(1)

Substaintí atá gníomhach ó thaobh na cógaseolaíochta de a bheartaítear a úsáid san Aontas i dtáirgí íocshláinte tréidliachta le haghaidh bia-ainmhithe, sin nó i dtáirgí bithicídeacha a úsáidtear i bhfeirmeoireacht ainmhithe, is éard a cheanglaítear in Airteagal 17 de Rialachán (CE) Uimh. 470/2009 an uasteorainn iarmhar (“MRL”) sna substaintí sin a bhunú.

(2)

Is i dTábla 1 den Iarscríbhinn a ghabhann le Rialachán (AE) Uimh. 37/2010 ón gCoimisiún (2) a leagtar amach na substaintí atá gníomhach ó thaobh na cógaseolaíochta de mar aon le haicmiú na substaintí sin maidir le MRLanna i mbia-ábhair de bhunadh ainmhíoch.

(3)

Ní áirítear an tsubstaint imíodaclóiprid ar an liosta sin.

(4)

Tá iarratas curtha faoi bhráid na Gníomhaireachta Leigheasra Eorpaí (an “Ghníomhaireacht”) chun MRL na himíodaclóipride i Salmonidae a bhunú.

(5)

Ar bhonn na tuairime ón gCoiste um Tháirgí Íocshláinte le haghaidh Úsáide Tréidliachta, tá sé molta ag an nGníomhaireacht MRL na himíodaclóipride i Salmonidae a bhunú a bheidh feidhm aige maidir le matáin agus craiceann i gcoibhneasa nádúrtha.

(6)

De réir Airteagal 5 de Rialachán (CE) Uimh. 470/2009, tá an Ghníomhaireacht chun úsáid uasteorannacha na n-iarmhar a bunaíodh i gcás substaint atá gníomhach ó thaobh na cógaseolaíochta de i mbia-ábhar áirithe le haghaidh bia-ábhar eile a eascraíonn ón speiceas céanna a mheas, nó MRLanna a bunaíodh i gcás substaint atá gníomhach ó thaobh na cógaseolaíochta de i speiceas amháin nó i níos mó ná speiceas amháin i speiceas eile.

(7)

Measann an Ghníomhaireacht gurb iomchuí na MRLanna imíodaclóipride le haghaidh Salmonidae a úsáid i gcás gach éisc eite.

(8)

I bhfianaise na tuairime ón nGníomhaireacht, an MRL a mholtar le haghaidh iasc eite, is iomchuí é a bhunú.

(9)

Dá bhrí sin, ba cheart Rialachán (AE) Uimh. 37/2010 a leasú dá réir.

(10)

Na bearta dá bhforáiltear sa Rialachán seo, tá siad i gcomhréir leis an tuairim ón mBuanchoiste um Tháirgí Íocshláinte Tréidliachta,