measúnú ar thionchair fhadtéarmacha eolaíochta, sochaíocha, eacnamaíocha, comhshaoil agus teicneolaíochtaí na dtionscnamh roimhe sin, mar aon le meastóireacht ar rannpháirtíocht comhpháirtithe seachtracha, mar aon le meastóireacht ar rannpháirtíocht comhpháirtithe seachtracha. Áireofar leo, i gcás inarb ábhartha, measúnú ar an modh idirghabhála beartais is éifeachtaí le haghaidh aon ghnímh sa todhchaí, chomh maith le hábharthacht agus comhleanúnachas aon athnuachan a fhéadfar a dhéanamh ar an gComhpháirtíocht um Méadreolaíocht, i bhfianaise na dtosaíochtaí beartais foriomlán agus an tírdhreach tacaíochta taighde agus nuálaíochta, lena n-áirítear an suíomh i gcomparáid le tionscnaimh eile a dtacaítear leo trí Fís Eorpach. Le linn dó na meastóireachtaí sin a dhéanamh, déanfaidh an Coimisiún an tionchar riaracháin ar an gComhpháirtíocht um Méadreolaíocht a bhreithniú go hiomlán agus déanfaidh sé a dhícheall an t-ualach riaracháin a laghdú agus a áirithiú go gcoinnítear an próiseas meastóireachta simplí agus lán-trédhearcach.

3.   Foilseoidh an Coimisiún torthaí agus conclúidí na meastóireachtaí a dhéantar faoin Airteagal seo agus scaipfidh sé iad.

1.   Tabharfaidh EURAMET rochtain don Choimisiún ar an bhfaisnéis go léir a bhaineann leis na gníomhaíochtaí indíreacha a chistíonn sé. Áireofar san fhaisnéis sin torthaí na dtairbhithe a bheidh rannpháirteach i ngníomhaíochtaí indíreacha na Comhpháirtíochta um Méadreolaíocht nó aon fhaisnéis eile a mheastar is gá chun beartais nó cláir an Aontais a fhorbairt, a chur chun feidhme, a fhaire agus a mheas. Tá cearta rochtana den sórt sin teoranta d’úsáid neamhthráchtála agus neamhiomaíoch agus comhlíonfaidh siad na rialacha rúndachta is infheidhme.

2.   Cuirfidh EURAMET isteach faisnéis maidir le tograí cistithe na Comhpháirtíochta um Méadreolaíocht sa bhunachar sonraí arna bhunú de bhun Airteagal 50 de Rialachán (AE) 2021/695.

3.   Chun críocha beartais nó cláir an Aontais a fhorbairt, a chur chun feidhme, agus faireachán agus meastóireacht a dhéanamh orthu, soláthróidh EURAMET faisnéis don Choimisiún a áirítear i dtograí a chuirtear isteach.

1.   Déanfaidh EURAMET, a chomhlachtaí agus a fhoireann, agus comhlachtaí na Comhpháirtíochta um Méadreolaíocht, na bearta iomchuí chun aon choinbhleacht leasa i gcur chun feidhme a ngníomhaíochtaí a chosc agus áiritheoidh sé nach ndéanfaidh duine a bhfuil coinbhleacht leasa den sórt sin os a chomhair nó os a comhair cinneadh, comhairle ná cúnamh a thabhairt maidir leis an ábhar sonrach a ndearnadh an choinbhleacht leasa shonrach difear dó.

2.   Glacfaidh EURAMET rialacha lena ndéanfar coinbhleachtaí leasa i leith fhoireann EURAMET, comhaltaí agus daoine eile a fhreastalaíonn ar Choiste na Comhpháirtíochta um Méadreolaíocht agus comhlachtaí nó grúpaí eile de chuid EURAMET agus na Comhpháirtíochta um Méadreolaíocht, a chosc, a sheachaint agus a bhainistiú, i gcomhréir le hAirteagal 61 de Rialachán (AE, Euratom) 2018/1046.

3.   Bunóidh EURAMET cód iompair do chomhaltaí Choiste na Comhpháirtíochta um Méadreolaíocht, i bhfianaise phoiblíocht na ndearbhuithe maidir le gníomhaíochtaí gairmiúla, leasanna airgeadais agus coinbhleachtaí leasa i gcomhréir leis na rialacha maidir le cosanta sonraí.