EUR-Lex Access to European Union law
This document is an excerpt from the EUR-Lex website
Document 32023D1012
Council Decision (EU) 2023/1012 of 15 May 2023 authorising the opening of negotiations with the Republic of Peru for an agreement between the European Union and the Republic of Peru on the exchange of personal data between the European Union Agency for Law Enforcement Cooperation (Europol) and the Peruvian authorities competent for fighting serious crime and terrorism
Cinneadh (AE) 2023/1012 ón gComhairle an 15 Bealtaine 2023 lena n-údaraítear tús a chur le caibidlíocht le Poblacht Pheiriú le haghaidh comhaontú idir an tAontas Eorpach agus Poblacht Pheiriú maidir le sonraí pearsanta a mhalartú idir Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus údaráis Phoblacht Pheiriú atá inniúil chun coireacht thromchúiseach agus sceimhlitheoireacht a chomhrac
Cinneadh (AE) 2023/1012 ón gComhairle an 15 Bealtaine 2023 lena n-údaraítear tús a chur le caibidlíocht le Poblacht Pheiriú le haghaidh comhaontú idir an tAontas Eorpach agus Poblacht Pheiriú maidir le sonraí pearsanta a mhalartú idir Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus údaráis Phoblacht Pheiriú atá inniúil chun coireacht thromchúiseach agus sceimhlitheoireacht a chomhrac
ST/8527/2023/INIT
IO L 136, 24.5.2023, p. 67–68
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
24.5.2023 |
GA |
Iris Oifigiúil an Aontais Eorpaigh |
L 136/67 |
CINNEADH (AE) 2023/1012 ÓN gCOMHAIRLE
an 15 Bealtaine 2023
lena n-údaraítear tús a chur le caibidlíocht le Poblacht Pheiriú le haghaidh comhaontú idir an tAontas Eorpach agus Poblacht Pheiriú maidir le sonraí pearsanta a mhalartú idir Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus údaráis Phoblacht Pheiriú atá inniúil chun coireacht thromchúiseach agus sceimhlitheoireacht a chomhrac
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh (CFAE), agus go háirithe Airteagail 16(2) agus 88, i gcomhar le hAirteagal 218(3) agus (4) de,
Ag féachaint don mholadh ón gCoimisiún Eorpach,
De bharr an mhéid seo a leanas:
(1) |
Rialachán (AE) 2016/794 ó Pharlaimint na hEorpa agus ón gComhairle (1), glacadh é an 11 Bealtaine 2016, tá sé infheidhme ón 1 Bealtaine 2017 agus leasaíodh é le Rialachán (AE) 2022/991 ó Pharlaimint na hEorpa agus ón gComhairle (2). |
(2) |
Maidir le forálacha Rialachán (AE) 2016/794, go háirithe na forálacha a bhaineann le haistriú sonraí pearsanta ó Ghníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) chuig tríú tíortha agus eagraíochtaí idirnáisiúnta, déantar foráil leo go bhféadfaidh Europol sonraí pearsanta a aistriú chuig údarás tríú tír ar bhonn comhaontú idirnáisiúnta arna thabhairt i gcrích idir an tAontas Eorpach agus an tríú tír sin de bhun Airteagal 218 den Chonradh ar Fheidhmiú an Aontais Eorpaigh (CFAE) lena dtugtar ar aird coimircí leordhóthanacha i dtaobh príobháideachas agus cearta agus saoirsí bunúsacha daoine aonair a chosaint. |
(3) |
Ba cheart tús a chur le caibidlíocht d’fhonn comhaontú idir an tAontas Eorpach agus Poblacht Pheiriú a thabhairt i gcrích, comhaontú maidir le sonraí pearsanta a mhalartú idir Europol agus údaráis Phoblacht Pheiriú atá inniúil chun coireacht thromchúiseach agus sceimhlitheoireacht a chomhrac (‘an Comhaontú’). |
(4) |
Mar a luaitear in Aithris 35 de Rialachán (AE) 2016/794, ba cheart don Choimisiún a bheith in ann dul i gcomhairle leis an Maoirseoir Eorpach ar Chosaint Sonraí (MECS) i rith na caibidlíochta le haghaidh an Chomhaontaithe, agus in aon chás sula dtabharfar an Comhaontú i gcrích. |
(5) |
Leis an gComhaontú ba cheart na cearta bunúsacha a urramú, agus na prionsabail a aithnítear i gCairt um Chearta Bunúsacha an Aontais Eorpaigh (‘an Chairt’) a chomhlíonadh, go háirithe an ceart chun saoil phríobháidigh agus saoil teaghlaigh, ceart a aithnítear in Airteagal 7 den Chairt, an ceart go ndéanfar sonraí pearsanta a chosaint, ceart a aithnítear in Airteagal 8 den Chairt, agus an ceart chun leighis éifeachtaigh agus chun trialach cothroime, ceart a aithnítear in Airteagal 47 den Chairt. Ba cheart an Comhaontú a chur i bhfeidhm i gcomhréir leis na cearta agus na prionsabail sin. |
(6) |
Níor cheart don Chomhaontú difear a dhéanamh d’aistriú sonraí pearsanta ná do chineálacha eile comhair idir na húdaráis atá freagrach as an tslándáil náisiúnta a chosaint, agus ba cheart dó a bheith gan dochar don aistriú sin. |
(7) |
Tá Éire faoi cheangal ag Rialachán (AE) 2016/794 agus tá sí, dá bhrí sin, rannpháirteach i nglacadh an Chinnidh seo. |
(8) |
I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, atá i gceangal le CFAE agus leis an gConradh ar Fheidhmiú an Aontais Eorpaigh, níl an Danmhairg rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm. |
(9) |
Chuathas i gcomhairle le MECS maidir leis an gCinneadh seo agus maidir leis an Aguisín a ghabhann leis, agus d’eisigh sé tuairim an 3 Bealtaine 2023, |
TAR ÉIS AN CINNEADH SEO A GHLACADH:
Airteagal 1
1. Leis seo, údaraítear don Choimisiún tús a chur le caibidlíocht le Poblacht Pheiriú le haghaidh comhaontú idir an tAontas Eorpach agus Poblacht Pheiriú, maidir le sonraí pearsanta a mhalartú idir Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus údaráis Phoblacht Pheiriú atá inniúil chun coireacht thromchúiseach agus sceimhlitheoireacht a chomhrac.
2. Seolfar an chaibidlíocht ar bhonn ar bhonn na dtreoracha caibidlíochta ón gComhairle a leagtar amach san aguisín a ghabhann leis an gCinneadh seo.
Airteagal 2
Déantar an Coimisiún a ainmniú leis seo mar idirbheartaí an Aontais.
Airteagal 3
1. Seolfar an chaibidlíocht dá dtagraítear in Airteagal 1 i gcomhairle leis an Meitheal um Fhorfheidhmiú an Dlí – Póilíní (LEWP-Póilíní), faoi réir aon treoir a d’fhéadfadh an Chomhairle a eisiúint ina dhiaidh sin don Choimisiún.
2. Tuairisceoidh an Coimisiún don Chomhairle maidir le seoladh agus toradh na caibidlíochta ar bhonn rialta agus aon uair a iarrfaidh an Chomhairle air, agus cuirfidh sé na doiciméid ábhartha ar aghaidh chuig an gComhairle a luaithe is féidir chun go mbeidh tréimhse ama réasúnta ag comhaltaí de chuid na Comhairle chun iad féin a ullmhú i gceart le haghaidh na caibidlíochta a bheidh ann amach anseo.
I gcás inarb iomchuí, nó arna iarraidh sin don Chomhairle, cuirfidh an Coimisiún tuarascáil i scríbhinn ar fáil.
Airteagal 4
Dírítear an Cinneadh seo chuig an gCoimisiún.
Arna dhéanamh sa Bhruiséil, an 15 Bealtaine 2023.
Thar ceann na Comhairle
An tUachtarán
J. FORSSMED
(1) Rialachán (AE) 2016/794 ó Pharlaimint na hEorpa agus ón gComhairle an 11 Bealtaine 2016 maidir le Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus lena n-aisghairtear Cinntí 2009/371/CGB, 2009/934/CGB, 2009/935/CGB, 2009/936/CGB agus 2009/968/CGB ón gComhairle agus a ghabhann ionad na gCinntí sin (IO L 135, 24.5.2016, lch. 53).
(2) Rialachán (AE) 2022/991 ó Pharlaimint na hEorpa agus ón gComhairle an 8 Meitheamh 2022 lena leasaítear Rialachán (AE) 2016/794, a mhéid a bhaineann le comhar Europol le páirtithe príobháideacha, an phróiseáil a dhéanann Europol ar shonraí pearsanta chun tacú le himscrúduithe coiriúla, agus ról Europol maidir le taighde agus nuálaíocht (IO L 169, 27.6.2022, lch. 1).