1.   Is é a bheidh sa Chomhchoiste ionadaithe de chuid Dhaon-Phoblacht na Síne (‘an tSín’) de pháirt, agus ionadaithe de chuid an Aontais Eorpaigh, den pháirt eile.

2.   Beidh ionadaithe de chuid na Síne agus an Aontais Eorpaigh ina gcomhchathaoirligh ar an gComhchoiste.

3.   Féadfaidh gach comhchathaoirleach feidhmeanna uile an chomhchathaoirligh nó aon cheann díobh a tharmligean chuig ionadaí ainmnithe, agus sa chás sin, beidh an fheidhm chéanna ag na tagairtí uile don chomhchathaoirleach anseo feasta maidir leis an ionadaí ainmnithe.

4.   Ainmneoidh gach comhchathaoirleach teagmhálaí maidir leis na hábhair uile a bhaineann leis an gComhchoiste. Beidh na teagmhálaithe sin freagrach go comhpháirteach as dualgais rúnaíochta an Chomhchoiste.

1.   Cuirfear comhfhreagras le comhchathaoirligh an Chomhchoiste ar aghaidh chuig na teagmhálaithe lena ndáileadh ar chomhaltaí an Chomhchoiste.

2.   Féadfaidh comhfhreagras le comhchathaoirligh an Chomhchoiste a bheith in aon fhoirm scríofa, lena n-áirítear i bhfoirm ríomhphoist.

1.   Déanfaidh na teagmhálaithe clár oibre sealadach a tharraingt suas roimh gach cruinniú den Chomhchoiste. Cuirfear ar aghaidh é, i dteannta na ndoiciméad ábhartha, chuig comhaltaí an Chomhchoiste, lena n-áirítear comhchathaoirligh an Chomhchoiste, tráth nach déanaí ná 15 lá roimh an gcruinniú. Féadfar aon mhír a chumhdaítear le hAirteagail 10 agus 11 den Chomhaontú a áireamh ar an gclár oibre sealadach.

2.   Féadfaidh ceachtar den dá Pháirtí a iarraidh, 21 lá ar a laghad roimh an gcruinniú, go n-áireofar míreannaa chumhdaítear le hAirteagail 10 agus 11 den Chomhaontú ar an gclár oibre sealadach. Áireofar na míreanna sin ar an gclár oibre sealadach.

3.   Scaipfear leagan críochnaitheach den chlár oibre sealadach ar na comhchathaoirligh ar a laghad 5 lá roimh an gcruinniú.

4.   Glacfaidh na comhchathaoirligh an clár oibre d’aon toill ag tús gach cruinnithe. Féadfar aon mhír eile seachas na míreanna atá ar an gclár oibre sealadach a chur leis an gclár oibre, má chomhaontaíonn na comhchathaoirligh amhlaidh.

1.   Glacfaidh an Comhchoiste a chinntí de chomhthoil, dá bhforáiltear in Airteagal 10(2) den Chomhaontú.

2.   Beidh sínithe na gcomhchathaoirleach lecinntí an Chomhchoiste. Déanfar foráil i ngach cinneadh maidir le dáta a theacht i bhfeidhm.

3.   I gcinntí a ghlacfaidh an Comhchoiste beidh an dáta glactha agus tuairisc ar a n-ábhar.

1.   Féadfar cinneadh ón gComhchoiste a ghlacadh trí nós imeachta i scríbhinn i gcás ina gcomhaontaíonn an dá Pháirtí amhlaidh. Is é a bheidh sa nós imeachta i scríbhinn malartú nótaí idir comhchathaoirligh an Chomhchoiste.

2.   Déanfaidh comhchathaoirleach an Pháirtí a mholann úsáid an nós imeachta i scríbhinn an dréachtchinneadh a chur faoi bhráid chomhchathaoirleach an Pháirtí eile, agus tabharfaidh an comhchathaoirleach sin freagra air, agus cuirfidh sé in iúl an nglacann sé leis an dréachtchinneadh nó nach nglacann. Féadfaidh comhchathaoirleach an Pháirtí eile leasuithe a mholadh nó tuilleadh ama a iarraidh chun machnamh a dhéanamh. Má chomhaontaítear an dréacht-chinneadh, glacfar é i gcomhréir le hAirteagal 6.

1.   Déanfaidh teagmhálaí an Pháirtí is óstach an Chomhchoiste na dréacht-mhiontuairiscí ar gach cruinniú a tharraingt suas laistigh de 21 lá tar éis an chruinnithe. Sna dréacht-mhiontuairiscí, luafar na moltaí agus na cinntí a glacadh agus déanfar nóta d’aon chonclúid eile ar thángthas uirthi.

2.   Formheasfaidh an dá Pháirtí na miontuairiscí i scríbhinn laistigh de 28 lá ó bhí an cruinniú ann nó faoi dháta ar bith eile a chomhaontóidh ag na Páirtithe. Nuair a bheidh siad formheasta, síneoidh na comhchathaoirligh dhá chóip bhunaidh. Coimeádfaidh gach comhchathaoirleach cóip bhunaidh de na miontuairiscí.

1.   Seasfaidh gach Páirtí na costais a thabhóidh sé de thoradh é a bheith rannpháirteach i gcruinnithe an Chomhchoiste.

2.   Is é an Páirtí a bheidh ina óstach ar an gcruinniú a sheasfaidh an speansais i ndáil le cruinnithe a eagrú agus doiciméid a atáirgeadh.

1.   Mura gcinnfidh na comhchathaoirligh a mhalairt, ní bheidh cruinnithe an Chomhchoiste poiblí.

2.   Nuair a chuireann Páirtí faoi bhráid an Chomhchoiste faisnéis a mheastar a bheith faoi rún faoina chuid dlíthe agus rialachán, caithfidh an Páirtí eile leis an bhfaisnéis sin amhail agus go bhfuil sí faoi rún.

3.   Gan dochar d’alt 2 thuasluaite, féadfaidh gach Páirtí cinneadh a dhéanamh maidir le cinntí agus moltaí an Chomhchoiste a fhoilsiú ina fhoilseachán oifigiúil féin.