EUR-Lex Access to European Union law
This document is an excerpt from the EUR-Lex website
Document 32006D0258
2006/258/EC: Commission Decision of 6 March 2006 repealing Decision 2002/683/EC accepting an undertaking offered in connection with the anti-dumping proceeding concerning imports of colour television receivers originating, inter alia , in the People’s Republic of China
Deċiżjoni tal-Kummissjoni tas- 6 ta' Marzu 2006 li tirrevoka d-Deċiżjoni tal-Kummissjoni 2002/683/KE li taċċetta impenn offrut b'konnessjoni mal-proċediment li jikkonċerna l-importazzjonijiet tar- receivers tat-televixin li joriġinaw, inter alia , fir-Repubblika tal-Poplu taċ-Ċina
Deċiżjoni tal-Kummissjoni tas- 6 ta' Marzu 2006 li tirrevoka d-Deċiżjoni tal-Kummissjoni 2002/683/KE li taċċetta impenn offrut b'konnessjoni mal-proċediment li jikkonċerna l-importazzjonijiet tar- receivers tat-televixin li joriġinaw, inter alia , fir-Repubblika tal-Poplu taċ-Ċina
ĠU L 93, 31/03/2006, p. 63–64
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 118M, 08/05/2007, p. 535–536
(MT)
No longer in force, Date of end of validity: 30/08/2007
8.5.2007 |
MT |
Il-Ġurnal Uffiċjali ta’ l-Unjoni Ewropea |
535 |
DEĊIŻJONI TAL-KUMMISSJONI
tas-6 ta' Marzu 2006
li tirrevoka d-Deċiżjoni tal-Kummissjoni 2002/683/KE li taċċetta impenn offrut b'konnessjoni mal-proċediment li jikkonċerna l-importazzjonijiet tar-receivers tat-televixin li joriġinaw, inter alia, fir-Repubblika tal-Poplu taċ-Ċina
(2006/258/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 384/96 tat-22 ta' Diċembru 1995 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea (1) (“ir-Regolament bażiku”), u b'mod partikulari l-Artikolu 8 tiegħu,
Wara li kkonsultat il-Kumitat Konsultattiv,
Billi:
A. PROĊEDURA PREĊEDENTI
(1) |
F'Awissu 2002, permezz tar-Regolament (KE) Nru 1531/2002 (2), il-Kunsill impona dazju anti-dumping definittiv fuq l-importazzjonijiet tar-receivers tat-televixin (“il-prodott ikkonċernat”) li joriġinaw, inter alia, fir-Repubblika tal-Poplu taċ-Ċina (“ir-RPĊ”). |
(2) |
Fl-istess waqt, il-Kummissjoni, permezz tad-Deċiżjoni 2002/683/KE (3), aċċettat impenn konġunt (“l-impenn”) mill-Haier Electrical Appliances Corp., Ltd, il-Hisense Import & Export Co., Ltd, il-Konka Group Co., Ltd, is-Sichuan Changhong Electric Co., Ltd, l-iSkyworth Multimedia International (Shenzen) Co., Ltd, it-TCL King Electrical Appliances (Hui Zhou) Co., Ltd u x-Xiamen Overseas Chinese Electronic Co., Ltd (“il-Kumpaniji”), flimkien mal-Kamra tal-Kummerċ taċ-Ċina għall-Importazzjoni u l-Esportazzjoni ta' Prodotti Makkinarji u Elettroniċi (“is-CCCME”). |
(3) |
Bħala riżultat, importazzjonijiet fil-Komunità tal-prodott ikkonċernat li għandu l-oriġini tiegħu fir-RPĊ, immanifatturat mill-Kumpaniji, u ta' tip kopert mill-impenn (“il-prodott kopert bl-impenn”), kienu eżentati mid-dazji anti-dumping definittivi. |
B. KSUR TA' L-IMPENN
1. Obbligi tal-kumpaniji b'impenji
(4) |
L-impenn offrut mill-Kumpaniji jobbligahom li, inter alia, jesportaw il-prodott kopert bl-impenn lill-ewwel klijent indipendenti fil-Komunità b'livelli jew b'livelli ogħla ta' ċertu prezz minimu ta' importazzjoni (“l-MIPs”) u biex ikunu rrispettati ċerti limiti stabbiliti fl-impenn. Dawn il-livelli ta' prezzijiet u l-limiti jeliminaw l-effetti ta' ħsara tad-dumping. |
(5) |
Għall-għanijiet li jiżguraw il-konformità ma' l-impenn, is-CCCME u l-Kumpaniji qablu wkoll li jipprovdu kull tagħrif meqjus bħala meħtieġ mill-Kummissjoni u li jippermettu żjarat ta' verifika fil-bini tagħhom biex ikunu possibbli verifiki ta' l-eżattezza u l-veraċità tad-data sottomessa fl-imsemmija rapporti ta' kull tliet xhur. |
(6) |
Kif innotat fil-premessa 239 tar-Regolament (KE) Nru 1531/2002, l-impenn speċifikament jipprovdi li ksur minn xi waħda mill-Kumpaniji jew mis-CCCME għandu jkun ikkunsidrat bħala ksur ta' l-impenn mill-firmatarji kollha. Nuqqas ta' kooperazzjoni mal-Kummissjoni Ewropea fl-immonitorjar ta' l-impenn hu kkunsidrat bħala ksur ta' l-impenn. |
(7) |
F'dan ir-rigward, il-Kummissjoni talbet biex tagħmel żjarat ta' verifika fuq il-post fil-bini tas-CCCME u taż-żewġ kumpaniji li huma rrapportati li għandhom l-akbar volum ta' bejgħ tal-prodott ikkonċernat, prinċipalment ix-Xiamen Overseas Chinese Electronic Co., Ltd u l-Konka Group Co., Ltd. Il-Kummissjoni bagħtet ittri ta' pre-verifika, lix-Xiamen Overseas Chinese Electronic Co., Ltd u l-Konka Group Co., Ltd b'indikazzjonijiet tad-dati għall-verifika fuq il-post. |
2. Riżultati tal-verifika rikjesta
(8) |
Is-CCCME u x-Xiamen Overseas Chinese Electronic Co., Ltd ikkonfermaw l-aċċettazzjoni taż-żjara ta' verifika rikjesta mill-Kummissjoni. Madankollu, il-Konka Group Co., Ltd irrifjuta li jaċċetta ż-żjara ta' verifika. |
(9) |
Il-kumpanija kienet mitluba tikkjarifika jekk din kinitx il-pożizzjoni finali tagħha u kienet imfakkra li skond il-Klawsola 5.6 ta' l-impenn, il-Kumpaniji impenjaw ruħhom li jikkooperaw billi jipprovdu l-informazzjoni kollha meqjusa neċessarja mill-Kummissjoni Ewropea sabiex tkun assigurata l-konformità ma' l-impenn konġunt u biex jippermettu l-uffiċjali tal-Kummissjoni Ewropea jivverifikaw l-informazzjoni u d-data kollha pprovduta. Din tinkludi l-possibbiltà li dawn l-uffiċjali jwettqu investigazzjonijiet fuq il-post fil-bini tal-Kumpaniji u/jew is-CCCME, anki b'avviz fl-aħħar minuta. |
(10) |
Permezz ta' ittra, il-kumpanija Konka Group Co., Ltd, ikkonfermat li ma kellhomx interess li jikkooperaw u din il-pożizzjoni meħuda mill-kumpanija kienet barra minn dan ikkonfermata mis-CCCME. |
(11) |
B'hekk, is-CCCME u l-Kumpaniji kienu informati bil-fatti essenzjali u l-kunsiderazzjonijiet li abbażi tagħhom kien intenzjonat li tkun irtirata mill-Kummissjoni l-aċċettazzjoni ta' l-impenn, minħabba l-ksur ta' l-impenn mill-Konka Group Co., Ltd, u li d-dazju anti-dumping definittiv ikun impost minflokha. Ingħata perjodu li fih jistgħu jsiru appelli kemm bil-miktub kif ukoll bil-fomm. Ebda kummenti ma kienu mibgħuta. |
C. REVOKA TAD-DEĊIŻJONI 2002/683/KE
(12) |
Fid-dawl ta' dak li ntqal hawn fuq, hu kkunsidrat li l-aċċettazzjoni ta' l-impenn offrut mill-Kumpaniji flimkien mas-CCCME, għandha tkun irtirata. Id-Deċiżjoni tal-Kummissjoni 2002/683/KE li taċċetta impenn għandha tkun revokata. |
(13) |
Fl-istess waqt mad-Deċiżjoni, il-Kunsill, permezz tar-Regolament (KE) Nru 511/2006 (4), emendat ir-Regolament (KE) Nru 1531/2002 sabiex jimponi dazju anti-dumping definittiv fuq l-importazzjonijiet esportati lill-Komunità mill-kumpaniji li għandhom x'jaqsmu mar-receivers tat-televixins tal-kulur, |
IDDEĊIDIET KIF ĠEJ:
Artikolu 1
Id-Deċiżjoni tal-Kummissjoni 2002/683/KE hi revokata.
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha fil-Ġurnal Uffiċjali ta' l-Unjoni Ewropea.
Magħmul fi Brussell, is-6 ta' Marzu 2006.
Għall-Kummissjoni
Peter MANDELSON
Membru tal-Kummissjoni
(1) ĠU L 56, 6.3.1996, p. 1. Regolament kif l-aħħar emendat bir-Regolament (KE) Nru 2117/2005 (ĠU L 340, 23.12.2005, p. 17).
(2) ĠU L 231, 29.8.2002, p. 1.
(3) ĠU L 231, 29.8.2002, p. 42.
(4) Ara paġna 26 ta' dan il-Ġurnal Uffiċjali.